Background
မြန်မာနိုင်ငံ အထည်ချုပ်လုပ်ငန်းရှင်များအသင်း (MGMA)အနေဖြင့် မြန်မာနိုင်ငံတွင် ထုတ်လုပ်သည့်အထည် များကိုMade In Myanmar ထုတ်ကုန်အဖြစ် ဥရောပဈေး ကွက်သို့ တင်ပို့နိုင်ရန် အဆင့်မြှင့်တင် ဆောင်ရွက်နေကြောင်း သိရသည်။ ယင်းအတွက် လက်ရှိတွင် မြန်မာ့အထည်ချုပ်ကဏ္ဍ အနေဖြင့် ဥရောပဈေးကွက်၌ နိုင်ငံတကာဝယ်လက်အဖြစ် Platform တစ်ခုကို ခိုင်မာစွာ တည်ဆောက်ထားပြီးဖြစ်ကြောင်း သိရသည်။
ပြည်ခရိုင်တွင် မိုးစပါးစိုက်ဧကမှာ ၂၂၆၄၉၆ ဧကရှိပြီး ပြည်မြို့နယ်တွင် ၇၄၆၄၂ဧက၊ ပေါက်ခေါင်းမြို့နယ်တွင် ၄၆၇၅၃ ဧက၊ ပန်းတောင်းမြို့နယ်တွင် ၄၆၉၃၄ဧက၊ ရွှေတောင်မြို့နယ်တွင် ၅၈၁၆၃ ဧက စိုက်ပျိုးပြီးဖြစ်သည်။ စိုက်ပျိုးသော စပါး မျိုးများမှာ အင်းလယ်၊ ဆင်းသွယ်လတ်၊ မနောသုခ၊ ကျော်ဇေယျ၊ ဧရာမင်း၊ မှော်ဘီ၊ အင်းမရဲဘော်နှင့် ထိုင်းနှံကောက် စပါးမျိုးများဖြစ်သည်။ ယခုအချိန်တွင် ဧက ငါးသောင်းကျော် ရိတ်သိမ်းပြီး အထွက်နှုန်းအနေဖြင့် ပျမ်းမျှ တင်း ၇၀ ခန့်ထွက်သည်ဟု သိရသည်။
စစ်ကိုင်းတိုင်းဒေသကြီး ရွှေဘိုခရိုင် ရွှေဘိုမြို့ စည်ပင်သာယာဈေးကြီးအတွင်း၊ ဈေးကြီးအနီးပတ်ဝန်းကျင်နှင့် မြို့တွင်းရှိနေရာအသီးသီးတွင် ဆောင်းရာသီပေါ် အာတာလွတ်ဥများ ရောင်းချလျက်ရှိသည်ကို တွေ့ရှိရသည်။
မော်လမြိုင်မြို့၌ ဒီဇင်ဘာလပထမပတ်တွင် ဘိလပ်မြေဈေးကွက်မှာ အရောင်းအဝယ် ပုံမှန်ရှိနေပြီး ဈေးနှုန်းတည်ငြိမ်နေကြောင်း သိရှိရသည်။ ဈေးကွက်ထဲ အရောင်းအဝယ် ပုံမှန်ဖြစ်နေသောဈေးမှာ ယခုပတ်တွင် ကြံ့နှစ်ကောင် (အနီ) ကျပ် ၁၀၃၀ဝ၊ ဆင် (ထိုင်း) ကျပ် ၁၄၀ဝ၀၊ ကြံ့တံဆိပ် (အဝါ) ကျပ် ၁၀၂၀ဝ ဖြင့် အရောင်းအဝယ်ဖြစ်နေပြီး မော်လမြိုင်မြို့၌ ဓာတ်မြေသြဇာနှင့် ပိုးသတ်ဆေးဈေးနှုန်းမှာ အရောင်းအဝယ်အေးနေပြီး ဈေးနှုန်းအနည်းငယ် ကျဆင်းနေကြောင်း သိရှိရသည်။
