ပဲတီစိမ်းတန် ၁ဝဝဝ ကျော်နယ်စပ်မှပို့      စစ်ကိုင်း၊ မန္တလေးနဲ့မကွေးတိုင်းဒေသကြီးများမှာ ထွက်ရှိတဲ့ ပဲတီစိမ်း ၇၃၆ တန်နီးပါးနဲ့ ပဲတီစိမ်းအခြမ်း ၁၉၅ တန်ခန့် စုစုပေါင်း တန်ချိန် ၉၃၁ ကန်ဒေါ်လာ ဝ ဒသမ ၈၈ သန်းဖိုးအောက်တိုဘာလ ၆ ရက်မှ ၁၂ ရက်အထိ ကာလအတွင်း တင်ပို့နိုင်ခဲ့ပါတယ်။ ယခင်အပတ်ကထက် တန်ချိန် ၃၂၉ ခန့်ပိုမိုတင်ပို့နိုင်ခဲ့တယ်လို့ သိရပါတယ်။ ယခင်အပတ်ဈးထက် တစ်တန်ကို ယွမ် ၄ဝဝ ခန့်မြင့်တက်ခဲ့တဲ့အတွက် တွက်ခြေကိုက်မှု ရှိတာကြောင့်မို့ ယခုအပတ်မှာ တင်ပို့မှု ပိုမိုခဲ့တာလို့သိရပါတယ်။ ယခုအပတ်နဲ့ယခင်အပတ်ဈေးများကို နှိုင်းယှဉ်ဖော်ပြပေးလိုက်ပါတယ်                              မိမိဘက်(ကျပ်/တန်)                           တစ်ဘက်နိုင်ငံ(ယွမ်/တန်)               ယခု         ယခင်    ပြောင်းလဲမှု   ရာခိုင်နှုန်း     ယခု       ယခင်   ပြောင်းလဲမှု     ရာခိုင်နှုန်းပဲတီစိမ်း    ၉၉၉၅၃၇ ၉၂ဝ၃၁၄      ၇၉၂၂၃      ၈           ၇၁၈ဝ     ၆၇၈ဝ      ၄ဝဝ               ၆                                                                                                                        MIRT (DOBT)

 ကာလတိုအတွင်း အိန္ဒိယပဲမျိုးစုံဈေးနှုန်း ၁ဝ ရာခိုင်နှုန်းခန့် မြင့်တက်နိုင်      အိန္ဒိယနိုင်ငံအတွင်း ပွဲတော်ရာသီ ကျရောက်လာပြီဖြစ်လို့ ဝယ်လိုအား မြင့်တက်လာဖွယ် ရှိတာကြောင့် ပဲမျိုးစုံ ဈေးနှုန်း မြင့်တက်နိုင်တယ်လို့ ခန့်မှန်း ကြပါတယ်။ ဒီပါဝလီလို အဓိကပွဲတော် ကာလအတွင်း အိန္ဒိယနိုင်ငံရဲ့ ပဲမိုျးစုံ ဝယ်လိုအား ဟာ ၁ဝ-၂ဝ ရာခိုင်နှုန်းခန့် မြင့်တက်လေ့ရှိပါတယ်။ ဒါပေမဲ့ ယခုနှစ် ပဲအထွက် မြင့်တက်မယ့် ခန့် မှန်းချက်များကြောင့် ကာလရှည်မှာ တော့ ဈေးများများစားစား မြင့်တက် ဖွယ် မရှိဘူးလို့ ဆိုပါတယ်။     အိန္ဒိယနိုင်ငံရဲ့ မိုးရာသီ ပဲမျိုးစုံ စိုက်ဧရိယာဟာ မနှစ်ကထက်စာရင် ဟက်တာ သိန်း ၂ဝ မြင့်တက်ခဲ့ပြီး၊ အထူးသဖြင့် ပဲစင်းငုံ၊ မတ်ပဲနဲ့ပဲတီစိမ်း စိုက် ဧရိယာ ပိုမိုတယ်လို့ဆိုပါတယ်။ ပဲစင်းငုံ တစ်မျိုးထဲရဲ့ စိုက်ပျိုးမှုဟာ ထက်ဝက်ကျော် တယ်လို့ ဆိုပါတယ်။         စိုက်ပျိုးရေးဝန်ကြီးဌာနရဲ့ စာရင်း များအရ ယခုရာသီအတွင်း စုစုပေါင်း ပဲစိုက်ဟက်တာ ၁၁ဝ သိန်းရှိလို့ ယခင် နှစ် စိုက်ပျိုးတဲ့ဟက်တာ ၉ဝ သိန်းထက် ဟက်တာသိန်း ၂ဝ ပိုမိုနေပါတယ်။ ဒါပေမဲ့ အချို့ဒေသတွေမှာ မိုးရက်ရှည် ရွာသွန်းမှု ကြောင့် သီးနံှများပျက်စီးမှု ရှိတယ်ဆိုတဲ့သတင်းများ ထွက်ပေါ်ခဲ့ ပေမဲ့ ပမာဏ အတိအကျကိုတော့ ဖော်ပြထားခြင်းမရှိဘူးလို့ သိရပါတယ်။ ပျမ်းမျှအထွက်နှုန်း တစ်ဟက်တာကို ၅ဝဝ ကီလိုနှုန်းနဲ့ တန်ချိန် ၁ဝ သိန်းကို ပိုပိုထွက်ရှိနိုင်တယ်လို့ ဆိုပါတယ်။ နောက်အရေးပါတဲ့ အချက်ကတော့ မြေဆီလွှာအစို ဓာတ်ရှိနေခြင်း က ဆောင်းရာသီစိုက်ပျိုးမှု အတွက် အခွင့် အရေး တစ်ရပ်ဖြစ်နေပါတယ်။ အိန္ဒိယရဲ့ ဆောင်းသီးနံှကို အောက်တိုဘာ၊ နိုဝင်ဘာမှာစတင်စိုက်ပျိုးပြီး၊ ဖေဖော်ဝါရီ၊ မတ်လမှာ ရိတ်သိမ်းကာ နှစ်စဉ် ထုတ်လုပ်မှုရဲ့ ၆ဝ ရာခိုင်နှုန်းထွက်ရှိ တယ်လို့ သိရပါတယ်။ ပြည်တွင်း ထုတ်လုပ်မှုမြင့်တက်တဲ့တိုင် ပြည်ပက တော့ ဆက်လက် တင်သွင်းနေရဆဲ ဖြစ်ပါတယ်။ စိုက်ပျိုးရေး ထုတ်လုပ်မှု တိုးတက်လာတာနဲ့အမျှ ကျေးလက် ဒေသဝင်ငွေတိုးတက်လာသလို ဝယ်ယူ စားသုံးမှုနှုန်း မြင့်တက်လာတာကြောင့် လို့ဆိုပါတယ်။      စိုက်ပျိုးရေးဝန်ကြီးဌာနရဲ့ ပထမ အကြိမ် ခန့်မှန်းချက်အရ ၂ဝ၁ဝ-၁၁ မိုးရာသီပဲထုတ်လုပ်မှုဟာ တန်ချိန် ၆ သန်း ရှိနိုင်မှာဖြစ်လို့ ၂ဝဝ၉-၁ဝ ထုတ် လုပ်မှု ခန့်မှန်းတန်ချိန် ၄ ဒသမ ၃ သန်း ထက် ပိုမိုနေပါတယ်။ ကုလားပဲ ထုတ်လုပ်မှုကို စတုတ္ထအကြိမ် ခန့်မှန်း ရာမှာ ၂ဝဝ၉-၁ဝ မှာ တန်ချိန် ၇ ဒသမ ၃၅ သန်း ရှိပြီး၊ ၂ဝဝ၈-ဝ၉ မှာ တန်ချိန် ၇ ဒသမ ဝ၅ သန်းရှိခဲ့ပါတယ်။ မိုးရာသီ ပဲစိုက်ဧရိယာ တိုးတက်လာတာနဲ့အမျှပဲမျိုးစုံ ဈေးနှုန်းလည်း အကျဘက် ဆင်းခဲ့ရာ အထူးသဖြင့် ကုလားပဲဈေး ကျဆင်းခဲ့ပါတယ်။       ဒီပါဝလီပွဲတော်ပြီးရင်တော့ ပဲမျိုး စုံ ဈေးနှုန်းကျဆင်းဖွယ်ရှိပါတယ်။ ယခု ရာသီအထွက်မြင့်တက်မယ့် အခြေအ နေကြောင့် ပဲမျိုးစုံဈေးနှုန်း တည်ငြိမ် နိုင်ပြီး မြင့်တက်မှုရှိခဲ့ရင်တောင် ၅-၁ဝ ရာခိုင်နှုန်းဝန်းကျင်သာ တက်နိုင်တယ် လို့ ခန့်မှန်းကြပါတယ်။ယမင်းခင်၊ှSource: commodityonline

