Background
၂၀၁၂ ခုနှစ် ဒီဇင်ဘာလ ၂၃ ရက်မှ ၂၉ ရက်ထိကာလအတွင်းမှာတော့ ပြောင်းတင်ပို့မှုမရှိပါဘူး။ ၂၀၁၂ ခုနှစ် ဒီဇင်ဘာလ ၂ ရက်မှ ၂၉ ရက်ထိကာလ အတွင်းမှာ ပင်လယ်ရေကြောင်းမှ ကန်ဒေါ်လာ သုည ဒသမ ၄၉၄ သန်းဖိုးရှိ ပြောင်းတန်ချိန် ၁၇၀၇ တန်ကို တင်ပို့ထားပြီးဖြစ်ပါတယ်။ နိုင်ငံအလိုက်တင်ပို့မှု တွေကတော့ စင်္ကာပူနိုင်ငံသို့ ၂၀၇ တန်နဲ့ ဖိလစ်ပိုင်နိုင်ငံသို့ တန် ၁၅၀၀ ဖြစ်ပါတယ်။ ၂၀၁၂ ခုနှစ် ဧပြီလမှ ဒီဇင်ဘာလအထိ ကာလအတွင်းမှာတော့ ကန်ဒေါ်လာ ၈ ဒသမ ၄၆၉ သန်းတန်ဖိုးရှိ ပြောင်း ၂၈၁၆၅ တန်ကို တင်ပို့ထားပြီး ဖြစ်ပါတယ်။MIRT (DOBT)
ကြံဝယ်ဈေးနှုန်း ၂၀၁၂ ခုနှစ်မှာ ဝယ်ယူခဲ့တဲ့နှုန်းထက် မလျော့ကျပါက ၂၀၁၃ ခုနှစ်အတွက် စိုက်ဧကတိုးချဲ့မယ်လို့ သိရပါတယ်။
၂၀၁၂ ခုနှစ် ဒီဇင်ဘာလ ၂၆ ရက်မှ ၂၀၁၃ ခုနှစ် ဇန်န ဝါရီလ ၁ ရက်နေ့ထိကာလအတွင်းမှာ မြန်မာ-တရုတ် နယ်စပ်ရှိ မူဆယ်ကုန်သွယ်ရေးစခန်းမှကန်ဒေါ်လာ ၁ ဒသမ၄၆၄ သန်း တန်ဖိုးရှိ ပရဆေးကုန်ကြမ်း တန်ချိန် ၇၀၀ ကျော်တင်ပို့နိုင် ခဲ့ပါတယ်။ ယခင်အပတ်က ပရဆေးကုန်ကြမ်းတန် ၆၂၀ ကျော်သာတင်ပို့နိုင်ခဲ့တဲ့အတွက် ယခင်အပတ်ကထက် တန် ၈၀ ကျော် ပိုမိုတင်ပို့နိုင်ခဲ့ပါတယ်။ ယခင်အပတ ်ကထက် မိ ကျောင်းကွမ်းဖတ်စေ့၊ ကွမ်းစားဂမုန်း၊ ချဉ်ပေါင်ဖာလာ (အခွံ ပါ/အခွံမပါ)၊ ဆီးဆံနဲ့ ကြက်ဆူစေ့ တို့ပိုမိုတင်ပို့နိုင်ခဲ့ပြီး ယခင် အပတ်က တင်ပို့မှုမရှိတဲ့ ရွေးစေ့၊ ဒရင်ကောက်မြစ်၊ ဆေးမြင်း ခွာ၊ ခပေါင်းစေ့နဲ့ ဖန်ခါးသီးခြောက်တို့ကိုလည်း ယခုအပတ် မှာတင်ပို့မှုရှိခဲ့ပါတယ်။ ၂၀၁၂ ခုနှစ် ဒီဇင်ဘာလ တစ်လလုံး မှာတော့ နယ်စပ်ကုန်သွယ်ရေးစခန်း မူဆယ်မှ ကန်ဒေါ်လာ ၅ ဒသမ ၇၇၀ သန်းတန်ဖိုးရှိ ပရဆေးကုန်ကြမ်းတန် ၃၀၀၀ ကျော်တင်ပို့ခဲ့ပြီး တမူးနယ်စပ်မှ ကန်ဒေါ်လာ သုည ဒသမ ၀၂၃ သန်းတန်ဖိုးရှိ ပရဆေးကုန်ကြမ်း ၆ တန်ကျော်တင်သွင်း နိုင်ခဲ့ပါတယ်။ ခင်ကလျာဦး၊ MIRT (DOBT)
မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၇၅၆ သန်းတန်ဖိုးရှိ ငရုတ်သီးခြောက် ၃၇၃ တန်ခန့်ကို ၂၀၁၂ ခုနှစ် ဒီဇင်ဘာလ ၂၆ ရက်မှ ၂၀၁၃ ခုနှစ် ဇန်နဝါရီလ ၁ ရက်အတွင်းမှာ တင်ပို့နိုင်ခဲ့ ပါတယ်။ ငရုတ်သီးခြောက်များကို ယခုအပတ်မှာ မူဆယ် ၁၀၅ မိုင်ကုန်သွယ်ရေးုဇုန်တစ်ခုတည်းမှတင်ပို့ခဲ့ပြီး ယခင်အပတ်က ၁၇၁ တန်တင်ပို့ခဲ့တဲ့အတွက် ယခုအပတ်မှာ တန် ၂၀၀ ကျော် ပိုမိုတင်ပို့လာတာ တွေ့ရပါတယ်။ ငရုတ်သီးခြောက်များကို တရုတ်ဘက်မှာ ဟင်းခတ်ရာမှာ အဓိကအသုံးပြုကြပါတယ်။ ဒီဇင်ဘာလတစ်လလုံးမှာ ၁၈၆၇ တန် တန်ဖိုး ကန်ဒေါ်လာ ၄ ဒသမ ၁၈၇ သန်းဖိုး တင်ပို့နိုင်ခဲ့တယ်လု့ိ သိရပါတယ်။ ခင်မိုးသူ၊ MIRT (DOBT)
ဈေးကွက်တွင်းသို့ နနွင်းအဝင်အနည်းငယ်သာ ရှိပါ တယ်။ ဟိုပုံးဈေးကွက်မှာတော့ နနွင်း (စို) တစ်ပိဿာ ၂၀၀ ကျပ်၊ နနွင်းခြောက်တစ်ပိဿာ ၅၂၀ ကျပ်ဈေးရှိပါတယ်။ အောင်ပန်းဈေးကွက်မှာတော့ ပင်လောင်း နနွင်း ခြောက် တစ်ပိဿာ ၄၀၀ ကျပ်ဈေးရှိပြီး၊ အင်းနနွင်းခြောက်တစ်ပိဿာ ၇၀၀ကျပ်၊ ၈၀၀ ကျပ်ဈေးရှိနေ ပါတယ်။ နနွင်းမှာဈေးသာ ရှိနေပြီး အရောင်းအေးနေပါတယ်။
မြန်မာ-ဘင်္ဂလားဒေ့ရှ်နယ်စပ်ရှိ စစ်တွေစခန်းမှ မန်ကျည်းစေ့များ ပြန်လည် တင်ပို့နိုင်ခဲ့တယ်လို့ သတင်းရရှိပါတယ်။ ၂၀၁၂ ခုနှစ် ဒီဇင်ဘာလ ၂၆ ရက်မှ ၂၀၁၃ ခုနှစ် ဇန်နဝါရီလ ၁ ရက်ထိကာလအတွင်းမှာ ကန်ဒေါ်လာ သုည ဒသမ ၀၀၁ သန်းကျော်တန်ဖိုးရှိ မန်ကျည်းစေ့ ၂၃ တန်ကိုတင်ပို့ခဲ့ပါတယ်။ ဒီဇင်ဘာလ အတွင်း မန်ကျည်းစေ့ ၈၇ တန်တင်ပို့ခဲ့တယ်လို့ သတင်းရရှိပါတယ်။ စစ်တွေနယ်စပ် အနေနဲ့ မန်ကျည်းသီးမှည့်အစေ့ပါနဲ့ မန်ကျည်းစေ့များတင်ပို့လေ့ရှိတာ ဖြစ်ပါတယ်။မြင့်မြင့်မာ၊MIRT (DOBT)
ပြည်ပကို ပင်လယ်ရေကြောင်းကုန်သွယ်မှုလမ်းမှ နနွင်း ၄၃ တန်ကို ဒီဇင်ဘာ ၂၃ ရက်မှ ၂၉ ရက်နေ့ အတွင်းတင်ပို့ခဲ့ပါ တယ်။ ဒီတစ်ပတ်မှာပါကစ္စတန်နိုင်ငံကို တန် ၃၀ နဲ့မလေးရှားနိုင်ငံကို ၁၃ တန်တင်ပို့နိုင်ခဲ့တယ်လို့ သိရပါတယ်။ ယခင် တစ်ပတ်အပို့ပျောက်ခဲ့တဲ့နနွင်းက ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ်ပါတယ်။ ယခင်တစ်ပတ် FOB ဈေးက ကန် ဒေါ်လာ ၅၃၀ ကျော်ရရှိခဲ့ပေမယ့် ဒီတစ်ပတ်မှာ FOB ဈေးက တစ်တန်ကို ကန်ဒေါ်လာ ၅၀၀ ဝန်းကျင်သာရရှိခဲ့တယ် လို့သိရပါတယ်။ MIRT (DOT)
