ပဲကြီးအသစ်များ မုံရွာကုန်စည်ဒိုင်သို့ဝင်ပြီ            စစ်ကိုင်းတိုင်းဒေသကြီးအတွင်း ဆောင်းသီးနံှများ စတင်ထွက်ပေါ်နေပြီ ဖြစ်လို့ မုံရွာမြို့နယ် သာစည်ကျေးရွာမှ ပဲကြီးတင်း ၂ဝ-၂၅ ခန့် မုံရွာကုန်စည်ဒိုင်သို့ ဝင်ရောက်လာပြီဖြစ်ပါတယ်။ ဒေသတွင်းစားသုံးမှုနဲ့ ပဲလှော်ဖိုလုပ်ငန်း များရဲ့ နေ့စဉ်ပဲကြီးတင်း ၁ဝဝ ခန့်လိုအပ်ကြောင်း ကုန်စည်ဒိုင်သတင်းရပ်ကွက်က သိရှိရပါတယ်။ မုံရွာကုန်စည်ဒိုင်ရဲ့ ၂ဝ၁၁ ခု ဖေဖော်ဝါရီလအတွင်း ပဲကြီးတစ်ပိဿာ ပေါက်ဈေး အနိမ့်အမြင့်မှာ ၉၄၇ ကျပ်၊ ၁ဝဝဝ ကျပ်၊ ယခင် ကာလတူဈေးမှာ ၁၁ဝ၅ ကျပ်၊ ၁၂၈၉ ကျပ် ဈေးအသီးသီးနဲ့ ရောင်းဝယ်ခဲ့ကြပါတယ်။ ယခုအပတ် အတွင်း မုံရွာမြို့မှ ရန်ကုန်သို့ ပဲကြီးတင်း ၂၄ဝ ခန့် စီးထွက်ခဲ့ကြောင်း စစ်ကိုင်းတိုင်း ဒေသကြီးအထွက် ပဲတိုးဂိတ်စာရင်းအရ သိရှိခဲ့ရပါတယ်။             သန်းးသန်းးတင် 

မြင်းခြံထောပတ်ပဲ အရည်အသွေးကောင်းကောင်းရောင်းရဖို့ လက်ရွေးနဲ့ ပြန်ရွေးချယ်                 မြင်းခြံကုန်စည်ဒိုင်မှာ အရောင်းအဝယ်သွက်နေတာကတော့ ထောပတ်ပဲပါ။ ထောပတ်ပဲပေါက်ဈေးက တစ်ပိဿာကို ၉၈ဝ ကျပ်ဈေးပေါက်နေတယ် လို့ သိရပါတယ်။ ထောပတ်ပဲကို မြင်းခြံ၊ ရေစကြိုဘက်တွေမှာ စိုက်ပိုျးကြပြီး၊ အထွက်ကောင်း၊ အလုံးလဲလှတယ်လို့ သိရပါတယ်။ မန္တလေးတိုင်းက တစ်နိုင်ငံ လုံးမှာ စိုက်ဧကအများဆုံး စိုက်ပျိုးတာဖြစ်ပြီး၊ မြင်းခြံကို အခြေစိုက်ပြီး ထောပတ် ပဲဈေးကွက်ဖြစ်တာတွေ့ရပါတယ်။ ဂျပန်ဈေးကွက်အတွက် အရည်အသွေး ကောင်းအောင် လက်ရွေးနဲ့ ပြန်ရွေးချယ်တင်ပို့နေတယ်လို့ သိရပါတယ်။                                  မျိုးသူ 

