Background
ပြည်တွင်းစျေးကွက်များဖြစ်သည့် တောင်ကြီး၊ မော်လမြိုင်၊ မန္တလေးနှင့် မကွေးတို့တွင် အရောင်းအေးကြောင်းသိရသည်။
တောင်ကြီးဘိလပ်မြေဈေးကွက်၌အရောင်းအဝယ်အေးပြီးဈေးငြိမ်နေကြောင်းသိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာစိန်(ထိုင်း) ကျပ်၈၀ဝ၀၊ အေသုံးလုံး ကျပ်၅၂၀ဝ၊ အပါချီကျပ်၄၃၀ဝ၊ကမ္ဘောဇကျပ်၄၂၀ဝ၊ ကျားခေါင်းကျပ်၆၂၀ဝ၊နဂါးကျပ်၄၃၀ဝဖြင့်အရောင်းအဝယ်ဖြစ်ကြောင်းအိမ်ဆောက်ပစ္စည်းရောင်းဝယ်ရေးဆိုင်မှစုံစမ်းသိရှိရသည်။
ပြည်တွင်းဈေးကွက်များဖြစ်သည့်မော်လမြိုင်မှာ အရောင်းသွက်ပြီး၊တောင်ကြီး၊မကွေးနှင့် မန္တလေးတို့တွင် အရောင်းအေးကြောင်းသိရသည်။
အောက်တိုဘာ ၂၅ရက်မှ ၃၁ ရက်အထိ ပင်လယ်ရေကြောင်းမှ မတ်ပဲတင်ပို့မှုမှာ တန်ချိန် ၉၁၃၈ ဒသမ ၂၆၇၊ တန်ဖိုး အမေရိကန်ဒေါ်လာ ၈၄၁၇၆၄၉ ဒသမ ၇၂ တင်ပို့နိုင် ခဲ့ကြောင်း သိရသည်။
တင်ပို့ခဲ့သောနိုင်ငံများမှာ ၁၂ နိုင်ငံရှိပြီး ဂျာမနီ၊ အိန္ဒိယ၊ ဂျပန်၊ မလေးရှား၊ နီပေါ၊ နယူးဇီလန်၊ ထိုင်း၊ စင်ကာပူ၊ အာရပ်စော်ဘွားများပြည်ထောင်စု၊ ဗီယက်နမ်၊ ကာတာနှင့် အမေရိကန်ပြည်ထောင်စုတို့ ဖြစ်သည်။ အများဆုံး တင်ပို့ခဲ့သော နိုင်ငံမှာ အိန္ဒိယနိုင်ငံဖြစ်၍ တန်ချိန် ၆၃၆၂၊ တန်ဖိုး အမေရိ ကန်ဒေါ်လာ ၅၇၁၉၁၂၇ ဒသမ ၁၉ ဖြစ်ပြီး အနည်းဆုံး တင်ပို့ခဲ့သောနိုင်ငံမှာ နယူးဇီလန်ဖြစ်၍ တန်ချိန် ၂၃၊ တန်ဖိုး အမေရိကန်ဒေါ်လာ ၁၆၆၂၀ ဖြစ်ကြောင်းသိရသည်။
အောက်တိုဘာ ၂၄ ရက်မှ ၃၀ ရက်တာကာလအတွင်း ဆန်တင်ပို့မှုအနေဖြင့် အမေရိ ကန်ဒေါ်လာ ၅ ဒသမ ၇၄၅ သန်းတန်ဖိုးရှိ ဆန်တန်ချိန် ၁၄၄၀၀ ကျော် တင်ပို့ခဲ့ကြောင်း သိရ သည်။ တင်ပို့မှုများအနေဖြင့် မူဆယ်(၁၀၅)မိုင်ကုန်သွယ် ရေးဇုန်မှ ဆန်တန်ချိန် ၁၄၂၀၀ ကျော် နှင့် ချင်းရွှေဟော်ကုန်သွယ်ရေးစခန်းမှ ဆန်တန်ချိန် ၁၉၀ ကျော်တင်ပို့နိုင်ခဲ့သည်။ မြဝတီကုန်သွယ်ရေးဇုန်မှလည်း အမေရိကန်ဒေါ်လာ သုည ဒသမ ၁၅၆ သန်းတန်ဖိုးရှိ ဆန်မှုန့်တန်ချိန် ၄၀၀ ခန့် တင်ပို့နိုင်ခဲ့ကြောင်း သိရသည်။ ယခင်တစ်ပတ် တင်ပို့မှုနှင့် နှိုင်းယှဉ်လျှင် ဆန်တန်ချိန်၅၅၀၀ ကျော်ပိုမိုတင်ပို့နိုင်ခဲ့ကြောင်း သိရသည်။
မွန်ပြည်နယ်အတွင်း ၂၀၂၀ ပြည့်နှစ် အောက်တိုဘာလ စတုတ္ထပတ်မှ စတင်၍မိုးစပါး (ကောက်စောစပါး)များစတင်ထွက်ရှိနေပြီဖြစ်ပါသည်။ပြည်နယ်တစ်ခုလုံး၏မိုးစပါး စိုက်ဧက ၆၈၅၅၇၉ အနက် ၁၈၃၃ ဧကရိတ်သိမ်းထွက်ရှိပြီး စပါးအထွက်ရာခိုင်နှုန်းမှာ တစ်ဧက ၆၂ ဒသမ ၁၁ ရာခိုင်နှုန်းရှိကာ အထွက်တင်း ၁၁၃၈၄၁ ထွက်ရှိနေပြီဖြစ်ပါသည်။ ဈေးနှုန်းအနေ ဖြင့်ပေါ်ဆန်း စပါး(အသစ်)(၄၆)ပေါင်တင်း ၁၀၀ လျှင် ကျပ် ၆၄၄၀၀၀၊ ပေါ်ဆန်း (ဆန်အသစ်) ၂၄ပြည် ပါ တစ်အိတ်လျှင် ကျပ် ၃၁၅၀၀၊ ဧည့်မထ(စပါးအသစ်) (၄၆)ပေါင်တင်း ၁၀၀ ကျပ် ၅၂၄၄၀၀၊ ဧည့်မထဆန်(အသစ်) ၂၄ ပြည်ပါ တစ်အိတ် ကျပ် ၂၂၀၀၀ ဖြစ်ပေါ်နေ ကြောင်းသိရှိရပါသည်။
မူဆယ်(၁၀၅)မိုင်ကုန်သွယ်ရေးဇုန်မှ တရုတ်နိုင်ငံသို့ သစ်သီးဝလံများ တင်ပို့လျှက်ရှိရာ အောက်တိုဘာလအတွင်း ဖရဲ ၁၄၀၃၈ ဒသမ ၅ တန်နှင့် သခွားမွေး ၇၆ ဒသမ ၅ တန် တင်ပို့နိုင်ခဲ့သည်။
ဧရာဝတီတိုင်းဒေသကြီးအတွင်းရှိမြို့နယ်များတွင် ကောက်စောစပါးများရိတ်သိမ်းပြီးစီး၍ မြို့နယ်အများစုတွင် ချွေလှေ့ပြီးစီးဖြစ်ပါသည်။ ဈေးနှုန်းများနှင့်ဝယ်ယူမှုများသည်လည်း မြို့နယ် အလိုက်ကွာခြားမှုရှိနေပါသည်။ ပုသိမ်ခရိုင် အတွင်းရှိ ကန်ကြီးထောင့်မြို့နယ်၊ ကျုံပျော်မြို့နယ်နှင့် ကျောင်းကုန်းမြို့နယ်များတွင် စပါးအစို၅၀ပေါင်ဖြင့် ဆန်စက်အရောက် ကျပ် ၄၈၀၀၀ဝ ဖြင့် လည်းကောင်း၊ စပါးအခြောက်ကို ဆန်စက်အရောက် ၄၆ပေါင်ဈေးနှုန်း ကျပ် ၅၃၀၀၀ဝ ရှိနေ ပါသည်။
