Background
မြန်မာ-တရုတ်နယ်စပ်မှ မူဆယ်၊ ချင်းရွှေဟော်နဲ့ လွယ်ဂျယ်နယ်စပ်စခန်းများမှ ကန်ဒေါ်လာ ၁ ဒသမ ၃၁၃ သန်းတန်ဖိုးရှိ ပြောင်းဖူးစေ့ ၃၇၉၇ တန်ကျော် ကို သြဂုတ်လ ၂၂ ရက်မှ ၂၈ ရက်ထိ ကာလအတွင်းမှာ တင်ပို့မှုရှိခဲ့ပါတယ်။ နယ်စပ် စခန်း အလိုက်တင်ပို့မှုတွေကတော့ မူဆယ်မှ ၁၂၀၂ တန်ကျော်၊ ချင်းရွှေဟော်မှ ၂၉တန်၊ လွယ်ဂျယ်မှ ၅၆၆ တန်ကျော်အသီးသီးဖြစ်ပါတယ်။ သြဂုတ်လမှာ နယ်စပ်မှ ပြောင်းဖူးစေ့ ၁၇၄၂၃ တန်ကျော်တင်ပို့နိုင် ခဲ့ပြီး ဇူလိုင်လနှင့်နှိုင်းယှဉ်လျှင် ၂၆၈၀ တန်တင်ပို့မှု လျော့ကျခဲ့တာဖြစ်ပြီး ယမန်နှစ်သြဂုတ်လ နဲ့နှိုင်းယှဉ်လျှင် ၂၃၇၂၈ တန် အပို့ လျော့ကျခဲ့တာ တွေ့ရပါတယ်။ တစ်ဖက်နိုင်ငံရွှေလီမှာရော မိမိဘက် မူဆယ်မှာပါပြောင်းဈေးအနည်းငယ် မြင့်တက်လျက်ရှိတယ်လို့ သိရပါ တယ်။ ယခင် အပတ်နှင့် ယခုအပတ်မြေပြင်ပေါက်ဈေးများကိုနှိုင်းယှဉ်ဖော်ပြပေးလိုက်ရပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု % ၃၅၃၉၃၄ ၃၄၇၅၀၀ ၆၄၃၄ ၂ ၄၁၄ ၄၀၄ ၁၀ ၂MIRT(DOBT)
အိန္ဒိယနနွင်းတောင်သူများအသင်းမှ ၎င်း တို့နနွင်းများကို တစ်တန် ရူပီး ၉၀၀၀၀ (ကန်ဒေါ်လာ ၁၆၁၈) အောက်ဈေးနဲ့ မရောင်းချဖို့ ပြောကြားပေမဲ့ အချို့တောင်သူတွေကတော့ တစ်တန် ရူပီး ၆၈၀၀၀(ကန်ဒေါ်လာ ၁၂၂၂)ဝန်းကျင်ဈေးနဲ့ ရောင်းချနေတယ်လို့ သိရပါတယ်။ နနွင်းဈေးကွက်တွေကို နနွင်းအိတ်ဝင်ရောက်မှု အနည်းငယ် စီရှိပြီး၊ ရောင်းချမှုတော့ အနည်းငယ်သာရှိတယ်လို့ သိရပါတယ်။
အီရော့ နနွင်းကုန်သည်များ အသင်းဥက္ကဌ မစ္စတာအာ ကေဗွီရာဗီရှန်ကာမှ ပြောကြားရာမှာ ကုန်သည်တွေက နနွင်း အော်ဒါအသစ်များ စောင့်မျှော်လျက်ရှိပြီး၊ နိုဝင်ဘာ လကုန် ဒီဇင်ဘာလယ်လောက်မှသာ ဈေးနှုန်းမြင့်တက် နိုင်တယ်လို့ ဆိုပါတယ်။ အဲဒီမတိုင်ခင်တော့ တစ်တန် ရူပီး ၉၀၀၀၀ (ကန်ဒေါ်လာ ၁၆၁၈)အောက်မှာပဲ ရှိဦးမယ်လို့ ဆိုပါတယ်။ အီရော့ နနွင်းလေလံဈေးကွက်မှာတော့ ကုန်သည်နဲ့ တောင်သူများအကြားမှာ ဈေးနှုန်းအငြင်းပွားမှုတွေ ရှိနေလို့ ဈေးကွက်စင်တာ ၄ ခုမှာ လေလံမရှိဘူးလို့ ဆိုပါတယ်။ တောင်သူအုပ်စုကတော့ နနွင်းတစ်တန် ရူပီး ၉ သောင်း အထက် ရောင်းလိုတဲ့အတွက် အစိုးရမှ ရောင်းဈေးနှုန်း သတ်မှတ်ပေးဖို့ တောင်းဆိုထားပေမယ့် ကုန်သည် တွေ ကတော့ ဝယ်လိုအားမရှိလို့ ဈေးနှုန်းသတ်မှတ်မှုကို ငြင်းဆို လျက်ရှိပါတယ်။ ဒါပေမယ့် တောင်သူ လေးပုံတစ်ပုံ လောက် တော့ တစ်တန် ရူပီး ၇၀၀၀၀ (ကန်ဒေါ်လာ ၁၂၅၈) ထက် လျော့ပြီး ရောင်းချနေကြပါတယ်။ ကြိုပွိုင့်ဈေးကွက်မှာတော့ ပြည်ပဝယ်လိုအားတက်လာ မယ့်အလားအလာနဲ့ စိုက်ဧရိယာ လျော့ကျတဲ့ အတွက် ဈေး မြင့် တက်လာပါတယ်။ NCDEX ကြိုပွိုင့်ဈေးကွက်မှာ စက် တင်ဘာ နနွင်းစာချုပ်ဈေးက ၄ ရာခိုင်နှုန်း တိုးလာပြီး၊ တစ်တန် ရူပီး ၆၂၂၆၀ (ကန်ဒေါ်လာ ၁၁၁၉)ဈေးနဲ့ အရောင်း အဝယ်ဖြစ်ခဲ့ပါတယ်။ နနွင်းစိုက်တဲ့ အဓိကဒေသတွေမှာ မိုးရွာသွန်းမှု အနည်းငယ်တိုးတက်လာပေမယ့် လိုအပ် သလောက် မရရှိဘူးလို့ သိရပါတယ်။ တမီလ်နာဒူးပြည်နယ် အချို့ဒေသတွေမှာ မိုးနည်းလို့ အထွက်နှုန်းကို ထိခိုက်နိုင် တယ်လို့ကုန်သည်တစ်ဦးက ဆိုပါတယ်။ နီဇမ်မာဘတ်ဈေးကွက်မှာ နနွင်းလက်ငင်းဈေးက သြဂုတ်လ၂၈ ရက်မှာ ဈေးအနည်းငယ်တိုးပြီး၊ တစ်တန် ရူပီး ၅၅၉၀၀(ကန်ဒေါ်လာ ၁၀၀၅)ဈေးဖြစ်ခဲ့ပါတယ်။ နနွင်းကို ဇွန်လနဲ့ သြဂုတ်လအကြား စိုက်ပျိုးပြီး၊ ၉ လကြာမှ ရိတ်သိမ်း ရတာဖြစ်ပါတယ်။ယမင်းခင်ှSource: hindubusiness
ရေတွက်ပုံ - VISSAစဉ် အမျိုးအစား တိုကျိုဈေးကွက်ဈေးနှုန်း ညီမျှမြန်မာဈေးနှုန်း(ကျပ်)၁။ တိရစ္ဆာန်အစားအစာ (က) ပြောင်း(CIF) US$ 0.64 557 (ခ) ပဲပုပ် (CIF) US$ 0.87 757၂။ ပဲမျိုးစုံ (က) ထောပတ်ပဲ (CIF) Yen 127.92 1422 မှတ်ချက်။ ငွေလဲနှုန်း 1 USD = 78.25-78.27 Yen (6.7.12) 1USD = 870 KyatsSource : NIHON KEIZAL NEWSPAPER,MOC