ရှမ်းပြည်နယ်(အရှေ့ပိုင်း)ကျိုင်းတုံမြို့ဈေးကွက်တွင် နိုဝင်ဘာလစတုတ္ထပတ်၌ ဓာတ်မြေသြဇာဈေးနှုန်းများမှာ ပုလဲ(MEP) (50) kg တစ်အိတ်လျှင် ကျပ် ၉၇၀ဝ၀ ၊ တီဆူပါ(လေဆာ) (50)kg တစ်အိတ်လျှင် ကျပ် ၁၉၀ဝ၀ ၊ ယူရီ ယား(မြင်းပျံ) (50)kg တစ်အိတ်လျှင် ကျပ် ၈၇၀ဝ၀၊ တီဆူပါ (may) (50)kg တစ်အိတ်လျှင် ကျပ် ၁၉၀ဝ၀ ၊ ချာန (သုံးမျိုးစပ်) 50 kgတစ်အိတ်လျှင် ကျပ် ၁၄၂၀ဝ၀ တို့ ဖြစ်သည်။ တာချီလိတ်မြို့အတွင်းရှိ ဓာတ်မြေသြဇာဈေးနှုန်းများ မှာ ပုလဲ(၄၆%) (50)kg တစ်အိတ်လျှင် ကျပ်၁၃၂၅၀ဝ၊ ကွန်ပေါင်း(၁၅ပတ်လည်) တစ်အိတ်လျှင် ကျပ် ၁၂၄၄၀ဝ၊ ကွန်ပေါင်း (50)kg တစ်အိတ်လျှင် ကျပ် ၁၂၄၄၀ဝ တို့ဖြစ်သည်။
မော်လမြိုင်မြို့၌ ယခု အောက် တိုဘာလ တတိယပတ်တွင် ဘိလပ်မြေ ဈေးကွက်မှာ အရောင်းအဝယ်ပုံမှန်ရှိ နေပြီး ဈေးနှုန်းအနည်းငယ်ကျဆင်းလာ ကြောင်း သိရှိရသည်။
ဈေးကွက်ထဲ အရောင်းအဝယ် ပုံမှန်ဖြစ်နေသောဈေးမှာ ယခင်တစ် ပတ်တွင် ကြံ့နှစ်ကောင် (အနီ) ကျပ် ၁၀၅၀ဝ၊ ဆင်(ထိုင်း) ကျပ် ၁၅၀ဝ၀၊ ကြံ့တံဆိပ် (အပြာ) ကျပ် ၉၃၀ဝ ရှိခဲ့ပြီး ယခုတစ်ပတ်တွင် ကြံ့နှစ်ကောင်(အနီ) ကျပ်၁၀၃၀ဝ၊ဆင်(ထိုင်း)ကျပ် ၁၄၀ဝ၀၊ ကြံ့တံဆိပ်(အပြာ) ကျပ် ၁၀၂၀ဝ နှင့် အရောင်းအဝယ်ဖြစ်နေသည်။
မော်လမြိုင်မြို့၌ ဓာတ်မြေသြဇာ နှင့် ပိုးသတ်ဆေးမှာ ဈေးနှုန်းအနည်း ငယ်ကျလာပြီး အရောင်းအဝယ် အေး နေကြောင်း သိရှိရသည်။
မွန်ပြည်နယ်အတွင်းရှိ ရော်ဘာအဝယ်ဒိုင်များအနေဖြင့်အပတ်စဉ် အရောင်းအဝယ်ပုံမှန်ရှိနေသည်။ရော်ဘာဈေးနှုန်းမှာယခင်နှစ်အဖွင့်ရာသီတွင် RSS-3 တစ်ပေါင်လျှင် ကျပ်၁၂၀ဝခန့် ဈေးနှုန်းရရှိခဲ့ပြီး ယခုအောက်တိုဘာ ဒုတိယပတ် တွင် RSS-3 တစ်ပေါင်လျှင် ကျပ်၁၄၅၀ပေါက်ဈေးဖြစ်ပေါ်နေသည်။ ယခင်တစ်ပတ်ဈေးနှုန်းRSS-3 တစ်ပေါင်လျှင် ကျပ် ၁၁၂၀ နှင့် ဈေးနှုန်းနှိုင်းယှဉ်ပါကRSS-3 တစ်ပေါင်လျှင် ၃၅၀ ကျပ်ခန့် ဈေးနှုန်းတက်ပြီး ယခင်နှစ် အလားတူကာလ RSS-3 တစ်ပေါင်လျှင် ၁၀၈၀ကျပ် နှင့်နှိုင်းယှဉ်ပါက ယခင်နှစ်ဈေးနှုန်းထက်RSS-3 တစ်ပေါင်လျှင်၃၇၀ ကျပ်ခန့် ဈေးနှုန်းတက်လာကြောင်း သိရှိရသည်။
အောင်မြင့်မြတ် (မွန်)
