မုံရွာကုန်စည်ဒိုင် ဇွန်လပထမပတ် ပဲဈေးကွက်မှာ လုပ် ငန်းသုံးသမားနဲ့ Exporter  ဝယ်လက်ပါအေးလို့ ပဲအများစုကျ ဈေး ဖြစ်ပေါ်ခဲ့ပါတယ်။ ကုလားပဲအုပ်စု ၉၂၉ မှာဆိုရင် ပြီး ခဲ့တဲ့လ ပေါက်ဈေးထက် တစ်တင်း ၁၀၀၀ ကျပ်ထိ ကျဆင်း သွားခဲ့ပါတယ်။ export   ဝယ်လက်မရှိသလို ဒေသတွင်းလုပ် ငန်းသမားတွေ အဝယ်အားပျော့သွား လို့ ခုလို ကျဈေးဖြစ်ခဲ့ ပေမယ့်ယခုတစ်ပတ်အတွင်းတစ်ရက်ကို ကုလားပဲမျိုးစုံ အိတ် ၁၅၀၀ ဝန်းကျင် အရောင်းအဝယ် ဖြစ်ခဲ့တယ်လို့ ဒိုင်ရပ်ကွက် က ဆိုပါတယ်။ ဒီတစ်ပတ်အတွင်း ဖြစ်ပေါ်ခဲ့တဲ့ ပေါက်ဈေး အနိမ့်အမြင့် အနေနဲ့ ထိုင်ဝမ် ၁၇၀၀၀ ကျပ် - ၁၇၈၀၀ ကျပ်၊ V2 ၁၈၁၀၀ ကျပ် - ၁၈၄၀၀ ကျပ်၊ 929 ၁၇၈၀၀ ကျပ် - ၁၈၀၀၀ ကျပ်အသီးသီး ဖြစ်ကြောင်း တွေ့ရပါတယ်။

ယခုတစ်ပတ်ငုံနီဈေးကွက်မှာတော့ export  အတွက် ရန်ကုန် ဝယ်လက်အားပျော့ခဲ့လို့ ယခင်လကထက် တစ်တင်း ၇၀၀ ကျပ်ခန့် ကျဈေးဖြစ်ပေါ်ခဲ့ပါတယ်။ရောင်းလက်က ဈေး တင်ရင် ရန်ကုန်ဝယ်လက်ကမဝယ်ဘဲ  ကြိုက်ဈေးရမှ ဝယ်နေ လို့ ရောင်းလိုသူတွေက ဈေးချရောင်းခဲ့ကြရာ ဒီရက်သတ္တပတ် အတွင်းတစ်ရက်အိတ် ၁၅၀၀ မှ ၂၀၀၀ ကြား၊ အရောင်း အဝယ်ဖြစ်လျက်ရှိတယ်လို့ ဒိုင်ရပ်ကွက်ကဆိုပါတယ်။ ရန်ကုန် ကို ငုံနီတင်ပို့မှုအနေနဲ့တစ်ပိဿာ သယ်ခ ၃၀ ကျပ်ထိ ဈေး သက်သာနေတဲ့ မော်တော်ယာဉ်နဲ့သာ တင်ပို့ခဲ့ကြရာ အိတ် တစ်သောင်းခန့် ရှိတယ်လို့ သိရပါတယ်။ ဒီတစ်ပတ်မှာ စိမ်းကြီးအများစု နယ်စုံကနေ မုံရွာ ကုန်စည်ဒိုင်ကို အဝင်သွက်လာခဲ့ပြီး၊ တရုတ်အတွက် မန်း ဝယ်လက် အဝယ်သွက်ခဲ့တယ်လို့ ဆိုပါတယ်။ ဈေးကွက် အနေနဲ့ ဝယ်လက်က ဈေးကစားလို့ ဈေးတည်ငြိမ်မှု မရှိဘဲ ဒီတစ်ပတ်မှာ တစ်တင်း ၂၆၈၀၀ ကျပ် - ၂၆၂၀၀ ကျပ် - ၂၆၀၀၀ကျပ်အသီးသီးဖြစ်ပေါ်ခဲ့တာတွေ့ရပါတယ်။အရောင်း အဝယ်အားဖြင့် တစ်ရက်အိတ် ၁၀၀၀ မှ ၁၅၀၀ ကြားဖြစ်ခဲ့ ပြီး၊ မန္တလေးဈေးကွက်ကို နေ့စဉ် တင်ပို့နေတယ်လို့ ဒိုင်ရပ် ကွက်က