Background
အိန္ဒိယပြည်တွင်းဈေးကွက်များအတွင်း ပဲတီစိမ်းဈေး တည်ငြိမ်သလောက်ရှိနေပါတယ်။ ဒါပေမဲ့ အရည်အသွေးအလိုက် ဈေးကွာခြားမှုများကြောင်း သိရပါတယ်။ ရာဂျက်စသန်ရဲ့ အဓိက ထုတ်လုပ်ရာဒေသများမှ ရာသီဥတု မကောင်းခြင်းကြောင့် ပဲအရည်အသွေးပျက်စီးမှုရှိကြောင်း သိရပါတယ်။ ဒေလီဈေးကွက်မှာ ပဲတီစိမ်းအိတ် ၃ သိန်းဝန်းကျင်ခန့်ရှိပြီး သိုလှောင်မှု မြင့်တက်ခြင်းနဲ့ အရည်အသွေးကောင်း ပဲတီစိမ်းကို ပဲခွဲစက်များမှ အဝယ်နည်းခြင်းက ဈေးနှုန်းကျဆင်းနိုင်ကြောင်း ခန့်မှန်းကြပါ တယ်။ ဈေးကွက်အသီးသီးမှာ ဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ် ဒေါ်လာ/တန် ဈေးကွက် ၁၃-၁၀-၁၁ ၁၂-၁၀-၁၁ ၁၁-၁၀-၁၁ ၁၀-၁၀-၁၁မွန်ဘိုင်း (တန်ဇန်းနီးယား) ၈၂၆ ၈၃၈ ၈၃၉ ၈၃၇ဒေလီ ၄၉၀-၆၈၄ ၄၉၀-၉၈၄ ၄၉၁-၆၇၅ ၄၉၀-၆၇၄အာကိုလာ ၆၇၃-၈၇၇ ၆၇၄-၈၇၈ ၆၇၅-၈၈၀ ၆၇၄-၈၇၀MIRT(MAPT)
ပင်လယ်ရေကြောင်းက ပဲတီစိမ်းတင်ပို့မှုမှာ ယခင်သီတင်းပတ်က တန်ချိန် ၁၅၀၀ ခန့်တင်ပို့ခဲ့ရာမှ ယခုအောက်တိုဘာလ ၂ ရက်မှ ၇ ရက်အတွင်းမှာ တန်ချိန် ၂၁၀၀ ကျော် တင်ပို့ခဲ့တာတွေ့ရပါတယ်။ ယခင်သီတင်းပတ်တင်ပို့မှု ထက် ပိုပေမဲ့ ပုံမှန် တင်ပို့မှုထက်တော့ လျော့နည်းနေဆဲဖြစ်တာ တွေ့ရပါတယ်။ လတ်တလောအိန္ဒိယမှာ ပဲတီစိမ်းသစ်များ ဈေးကွက်အတွင်း ဝင်ရောက်နေတာဖြစ်လို့ တင်ပို့မှုလျော့ကျနေခြင်းဖြစ်ပြီး လာမယ့်လများမှာတော့ အိန္ဒိယပဲအသစ်အဝင်ရပ်သွားရင် မြန်မာပဲတီစိမ်းများ ပြန်လည်တင်ပို့မှု အားကောင်းလာဖွယ်ရှိပါတယ်။ လက်ရှိ ၂၀၁၁-၂၀၁၂ ဘဏ္ဍာနှစ် အောက်တိုဘာလ ၇ ရက်နေ့အထိ ပဲတီစိမ်း စုစုပေါင်းတင်ပို့ပြီးစီးမှု တန်ချိန် ၁၉၆၀၀၀ ကျော်ရှိပြီး ယခင်ဘဏ္ဍာနှစ် ကာလတူမှာ တန်ချိန် ၁၃၃၀၀၀ ခန့် ရှိလို့ ယခုနှစ်မှာ တန်ချိန် ၃၀၀၀၀ ကျော်ပိုတင်ပို့နိုင်တာ တွေ့ရပါတယ်။ MIRT-MAPT
