Background
ယခင် သီတင်းပတ်နှောင်းပိုင်းကနေစပြီး အိန္ဒိယအဝယ် တက်လာခဲ့လို့ ယခုတစ်ပတ်အတွင်း ပဲမျိုးစုံဈေး တိုးလာခဲ့ ပါတယ်။ အိန္ဒိယပွဲတော်များက အောက်တိုဘာလကုန်ပိုင်းနဲ့ နိုဝင်ဘာလမှာ ကျင်းပမှာဖြစ်လို့ ပွဲတော်အတွက် ဝယ်လိုအား တွေ ရှိနေတယ်လို့ ဆိုပါတယ်။ နောက်ပြီး ဒီပါဝလီပွဲတော်က ပုံမှန်ထက် ၁၈ ရက်ခန့်နောက်ကျခဲ့လို့ဒီကာလတွေမှာ အိန္ဒိယ အဝယ်ရှိနေခြင်းဖြစ်တယ်လို့ ကုန်သည်တစ်ဦးက ဆိုပါတယ်။
အိန္ဒိယနိုင်ငံ အီရော့နနွင်းဈေးကွက်မှာ ဝယ်လိုအား နည်းနေခြင်းနဲ့အတူ အရည်အသွေးကောင်း နနွင်း ဝင် ရောက်မှု နည်းတဲ့အတွက် ဈေးနှုန်းထပ်မံကျဆင်းလာပါတယ်။ လွန်ခဲ့တဲ့ ၁၀ ရက်အတွင်း အလယ်အလတ် အရည်အသွေး နနွင်းမျိုးသာဝင်ရောက်တာကြောင့် စပ်မျိုးနနွင်းကို ပိုနှစ်သက် တဲ့ဝယ်လက်တွေက အနည်းငယ်မျှသာ ဝယ်ယူနေကြပါ တယ်။
အိန္ဒိယနိုင်ငံ ပဲအဓိကစိုက်ပျိုးတဲ့ မဟာရပ်ရှတရာ၊ ကာနာတာကာ၊ ရာဂျက်စသန်နဲ့ မဒ္ဒရာပရာဒေ့ရှ်တို့က မတ်ပဲ နဲ့ ပဲတီစိမ်း အသစ်တွေ ဈေးကွက်တွေထဲ တဖြည်းဖြည်းတိုးပြီး ဝင်ရောက်လာပြီဖြစ်ပြီး လက်ကားဈေးကွက်တွေမှာ ပဲခွဲစက် လုပ်ငန်းရှင်တွေနဲ့ ကုန်သည်တွေက ဝယ်ယူမှုမရှိသေးလို့ ပဲ ဈေးတွေ ကျဆင်းလာနေပါတယ်။ အထူးသဖြင့် တော့ ဝင် ရောက်လာတဲ့ ပဲတွေမှာ အစိုဓါတ်များပြီး အရည်အသွေးနိမ့် တာကြောင့် ကုန်သည်တွေ ဝယ်ယူမှုမရှိတာ ကြောင့်လို့ ဆိုပါ တယ်။
အိန္ဒိယပြည်တွင်းဈေးကွက်တွေမှာ ယခုရက်ပိုင်း အရောင်း အဝယ်အနည်းငယ်ရှိလာပါတယ်။ ယခင်တစ်ပတ်အတွင်း ရောင်း ဝယ်မှုနည်းပြီး ဈေးကျဆင်းခဲ့ရာမှ ယခုတစ်ပတ်မှာ ဈေးပြန်တန့် လာခဲ့ပါတယ်။ နိုင်ငံတော် လယ်ယာထွက်ကုန်သမ ဈေးကွက်ရှာ ဖွေရေးအသင်း(Nafed) မှ မဟာရပ်ရှတရာဒေသ တွင်း ဈေးကွက် တွေမှာ မတ်ပဲတွေကို စတင်ဝယ်ယူနေပြီဖြစ်ပြီး လတ္တာနဲ့ အခြား ဈေးကွက်တွေမှာ မတ်ပဲ တစ်တန် ရူပီး ၄၃၀၀၀ (ကန်ဒေါ်လာ ၈၁၁)နဲ့ ဝယ်ယူနေပါတယ်။ နောက်တစ်ပတ်မှာ အင်ဒရာပရာ ဒေ့ရှ် ဈေးကွက်တွေ မှာလည်း မတ်ပဲနဲ့ ပဲတီစိမ်းတွေဆက်ပြီး ဝယ် ယူသွားမှာဖြစ်ပေမဲ့ ပဲအသစ်တွေမှာ အစိုဓါတ်ပါဝင်မှုများလို့ ဆုံးဖြတ်ချက်တော့ မချရသေးဘူးလို့ သိရပါတယ်။ နိုင်ငံ အလယ် ပိုင်းမှာတော့ မိုးပဲအသစ်တွေ ဝင်လာတော့ မယ့် အောက်တိုဘာ ဒုတိယ လဝက်မှာ ပဲဝယ်ယူဖွယ်ရှိတယ်လို့ သိရပါတယ်။
