Background
အောက်တိုဘာလ ၁၄ ရက်မှ ၂၀ ရက်ထိ ကာလအတွင်းမှာ ကန်ဒေါ် လာ ၄၂၀၀၀ တန်ဖိုးရှိ ပြောင်းဖူးစေ့ တန် ၁၂၀ ကို စင်္ကာပူနိုင်ငံသို့ ပင်လယ် ရေ ကြောင်းမှ အပု့ိရှိခဲ့ပါတယ်။ ပြောင်း FOB ဈေးများကို ကြည့်မယ်ဆိုလျှင် တစ်တန်လျှင် အောက်တိုဘာလ ၈ ရက်မှ ၂၁ ရက်ထိမှ ဒေါ်လာ ၂၆၀-၂၈၀၊ ၂၂ ရက်မှ ၂၄ ရက်ထိ ဒေါ်လာ ၂၇၀-၂၉၀၊ ၂၅ ရက်မှာ ဒေါ်လာ ၂၈၀ မှ ၃၀၀ ထိ အမြင့်ဖက်ကိုဦးတည်နေတာ တွေ့ရပါတယ်။ CMK
အောက်တိုဘာလလယ်ပိုင်း ကမ္ဘာ့ရော်ဘာဈေးနှုန်းတွေက ပြန်လည်အားနည်းလာတယ်။ အီးယူဒေသ အနေနဲ့ ကြွေးမြီ အကျပ်အတည်းကို ဆက်လက်ရင်ဆိုင်နေရခြင်းနဲ့ ကမ္ဘာ့ရော်ဘာသုံးစွဲမှု အမြင့်ဆုံး တရုတ်နိုင်ငံရဲ့ စီးပွားရေးတိုးတက်မှုအပေါ် စိုးရိမ်မှုတွေရှိနေခြင်းတို့က ရော်ဘာဈေးနှုန်းကို ဖိအားဖြစ်စေတယ်။
ယခုနှစ်အတွင်း ရော်ဘာဈေးနှုန်းတွေကျဆင်းမှုကို ထိန်း ချုပ်ဖို့ ရည်ရွယ်ပြီး ထိုင်းအစိုးရက ရော်ဘာ စိုက်ပျိုးထုတ်လုပ် သူတွေဆီမှ ဈေးကွက်ပေါက်ဈေးထက် မြင့်တဲ့နှုန်းနဲ့ ရော်ဘာ ကို ဝယ်ယူ သိုလှောင်လျက်ရှိရာ စက်တင်ဘာလလယ်ပိုင်း စာရင်းအရ တန်ချိန် ၂၀၀၀၀၀ အထိ သိုလှောင်ပြီးစီးပြီလို့ ထိုင်းနိုင်ငံ လယ်ယာစိုက် ပျိုးရေးဝန်ကြီးဌာန ဒုတိယဝန်ကြီး က အောက်တိုဘာလ ၁၁ ရက်နေ့က ပြောကြားခဲ့တယ်။
အောက်တိုဘာလ ၇ ရက်မှ ၁၃ ရက်ထိကာလအတွင်းမှာ ပင်လယ်ရေကြောင်းမှ တရုတ်သို့ ရော်ဘာ တန် ၄၀၀၊ တန်ဖိုး အားဖြင့် ကန်ဒေါ်လာ ၁ သန်းဖိုး အပို့ရှိခဲ့ပါတယ်။ ယခုအပတ်မှာ တရုတ်၊ မလေးရှားနဲ့ အိန္ဒိယနိုင်ငံသို့ ကန်ဒေါ်လာ ၁ ဒသမ ၃၃၂ သန်းတန်ဖိုးရှိ ရော်ဘာ တန် ၅၂၀ တင်ပို့ခဲ့ခြင်းဖြစ်ရာ တရုတ်နိုင်ငံသို့ တင်ပို့မှုမှာ ပမာဏအများဆုံးဖြစ်ပါတယ်။ မလေးရှားသို့ တန် ၁၀၀ နဲ့ အိန္ဒိယသို့ တန် ၂၀ တင်ပို့ခဲ့ခြင်းဖြစ်ပါတယ်။ အဆင့်လိုက်ရော်ဘာတင်ပို့မှုများမှာ တရုတ်သို့ RSS-3 တန် ၄၀၀၊ မလေးရှားသို့ RSS-3 တန် ၆၀၊ RSS-5 တန် ၄၀ နဲ့ အိန္ဒိယသို့ တန် ၂၀ အသီးသီးတင်ပို့ခဲ့တာဖြစ်ပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ အောက်တိုဘာ လ ၁၀ ရက်မှ ၁၆ ရက်ထိကာလအတွင်းမှာ တစ်ဖက်တရုတ်နိုင်ငံသို့ ကန်ဒေါ်လာ ၅ သန်းကျော်တန်ဖိုးရှိ ပြောင်းဖူးစေ့ ၁၃၃၃၅ တန်ကျော်အပို့ရှိခဲ့ရာ ယခင်အပတ် တင်ပို့မှု ထက် ၃၄၂၂ တန်ခန့်အပို့ပိုခဲ့ပါတယ်။ ယခုအပတ်မှာလားရှိုး၊ သီပေါ၊ ကျောက်မဲ တစ်ဝိုက်ရှမ်းပြောင်းများအဝင်များနေတာဖြစ်ပါတယ်။ ပြောင်း အဝင် များတဲ့အတွက် ယခုအပတ်ပြောင်း ဈေးများကတော့ သိသိသာသာကျနေတယ်လို့ သိရပါတယ်။ ရွှေလီမှာရိုးရိုးပြောင်း ၃၀ ပိဿာဝင် ၁ အိတ်ကို ၉၇ ယွမ်ဈေးရပြီး အစိုဓာတ်များတဲ့အတွက်နေမလှန်းဘဲ ထင်းမီးနဲ့အပူပေးထားတဲ့ လှော်ပြောင်း တစ်အိတ်ကို ၉၅ ယွမ်ဝန်းကျင်ဈေးပဲ ပေးတယ်လို့သိရပါတယ်။ မိမိဘက်နဲ့တစ် ဘက် နိုင်ငံ မြေပြင်ပြောင်းဈေး များကို နှိုင်းယှဉ် ဖော်ပြပေးလိုက်ရပါတယ် -
အိန္ဒိယနနွင်းလက်ချောင်းဈေးကွက်မှာ အောက်တိုဘာ လ ၁၈ ရက် နနွင်းဈေးက မျှော်မှန်းမထားတဲ့ ပမာဏ တစ် တန်ရူပီး ၃၀၀၀(ကန်ဒေါ်လာ ၅၆)ခန့်ကျဆင်းခဲ့ပါတယ်။ ကုန် သည်တွေအနေနဲ့ ၎င်း တို့ထံမှာ သိုလှောင်မှု အမြောက် အမြားရှိနေပေမယ့် အိန္ဒိယမြောက်ပိုင်းက အမှာအော်ဒါ အခု ထိ မရှိဘူးလို့ဆိုပါတယ်။ စပ်မျိုးနနွင်းလည်း အရည်အသွေးနိမ့် လို့ တစ်တန် ရူပီး ၇၅၀၀ (ကန်ဒေါ်လာ ၁၄၀)ခန့်ကျဆင်းခဲ့ပါ တယ်။
အိန္ဒိယစားသုံးသူ လက်လီဈေးကွက်တွေမှာ ပြီးခဲ့တဲ့ တစ်ပတ် အထိမြင့်တက်လာတဲ့ ဈေးအမြင့်မှာဝယ်ယူမှု အားနည်းတဲ့ အတွက် ပဲမျိုးစုံဈေးအေးပြီးအရောင်းအဝယ်ပါးနေပါတယ်။ဒါ့အပြင် အိန္ဒိယ ပဲတင်သွင်းသူများ အကြားရောင်းဝယ်မှုပါးနေတဲ့အတွက် တင်သွင်း ပဲဈေးလည်း လျော့ကျခဲ့ပါတယ်။ ဒါပေမဲ့ ကုလားပဲကြိုပွိုင့် ဈေး ကွက်မှာတော့ ဈေးအနိမ့်တန်းမှာ အဝယ်ရှိလို့ ဈေးမြင့်တက်ခဲ့ပါ တယ်။