ဒီတစ်ပတ်အောင်ပန်းဈေးကွက်မှာ ချင်းအရောင်းအဝယ်သွက်နေပါတယ်။ ကလောမြို့နယ်တစ်ဝိုက်၊ ပင်လောင်း၊ နန်းတိုင်း၊ ပင်းတယစတဲ့ ဒေသထွက်ချင်းများ ဈေးကွက်မှာပုံမှန်အဝင်ရှိနေပါတယ်။ ချင်းစို တစ်ပိဿာ ၂၅၀ ကျပ်၊ ၃၀၀ ကျပ်ဈေး ရှိပြီး၊ ချင်းခြောက်ကတော့ တစ်ပိဿာ ၁၁၀၀ ကျပ်ဈေးနဲ့ အရောင်းအဝယ်ဖြစ်နေ ပါတယ်။ ပြည်၊ စစ်တွေ၊ မန္တလေး၊ ပဲခူးဘက်မှ အဆွဲများတာကြောင့် အရောင်းသွက် နေတယ်လို့သိရှိရပါတယ်။ တစ်ပတ်အတွင်း ပိဿာချိန် ၁၅၀၀၀ ခန့် အရောင်း အဝယ် ဖြစ်ခဲ့တယ်လို့လည်း သိရှိရပါတယ်။
ယခုတစ်ပတ်ပြည်ဈေးကွက်ရဲ့ ချင်းအရောင်းအဝယ်မှာ ပစ္စည်း အရည်အသွေး ပိုကောင်းလာတဲ့အတွက် အရောင်းအဝယ်ပိုဖြစ်နေပါတယ်။ အောင်ပန်းဘက်မှ ပိဿာ ၃၀ ဝင်အိတ် ၄၀၀ ခန့်ရှိပြီး၊ လက်လီ၊လက်ကားရောင်းဝယ်သူများနဲ့ ဧရာ ဝတီတိုင်းဒေသကြီး၊ ရခိုင်ပြည်နယ်ဘက်ကို စားသုံးမှုအဖြစ် တစ်နေ့ကို ပိဿာချိန် ၁၂၀၀ ခန့် တင်ပို့မှုရှိတယ်လို့လည်း သိရပါတယ်။ ဈေးနှုန်းမှာ တစ်ပိဿာကို ချင်း(ရှယ်) ၆၀၀ ကျပ်၊ (ဂျွန်) ၄၅၀ ကျပ်တို့နဲ့ အရောင်းအဝယ်သွက်လျက် ရှိ နေပါတယ်။ ဝင်းဝင်းခိုင် - ပြည်
မြန်မာ-အိန္ဒိယနယ်စပ်ရှိ တမူးနယ်စပ်ကုန်သွယ်ရေးမှ ၂၀၁၂ ခုနှစ် ဒီဇင်ဘာလ ၂၆ ရက်မှ ၂၀၁၃ ခုနှစ် ဇန်နဝါရီလ ၁ ရက်တာကာလအတွင်း ကန်ဒေါ်လာ သုည ဒသမ ၀၃၁ သန်းတန်ဖိုးရှိတဲ့ ချင်းခြောက် ၁၅ တန် ကို တင်ပို့ခဲ့တယ်လို့ သိရပါတယ်။ ဒီဇင်ဘာလမှာ နယ်စပ်စခန်းအသီးသီးမှ ချင်းခြောက် ၅၄ တန်တင် ပို့နိုင်ခဲ့ပြီး ၂၀၁၂ ခုနှစ် တစ်နှစ်လုံးမှာတော့ ကန်ဒေါ်လာ သုည ဒသမ ၇၀၁ သန်းဖိုးရှိ ချင်းခြောက် ၃၂၈ တန်ကို တင်ပို့နိုင်ခဲ့တယ်လို့ သိရပါတယ်။မော်မော်အောင်၊MIRT (DOBT)