ပရိုတိန်းကြွယ်ဝပြီး အရောင်စုံတဲ့ ကုလားပဲ၊ ပဲစင်းငုံ၊ မတ်ပဲ၊ ပဲတီစိမ်းများဟာ အိန္ဒိယဆင်းရဲသား ပြည်သူတွေရဲ့ ဟင်းလျာအဖြစ် တဖြည်းဖြည်း ပျောက်ကွယ်လာနေပါတယ်။ အိန္ဒိယနိုင်ငံဟာ ပဲမျိုးစုံ အများဆုံး ထုတ်လုပ်သူ၊ အများဆုံး စားသုံးသူဖြစ်သလို အများဆုံး ထုတ်လုပ်သူလဲဖြစ်လို့ မြေဆီ လွှာ ဆက်ပြီး ကောင်းမွန်ရေးဟာ အလွန်ကို အရေးပါနေပါ တယ်။ ဒါပေမယ့် ထုတ်လုပ်မှုက မြင့်တက်နေတဲ့ လူဦးရေကို အမီမလိုက်နိုင်သေးတဲ့အတွက် တောင်သူလယ်သမားတွေ ထက်ပိုပြီး၊ ကုန်သည်တွေက ပဲမျိုးစုံကို ကိုင်တွယ်လာဖို့ဖြစ် စေခဲ့ပါတယ်။
၂၀၁၂ ခုနှစ် ဧပြီလမှ သြဂုတ်လအထိကာလအတွင်း အိန္ဒိယရဲ့ ကြက်သွန်နီတင်ပို့မှုပမာဏက ၂၃ ရာခိုင်နှုန်း မြင့်မားခဲ့သော်လည်း ဝင်ငွေအနေနဲ့ ၂၇ ရာခိုင်နှုန်း လျော့ကျ ခဲ့ကြောင်း သိရတယ်။ ၎င်းင်းကာလအတွင်း ကြက်သွန်နီတန်ချိန် ၇ ဒသမ ၉ သိန်း တင်ပို့နိုင်ခဲ့ရာ ယခင်နှစ်အလားတူကာလရဲ့ တင်ပို့မှု တန်ချိန် ၆ ဒသမ ၄၁ သိန်းနဲ့ ယှဉ်ရင် တန်ချိန် ၁ ဒသမ ၄၉ သိန်းဝန်းကျင် ပိုမိုတင်ပို့နိုင်ခဲ့တယ်။ ဒါပေမဲ့ ဝင်ငွေကျဆင်းသွားရာ ယခင်နှစ် တင်ပို့နိုင်မှုဝင်ငွေမှာ ရူပီး ၇၅၆ ဒသမ ၅၀ ကုဋေဖြစ်သော်လည်း ယခုနှစ်မှာ ရူပီး ၅၄၇ ဒသမ ၉၀ ကုဋေသာ ရရှိခဲ့ကြောင်း သိရတယ်။ ယခင်နှစ်က ကြက်သွန်နီတစ်တန်တင်ပို့ရင် ဝင်ငွေ ၁၃၇၉၀ ရူပီး ရရှိခဲ့ သော်လည်း ယခုနှစ်မှာ တစ်တန်ကို ၆၉၃၄ ရူပီးသာရရှိခဲ့ တယ်။
အိန္ဒိယမြောက်ပိုင်းမှ အမှာအော်ဒါ အသစ်မရရှိတဲ့ ဝယ်လက်များအနေနဲ့ဈေးကွက်အတွင်းမဆင်းလာတဲ့အတွက် လက်ငင်းနနွင်းဈေးဆက်ပြီးကျဆင်းနေပါတယ်။ ဒါ့အပြင် ကုန် သည်တွေကလည်း အင်ဒရာပရာဒေ့ရှ်ရှိ ဝါရင်ဂျယ်ဈေးကွက်မှ နနွင်းများဝယ်ယူပြီး၊ အကျိုးအမြတ်ရှာဖွေနေကြပါတယ်။ လှောင်လက်တွေကလည်း နနွင်း သိုလှောင်ဖို့ ဝယ်ယူမှုတွေကို ရပ်တန့်ကြပါတယ်။
