Background
မုံရွာမတ်ပဲဈေးကွက် အသစ်ထက် အဟောင်းကအရောင်းသွက် စစ်ကိုင်းတိုင်းဒေသကြီးမှာ မတ်ပဲကို မိုးထက်ဆောင်းမှာ အစိုက်များပါတယ်။ မိုးမတ်ပဲကို လျာထားချက်မရှိပေမဲ့ အရာတော်၊ ချောင်းဦ၊ ဝက်လက်၊ စစ်ကိုင်း၊ မြင်းမူ၊ မြောင်မြို့နယ်များမှာ ဧက တစ်သောင်းခန့် စိုက်ခဲ့တယ်လို့ သိရပါတယ်။ ယခုနှစ်မိုးရာသီမှာ ရာသီမိုးနဲ့အတူ မုန်တိုင်းမိုးက ဖြည့်စွက်ပြီး မိုးရွာသွန်းမှုများခဲ့တဲ့အတွက် ယခုနှစ်မှာ မိုးထွက်မတ်ပဲများ အများစုအရည်အသွေး အနည်းငယ်ညံ့ခဲ့တယ်လို့ ဆိုပါတယ်။မတ်ပဲတစ်တင်းမှာ (နိမ့်) ၂၇၅ဝဝ ကျပ်( မြင့်) ၂၉ဝဝဝ ကျပ်ရှိ နေပြီး ရန်ကုန် ပြည်ပ ဝယ်လက်နှင့် ခွဲခြမ်းသမား (ပဲခွဲစက်) များကအသစ်ထက်အဟောင်းပဲကို အဝယ်များတယ်လို့ ကုန်သည် ရပ်ကွက်က ပြောပါတယ်။ အောင်မင်း
ဟင်္သာတမတ်ပဲဈေးအေးသော်လည်း တင်ပို့မှု ပိုလာ ဟင်္သာတရဲ့ မတ်ပဲဈေးကွက်က အနည်းငယ်အေးလာပါတယ်။ ယခင်တစ်ပတ်က ပိဿာ ၂ဝ တစ်တင်းကို ၂၆၂ဝဝ ကျပ်ဈေးနဲ့ အရောင်းအဝယ်ဖြစ်ခဲ့ပြီး ယခုအပတ်မှာ ၂၆ဝဝဝ ကျပ်ဈေးကို အေးလာပါတယ်။ ပဲအရောင်းအဝယ်ဖြစ်မှုမှာ ဒေသတွင်း အရောင်းအဝယ်ဖြစ်မှုရှိနေပြီး ယခုတစ်ပတ်အတွင်း နေ့စဉ် အိတ် ၄ဝဝ မှ ၅ဝဝ ထိ အရောင်းအဝယ်ဖြစ်တယ်လို့ သိရပါတယ်။ ရန်ကုန်ဘုရင့်နောင်ဈေးကွက်သို့ နေ့စဉ်ဖြစ်ပေါ်နေသော ဈေးများနဲ့ တစ်တင်းခွဲဝင်အိတ် ယခင်တစ်ပတ် ၅ဝဝ တင်ပို့ခဲ့ရာမှ ယခုအပတ်မှာ အိတ် ၈ဝဝ ခန့် တင်ပို့နိုင်ခဲ့တယ်လို့ သိရပါတယ်။ အေးအေးခိုင်
အောက်တိုဘာ တတိယပတ်ထက် နိုဝင်ဘာ တတိယပတ် အိန္ဒိယမတ်ပဲဈေးပိုလာ အိန္ဒိယပြည်တွင်းဈေးကွက်တွေကို မိုးပဲအသစ်တွေ ဝင်ရောက်လာနေပေမဲ့ အောက်တိုဘာ တတိယပတ် ပေါက်ဈေးထက် နိုဝင်ဘာ တတိယပတ်မှာ မတ်ပဲဈေးပိုလာခဲ့ပါတယ်။ မြန်မာနိုင်ငံကလည်း တင်သွင်းပဲများ ပုံမှန်ရောင်းချ နေတယ်လို့ သိရပါတယ်။ နိုဝင်ဘာလ ပထမပတ်အတွင်းက မတ်ပဲအဓိကစိုက်ပျိုးတဲ့ ဒေသတွေမှာ မိုးအဆက်မပြတ်ရွာသွန်းလို့ မတ်ပဲ အချို့ပျက်စီးမှုရှိတာကြောင့် ဝင်ရောက်မှုလျော့ကျလာခဲ့သလို ဝင်လာတဲ့ပဲများကလည်း အရည်အသွေး နိမ့်တယ်လို့ သိရပါတယ်။ ကာလတူဈေးနှုန်းများ နှိုင်းယှဉ်ဖော်ပြလိုက်ပါတယ်- ဒေါ်လာ/တန် မွန်ဘိုင်းဈေးကွက် မွန်ဘိုင်း(C&F)၁၈-၁၁-၁ဝ ၉၅၂ ၁၁၄ဝ-၁ဝ၅ဝ၁၈-၁ဝ-၁ဝ ၉၃၈ ၁ဝဝဝ-၁ဝ၁ဝ MIRT(MAPT)
မတ်ပဲတင်ပို့မှုလည်း တန် ၁၅ဝဝ ကိုလျော့ကျ ယခုနှစ်အတွင်း တင်ပို့မှုအားကောင်းတဲ့ မတ်ပဲဟာလည်း ယခုတစ်ပတ် (နိုဝင်ဘာလ ၁၁ ရက်မှ ၁၆ ရက်) အတွင်းမှာတော့ တန် ၁၅ဝဝ သာလျော့ကျတင်ပို့နိုင်တာ တွေ့ရပါတယ်။ အိန္ဒိယဈေးကွက်မှာ ဈေးလျော့လာသလို ဝယ်လက် များ ဈေးလျော့ပေးဝယ်လာတာကြောင့် FOB ဈေးလျော့ပြီး အရောင်းအဝယ် အထိုက်အလျောက်သာ ဖြစ်တယ်လို့ သိရပါတယ်။ ယခုတစ်ပတ်အတွင်း ပိတ်ရက်များကြောင့် တင်ပို့မှု လျော့ကျပေမဲ့ လာမယ့်သီတင်းပတ်မှာတော့ တင်ပို့မှု တိုးတက် လာဖွယ် ရှိတယ်လို့ ကုန်သည်များ ခန့်မှန်းကြပါတယ်။ ရန်ကုန် FOB ဈေးများ နှိုင်းယှဉ် ဖော်ပြလိုက်ပါတယ် ဒေါ်လာ/တန် မတ်ပဲ(FAQ) မတ်ပဲ(SQ)၁၉-၁၁-၁ဝ ၉၆ဝ-၉၇ဝ ၁၁၇ဝ-၁၁၈ဝ၁၂-၁၁-၁ဝ ၉၈ဝ-၉၉ဝ ၁၁၈ဝ-၁၁၉ဝ MIRT(MAPT)
သီးပွင့်ဝေဆာ ပဲစင်းငုံကဗ္ဗလာ ဒီနှစ်ရာသီဥတုအခြအနေက မိုးဦးနဲ့မိုးလယ်မှာ မိုးနည်းခဲ့ပေမဲ့ မိုးနှောင်းမှာ တော့ ရှေ့ပိုင်းကတင်ခဲ့တဲ့ အြွေကးတွေပါဆပ်သလို အတိုးရောအရင်းပါ ရွာချလိုက် လို့ အညာဒေသမှာရှိတဲ့ ကန်ကြီးငယ်နဲ့ ဆည်တွေရေဝပြီး ရွာအတွက်သောက်သုံးရေ နဲ့ ကွဲျရေ၊ နွားရေအတွက် စိတ်အေးရပါပြီ။ ဒီမိုးနှောင်းကြောင့် ဆောင်းနှမ်းပင်တွေ မိုးပိမြေကြပ်ခဲ့ပေမဲ့ အသက်ပြင်းတဲ့ ပဲစင်းငုံပင်များအတွက်တော့ အကြိုက်မိုးဖြစ်ခဲ့ပါတယ်။ ပြီးခဲ့တဲ့အောက်တိုဘာ တတိယပတ်မှာ ဂီရိမုန်တိုင်းနဲ့အတူ မိုးပြတ်ခဲ့ပေမဲ့ ချက်ချင်းဆိုသလို ဆောင်းနှင်း ဓါတ်ကလေးက အအေးဓါတ်ကလေးနဲ့အတူ ဆက်တိုက်ဝင်လာတော့ ပဲစင်းငုံ ပင်တွေရဲ့ထိပ်ဖျားမှာ ရွှေဝါရောင်ပန်းပွင့်တွေ ဆင်မြန်းလာနိုင်ခဲ့ပါတယ်။ ခုတော့ဖြင့် ပဲစင်းငုံပင်တိုင်းမှာ ပန်းပွင့်တွေ၊ သီးနုတွေ၊ သီးရင့်တွေနဲ့ လေယူရာ နွဲ့ပြီး လှချင်တိုင်းလှနေပါ တော့တယ်။ ပခုက္ကူနယ်မှာတော့ နှစ်တိုင်းအတွေ့အကြုံ အရ ဒီဇင်ဘာလဆန်းမှာ ဟိုတစ်စ၊ ဒီတစ်တင်း စပေါ်မှာဖြစ်ပြီး ဒီဇင်ဘာလယ်က စပြီး ဇန်နဝါရီလမှာတော့ မြိုင်မြိုင်ပေါ်မှာဖြစ်ပါတယ်။ အထိအခိုက် ကင်းသလောက် ရှိခဲ့တဲ့အတွက် ယခင်နှစ်တွေထက် အထွက်နှုန်းလည်း ပိုကောင်းမယ်လို့ တောင်သူတိုင်း၊ ကုန်သည်တိုင်းလိုလိုက ထင်မြင်ချက်ပေးပါတယ်။ လက်ရှိပခုက္ကူကုန်စည်ဒိုင်နဲ့ ပွဲရုံအချိုု့မှာတော့ မနှစ်ကပေါ်ခဲ့တဲ့ အဟောင်း ကလေးတွေ အရောင်းအဝယ် ဖြစ်ကြပါတယ်။ ယခုနိုဝင်ဘာလဆန်းမှ လလယ် အတွင်းမှာ တစ်တင်းကို ၁၆၆ဝဝ ကျပ်၊ ၁၇ဝဝဝ ကျပ်နဲ့ ၁၅၇ဝဝ ကျပ် အတွင်း လက်ကျန်အိတ်အနည်းငယ်ပဲ အရောင်းအဝယ် ဖြစ်ကြတာ တွေ့ရပါတယ်။ ရှေ့လမှာထွက်ပေါ်တော့မဲ့ ပဲစင်းငုံအသစ်များကိုလည်း ဝိသမလောဘသား ကုန်သည်အချို့ရဲ့ ဈေးကစားမှု ကင်းလွတ်ပြီး ဈေးကွက်နဲ့လျော်ညီတဲ့ ဖြစ်သင့်ဖြစ် ထိုက်တဲ့ဈေးနှုန်းနဲ့အတူ ထွက်ပေါ်လာနိုင်ပါစေလို့ ဆုတောင်းနေမိပါတယ်။ မောင်မောင်အေး
အဝယ်မျိုးစုံ ရောင်းလက်အစုံနဲ့ မုံရွာပဲစင်းငုံဈေးကွက် မုံရွာကုန်စည်ဒိုင် နိုဝင်ဘာ ဒုတိယ ၁ဝ ရက်ပတ် ပဲစင်းငုံနီဈေးကွက်ဟာ တစ်တင်း ၁၆၅ဝဝ ကျပ်ဈေးမှာ ဆက်လက်ငြိမ်နေပြီး နယ်ဝယ်လက်ကတော့ လိုအပ်သလောက်သာ ဝယ်ယူမှုရှိတယ်လို့ ဆိုပါတယ်။ ဒေသတွင်း ခွဲစက်အချို့ ဝယ်ယူမှုရှိခဲ့ပြီး အချို့ကုန်သည်တွေကတော့ ယခုဈေးဟာ ပဲစင်းငုံပေါ်ပေးဈေးထက် အနည်းငယ်သာ ပိုလို့ပစ္စည်းရှိသူက ထုတ်မရောင်းလိုကြသလို ကုန်သည်တစ်ချို့ ဈေးကွက် မျှော်လင့်ချက်နဲ့ ဝယ်ယူမှုတွေရှိခဲ့တယ်လို့ ပွဲရုံရပ်ကွက်က ကြားသိရပါတယ်။ ရင်းနှီးတဲ့ ကုန်သည်အချင်းချင်း လက်ပြောင်း အရောင်းအဝယ် ဖြစ်သူတွေ လည်း ရှိလို့ မုံရွာကုန်စည်ဒိုင်မှာ နေ့စဉ် အိတ် ၃ဝဝ ဝန်းကျင် အရောင်းအဝယ် ရှိခဲ့တယ်လို့ သိရပါတယ်။ ထွန်းလှိုင်
အောက်တိုဘာနဲ့ နိုဝင်ဘာ တတိယပတ်ကာလတူ အိန္ဒိယပဲစင်းငုံဈေး အနည်းငယ်သာ ကွာခြား အိန္ဒိယလက်ငင်းဈေးကွက်တွေမှာ ပဲစင်းငုံလက်ကျန်တွေရှိနေပြီး အဝယ် သိပ်မရှိတာကြောင့် ဈေးကျဆင်းတယ်ဆိုပေမဲ့ အောက်တိုဘာလနဲ့ နိုဝင်ဘာလ ကာလတူတတိယပတ်ဈေးနှုန်းကတော့ အနည်းငယ်သာ လျော့နည်းကွာခြားတာ တွေ့ရပါတယ်။ ပြည်တွင်းမှာ တန်ဇန်းနီးယားက ဈေးအလျော့နဲ့ တင်သွင်းထားတာ ရယ်၊ ပြည်တွင်းလက်ကျန်ရှိနေတာရယ်ကြောင့် မြန်မာနိုင်ငံက တင်သွင်းမှုလျော့ကျ ခဲ့ပါတယ်။ လက်ရှိစိုက်ပျိုးထားတဲ့ ပဲစင်းငုံတွေကလည်း စိုက်ဧရိယာ ပိုလာသလို မိုးရွာသွန်းမှုကြောင့်လည်း သီးနံှပျက်စီးမှု မရှိတာကြောင့် အထွက်ပိုမယ်လို့ ခန့်မှန်း ထားပါတယ်။ ကာလတူဈေးနှုန်းများ နှုန်းယှဉ်ဖေါ်ပြလိုက်ပါတယ် ဒေါ်လာ/တန် မွန်ဘိုင်းဈေးကွက် မွန်ဘိုင်း((C&F) ၁၈-၁၁-၁ဝ ၆၉၃ ၇၃၅ ၁၈-၁ဝ-၁ဝ ၇၃၄ ၈ဝဝ-၈၁ဝ MIRT(MAPT)
ပဲစင်းငုံတင်ပို့မှု ဆက်လက်လျော့ကျ နိုဝင်ဘာလ ၁၁ ရက်မှ ၁၆ ရက်ထိ ဘက္ကရီးအစ်ဒ် ပွဲတော်ပိတ်ရက် အပါအဝင် တစ်ပတ်အတွင်း ပင်လယ်ရေကြောင်းက ပဲစင်းငုံ တန် ၃ဝဝ ခန့်သာ တင်ပို့ခဲ့ပါတယ်။ ပိတ်ရက်များကြောင့် တင်ပို့တဲ့ ရက်နည်းသလို ဈေးမကိုက်လို့ တင်ပို့မှုနည်းတာကြောင့်လည်း ပဲစင်းငုံတင်ပို့မှုက အရင်ကာလ တူတွေထက် သိသိသာသာကျဆင်း လာတာဖြစ်ပါတယ်။ ဒါပေမဲ့ ယခင်တစ်ပတ်က MMTC က