ကမ္ဘာ့ဈေးကွက်မှာ ရော်ဘာဈေး တည်ငြိမ်စေရေး အတွက် မလေးရှားအစိုးရဟာ ရော်ဘာတင်ပို့မှုမှာ ဦးဆောင် နိုင်ငံများဖြစ်တဲ့ ထိုင်း၊ အင်ဒိုနီးရှားနိုင်ငံတို့နဲ့ ပူးပေါင်း ဆောင် ရွက်လျက်ရှိပါတယ်။ နယ်စပ်ဒေသ နဲ့ ဒေသတွင်း ဖွံ့ဖြိုးတိုး တက်ရေးဝန်ကြီး Datuk Seri Mohd Shafie Apdl က ရော်ဘာ ထုတ်လုပ်မှုများသော်လည်း ဈေးကြီးမြင့်လွန်းပါက ရော်ဘာတုများကို ပြောင်းလဲအသုံးပြုသွားကြမည်စိုး၍ ယခု ကဲ့သို့ပူးပေါင်းဆောင်ရွက်ရခြင်း ဖြစ်တယ်လို့ ပြောကြားပါ တယ်။
၂၀၁၂ ခုနှစ် ဇန်နဝါရီလ ၁ ရက်မှ စက်တင်ဘာလ ၃၀ ရက်ထိကာလ အတွင်းမှာ ပင်လယ်ရေကြောင်း ကုန်သွယ်မှုမှ ကန်ဒေါ်လာ ၇ ဒသမ ၂၂၆ သန်း တန်ဖိုးရှိ ပြောင်းဖူးစေ့ ၂၃၈၄၅ တန်နဲ့ ပြောင်းဖူးမှုန့် ၅၅ တန်ကို အပို့ရှိခဲ့တာ ဖြစ်ပါတယ်။ နိုင်ငံအလိုက်တင်ပို့နိုင်မှုတွေကိုကြည့်မယ်ဆိုလျှင် အိန္ဒိယသို့ ၉၁၈ တန်၊ အင်ဒိုနီးရှားသို့ ၁၆၄၈ တန်၊ မလေးရှားသို့ ပြောင်းဖူးစေ့ တန် ၁၂၀ နဲ့ ပြောင်းဖူးမှုန့် ၅၅ တန်၊ ဖိလစ်ပိုင်နိုင်ငံသို့ ၆၀၉၆ တန် ကျော်၊ ပိုလန်သို့ ၆၂၅ တန်၊ စင်္ကာပူသို့ ၉၃၈၉ တန်နဲ့ ဗီယက်နမ်နိုင်ငံသို့ ၅၀၄၆ တန်ကျော် အသီးသီးဖြစ် ပါတယ်။ အောက်တိုဘာလ ပထမအပတ်အတွင်းမှာ ပင်လယ်ရေကြောင်းမှ ပြောင်း တင်ပို့မှုမရှိခဲ့ပါ ဘူး။ ပြောင်းတစ်တန်လျှင် FOB ဈေးမှာ ဒေါ်လာ ၂၆၀ မှ ၂၈၀ ဖြစ်ပါတယ်။ CMK
အိန္ဒိယနိုင်ငံ ပဲအဓိကစိုက်ပျိုးရာ ရာဂျက်စသန်နဲ့ မဟာရပ် ရှတရာပြည်နယ်တွေမှာ မုတ်သုံမိုးအစပိုင်းက မိုးရေမလုံလောက်လို့ အခြားသီးနှံကို ပြောင်းလဲစိုက်ပျိုးလာကြတဲ့အတွက် ပဲတီစိမ်းစိုက် ဧရိယာ သိသိသာသာ ကျဆင်းခဲ့ပါတယ်။ ဒါ့အပြင် မုတ်သုံနှောင်း ပိုင်းမှာ မိုးသည်းထန်တဲ့အတွက် စိုက်ပျိုးထားတဲ့ အပင်တွေ ပျက်စီး ခဲ့လို့ ရာဂျက်စသန်မှာ ပဲပင်တွေထိခိုက်ခဲ့ပါတယ်။ ဒါကြောင့် ပဲတီစိမ်းလက်ငင်းဈေးက အရည်အသွေးအကောင်းဆုံးပဲ တစ်တန် ရူပီး ၅၀၀၀၀ (ကန်ဒေါ်လာ ၉၄၉) ရှိပြီး၊ အလယ်အလတ်အဆင့် ပဲတီစိမ်းက ရူပီး ၄၂၀၀၀-၄၄၀၀၀ (ကန်ဒေါ်လာ ၇၉၇-၈၃၅) ဈေးရှိနေပါတယ်။ လွန်ခဲ့တဲ့ တစ်ပတ်အတွင်းမှာ လက်ငင်းဈေး တစ်တန် ရူပီး ၂၀၀၀-၃၀၀၀ (ကန်ဒေါ်လာ ၃၈-၅၇) အထိ ရောက်ရှိနိုင်တယ်လို့ ကုန်သည်များက ခန့်မှန်းကြပါတယ်။