အိန္ဒိယပြည်တွင်းဈေးကွက်များမှာ ပဲစင်းငုံဈေးဆက်တိုက်ကျဆင်းခဲ့ရာမှ ယခုရက်ပိုင်းအတွင်း ပြန်လည်ခိုင်မာလာပါတယ်။ ဂျယ်ဂွန်နဲ့ အာကိုလာမှာ ပဲစင်းငုံ ၂ ရာခိုင်နှုန်းခန့် ပျက်စီးတဲ့ သတင်းများအရ ဈေးအနိမ့်မှာ ပဲခွဲစက်များက ဝယ်ယူမှု ရှိတာကြောင့် ဈေးပြန်မာလာတာဖြစ်ပါတယ်။ အတ္တရာပရာဒေ့ရှ်ရှိ ပဲထုတ် လုပ်ရာ ဒေသများမှာ ပဲစင်းငုံအရည်အသွေးကောင်းမွန်ကြောင်း သိရပါတယ်။ နောက် ၂ ရက်- ၃ ရက်ခန့်တွင် ပဲစင်းငုံဈေး အနည်းငယ်မြင့်တက်နိုင်ပြီး ပဲအသစ်များ နောက်၂၀-၂၅ ရက်ကျော်မှသာ ဝင်ရောက်ဖွယ်ရှိတာကြောင့် လာမယ့်ရက်များမှာ ဈေးငြိမ်နိုင်တယ်လို့ ခန့်မှန်းကြပါတယ်။ ဈေးကွက်အတွင်း ဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ်။ ဒေါ်လာ/ တန် ၁၃-၁၀- ၁၁ ၁၂-၁၀-၁၁ ၁၁-၁၀-၁၁ ၁၀-၁၀-၁၁မွန်ဘိုင်း ၆၃၃ ၆၁၃-၆၁၈ ၆၁၄-၆၁၉ ၆၁၃-၆၁၈ဒေလီ ၆၇၃-၆၇၅ ၆၅၉-၆၆၀ ၆၄၂-၆၄၄ ၆၅၁-၆၅၃ချန်နိုင်း ၆၁၇ ၆၁၃ ၆၁၄ ၆၁၃MIRT(MAPT)
အိန္ဒိယပြည်တွင်းဈေးကွက်များအတွင်း ယခင်ရက်များက မတ်ပဲဈေးအကျဘက်ဆင်းနေခဲ့ရာမှ ယခုသီတင်းပတ်နှောင်းပိုင်းမှာတော့ ဈေးအနိမ့်နဲ့ လှောင်လက် များဝယ်ယူလာတာကြောင့် အတက်ဘက် ဦးတည်လာခဲ့ပါတယ်။ မဒ္ဒရာပရာဒေ့ရှ် ဈေးကွက်များမှာ မတ်ပဲပျမ်းမျှ အရည်အသွေးလိုက်ပြီး တစ်တန်ကို ရူပီး ၅၀၀ - ၁၀၀၀(ကန်ဒေါ်လာ ၁၀ ဒသမ ၁၇ -၂၀ ဒသမ ၃၃) မြင့်တက်ခဲ့ပါတယ်။ ဒါပေမဲ့ မတ်ပဲဈေးမြင့်တက်မှုက နောက် ၂ ရက် ၃ ရက်အတွင်း ယာယီမျှသာဖြစ်နိုင်ပြီး မတ်ပဲအသစ်များ ရရှိနိုင်တာကြောင့် ကျဆင်းဖွယ်ရှိတယ်လို့ ခန့်မှန်းကြပါတယ်။ ဈေးကွက်များမှာဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ် ဒေါ်လာ/ တန် ၁၃-၁၀-၁၁ ၁၂-၁၀-၁၁ ၁၁-၁၀-၁၁ ၁၀-၁၀-၁၁မွန်ဘိုင်း ၇၆၅ ၇၆၁ ၇၆၂ ၇၆၁ဒေလီ ၅၅၁-၆၇၃ ၅၇၂-၆၈၄ ၅၇၃-၆၇၅ ၅၈၂-၆၇၄ချန်နိုင်း ၈၂၆ ၈၀၇ ၈၁၃-၈၁၈ ၈၂၇MIRT(MAPT)