ခေါ်ယူခဲ့တဲ့ တင်ဒါတွေအတွက်တော့ လာမယ့်ရက်တွေမှာ အရောင်း အဝယ် အနည်းငယ်ဖြစ်လာနိုင်လို့လာမယ့် သီတင်းပတ်တွေမှာတော့ ပဲစင်းငုံတင်ပို့မှု ပြန်တက်လာဖွယ်ရှိတယ်လို့ ကုန်သည်များက ဆိုပါတယ်။ ပြည်တွင်းအချို့ပဲစိုက်တဲ့ ဒေသတွေမှာ ပဲစင်းငုံအသစ် အနည်းငယ်တော့ ရိတ်သိမ်းနေပြီလို့ သိရပါတယ်။ ဒါပေမဲ့ ဈေးကွက်အတွင်းတော့ ဒီဇင်ဘာလကုန်လောက်မှ ဝင်ရောက်မယ်လို့ သိရပါ တယ်။ ရန်ကုန် FOB ဈေးကတော့ ယခင်တစ်ပတ်ဈေးဖြစ်တဲ့ ပဲစင်းငုံနီ တစ်တန်ကို ကန်ဒေါ်လာ ၆၆ဝ-၆၇ဝ နဲ့ ပဲစင်းငုံဖြူနီ၊ အဖြူတစ်တန်ကို ကန်ဒေါ်လာ ၅၇ဝ- ၅၈ဝ ဈေးနဲ့ ငြိမ်နေတယ်လို့ သိရပါတယ် MIRT - MAPT
စားတော်ပဲ (ကနေဒါ) ဈေးကွက် မုံရွာမှာ အရောင်းအဝယ်သွက် မုံရွာကုန်စည်ဒိုင် စားတော်ပဲဈေးကွက်မှာ ပစ္စည်းဟောင်းလက်ကျန်နည်းလို့ နေ့စဉ်ပေါက်ဈေးမဖွင့်နိုင်ခဲ့ဘဲ နယ်အဝင်ရှိတဲ့နေ့မှာသာ ဈေးဖွင့်အရောင်းအဝယ်ဖြစ်ခဲ့တာတွေ့ရပါတယ်။ နိုဝင်ဘာလထဲမှာ ဒေသစားတော်ပဲ တစ်တင်း ၂၅၅ဝဝ ကျပ်နဲ့ဈေးငြိမ်နေပြီး စားတော်ပဲ (ကနေဒါ) ကတော့ တစ်တင်း ၂၁၅ဝဝ ကျပ်နဲ့ ပစ္စည်းဝင် သလောက် အရောင်းအဝယ်ဖြစ်ခဲ့တယ်လို့ ပွဲရုံရပ်ကွက်က ကြားသိရပါတယ်။ ကုလားပဲဈေးတစ်တင်း ၂၅ဝဝဝ ကျပ် ဝန်းကျင်မှာရှိပြီး၊ စားတော်ပဲ (ကနေဒါ) မှာ ၂၁၅ဝဝ ကျပ်သာရှိတဲ့အတွက် ကြာဇံစက်နဲ့ ခွဲစက်သမားတွေက ဈေးသက်သာတဲ့စားတော်ပဲ (ကနေဒါ) ကို အစားထိုးအသုံးပြုဖို့ စိတ်ဝင်စားမှုရှိနေတယ်လို့ ဈေးကွက်ကဆိုပါတယ်။ ကုလားပဲတစ်တင်းကို အခြမ်းခွဲတဲ့အခါ ပဲခြမ်း ၁၉ ပိဿာခန့်သာရပေမဲ့ စားတော်ပဲ (ကနေဒါ) ကို အခြမ်းခွဲရင် ပိဿာ ၂ဝ ခန့်ထွက်လို့ ကုန်ချောတစ်ပိဿာပိုရတာကြောင့် ကြာဇံနဲ့ ခွဲစက်သမားတွေ တွက်ခြေကိုက်တဲ့အတွက် အခုလိုအဝယ်လိုက်ခြင်း ဖြစ်တယ်လို့ ပွဲရုံရပ်ကွက်က ကြားသိရပါတယ်။ ထွန်းလှိုင်