Co 6 ပဲတီစိမ်းအခြေခံမျိုးစေ့ ထုတ်လုပ်မှု ပြပွဲကို အိန္ဒိယ နိုင်ငံ တမီလ်နာဒူး စိုက်ပျိုးရေးတက္ကသိုလ်(TNAU) မှာ လွန်ခဲ့တဲ့ သီတင်းပတ်မှာ ကျင်းပခဲ့ပါတယ်။ မျိုးစေ့စိုက်ပျိုးသူ များ၊ လယ်သမားများ၊ သိပ္ပံပညာရှင်များနဲ့ သုတေသနပညာ ရှင် စုစုပေါင်း ၁၀၀ ဝန်းကျင် တက်ရောက်ခဲ့ကြောင်း သိရပါ တယ်။ ယင်းအခမ်းအနားမှာ Co 6 ပဲတီစိမ်းမျိုး စိုက်ပျိုးမှု အကျိုးအမြတ်အတွက် အဓိကထားပြောကြားကြောင်းသိရ ပါတယ်။ အိန္ဒိယမှာ ပဲမျိုးစုံထုတ်လုပ်မှုက ပြည်တွင်းဝယ်လို အားထက် အလွန်ပဲ နိမ့်ကျနေတယ်လို့ TNAU ဒုတိယ ခေါင်းဆောင် Subbian မှ ပြောကြား ပါတယ်။
အိန္ဒိယပြည်တွင်းဈေးကွက်တွေမှာ ယခုတစ်ပတ်လည်း ပဲမျုးိစုံအရောင်းအဝယ်ဆက်ပြီး ထိုင်းနေပါတယ်။ ပဲကုန်ကြမ်း တွေကို ပဲခွဲစက်လုပ်ငန်းရှင်ရော ကုန်သည်တွေပါ အဝယ်မရှိ ဖြစ်နေတဲ့အပြင် ပြည်ပက တင်သွင်းပဲတွေ အမြောက်အမြား ဝင်ရောက်နေပြီး လှောင်လက်တွေ ထုတ်ရောင်းနေတဲ့ကာလ ဖြစ်လို့ ပဲဈေးတွေ လျော့ကျနေတယ်လို့ သိရပါတယ်။
မြန်မာ-တရုတ်နယ်စပ်ရှိ မူဆယ်၊ လွယ်ဂျယ်နဲ့ချင်းရွှေဟော်နယ်စပ်စခန်းများမှ ကန်ဒေါ်လာ ၁ ဒသမ ၆၅၈ သန်းတန်ဖိုးရှိ ပြောင်းဖူးစေ့ ၄၉၃၁ တန်ကို သြဂုတ်လ ၁၅ ရက်မှ ၂၁ ရက်ထိကာလအတွင်းမှာ တင်ပို့ခဲ့ပါတယ်။ နယ်စပ်စခန်း အလိုက် တင်ပို့မှုတွေကတော့မူဆယ်မှ ၃၇၈၉ တန်၊ လွယ်ဂျယ်မှ ၈၁၆ တန်ကျော်နဲ့ ချင်း ရွှေဟော်မှ ၃၂၆တန်အသီးသီးဖြစ်ပါတယ်။ ယခင်အပတ်က မူဆယ်နယ်စပ်တစ်ခုမှ သာတင်ပို့ခဲ့ပြီး ယခုအပတ်မှာ မူဆယ်အပြင် လွယ်ဂျယ်နဲ့ ချင်းရွှေဟော် နယ်စပ် ပေါက်များမှ တင်ပို့လာတဲ့အတွက် ယခင်အပတ်ထက် တန် ၉၁၀ ပိုမိုတင်ပို့ခဲ့ပါတယ်။ တစ်ဖက်နိုင်ငံရွှေလီမှာရော မိမိဘက်မူဆယ်မှာပါ ယခင်အပတ်ထက်ပြောင်းဈေးများ လျော့ကျ လျက်ရှိပါတယ်။ နှိုင်းယှဉ်ဖော်ပြပေးလိုက်ရပါတယ် -