တရုတ်နိုင်ငံရဲ့ ထိပ်တန်းစီးပွားရေး စီမံခန့်ခွဲတဲ့ နိုင်ငံတော်ဖွံ့ဖြိုးရေးနဲ့ ပြန်လည် ထူထောင်ရေး ကော်မရှင် NDRC ဟာ တောင်ပိုင်းကိုယ်ပိုင်အုပ်ချုပ်ခွင့်ရဒေသ ကွမ်ရှီးရှိ သကြားထုတ်လုပ်တဲ့ ကုမ္ပဏီကြီး ၂ ခုကို ဈေးနှုန်းမြင့် တက်မှုကိုဖြစ်စေတဲ သကြားသိုလှောင်မှုကို ရပ်တန့်ဖို့ ထုတ်ပြန်ချက်ကို စက်တင်ဘာလ ၃၀ ရက်နေ့မှာ ကြေညာခဲ့ပါတယ်။ သကြားထုတ်လုပ်တဲ့ ကုမ္ပဏီ ၂ ခုဟာ ကွမ်ရှီးနန်ဟွနဲ့ ကွမ်ရှီး ဖောင်တန်ဖုန်တန်း တို့ဖြစ်ပြီး၊ နိုင်ငံရဲ့အဓိက သကြားထုတ်လုပ်တဲ့ဒေသရှိ သကြားကုမ္ပဏီ ၁၀ ခုကျော်ကို NDRC မှ စစ်ဆေးစဉ် ယင်းကုမ္ပဏီ ၂ ခုဟာ သကြား ပမာဏ အမြောက်အမြား သိုလှောင်ထားတာကို တွေ့ရှိခဲ့ခြင်းဖြစ်တယ်လို့ သိရပါတယ်။ အဲဒီကုမ္ပဏီ ၂ ခု သိုလှောင်ထားတဲ့ သကြားပမာဏ တန်ချိန် ၁၇၀၀၀၀ ရှိတယ်လို့ ဆိုပါတယ်။ အဲဒီလို ပမာဏ ကြီးကြီးမားမား ကိုင်ဆောင်ထားတဲ့အတွက် ဈေးကွက်တွေမှာရောင်းအားနည်းလာပြီး၊ သကြားဈေး သိသိသာသာမြင့်တက်လာဖို့ ဦးတည်စေတာကြောင့် အဲဒီလိုလုပ်ဆောင်ခြင်းဟာ ဈေးနှုန်းဥပဒေနဲ့ စည်းမျဉ်းကို ချိုးဖောက်ခြင်း ဖြစ်တယ်လို့ NDRC က ၎င်းင်းရဲ့ ဝက်ဆိုဒ်မှာ ဖော်ပြထားပါတယ်။ တရုတ်နိုင်ငံအတွင်းမှာ ထုတ်လုပ်မှု လျော့ကျခြင်းနဲ့ ထုတ်လုပ်မှု ကုန်ကျစရိတ် မြင့်တက်ခြင်းတို့ကြောင့် ၂၀၀၉ ခုနှစ်ကထဲက သကြားဈေးဟာ မြန်ဆန်စွာ မြင့် တက်လာခဲ့ပါတယ်။ ဒါ့အပြင် တရားမဝင် သိုလှောင်ထိန်းသိမ်းခြင်းနဲ့ ဈေးနှုန်း ထိန်းချုပ်ခြင်းကလည်း ဈေးနှုန်းကို ကြီးမြင့်စေတယ်လို့ဆိုပါတယ်။NDRC က ယင်း ကုမ္ပဏီ ၂ ခုအနေနဲ့ ၎င်းင်းတို့ သိုလှောင်သကြားများကို အောက်တိုဘာ ၁၅ ရက် မတိုင်မီ ဈေးကွက်ထဲကို တစ်တန် ယွမ် ၇၀၀၀ (ကန်ဒေါ်လာ ၁၁၀၀)ထက် မပိုတဲ့ ဈေးနဲ့ ရောင်းချရမယ်လို့ အမိန့်ထုတ်ပြန်ခဲ့ပါတယ်။ အကယ်လို့ အဲဒီကုမ္ပဏီ ၂ ခုဟာ ထုတ်ပြန်ထားတဲ့အတိုင်း ရောင်းချခြင်း မပြုပါက ဥပဒေအရ ဒဏ်ငွေ ပေးဆောင်ရမှာဖြစ်ပါတယ်။ ဒေသဆိုင်ရာ အဖွဲ့ အစည်းများအနေနဲ့ အဓိကသကြားထုတ်လုပ်တဲ့ ကုမ္ပဏီများကို လည်း ကြပ်ကြပ်မတ်မတ် စစ်ဆေးဖို့နဲ့ သိုလှောင်ထိန်းသိမ်းခြင်း၊ ဈေးနှုန်းထိန်းချုပ် ခြင်းတွေကို တားမြစ်ဖို့လည်း NDRC မှ အမိန့်ထုတ်ပြန်ထားတယ်လို့ သိရပါတယ်။ NDRC မှ ထုတ်ပြန်တဲ့ သတင်းအရ တရုတ်နိုင်ငံရဲ့ အဓိက သကြားထုတ်လုပ်တဲ့ ကွမ်ရှီး မြို့တော် နန်နင်းမှာ သကြားဈေးဟာ သြဂုတ်လ ၁၈ ရက်မှာ သကြား တစ်တန် ယွမ် ၇၇၂၁ (ကန်ဒေါ်လာ ၁၂၁၃)ရှိခဲ့ရာမှ သြဂုတ်လကုန်မှာ ယွမ် ၇၆၆၀ (ကန်ဒေါ်လာ ၁၂၀၄)ကို ကျဆင်းခဲ့တယ်လို့ သိရပါတယ်။ ယမင်းခင် Source: Xinhua
စက်တင်ဘာ ၂၅ မှ အောက်တိုဘာ ၁ ရက်အထိကာလအတွင်း ပင်လယ်ရေကြောင်းမှ ပြောင်း ၁၄၆၇ တန်၊ ဒေါ်လာ ၀ ဒသမ ၄၂၃ သန်းဖိုးကို စင်္ကာပူနဲ့ ဗီယက်နမ်နှစ်နိုင်ငံကို တင်ပို့နိုင်ခဲ့ပါတယ်။ ယခင်အပတ်က တန် ၉၀၀ ကျော်သာ တင်ပို့ခဲ့တာကြောင့် ယခုတပတ်မှာ တန် ၅၀၀ ကျော်တင်ပို့မှုပိုမိုပါတယ်။ နယ်စပ် ကလည်း တန် ၁၀၀၀၀ ကျော်ပုံမှန်တင်ပို့နေရတာတွေ့ရပါတယ်။ FOB ရန်ကုန် ဈေးကတော့ ပြောင်းလဲမှုမရှိဘဲ ဒေါ်လာ (၂၉၀-၃၀၅) ကြားဈေးပေါက် လျက် ရှိကြောင်းသတင်းရရှိပါတယ်။ KZW
ရော်ဘာဈေးနှုန်းတွေ ကျဆင်းနေရာ ကမ္ဘာ့ရော်ဘာထုတ်လုပ်မှုအများဆုံး ထိုင်းနိုင်ငံက ယခုနှစ်အတွင်း ရော်ဘာထုတ် လုပ်မှု ၃ ဒသမ ၅ ရာခိုင်နှုန်းလျှော့ချဖို့ ရည်ရွယ်နေကြောင်း သိရတယ်။ ထိုင်းနိုင်ငံက ၎င်းကိုယ်တိုင် ရော်ဘာထုတ်လုပ်မှု လျှော့ချမယ့်အပြင် အင်ဒိုနီးရှားနဲ့ မလေးရှားနိုင်ငံတို့ကိုလည်း ရော်ဘာထုတ်လုပ်မှုလျှော့ချဖို့ တိုက်တွန်းသွားမှာဖြစ်ကြောင်း၊ ဒါမှသာ ရော်ဘာဈေးနှုန်းပြန်လည်ဦးမော့လာမှာဖြစ်ကြောင်း ထိုင်းနိုင်ငံရော်ဘာလုပ်ငန်းမှ အရာထမ်းတွေက အောက်တိုဘာလ ၄ ရက်နေ့မှာ ပြောကြားခဲ့တယ်။ ၂၀၁၁ ခုနှစ် ၊ ဖေဖော်ဝါရီလအတွင်း ကမ္ဘာ့ရော်ဘာဈေးနှုန်းတွေက တစ်တန်ကို ကန်ဒေါ်လာ ၆၅၀၀ အထက်ထိ ရောက်ရှိ စံချိန်တင်ခဲ့သော်လည်း နောက်ပိုင်းတဖြည်းဖြည်းအားနည်းလာရာအောက်တိုဘာလဆန်းပိုင်းမှာ (ထိုင်း RSS-1) ဆိုရင် တစ်တန်ကို ဒေါ်လာ ၄၁၀၀ ဝန်းကျင် အထိ ကျဆင်းလာတယ်။ ကမ္ဘာ့စီးပွားရေး အခြေအနေအပေါ် စိုးရိမ်ပူပန်မှု တွေက ကုန်ကြမ်းပစ္စည်းတွေ ဝယ်လိုအားကိုကျဆင်းစေပြီး ရေနံအပါအဝင် အခြားကုန်စည်တွေ ဈေးကျဆင်းမှုနဲ့ အတူ ရော်ဘာဈေးနှုန်း တွေလည်း ကျဆင်းသွားခြင်းဖြစ်တယ်။ ဒါကြောင့် ထိုင်းအစိုးရသစ်က ပြည်တွင်းရှိ ရော်ဘာထုတ်လုပ်သူတွေကို အပင်အိုတွေကိုခုတ်ပြီး အပင်သစ် စိုက်ပျိုးခြင်းကို တွန်းအားပေးဖို့ စီစဉ်နေခြင်းဖြစ်တယ်။ ရော်ဘာအပင်သစ် တစ်ပင်စိုက်ပျိုးပြီး ၇ နှစ်ကြာမှ အစေးထုတ်ယူ နိုင်ကြောင်း ၊ ယခုနှစ်မှ စပြီး နှစ်စဉ်ရော်ဘာတန်ချိန် ၁၂၀၀၀၀ လျှော့ချထုတ်လုပ်သွားဖို့ စီမံနေကြောင်း သိရတယ်။ ဒါပေမဲ့ ၂၀၁၁ ခုနှစ် ၊ ထိုင်းနိုင်ငံရဲ့ ရော်ဘာထုတ်လုပ်မှုကို တန်ချိန် ၃ ဒသမ ၃၅ သန်းလို့ ခန့်မှန်းထားရာ ယခင်နှစ်က ထုတ်လုပ်မှု တန်ချိန် ၃ ဒသမ ၂၅ သန်းထက် ပိုမိုနေတယ်လို့ သိရတယ်။ ၂၀၁၁ ခုနှစ် အတွင်း အင်ဒိုနီးရှားရဲ့ ရော်ဘာထုတ် လုပ်မှုကိုလည်း တန်ချိန် ၂ ဒသမ ၉ သန်း ဝန်းကျင်ဖြစ်မယ်လို့ ခန့်မှန်းထားရာ ယခင်နှစ်ထုတ်လုပ်မှု တန်ချိန် ၂ ဒသမ ၇၄ သန်းထက် ပိုမိုနေကြောင်း သတင်းရရှိတယ်။ ပပ၊Source:theedgemalaysia.com