ဆိုပါတယ်။ ဒီတစ်ပတ်အတွင်း ဒေသသုံး စွန်တာနီနဲ့ ထောပတ်ပဲ ဈေးအငြိမ်နဲ့ ပုံမှန်အရောင်းအဝယ်ဖြစ်ခဲ့ရာ  စွန်တာနီ တစ်တင်း ၁၆၈၀၀ ကျပ်မှ ၁၇၀၀၀ ကျပ်၊ ထောပတ်ပဲ ၁၇၀၀၀ ကျပ်မှ ၁၇၃၀၀ ကျပ် အသီးသီး ပေါက်ဈေးဖြစ် ခဲ့ပြီး ဒေသတွင်း လုပ်ငန်းသုံးသမားနဲ့ export  အဝယ် အနည်းငယ် ရှိခဲ့တယ်လို့ ဆိုပါတယ်။ ပဲကြီး ဈေးကွက်မှာတော့ ကုန်သည် လက်ဝယ် ပဲလက်ကျန်အသင့်အတင့် ရှိနေသော်လည်း ဈေးချ မရောင်းကြလို့ ယခုတစ်ပတ်မှာ တစ်တင်း ၃၂၀၀၀ ကျပ်ထိ ဈေးမာနေကာ တစ်ရက်ပျမ်းမျှ အိတ် ၁၀၀ ခန့်အရောင်း အဝယ် ဖြစ်ခဲ့တယ်လို့ ဒိုင်ရပ်ကွက်က ကြားသိရပါတယ်။ထွန်းလှိုင် - မုံရွာ
 

မေလ ၂၆ ရက်မှ ဇွန်လ ၁ ရက်ထိ ကာလအတွင်းမှာ ပင်လယ်ရေကြောင်းကုန်သွယ်မှုမှ ကန်ဒေါ်လာ သုည ဒသမ ၂၇၉ သန်းတန်ဖိုးရှိ ရော်ဘာ MSR 20  တန် ၁၂၀ ကျော်ကို စင်္ကာပူနဲ့အိန္ဒိယနိုင်ငံသို့တင်ပို့ခဲ့ပါတယ်။ စင်္ကာပူနိုင်ငံသို့ တန် ၁၀၀ ကျော်နဲ့ အိန္ဒိယသို့တန် ၂၀ ဖြစ်ပါတယ်။ ယခင် အပတ် ကထက် တန် ၃၀၀ ကျော်လျော့နည်း ခဲ့ပါတယ်။ ရော်ဘာ ဈေးများဆက်လက်ကျဆင်းလာတာကြောင့် လျော့နည်းရခြင်း ဖြစ်ပါတယ်။ ပင်လယ်ရေကြောင်း မှ မေလအတွင်းမှာ ကန် ဒေါ်လာ ၅ ဒသမ ၅၀၇ သန်းဖိုးရှိ ရော်ဘာ ၂၂၇၀ တန် ကျော်နဲ့ နယ်စပ်ကူးသန်းရောင်း ဝယ်ရေးစခန်းများမှ ကန်ဒေါ် လာ ၂၀ ဒသမ ၆၅၉ သန်းတန်ဖိုးရှိ ရော်ဘာအဆင့်စုံ ၇၅၆၈ တန်ကျော်တင်ပို့ထား ပြီးဖြစ်ပါတယ်။ နိုင်ငံတကာဈေးများ ကျဆင်းသလို မိမိတို့ရော်ဘာ FOB ဈေးနှုန်းမှာလည်း တစ် တန်လျှင် ဒေါ်လာ ၅၀ ခန့်ဈေးကျ၍ RSS 1 တစ်တန်လျှင် ဒေါ်လာ ၂၄၅၀ -၂၅၅၀၊ RSS 3  နဲ့  MSR 20 တစ်တန်လျှင်ဒေါ်လာ ၂၃၅၀- ၂၄၅၀၊ ျွှ ၅ နဲ့ MSR 50 တစ်တန်လျှင်ဒေါ်လာ ၂၂၅၀- ၂၃၅၀၊ MSR 10 တစ်တန်လျှင် ဒေါ်လာ ၂၄၀၀- ၂၅၀၀ နဲ့  Creep Rubber တစ်တန်လျှင်ဒေါ်လာ ၂၁၅၀- ၂၂၅၀  ဖြစ်ကြောင်း မြန်မာ နိုင်ငံရော်ဘာစိုက်ပျိုး ထုတ်လုပ်သူများအသင်းက ဈေးနှုန်း ထုတ်ပြန်ချက်အရ သိရှိရပါတယ်။ယဉ်ယဉ်အေး DCCA

