လယ်ယာထွက်ကုန်ပစ္စည်းသတင်း

မကွေးတိုင်းဒေသကြီး ပခုက္ကူခရိုင် ရေစကြိုမြို့နယ်ကို သဘာဝပထဝီအနေ အထားအရ ကုန်းပိုင်း၊ ကုန်းတစ်ပိုင်း ကျွန်းတစ်ပိုင်း၊ ကျွန်းပိုင်းဟူ၍ အပိုင်း (၃)ပိုင်း ဖြင့် ခွဲခြားထားသည်။  ကုန်းပိုင်းတွင် မိုးသီးနှံများဖြစ်သည့် မြေပဲ၊ နှမ်း၊ ပဲတီစိမ်း၊ ပဲစင်းငုံ၊ ငရုတ်နှင့် ဝါသီးနှံများကို စိုက်ပျိုးကြသည်။ မိုးသီးနှံများထဲတွင် တောင်သူ များ  တွက်ခြေကိုက်သည့်  ဝါသီးနှံများကို စိုက်ပျိုးလျက်ရှိကြပြီး ဝါသီးနှံများကို အဓိကထားပြီး စိုက်ပျိုးသည့် မြေဖြူ၊ ဂွေးချို၊ စည်သာကျေးရွာများတွင် ဧက ၁၀ဝ ခန့် စိုက်ပျိုးထားရှိကြောင်း မြေဖြူကျေးရွာနေ တောင်သူတစ်ဦး ၏ ပြောပြချက်အရ သိရှိရသည်။

ဆိပ်ဖြူမြို့နယ်တွင် ဆီထွက်သီးနှံ  မိုးမြေပဲများ လှိုင်လှိုင်တူးဖော်ပြီးဖြစ်သဖြင့် မိုးမြေပဲများကို ဇွန်၊ ဇူလိုင်လများတွင် စိုက်ပျိုးပြီး အောက်တိုဘာလကုန်ပိုင်းတွင် တူးဖော် ရိတ်သိမ်း ကြရသည်။ နှစ်စဉ် ကုန်းတွင်းပိုင်း  ယာမြေများတွင် မြေပဲ၊ နှမ်း၊ ပဲစင်းငုံ၊  ပဲတီစိမ်းသီးနှံစုံ  စိုက်ပျိုးလျက်ရှိရာ ယခုနှစ်တွင် စ၍ဈေးကွက်ခိုင်မာလျက်ရှိသော ဆီထွက်သီးနှံ မိုးမြေပဲ သုံးလပင်ပြန့်မျိုးကို အများဆုံး စိုက်ပျိုးကြောင်း ဒေသခံတောင်သူတစ်ဦးက ပြောသည်။ 

ဆန်
အောက်တိုဘာ ၇ ရက်မှ ၁၃ ရက်ထိ ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ ၁၂  ဒသမ ၈၆၀ သန်းတန်ဖိုးရှိ ဆန်တန်ချိန် ၂၂၁၅၀ ကျော် တင်ပို့ ခဲ့သည်။ 

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ် သိမ်ဖြူဈေးကြီး အတွင်း ကြက်သွန်ဖြူ၊ ကြက်သွန်နီများအား  ကား၊ ရထားတို့ဖြင့် ဘုရင့်နောင် ကုန်စည်ဒိုင်နှင့် ရှမ်းပြည်နယ်တို့မှ နေ့စဉ်  ဝင်ရောက်လျက်ရှိပြီး လက်လီ လက်ကား ပြန်လည်ရောင်းချလျက်ရှိသည်။ ၂၀၂၃ခုနှစ် သြဂုတ်လအတွင်း ကြက်သွန်နီ(ဆိပ်ဖြူ) ပိဿာ ၁၀ဝ၂၀ဝ ဝင်ရောက်ခဲ့ပြီး ကြက်သွန်ဖြူ (ကြူ ကုတ်)မှာ ပိဿာ  ၃၈၀ဝ၀ ဝင်ရောက်ခဲ့သည်။ လက်ကားဈေးနှုန်းများအနေ ဖြင့် ကြက်သွန်နီ(ဆိပ်ဖြူ) အနိမ့်ဈေးမှာ ကျပ် ၁၈၀၅ မှ ၃၀ဝ၀ထိ  ဖြစ်ခဲ့ပြီး အမြင့်ဈေးမှာ ကျပ် ၂၄၅၀ မှ ၄၂၀ဝ ထိ ဖြစ်ပေါ်ခဲ့သည်။ ကြက်သွန်ဖြူ (ကြူ ကုတ်) လက်ကားဈေးမှာကျပ် ၇၀ဝ၀  မှ ၈၄၀ဝ ထိ ဖြစ်ပေါ်ခဲ့

မိတ္ထီလာခရိုင်အတွင်း ကြက်သွန်နီလက်ကားဈေး အနည်းငယ် ကျဆင်း သကဲ့သို့ နယ်ဝေးတင်ပို့မှုမှာလည်း လျော့နည်းလာကြောင်း  သိရသည်။ ယခင်က ရန်ကုန်၊ ပဲခူးသို့ ပုံမှန်ပို့နိုင်ပြီး နယ်စပ်လမ်းကြောင်းများသို့ပါ တင်ပို့ နိုင်ခြင်းကြောင့် ကုန်တင်ယာဉ်များအတွက် အကျိုးအမြတ်များခဲ့သည်။ တင်ပို့ရာတွင် ဘင်္ဂလားဒေ့ရှ်သို့  ဥလနမ ှနေ မှလည်းကောင်း၊ ဗီယက်နမ်၊ မလေး ရှားနိုင်ငံများသို့ နယ်စပ်လမ်းကြောင်းဖြစ်သည့် မြဝတီမှလည်းကောင်း တင်ပို့ ကြောင်းသိရသည်။