ဈေးမြင့်တက်လာတဲ့ ပြည်မတ်ပဲဈေး     ပြည်မြို့မှာ မတ်ပဲဈေးကတော့ အနည်းငယ်မြင့်တက်လာတာကို တွေ့ရပြီး ပဲတစ်တင်းကို ၂၆ဝဝဝ ကျပ်ဈေးနဲ့ အဝယ်ရှိတယ်လို့ သိရပါတယ်။ ပဲကုန်သည်တွေရဲ့ လက်ထဲမှာ လက်ကျန်နည်းလာတဲ့အတွက် ပဲဈေးအနည်းငယ် မြင့်လာခဲ့ပြီး မျိုးအတွက်လည်း ဝယ်ယူနေကြပြီးဖြစ်တဲ့အတွက် ပဲဈေးအနည်းငယ် မြင့်လာခဲ့ တယ်လို့ သိရပါတယ်။ ရန်ကုန်ဝယ်လက်လည်း အဝယ်ရှိပြီးမြို့တွင်း ပဲကုန်သည်တွေရဲ့ တစ်နေ့အရောင်းအဝယ် ဖြစ်မှုကတော့ တစ်တင်းခွဲအိတ် ၂ဝဝ- ၃ဝဝ ခန့် အရောင်း အဝယ်ဖြစ်ခဲ့ကြပါတယ်။ တင်ပို့မှု အနေဖြင့် တိုင်းတွင်းမှ ရန်ကုန် ကို အများဆုံးတင်ပို့ပြီး အောက်တိုဘာလဆန်းမှ ဒုတိယ ပတ်အထိ တစ်တင်းခွဲအိတ် ၂၄ဝဝဝ ခန့် တင်ပို့တယ်လို့ သိရပါတယ်။မိမိအေး

 တင်ဒါအတွက် အဝယ်ရှိလို့ မတ်ပဲတန် ၈၅ဝဝ ခန့်တင်ပို့မှုရှိ   အိန္ဒိယဈေးကွက်တွေကို ပြည်တွင်းပဲအသစ်တွေ ဝင်ရောက်လာပြီ ဖြစ်ပေမဲ့ တင်ဒါလိုအပ်ချက်အတွက် ယခုလဆန်းပိုင်းက အိန္ဒိယဝယ်လက်တွေ အဝယ် ရှိခဲ့လို့ ယခုတစ်ပတ်မှာ ပင်လယ်ရေကြောင်းက တန်ချိန် ၈၅ဝဝ ခန့်တင်ပို့ ခဲ့ပါတယ်။ ဈေးကွက် အတွင်း ယခုတစ်ပတ်မှာ အိန္ဒိယဝယ်လက် အဝယ်ပြန် အေးသွားလို့ ဈေးအနည်းငယ်လျော့ကျသွားပေမဲ့ ပါကစ္စတန်အတွက် စင်ကာပူ ဝယ်လက်များအဝယ်ရှိနေလို့ အရောင်းအဝယ်အနည်းငယ်ဖြစ်တယ်လို့ သိရပါတယ်။ ရန်ကုန် FOB ဈေးများ ယခင်တစ်ပတ်နဲ့ ယခုတစ်ပတ် နှိုင်းယှဉ်ဖော်ပြလိုက်ပါတယ်                                                                                                                          ဒေါ်လာ/တန်                         မတ်ပဲ(FAQ)              (SQ)၁၄-၁ဝ-၁ဝ         ၉၅ဝ-၉၆ဝ            ၁၁၂ဝ-၁၁၃ဝ၇-၁ဝ-၁ဝ            ၉၄ဝ-၉၅ဝ           ၁၁၁ဝ-၁၁၂ဝMIRT(MAPT)