ဈေးကွက်စီးပွားရေးသတင်း

မြန်မာနိုင်ငံတွင် နေကြာသီးနှံကို စားသုံးဆီ လိုအပ် ချက် ဖြည့်တင်းနိုင်ရန်အတွက်  ဧကပြတ် စိုက်ပျိုးကြသကဲ့သို့ အခြားသီးနှံများကြားတွင်လည်း  သီးညှပ်စိုက်ပျိုးကြသည်။ နေကြာသီးနှံ၏ မူရင်းဒေသမှာ မြောက်အမေရိက တောင်ပိုင်း မှ စတင်ဖြစ်ထွန်းလာခဲ့ပြီး ထိုမှတစ်ဆင့် အာရှနိုင်ငံများသို့ မျိုးပွားရောက်ရှိလာကြောင်း  သိရသည်။  ပြည်ခရိုင်တွင် ယခင်က ဆောင်းနေကြာ တစ်မျိုးသာရှိပြီး နောက်ပိုင်းတွင် စားသုံးဆီ ဖူလှုံရန်အတွက် မိုးနေကြာကို စမ်းသပ် စိုက်ပျိုးလာ ကြသည်။
အမျိုးအစားနှင့် သက်တမ်းကာလ 

မော်လမြိုင်မြို့၌ ဇွန်လပထမပတ်တွင် ဘိလပ်မြေဈေးကွက်မှာ အရောင်းအဝယ်  ပုံမှန်ရှိနေပြီး   ဈေးနှုန်းတည်ငြိမ်နေကြောင်း သိရှိရ သည်။ ဈေးကွက်ထဲအရောင်းအဝယ်  ပုံမှန်ဖြစ်နေသောဈေးမှာ  ယခု အပတ်တွင် ကြံ့နှစ်ကောင်(အနီ)  ကျပ် ၁၂၀ဝ၀၊ ဆင် (ထိုင်း) ကျပ် ၁၆၅၀ဝ၊ ကြံ့တံဆိပ်(အပြာ) ကျပ် ၁၁၂၀ဝဖြင့်  အရောင်းအဝယ်ဖြစ် နေပြီး မော်လမြိုင်မြို့၌ ဓာတ်မြေသြဇာနှင့် ပိုးသတ်ဆေးဈေးနှုန်းမှာ အရောင်းအဝယ် အေးနေကာ  ဈေးနှုန်းအနည်းငယ် မြင့်တက်လာ ကြောင်း သိရှိရသည်။ 

ကချင်ပြည်နယ် ဗန်းမော်မြို့နယ်အတွင်း ဒေသအခေါ် (လိုင်ချီးသီး/တရုတ်ဆီးသီး/ လေချုသီး)များ လှိုင်လှိုင်ထွက် ပေါ်နေပြီး ယခင်နှစ်ထက်ပို၍ ဈေးကောင်းရလျက်ရှိကြောင်း သိရှိရသည်။
ယခုမေလမှစတင်၍ အသီးများရင့်မှည့်လာသဖြင့် ဈေးများ၊ လူစည်ကားရာ နေရာများတွင် ပေါ်ဦးပေါ်ဖျား လိုင်ချီးသီး အလုံး ၅၀ ခန့်ပါတစ်တွဲလျှင် ၂၀ဝ၀ ကျပ်မှ ၂၅၀ဝ ကျပ်ထိ ဈေးရရှိနေကြောင်း၊  ဗန်းမော်ခရိုင် မိုးမောက်မြို့နယ် ဒေသအခေါ် ၁၇ မိုင်(ဂွယ်ကထောင်ကျေးရွာ ) ရှိ လိုင်ချီးသီးမှာ အသားထူချိုမွှေးပြီး အစေ့သေးသောကြောင့် စားသုံးသူများ ပိုမိုဝယ်ယူစားသုံး လျက်ရှိပြီး ဈေးကွက်တွင် ပိုမိုရောင်းအားကောင်းလျက်ရှိသည်။

ပြည်ခရိုင်တွင် မိုးစပါးစိုက်ဧကမှာ ၂၂၆၄၉၆ ဧကရှိပြီး ပြည်မြို့နယ်တွင် ၇၄၆၄၂ဧက၊ ပေါက်ခေါင်းမြို့နယ်တွင် ၄၆၇၅၃ ဧက၊ ပန်းတောင်းမြို့နယ်တွင် ၄၆၉၃၄ဧက၊ ရွှေတောင်မြို့နယ်တွင် ၅၈၁၆၃ ဧက စိုက်ပျိုးပြီးဖြစ်သည်။  စိုက်ပျိုးသော စပါး မျိုးများမှာ အင်းလယ်၊ ဆင်းသွယ်လတ်၊ မနောသုခ၊ ကျော်ဇေယျ၊ ဧရာမင်း၊ မှော်ဘီ၊ အင်းမရဲဘော်နှင့် ထိုင်းနှံကောက် စပါးမျိုးများဖြစ်သည်။ ယခုအချိန်တွင် ဧက ငါးသောင်းကျော် ရိတ်သိမ်းပြီး အထွက်နှုန်းအနေဖြင့် ပျမ်းမျှ တင်း ၇၀ ခန့်ထွက်သည်ဟု သိရသည်။

မော်လမြိုင်မြို့၌  ဒီဇင်ဘာလပထမပတ်တွင် ဘိလပ်မြေဈေးကွက်မှာ အရောင်းအဝယ် ပုံမှန်ရှိနေပြီး ဈေးနှုန်းတည်ငြိမ်နေကြောင်း သိရှိရသည်။ ဈေးကွက်ထဲ အရောင်းအဝယ် ပုံမှန်ဖြစ်နေသောဈေးမှာ ယခုပတ်တွင် ကြံ့နှစ်ကောင် (အနီ) ကျပ် ၁၀၃၀ဝ၊ ဆင် (ထိုင်း) ကျပ် ၁၄၀ဝ၀၊ ကြံ့တံဆိပ် (အဝါ) ကျပ် ၁၀၂၀ဝ ဖြင့် အရောင်းအဝယ်ဖြစ်နေပြီး မော်လမြိုင်မြို့၌ ဓာတ်မြေသြဇာနှင့် ပိုးသတ်ဆေးဈေးနှုန်းမှာ အရောင်းအဝယ်အေးနေပြီး ဈေးနှုန်းအနည်းငယ် ကျဆင်းနေကြောင်း သိရှိရသည်။