ဒီဇင်ဘာလ ၅ ရက်မှဒီဇင်ဘာလ ၁၁ ရက်ထိကာလအတွင်း နယ်စပ်ကုန်သွယ်ရေးစခန်းများမှ အမေရိကန်ဒေါ်လာ ၅ ဒသမ ၁၅၀ သန်းတန်ဖိုးရှိ ဆန်တန်ချိန်၁၂၉၀၀ကျော်တင်ပို့ခဲ့ကြောင်းသိရသည်။ တင်ပို့မှုများအနေဖြင့် မြန်မာ- တရုတ်နယ်စပ်များဖြစ်သော မူဆယ်(၁၀၅) မိုင်ကုန်သွယ်ရေးဇုန်မှ ဆန်တန်ချိန် ၈၈၅၀ နီးပါး၊ ချင်းရွှေဟော်ကုန်သွယ်ရေးစခန်းမှ ဆန်တန်ချိန် ၂၄၈၀ ခန့်၊ လွယ်ဂျယ်ကုန်သွယ်ရေးစခန်းမှဆန်တန်ချိန် ၁၄၁၀ ခန့်၊ ကန်ပိုက်တီ ကုန်သွယ်ရေးစခန်းမှ ဆန်တန်ချိန် ၂၅ ခန့်နှင့်တာချီလိတ်ကုန်သွယ်ရေးစခန်းမှ ဆန်တန်ချိန် ၂၀၀ခန့် တင်ပို့နိုင်သဖြင့် ယခင်တစ်ပတ်ကုန်သွယ်မှုနှင့်နှိုင်းယှဉ်လျှင် ဆန်တန်ချိန် ၂၉၀၀ကျော်လျော့နည်းတင်ပို့န
မူဆယ်(၁၀၅)မိုင်ကုန်သွယ်ရေးဇုန်မှ တရုတ်နိုင်ငံသို့နေ့စဉ်သစ်သီးဝလံများတင်ပို့လျက်ရှိရာ ဒီဇင်ဘာလ(၈.၁၂.၂၀၂၀ မှ ၁၄.၈.၂၀၂၀)ရက်နေ့အတွင်း ဖရဲသီးတင်ပို့မှု၈၀၉ စီး၊ ၁၁၇၃၈ ဒသမ ၅၀ တန်နှင့် သခွားမွေး ၆၀ စီး၊ ၆၁၈.ဝ၀ တန်တင်ပို့နိုင်ခဲ့ပါသည်။
သစ်သီးဝလံတင်ပို့မှုမှာ ဒီဇင်ဘာလပထမပတ်တွင် ဖရဲသီးတင်ပို့မှု ၆၇၆၀ ဒသမ ၅၀ တန်နှင့် သခွားမွေးတင်ပို့မှု ၃၅၅ ဒသမ ၅၀ တန်တင်ပို့ပါသဖြင့် ဒီဇင်ဘာလဒုတိယပတ်တွင် ဖရဲသီးတင်ပို့မှု ၄၉၇၈.ဝ၀ တန်နှင့် သခွားမွေး တင်ပို့မှုတွင် ၂၆၂ ဒသမ ၅၀ တန် ပိုမိုတင်ပို့နိုင်ကြောင်း သိရှိရပါသည်။
ဒီဇင်ဘာလ၆ရက်မှ ၁၂ ရက်အထိ ပင်လယ်ရေကြောင်းမှ နှမ်းတင်ပို့မှုမှာ တန်ချိန် ၄၄၅ ဒသမ ဝ၇၃၊ တန်ဖိုး အမေရိကန်ဒေါ်လာ ၇၂၈၇၂၅ဒသမ ၈၄ တင်ပို့နိုင်ခဲ့ကြောင်းသိရသည်။
တင်ပို့ခဲ့သောနိုင်ငံများမှာ ငါးနိုင်ငံရှိပြီး ဂျပန်၊တရုတ်၊ထိုင်း၊ထိုင်ဝမ်နှင့်စင်ကာပူနိုင်ငံတို့ဖြစ်သည်။ အများဆုံးတင်ပို့ခဲ့သောနိုင်ငံမှာ ထိုင်ဝမ်နိုင်ငံဖြစ်ပြီး တန်ချိန် ၂၂၇ ဒသမ ၂၀၃ ၊ တန်ဖိုးအမေရိကန်ဒေါ်လာ ၃၄၃၀၁၂ ဒသမ ၃၄ ဖြစ်ပြီး အနည်းဆုံး တင်ပို့ခဲ့သောနိုင်ငံမှာ တရုတ်နိုင်ငံဖြစ်ကာ တန်ချိန် ၁၈ ၊ တန်ဖိုး အမေရိကန်ဒေါ်လာ ၃၆၀ဝ၀ ဖြစ်ကြောင်းသိရသည်။