အဝင်လှိုင်၊ အထွက်လှိုင်လာတဲ့ စစ်ကိုင်းကကုလားပဲ               စစ်ကိုင်းတိုင်းဒေသကြီးအတွင်းမှာ ၂ဝ၁ဝ-၁၁ ခုနှစ် ဆောင်းသီးနံှ ကုလားပဲ လျာထားစိုက်ဧကထက် ကျော်လွန်ပြီး ၁ဝ၂ ရာခိုင်နှုန်းစိုက်ပျိုးခဲ့ပါတယ်။ မုံရွာ ခရိုင်၊ ရွှေဘိုခရိုင်၊ စစ်ကိုင်းခရိုင်များမှာ ကုလားပဲအသစ်များ ထွက်ပေါ်နေပြီး၊ မုံရွာမြို့သို့ လှိုင်လှိုင်ဝင်ရောက်နေပြီဖြစ်ပါတယ်။ ရန်ကုန်၊ မန္တလေးနဲ့ လှောင်လက် သမားများ အဝယ်များလို့ အရောင်းအဝယ်သွက်လာကြောင်း ကုန်သည်တစ်ဦးမှ ပြောပါတယ်။ မုံရွာကုန်စည်ဒိုင်မှာ ယခုအပတ်အတွင်း ကုလားပဲဖြူလုံးကြီး တစ်ရက်ကို ပျမ်းမျှတင်း ၁၂ဝဝ ကျော် အရောင်းအဝယ်ဖြစ်ပြီး၊ ဖေဖော်ဝါရီလ ၁၅ ရက်အတွင်း တိုင်းဒေသကြီးအတွင်းမှ မန္တလေးမြို့သို့ တင်း ၃၃ဝဝ ကျော်စီးထွက် ခဲ့ပါတယ်။ မုံရွာကုန်စည်ဒိုင်မှာ ၂ဝ၁၁ ခု ဖေဖော်ဝါရီ ၁၅ ရက်အတွင်း တစ်ပိဿာ အနိမ့်အမြင့်ပေါက်ဈေးမှာ ထိုင်ဝမ်ကုလားပဲ ၉၇၄ ကျပ်- ၁၂၈၉ ကျပ်၊ ကုလားပဲ ဖြူလုံးကြီး ၉၆၃ ကျပ်- ၁၁၈၄ ကျပ် ဈေးအသီးသီးနဲ့ ရောင်းဝယ်ကြကြောင်း သိရှိရပါတယ်။    သန်းသန်းတင် 

ဝယ်လိုအားနည်းတာကြောင့် အိန္ဒိယကုလားပဲဈေးလျော့ကျ               အိန္ဒိယနိုင်ငံတောင်ပိုင်း အင်ဒိုရီနဲ့ အာကိုလာဈေးကွက်တွေကို ပဲဝင် ရောက်မှု တိုးတက်လာတာကြောင့် ကုလားပဲဈေးဆက်လက်လျော့ကျ လာခဲ့ပါတယ်။ ဝယ်လက်တွေကလည်း ဈေးထပ်မံကျမယ့် မျှော်လင့်ချက်တွေအရ အဝယ် ဆိုင်းထားတဲ့အတွက် ဈေးကျလာတာဖြစ်ပါတယ်။ မဒ္ဒရာပရာဒေ့ရှ်က ပဲအသစ်များ အင်ဒိုရီဈေးကွက်ကို ဝင်ရောက်မှု တိုးတက်လာပြီဖြစ်ပြီး မဟာရပ်ရှတရာ၊ ကာနာတာကာနဲ့ အင်ဒရာပရာဒေ့ရှ်တို့ရဲ့ လက်ငင်းဈေးကွက်တွေကို ပဲဝင်ရောက်မှု အရှိန်ရလာပြီဖြစ်ပါတယ်။ အစိုးရရဲ့ ဒုတိယအကြိမ် ကုလားပဲထုတ်လုပ်မှု ခန့်မှန်းချက်အရ တန်ချိန် ၇ ဒသမ ၃၇ သန်းဝန်းကျင်ရှိလို့ ယခင်နှစ် ထုတ်လုပ်မှုထက် ၁ ရာခိုင်နှုန်းနီးပါးလျော့ကျတယ်လို့ သိရပါတယ်။                     အစိုးရက စားနပ်ရိက္ခာဈေးနှုန်းဖောင်းပွမှုနဲ့ ပတ်သက်လို့ မဒ္ဒရာ ပရာဒေ့ရှ်နဲ့ ရာဂျက်စသန်တို့မှာ ပဲသိုလှောင်မှု ကန့်သတ်ခြင်းတွေကို ထပ်မံလျှော့ချ နိုင်တယ်လို့ သိရပါတယ်။ ပဲဝင်ရောက်မှုတွေ တိုးတက်လာတော့မှာဖြစ်လို့ ဈေးထပ်မံ ကျဆင်းဖွယ်ရှိတယ်လို့ ခန့်မှန်းထားပါတယ်။ ယမင်းးခင်၊် ှSource: commodityonline