ကုန်သွယ်ရေးသတင်း

          စီးပွားရေးနှင့် ကူးသန်းရောင်းဝယ်ရေးဝန်ကြီး ဌာန ပြည်ထောင်စုဝန်ကြီး ဒေါက်တာသန်းမြင့်သည် ဖေဖော်ဝါရီ ၆ ရက်တွင် နေပြည်တော်ရှိ ပျဉ်းမနားမြို့နယ် ပျဉ်းမနား- တောင်ညိုလမ်းမကြီးပေါ်ရှိ Grand ACE Villa  ၌ ကျင်းပပြုလုပ်သော တရုတ်ပြည်သူ့ သမ္မတနိုင်ငံ ယူနန်ပြည်နယ်၊ တယ်ဟုန်ပြည်နယ်ခွဲ ကုန်သည်ကြီးများအသင်း၊ နေပြည်တော်ရုံးခွဲဖွင့်ပွဲ အခမ်းအနားသို့ တက်ရောက် အမှာစကားပြောကြားသည်။ ရှေးဦးစွာ တရုတ်ပြည်သူ့ သ မ္မတနိုင်ငံ ယူနန်ပြည်နယ်၊ တယ်ဟုန်ပြည်နယ်ခွဲပါတီကော်မတီ အထွေထွေ အတွင်းရေးမှူး မစ္စတာဝမ်ကျွမ့်ချမ်းက ကြိုဆိုနှုတ်ခွန်း ဆက်စကားပြောကြားသည်။

နှစ်ဆန်းပိုင်းမှာ ပြည်ပဲဈေးကွက်သို့ ပဲသစ်အချို့ဝင်ရောက်မှုရှိသော်လည်း ကုလားပဲသီးနှံနှင့် ပဲကြီးသီးနှံများမှာ ဈေးကွက်သို့ ပဲသစ်ဝင်ရောက်ခြင်းမရှိသေးဘဲ ပဲလက်ကျန်များဖြင့်သာ အရောင်းအဝယ်ဖြစ်ခဲ့ကြတာကို တွေ့ရပါတယ်။ ဒါကြောင့် တစ်ရက် အိတ် ၁၀၀ ကျော်သာ ပဲခွဲစက်သမားများ  အဓိကဝယ်ယူကြတယ်လို့လည်း သိရပါတယ်။ ပြည်ပဝယ်လက်ပဲများထက် ပြည်တွင်းပဲဈေးကွက်မှာ ဈေးအမြင့်ဆုံး ရနေခဲ့တဲ့ ကုလားပဲသီးနှံဟာ ယခုရက်ပိုင်းမှာတော့ ပဲဈေးတဖြည်း ဖြည်းပြန်လျော့ကျ လာပေမယ့် ဈေးနှုန်းနှိုင်းယှဉ်မှုအရ ပဲအားလုံးထက် ဈေးပိုနေခဲ့ တဲ့အတွက် ပဲတစ် တင်း ကျပ် ၄၅၀၀၀ဖြင့် အရောင်းအဝယ်ဖြစ်လျက်ရှိကြောင်း လေ့လာသိရှိရပါတယ်။
ခင်ဆွေဝင်း

ဇန်နဝါရီ ၇ ရက်မှ ၁၃ ရက် အထိ သီတင်းပတ်အတွင်း ဘင်္ဂလားဒေ့ရှ် နယ်စပ်ရှိ ကုန်သွယ်ရေးစခန်းများမှ အမေရိကန်ဒေါ်လာ သုည ဒသမ ၀၃၉ သန်းတန်ဖိုးရှိ ငါးနီတူခြောက် ၂၃ တန်နဲ့ အမေရိကန်ဒေါ်လာ သုည ဒသမ ၁၅၅ သန်းတန်ဖိုးရှိ ငါးစုံလေး ခြောက် ၂၄၈ တန်ကို ဘင်္ဂလားဒေ့ရှ် နိုင်ငံသို့ တင်ပို့ခဲ့ပါတယ်။ ယခင်တစ် ပတ်ကထက် ငါးနီတူခြောက် ၁၄ တန် နဲ့ ငါးစုံလေးခြောက် ၂၃၈ တန် ပိုမို တင်ပို့ခဲ့ပါတယ်။ ယင်းသို့ပိုမိုတင်ပို့ခဲ့ ခြင်းမှာ ယခုတစ်ပတ်မှာ မောင်တော ကုန်သွယ်ရေးစခန်းမှ ငါးနီတူခြောက်နဲ့ ငါးစုံလေးခြောက်များ ပြန်လည် တင်ပို့ လာခဲ့ခြင်းကြောင့် ဖြစ်တယ်လို့သိရပါ တယ်။

        မြန်မာ-ဘင်္ဂလားဒေ့ရှ် နယ်စပ်ရှိ မောင်တောကုန်သွယ်ရေးစခန်းမှ ဇန်နဝါရီ ၇ ရက်မှ ၁၃ ရက်အထိ သီတင်းပတ်အတွင်း အမေရိကန်ဒေါ်လာ ၈၅၀၀ တန်ဖိုးရှိ လဲမှို့ ၁၀ တန် တင်ပို့ခဲ့သလို မြန်မာ-တရုတ်နယ်စပ်ရှိ မူဆယ် (၁၀၅) မိုင် ကုန်သွယ်ရေးဇုန်မှ အမေရိကန်ဒေါ်လာ သုညဒသမ ၀၇၂ သန်း တန်ဖိုးရှိ ပိုးအိမ် ၁၆ တန် တင်ပို့ခဲ့ပါတယ်။မောင်တော မှ လဲမှို့ ၁၂ တန်ကို အောက်တိုဘာလ အတွင်းက တင်ပို့ခဲ့ပြီး လိုင်စင်ဈေးမှာ တစ်တန်ကို အမေရိကန်ဒေါ်လာ ၈၅၀ ရှိတယ်လို့ သိရပါ တယ်။                       

  မော်မော်အောင်

အမေရိကန်   ပြည်ထောင်စုတွင် အဆိုပြုထားသော   ကျန်းမာရေးစောင့် ရှောက်မှု မူဝါဒအပြောင်းအလဲများကြောင့် အိန္ဒိယကုမ္ပဏီများအပေါ်တွင် ဂယက်ရိုက် ခတ်မှုအနည်းငယ်သာ  ရှိလာနိုင်မည်ဟု အိန္ဒိယဆေးဝါးထုတ် လုပ်သူများနှင့် ဆေး ဝါးတင်ပို့သူများက   ဇန်နဝါရီ ၁၂ ရက်က ပြောကြားကြောင်း  ဘိဇနက်စတန်းဒတ် သတင်းတွင် ဖော်ပြသည်။အိုဘားမား   ကျန်းမာရေးေ စာင့် ရှောက်မှု အက်ဥပဒေ (Obamacare Act)  ကို ပြန်လည် ရုပ်သိမ်း၍ အစားထိုးပြဋ္ဌာန်း မည်ဖြစ်ကြောင်း၊ ဆေးဝါးထုတ်လုပ်ရေး လုပ်ငန်းများကို အမေရိကန်နိုင်ငံသို့ ပြန် လည်   ရွှေ့ပြောင်းမည်ဖြစ်ကြောင်းနှင့် ဆေးဝါးစောင့်ရှောက်မှုအတွက် အစိုးရက ကတိပြုထားသော  လူမှုအာမခံ အစီအစဉ် အတွက် လေလံခေါ