မြန်မာ-ထိုင်းနယ်စပ်ရှိ မြဝတီနယ်စပ်မှ စက်တင်ဘာလ ၁၂ ရက်မှ ၁၈ ရက်ထိကာလအတွင်းမှာ ကန်ဒေါ်လာသုည ဒသမ ၁၁၂ သန်းတန်ဖိုးရှိ နနွင်းတက် ၆၅ တန်ခန့် အပို့ရှိခဲ့ရာ ယခင်အပတ်က ၇ တန်သာပို့တာဖြစ်လို့ ၉ ဆကျော် တင်ပို့မှုပိုမိုခဲ့ပါတယ်။ မြန်မာ-တရုတ်နယ်စပ်ရှိ မူဆယ်မှလည်း ကန်ဒေါ်လာ သုည ဒသမ ၀၄၀ သန်းတန်ဖိုးရှိ နနွင်းတက် ၈၉ တန်ကျော်နဲ့ ကန်ဒေါ်လာ သုည ဒသမ ၀၁၈ သန်းတန်ဖိုးရှိ နနွင်းခေါင်း ၁၄ တန်ခန့်အပို့ရှိခဲ့တယ်လို့ သိရပါတယ်။MIRT(DOBT)
ပြည်ပကို ပင်လယ်ရေကြောင်း ကုန်သွယ်မှုလမ်းမှ စက်တင်ဘာ ၉ ရက်မှ ၁၅ ရက်နေ့တာကာလအတွင်း မန်ကျည်း ၁၂၅ တန်ကို တင်ပို့ခဲ့တယ်လို့ သိရပါ တယ်။ ဒီတစ်ပတ်မှာတော့ ထိုင်းနိုင်ငံကို ၂၅ တန်နဲ့ စင်ကာပူနိုင်ငံကို တန် ၁၀၀ တင်ပို့နိုင်ခဲ့တယ်လို့ သိရပါတယ်။ ကာလတူကာလဖြစ်တဲ့ ၂၀၁၁ ခုနှစ် စက်တင်ဘာ ဒုတိယပတ်မှာ တင်ပို့နိုင်ခဲ့တဲ့တန်ချိန်က တန် တစ်ရာ့ခုနှစ်ဆယ်ရှိခဲ့တာကြောင့် ဒီနှစ်မှာ မန်ကျည်းတင်ပို့မှုလျော့ခဲ့ပါတယ်။ ယခင်သီတင်းပတ်မန်ကျည်းတင်ပို့နိုင်ခဲ့ တဲ့တန်ချိန်က တန်ငါးဆယ်ကျော်သာရှိခဲ့တာကြောင့် ဒီတစ်ပတ်မှာ မန်ကျည်းတင်ပို့ မှုတန်ချိန်က ခုနှစ်ဆယ်ကျော်ပိုခဲ့ပါတယ်။ ဒီသီတင်းပတ်မန်ကျည်းတင်ပို့မှုရရှိခဲ့တဲ့ ပို့ကုန်ဝင်ငွေ စုစုပေါင်းက ကန်ဒေါ်လာ နှစ်သောင်းသုံးထောင်ကျော် ရရှိခဲ့တယ်လို့ သိရပါတယ်။ MIRT (DOT)
သီတင်းတစ်ပတ်ဖြစ်တဲ့ စက်တင်ဘာ ၉ ရက်မှ ၁၅ ရက်နေ့တာကာလအတွင်း ချင်း ၈ တန်ကိုပင်လယ်ရေကြောင်း ကုန်သွယ်မှုလမ်းမှ တင်ပို့နိုင်ခဲ့ပါတယ်။ တင်ပို့ခဲ့ တဲ့နိုင်ငံက မလေးရှားနိုင်ငံဖြစ်ပါတယ်။ ယခင်သီတင်းပတ်မှာ ပါကစ္စတန်နိုင်ငံကို တင်ပို့ခဲ့တာဖြစ်ပါတယ်။ ကာလတူကာလဖြစ်တဲ့ ၂၀၁၁ ခုနှစ် စက်တင်ဘာလ ဒုတိယပတ်မှာတော့ ချင်းတင်ပို့မှုမရှိခဲ့တာ တွေ့ရပါတယ်။ ချင်းတင်ပို့မှုကရရှိခဲ့တဲ့ ပို့ကုန်ဝင်ငွေက ကန်ဒေါ်လာ နှစ်ထောင်ကျော် ဖြစ်တယ် လို့ သိရပါတယ်။ MIRT (DOT)