ဗီယက်နမ်နိုင်ငံရဲ့ ၂၀၁၂ ခုနှစ် ပထမ ၇ လအတွင်း ငရုတ်ကောင်းတင်ပို့မှုက အရေအတွက်အနေနဲ့ လျော့ကျ သွားသော်လည်း ဈေးနှုန်းမြင့်မားလာမှုကြောင့် ဝင်ငွေရရှိမှုမှာ ၁၇ ဒသမ ၁ ရာခိုင်နှုန်းတိုးတက်ပြီးကန်ဒေါ်လာ ၅၃၂ သန်း ရရှိခဲ့တယ်။
နနွင်းစိုက်ပျိုးမှုများတဲ့ အိန္ဒိယအချို့ဒေသတွေမှာ စိုက်ဧရိယာကျဆင်းခြင်းနဲ့ ပြည်ပတင်ပို့ဖို့ ဝယ်ယူမှုတွေ ရှိလာလို့ နနွင်းကြိုပွိုင့်ဈေး ၂ ရာခိုင်နှုန်းကျော်မြင့်တက် လာ ခဲ့ပါတယ်။ NCDEX မှာ စက်တင်ဘာလနနွင်း စာချုပ် ဈေးဟာ တစ်တန်ရူပီး ၅၉၀၀၀ (ကန်ဒေါ်လာ ၁၀၆၉) ကို ၁ ဒသမ ၂၄ ရာခိုင်နှုန်းမြင့်တက်ခဲ့ပါတယ်။ စိုက်ဧက လျော့ ကျတာကြောင့် လာမယ့်နှစ်မှာ အထွက်လျော့နိုင်တယ်လို့ Geojit Comtrade ကုမ္ပဏီဒါရိုက်တာ CP Krishnan မှ ပြောကြားပါတယ်။
ကန်ဒေါ်လာ သုည ဒသမ ၈၄၆ သန်းတန်ဖိုးရှိ ငြုပ်သီးခြောက်များကို သြဂုတ် လ ၁၅ ရက်မှ ၂၁ ရက်ထိ ကာလအတွင်းမှာ မူဆယ်မှ ၄၉၂ တန်ကျော်နဲ့ တမူးမှ ၁၃ တန်ခန့်အပို့ရှိခဲ့ပါတယ်။ ယခင်အပတ်က မူဆယ် နယ်စပ်ပေါက်တစ်ခု တည်းမှ တန် ၃၃၀ ဝန်းကျင်တင်ပို့ခဲ့တာဖြစ်လို့ ယခုအပတ်မှာ ၁၇၄ တန် အပို့ပို ခဲ့ပါတယ်။ မူဆယ်မှအပို့ပိုသလို တမူးနယ်စပ်မှလည်း အပို့ရှိလာတဲ့အတွက် ဖြစ်ပါ တယ်။
MIRT(DOBT)
အိန္ဒိယပြည်တွင်း မုတ်သုန်မိုးရရှိမှုနည်းပါနေခြင်း၊ လူလတ်တန်းစားလူဦးရေ တိုးတက်လာခြင်းနဲ့ ပြည်တွင်း မှာပဲမျိုးစုံ ဖြန့်ဖြူးရောင်းချမှုစနစ် အားနည်းခြင်းတို့ကြောင့် ဒေဝါလီပွဲတော်ကာလနီးချိန်အထိ ပဲမျိုးစုံ ဈေးနှုန်းေ တွ မြင့်မားဦးမယ်လိ့ု အိန္ဒိယနိုင်ငံကုန်သည်များနဲ့ စက်မှုလက်မှုလုပ်ငန်းရှင်များ တွဲဖက်အသင်းချုပ် (ASSOCHAM) က ပြောကြားတယ်။