မြန်မာ-တရုတ်နယ်စပ်ရှိ မူဆယ် ၁၀၅ မိုင်၊ လွယ်ဂျယ်နဲ့ ချင်းရွှေဟော်  ကူးသန်း ရောင်းဝယ်ရေးစခန်း အသီးသီးမှ မေလ ၂၉ ရက်မှ ဇွန်လ ၄ ရက်ထိကာလ အတွင်းမှာ ကန်ဒေါ်လာ ၅ ဒသမ ၉၀၁ သန်းတန်ဖိုးရှိ ပြောင်းဖူးစေ့တန်ချိန် ၁၆၆၁၂ တန်ကျော်တင်ပို့နိုင်ခဲ့ပါတယ်။ မူဆယ်မှ ၇၉၅၇ တန်နီးပါး၊ ချင်းရွှေဟော်မှ ၅၉၁၅ တန်ကျော်နဲ့ လွယ်ဂျယ်မှ ၂၇၄၀ တန်ခန့် ယခုအပတ်မှာတင်ပို့ခဲ့တာဖြစ်ပါတယ်။ ကန်ပိုက်တီးစခန်းမှ တင်ပို့ခဲ့ခြင်းမရှိပါဘူး။ယခင်အပတ်က တန်ချိန် ၁၆၀၀၀ သာ တင်ပို့ခဲ့တာမို့ ယခုအပတ် ပြောင်းတင်ပို့မှု တန် ၆၀၀ ကျော်ပိုမိုလာခဲ့ပါ တယ်။ ပြောင်းနဲ့ နှမ်းကိုတရုတ်လိုင်းမှဈေးကောင်းပေးပြီး ဝယ်နေတယ်လို့ မူဆယ်ကို တင်ပို့ နေတဲ့ကုန်သည်တွေထံက သိရှိရပါတယ်။ နှစ်နိုင်ငံပြောင်းဈေးများကိုကြည့်မယ် ဆိုလျှင်ဈေးအနည်းငယ် ပြန်ကျသွားတာတွေ့ ရပါတယ်။ မန္တလေး-မူဆယ်ကုန်စည် သယ်ယူခနှုန်းထား မှာတော့ ပြောင်းတစ်ပိသာကို ၅၂ ကျပ်နှုန်းဖြစ်ပြီး ယခင်အပတ် က ၄၇ ကျပ်ဖြစ်လို့ သယ်ယူခနှုန်းမြင့်တက်ခဲ့တယ်လို့သိရပါတယ် -

မုံရွာကုန်စည်ဒိုင် မေလကုန်ပတ် ပဲဈေးကွက်မှာ  ပြည် တွင်းသုံး ပဲများ ဈေးအေးအရောင်းအေးနေခဲ့ပြီး၊Export ပဲဖြစ်တဲ့ ငုံနီနဲ့ စိမ်းကြီးကတော့ ဈေးအေးပေမယ့် အရောင်း အဝယ်သွက်ခဲ့တယ်လို့ ဒိုင်ရပ်ကွက်ကဆိုပါတယ်။ ယခုတစ် ပတ် ကုလားပဲဈေးကွက်အနေနဲ့ Export အဝယ်မရှိပေမယ့် ဒေသတွင်း ပဲခွဲစက်၊ အမှုန့်ကြိတ်စက်၊ ကြာဇံစက် နဲ့ ပဲကြော်ဖို ပဲလက်လီအဝယ်ပုံမှန်ရှိခဲ့လို့ ဈေးငြိမ်နေခဲ့ပါတယ်။ ပေါက်ဈေး အားဖြင့် V2တစ်တင်း၁၁၆၀၀ ကျပ်ထိုင်ဝမ်တစ်တင်း ၁၈၀၀၀ ကျပ်၊ ကုလားပဲရိုးရိုး ၁၇၉၀၀ ကျပ်နဲ့ 929 တစ်တင်း ၁၈၁၀၀ ကျပ်အသီးသီးအမြင့်ဈေး ဖြစ်ပေါ်ခဲ့ပါတယ်။ တစ်ပတ်အတွင်း ကုလားပဲမျိုးစုံ အိတ် ၃၀၀၀ ကျော်ရှိတယ်လို့ ကုန်သည်ရပ် ကွက်က ဆိုပါတယ်။