အိန္ဒိယနနွင်းဈေးကွက်မှာ ဝင်ရောက်မှုနည်းပြီး ဝယ်လိုအားကောင်းတာကြောင့် နနွင်းဈေးဆက်လက် ခိုင်မာနေပါတယ်။ နနွင်းဈေးအနိမ့်နဲ့ ကုန်သည်များဝယ်လိုအားတက်လာနိုင်ခြင်းက ကျဆင်းနေတဲ့နနွင်းဈေးကို အထောက်အပံ့ဖြစ်စေပါတယ်။ နနွင်းစိုက်ပျိုးတဲ့ အင်ဒရာပရာဒေ့ရှ်နဲ့အနီးအနားပြည်နယ်တွေမှာ မိုးရွာသွန်း နေတဲ့အတွက် နနွင်းအထွက်အလားအလာကောင်း တယ်ဆိုတဲ့ မျှော်လင့်ချက်ကို မှေးမှိန်စေပါတယ်။ အထူးသဖြင့် အင်ဒရာပရာဒေ့ရှ်မှာ ဆန္ဒပြမှုကြောင့် အိန္ဒိယမြောက်ပိုင်း အမှာ အော်ဒါများက အီရော့ ဈေးကွက်ကို ပြောင်းလဲလာတဲ့အတွက ်အီရော့ဈေးကွက်မှာနနွင်းတစ်တန် ရူပီး ၁၅၀၀-၄၅၀၀ (ကန်ဒေါ်လာ ၃၀ ဒသမ ၅၃ - ၉၁ ဒသမ ၅၉) တိုးတက်ခဲ့ပါတယ်။ ကုန်သည်များက ဈေးအမြင့်နဲ့ သတ်မှတ်တဲ့အတွက် နနွင်းကြိုပွိုင့်ဈေးကွက်မှာလည်း ၂ ဒသမ ၃ ရာခိုင်နှုန်းခန့် မြင့်တက်ခဲ့ပါတယ်။ အင်ဒရာပရာဒေ့ရှ်မှာ မတည်ငြိမ်မှုတွေကြောင့် အိန္ဒိယမြောက်ပိုင်းကုန်သည်များဟာ အီရော့နနွင်းထက် ဈေးသက်သာတဲ့ နီဇမ်မာဘတ်နနွင်းကို ဝယ်ယူဖို့လည်း တုံ့ဆိုင်းနေကြပါတယ်။ ဒါကြောင့်လည်း အီရော့နနွင်းကို ဈေးအမြင့်နဲ့ ကမ်းလှမ်းကြတာ ဖြစ်ပါတယ်။ အောက်တိုဘာလ ၄ ရက်နေ့က နနွင်းအိတ် ၅၂၀၀ ဝင်ရောက်မှုအနက် ၇၀ ရာခိုင်နှုန်းမှာ ရောင်းချ ခဲ့ရတယ်လို့သိရပါတယ်။တောင်သူများက ဈေးကွက်ကို အနည်းငယ်စီသာ သယ်ရောင်းနေကြပြီး၊ ကုန်သည်များ ကလည်း အရည်အသွေးကောင်း နနွင်းကို ဈေးပိုပေးဝယ်ယူခဲ့ကြပါတယ်။ အီရော့နနွင်းကုန်သည်များအသင်းဈေးဝင်းမှာ နနွင်းလက် ချောင်း တစ်တန်ရူပီး ၄၀၁၁၀-၅၂၆၉၀ (ကန်ဒေါ်လာ ၈၁၆-၁၀၇၄) ရှိပြီး နနွင်းဥဈေးက ရူပီး ၃၈၉၆၀-၄၄၃၈၀ (ကန်ဒေါ်လာ ၇၉၃-၉၀၃) ရှိတယ်လို့ သိရပါတယ်။ ယမင်းခင်၊Source: hindubusinees