ပဲမျိုးစုံအနက်ကုလားပဲမှာ ဈေးနှုန်းမြင့်မားမှုနှုန်း အမြင့်ဆုံးဖြစ်မယ်လိ့ုခန့်မှန်းထားတယ်။ ကုလားပဲက ၂၀၁၁ ဇွန်လမှ ၂၀၁၂ မေလထိ ကာလမှာလည်း ၉၀ ရာခိုင်နှုန်းဈေးမြင့်လာပြီးဖြစ်တယ်။ ဇူလိုင် ၂၃ ရက်က ကုလားပဲလက်ကားဈေးနှုန်းမှာ တစ်ကွမ်တယ်ကို ရူပီး ၅၂၀၀ (တစ်တန်ကို ကန်ဒေါ်လာ ၉၂၉ ဝန်းကျင်) အထိ ရောက်ရှိမြင့်မားလာပြီး လက်လီဈေးကွက်မှာ ကုလားပဲခွဲခြမ်းဈေးနှုန်းမှာ တစ်ကီလိုကို ၆၅-၇၅ ရူပီး (မြန်မာကျပ်ငွေ ၁၀၆၀ ကျပ် - ၁၁၇၃ ကျပ် ဝန်းကျင်) အထိရောက်ရှိ မြင့်မားခဲ့တယ်။ သြဂုတ်လမှာလည်း ကုလားပဲဈေးနှုန်းက တစ်ကွမ်တယ်ကို ရူပီး ၅၀၀၀ နှုန်းထားမှာသာရှိနေရာ သုံးစွဲ သူတွေရဲ့ ဝယ်လိုအားအနည်းငယ် ထိုင်းမှိုင်းလာတယ်။ ဒါ့အပြင် မုတ်သုန်ရာသီပဲတွေ စိုက်ပျိုးထားတဲ့ ရာဂျစ်စသန် နဲ့ မဒရာပရာဒေ့ရှ်တို့မှာ မိုးရွာသွန်းမှုအားကောင်းလာခြင်းကလည်း ပဲမျိုးစုံအထွက်နှုန်းအတွက် စိုးရိမ်မှုကို လျော့ပါးစေပြီး ကုလားပဲဝယ်လိုအားကို နှေးကွေးစေကာ သြဂုတ် ၂၁ ရက်နေ့က မြို့တော်ဒေလီဈေးကွက်မှာ ကုလားပဲလက်ငင်းဈေးနှုန်း တွေက တစ်ကွမ်တယ်ကို ၄၉၀၀ ရူပီး (တစ်တန်ကို ကန်ဒေါ်လာ ၈၉၀ ဝန်းကျင်) အထိ ကျဆင်းလာတယ်။ ဒါပေမဲ့ ဒေဝါလီပွဲတော်မတိုင်မီကာလအထိ ကုလားပဲဈေးနှုန်းတွေက မကြုံစဖူး မြင့်မားနိုင်ဖွယ်ရှိတယ်လို့ ASSOCHAM က ခန့်မှန်းထားတယ်။ ပြည်ပဈေးကွက်တွေမှာလည်း ကုလားပဲမှာဈေးမြင့်နေပြီး ပြည်ပကုလားပဲ တင်သွင်း မှုကိုလည်း အားကိုးနေရတဲ့ အိန္ဒိယရဲ့ ပြည်တွင်းပဲဈေးနှုန်းကိုပါမြင့်မားစေတယ်။ ကုလားပဲဈေးမြင့် လာခြင်းကြောင့် အိန္ဒိယပြည်တွင်း ကုလားပဲစိုက်ပျိုးသူတွေအနေနဲ့ အကျိုးအမြတ် ၁၀ ရာခိုင်နှုန်းမှ ၁၅ ရာခိုင်နှုန်း အထိသာ ရရှိသော်လည်း အမှန်တကယ် အမြတ်ကြီးမြတ်သူတွေမှာ ကြားပွဲစားလှောင်လက်တွေဖြစ်ကြပြီး ၈၅ ရာခိုင်နှုန်းခန့် အမြတ်ရရှိကြတယ်လို့ သိရတယ်။ Source:daily.bhaskar.com, in.reuters.com, ပပ