ဧရာဝတီတိုင်းဒေသကြီး၏ မတ်ပဲဈေးနှုန်းသည် ယခင်သီတင်းပတ်ကာလမှာကတည်းက ကျဆင်းခဲ့ခြင်း ဖြစ်ပြီး ယခုသီတင်းပတ်တွင်လည်း ဈေးပြန်တက်မလာပဲ အကျဘက်တွင် ဆက်လက်ရပ်တည်နေသည်။ ယခင်သီတင်းပတ်ကာလ နောက်ဆုံးရက်တွင် မတ်ပဲတစ်တင်းလျှင် ကျပ် ၃၇၅၀၀ ဖြစ်သည်။ အောက်တိုဘာလ ၂၈ ရက်တွင် ကျပ် ၃၈၀၀၀ နှင့် ၂၉ ရက်တွင် ကျပ် ၃၈၂၀၀ သို့ တက်ရိပ်ပြခဲ့သော်လည်း နိုဝင်ဘာလ ၂ ရက်တွင် ကျပ် ၃၇၈၀၀၊ ၃ ရက်တွင် ကျပ် ၃၇၄၀၀ နှင့် ၄ ရက်တွင် ကျပ် ၃၇၁၀၀ သို့ပြန်လည်ကျဆင်းသွားသည်၊ ယခင် သီတင်းပတ် ကာလ ဈေးနှုန်းနှင့်မတိမ်းမယိမ်း အခြေအနေသို့ပြန်လည်ရောက်ရှိနေကြောင်းတွေ့ရပြီး ဈေးနှုန်းအပြောင်းအလဲများစွာမရှိကြောင်းတွေ့ရ သည်။
မကွေးတိုင်းဒေသကြီးအတွင်း အောင်လံကုန်စည်ဒိုင်နှင့် ပွဲရုံများတွင် ပဲမျိုးစုံတို့ဝင်ရောက်ကာ အရောင်းအဝယ်ဖြစ်လျက်ရှိပါသည်။ ပဲတီစိမ်းများဝင်ရောက်လာပြီး အရည်အသွေးနှင့်ဝယ်လိုအားကြောင့် စျေးများအနည်းငယ်တက် လျက်ရှိပါသည်။ အောင်လံကုန်စည်ဒိုင်တွင် ယခုအပတ် ၄.၁၁.၂၀၂၀ ရက် တွင် ပဲတီစိမ်း ၂၀ပိဿာတစ်တင်းလျှင် ကျပ် ၄၁၀ဝ၀ ဈေးဖြင့်အရောင်းအဝယ် ဖြစ်လျက် ရှိပါသည်။
ယခင်အပတ်တွင် ၂၈.၁၀.၂၀၂၀ ရက်တွင် ပဲတီစိမ်း ၂၀ပိဿာတစ်တင်းလျှင်ကျပ် ၄၀၅ဝ၀ ဈေးဖြင့် အရောင်းအဝယ်ဖြစ်ခဲ့ရာ ယခင်အပတ်နှင့်နှိုင်းယှဉ်ပါက ပဲတီစိမ်း ၂၀ပိဿာတစ်တင်း လျှင် ကျပ် ၅ဝဝ ဖြင့် အနည်းငယ်စျေးတက် လျက်ရှိကြောင်း ကုန်စည်ဒိုင်သတင်းအရ သိရှိရပါသည်။
မွန်ပြည်နယ်တွင် အစေးလှီးရာသီ ပြန်လည်စတင်ချိန်တွင် မိုးတစ်ပြိုက်/နေတစ်ပြိုက် မြေဆီလွှာများ စိုစွတ်နေပြီး အစေးထွက်နှုန်းကောင်းမွန်သော်လည်း အချိန်အခါမဲ့ မိုးရွာသွန်းမှု များကြောင့် အစေးလှီးလုပ်ငန်းအချို့ ထိခိုက်မှု ရှိခဲ့ကြောင်း သိရှိရသည်။ အောက်တိုဘာလအတွင်း ရော်ဘာဈေးမြင့်တက်ခဲ့ရာ တစ်ရက်လျှင် ကျပ် ၁၀-၂၀ နှုန်းဖြင့် နှစ်ပတ်အတွင်း RSS-3 ရော်ဘာ တစ်ပေါင် ကျပ် ၁၀၀ ထိ မြင့်တက်ခဲ့ကြောင်း သိရှိရသည်။