ယနေ့ကမ္ဘာမှာ ကြက်သွန်ဖြူ စိုက်ပျိုးဟက်တာပေါင်း ၁၂ ဒသမ ၂၅ သိန်းရှိပြီး တန်ချိန်ပေါင်း၁၅၆ ဒသမ ၈၅သိန်း ထုတ်လုပ်လျက်ရှိရာတစ်ဟက်တာကို ထွက်နှုန်း ၁၂ ဒသမ ၈ တန်အထိ ထုတ်လုပ်နိုင်ကြောင်း၊ ၂၀၀၇-၂၀၀၈ စာရင်းဇယားအရ တရုတ်နိုင်ငံက ကမ္ဘာမှာ ကြက်သွန်ဖြူထုတ်လုပ်မှု အများဆုံးနိုင်ငံဖြစ်ကြောင်း သိရတယ်။ ကမ္ဘာ့ကြက်သွန်ဖြူထုတ်လုပ်မှုတန်ချိန် စုစုပေါင်းရဲ့ ၇၇ ဒသမ ၀၇ ရာခိုင်နှုန်း (တန်ချိန် ၁၂၀ ဒသမ ၈၈ သိန်း) ကို ထုတ်လုပ်နိုင်ကြောင်း ၊ အိန္ဒိယက ၅ ဒသမ ၂၉ ရာခိုင်နှုန်း (တန်ချိန်ပေါင်း ၈ ဒသမ ၃ သိန်း) ထုတ်လုပ်ပြီး တောင်ကိုရီးယားက ၂ ဒသမ ၀၈ ရာခိုင်နှုန်း (တန်ချိန်ပေါင်း ၃ ဒသမ ၂၇ သိန်း) ထုတ်လုပ်နိုင်ကြောင်း သိရတယ်။၎င်းင်းအပြင် ရုရှားက ၃ ဒသမ ၉၈ ရာခိုင်နှုန်း (တန်ချိန်ပေါင်း ၂ ဒသမ ၅၄ သိန်း) ထုတ်လုပ်နိုင်ရာ အိန္ဒိယက ကမ္ဘာမှာ ဒုတိယမြောက် ကြက်သွန်ဖြူ ထုတ်လုပ်မှု အများဆုံးနိုင်ငံဖြစ်ကြောင်း သိရတယ်။ အိန္ဒိယကြက်သွန်ဖြူအများဆုံး ဝယ်ယူတင်သွင်းတဲ့ နိုင်ငံမှာ အမေရိကန်ဖြစ်ပြီး ပါကစ္စတန်၊ ဘင်္ဂလားဒေ့ရှ်၊မလေးရှားနဲ့နီပေါတို့ကလည်း အိန္ဒိယကြက်သွန်ဖြူ တင် သွင်းမှုအပေါ် မှီခိုနေကြကြောင်း thehidubusinessline.com မှာ ဖော်ပြထား တယ်။ ပပ၊Source:thehindubusinessline.comx
ကမ္ဘာ့ကောက်ပဲသီးနှံရောင်းချမှု ပိုမိုခြင်းနဲ့ ဝယ်လိုအားနည်းခြင်းတို့ကြောင့် ကမ္ဘာ့စားနပ်ရိက္ခာဈေးနှုန်းများ စက်တင်ဘာလအတွင်းမှာ ၂ ရာခိုင်နှုန်းကျဆင်း ခဲ့တယ်လို့ FAO က အောက်တိုဘာ ၆ ရက်နေ့မှာပြောကြား ပါတယ်။ စားနပ်ရိက္ခာ ဈေးနှုန်းကျဆင်းမှုကြောင့် ငွေကြေးဖောင်းပွမှု သက်သာရာရရှိခဲ့တဲ့ အတွက် ဥရောပ ဗဟိုဘဏ်မှ အတိုးနှုန်းဆုံးဖြတ်ချက်အပေါ် စိုးရိမ်မှုများလည်း လျော့ကျလာတယ်လို့ ဆိုပါတယ်။ အဓိကစားသောက်ကုန်များဖြစ်တဲ့ နှံစားသီးနှံ၊ ဆီထွက်သီးနှံ၊ အသားနဲ့ သကြားတို့ရဲ့ လစဉ်ဈေးနှုန်း အပြောင်းအလဲကိုတိုင်းတာတဲ့ FAO ရဲ့ စားနပ်ရိက္ခာ ဈေးနှုန်းညွှန်ကိန်းဟာ စက်တင်ဘာလမှာ ပျမ်းမျှ ၂၂၅ မှတ်ရှိလို့ သြဂုတ်လထက် ၄ ဒသမ ၅ မှတ်ကျဆင်းခဲ့တယ်လို့ FAO ကဆိုပါတယ်။ စက်တင်ဘာညွှန်းကိန်း က ဖေဖော်ဝါရီလအတွင်း အမြင့်ဆုံးဖြစ်ခဲ့တဲ့ ၂၃၈ မှတ်အောက် လျော့ကျခဲ့တယ်လို့ ဆိုပါတယ်။ ကုန်စည်ဈေးနှုန်းများဟာ ဆက်လက်ကျဆင်းမယ့် အလားအလာအရ နောက်လအနည်းငယ်အတွင်းမှာလည်း ကမ္ဘာ့စားနပ်ရိက္ခာ ဈေးနှုန်း ကျဆင်းမယ်လို့ FAO စီးပွားရေးပညာရှင်ကပြောကြားပါတယ်။ ကမ္ဘာ့စီးပွားရေးကျဆင်းနေခြင်းက ဝယ်လိုအားကို နည်းစေနိုင်တဲ့အပေါ် ရင်းနှီး မြုပ်နှံသူများ စိုးရိမ်လာကြပြီး စက်တင်လာလအတွင်း နိုင်ငံတကာ သီးနှံ ဈေးကွက်များမှာ ရောင်းထုတ်မှုတွေရှိလာခြင်းကလည်း လွန်ခဲ့တဲ့လများ အတွင်း စားနပ်ရိက္ခာဈေးနှုန်း ပိုမိုကျဆင်းဖို့ဖြစ်လာပါတယ်။ ၂၀၁၁ နှံစားသီးနှံထွက်ရှိမှုဟာ အစောပိုင်းခန့်မှန်းထားတဲ့ ပမာဏထက်တန်ချိန် ၃ သန်းပိုပြီး၊ တန်ချိန် ၂ ဒသမ ၃၁ ဘီလီယံ ထွက်ရှိမယ်လို့ တိုးမြင့်ခန့်မှန်းခဲ့ပါတယ်။ သီးနှံထုတ်လုပ်မှု တိုးတက်မယ့်မျှော်လင့်ချက်ရှိပေမဲ့ ကမ္ဘာ့စီးပွားရေးပြန် လည် တိုးတက်မှု နှေးကွေးနေခြင်းနဲ့ ငွေကြေးအကျပ်အတည်း တိုးပွားလာခြင်း ကြောင့် ကမ္ဘာ့စားနပ်ရိက္ခာဖူလုံမှုအပေါ် ထိခိုက်မှုနဲ့ပတ်သက်လို့တော့ မရေရာဘူး လို့ ရောမ အခြေစိုက် အေဂျင်စီမှပြောကြားပါတယ်။ စီးပွားရေးအခြေအနေ တိုးတက်မှု နှေးကွေးလာခြင်းက ဖွံ့ဖြိုးဆဲနိုင်ငံများမှာ အလုပ်လက်မဲ့ ပြဿနာ တိုးပွားလာပြီး၊ ဝင်ငွေနည်းပါးမှုတွေဖြစ်လာနိုင်တယ်လို့ဆိုပါတယ်။ လမင်း Source: Reuters