အိန္ဒိယနိုင်ငံပိုင်အေဂျင်စီများ ပဲမျိုးစုံတန်ချိန် ၅ ဒသမ ၃၃ သိန်းကျော်တင်သွင်းဖို့ စာချုပ်ထားပြီး       အိန္ဒိယနိုင်ငံပိုင် အေဂျင်စီများဟာ ပြည်တွင်းရောင်းချဖြန့်ဖြူးမှု တိုးတက်စေဖို့ လက်ရှိဘဏ္ဍာနှစ်အတွင်း ယခုအချိန်ထိ ပဲမျိုးစုံတန်ချိန် ၅ ဒသမ ၃၃ သိန်းကျော် တင်သွင်းဖို့ စာချုပ်ထားပြီးဖြစ်တယ်လို့ လွှတ်တော်က နိုဝင်ဘာလ ၁၅ ရက်က အတည်ပြု ပြောကြားခဲ့ပါတယ်။ စာချုပ်ထားတဲ့ အေဂျင်စီများကတော့ PEC ၊ MMTC ၊ NAFED ၊ STC နဲ့ NCCF တို့ ဖြစ်တယ်လို့ စိုက်ပျိုးရေးဝန်ကြီး ကေဗွီသောမတ်စ်က ပြောကြားပါတယ်။         ပြည်တွင်းမှာ ပဲမျိုးစုံရရှိနိုင်မှု တိုးတက်စေဖို့ အစိုးရက ပဲမျိုးစုံတင်သွင်းခွန်ကို သုညအထိ လျှော့ချခဲ့တယ်လို့ ဝန်ကြီးက ဆိုပါတယ်။ အေဂျင်စီများ ပဲတင်သွင်းဖို့ စာချုပ်ထားတဲ့ နိုင်ငံတွေကတော့ မြန်မာ၊ သြစတြေးလျ၊ အမေရိကန်၊ ကနေဒါ၊ ကင်ညာ၊ တန်ဇန်းနီးယား၊ စင်ကာပူနဲ့ မိုဇမ်းဘစ်တို့ဖြစ်တယ်လို့ သိရပါတယ်။ ယင်းအေဂျင်စီများအပြင် ပုဂ္ဂလိက ကုန်သည်များကလည်း ပဲတင်သွင်းလျက်ရှိတယ်လို့ ဆိုပါတယ်။        ၂ဝဝ၉-၂ဝ၁ဝ မှာ စုစုပေါင်း တန်ချိန် ၃ ဒသမ ၄ သန်းတင်သွင်းခဲ့တဲ့အနက် နိုင်ငံပိုင်အေဂျင်စီများက ၂ဝ ရာခိုင်နှုန်းတင်သွင်းခဲ့ပါတယ်။ အစိုးရဟာ ပဲတင်သွင်းမှုကို အစီအစဉ် ၂ ရပ်နဲ့ အားပေးလျက်ရှိတယ်လို့ သောမတ်စ်က ဆိုပါတယ်။ ပထမအစီအစဉ်က အေဂျင်စီများ ပဲတင်သွင်းရာမှာ CIFတန်ဖိုးရဲ့ ၁ ဒသမ ၂ ရာခိုင်နှုန်းဝန်ဆောင်ခနဲ့ ကုန်အရောက် တန်ဖိုးရဲ့ ၁၅ ရာခိုင်နှုန်းကို ပြန်ပေးပါတယ်။ နောက်အစီအစဉ်တစ်ခုက မိသားစုတစ်စု တစ်လကို ပဲတစ်ကီလို ရူပီး၁ဝ နှုန်းလျှော့ဈေးနဲ့ အများပြည်သူ ဖြန့်ဝေရေးစနစ်နဲ့ ဖြန့်ဝေနေတဲ့ ပြည်နယ်အစိုးရများကို အစိုးရ အေဂျင်စီများက တင်သွင်းပဲများ ရောင်းချပေးခြင်းပဲ ဖြစ်ပါတယ်။ ယမင်းရွှေစင်၊ှSources: P T I

အောက်တိုဘာနဲ့ နိုဝင်ဘာ တတိယပတ်ကာလတူ အိန္ဒိယပဲစင်းငုံဈေး အနည်းငယ်သာ ကွာခြား     အိန္ဒိယလက်ငင်းဈေးကွက်တွေမှာ ပဲစင်းငုံလက်ကျန်တွေရှိနေပြီး အဝယ် သိပ်မရှိတာကြောင့် ဈေးကျဆင်းတယ်ဆိုပေမဲ့ အောက်တိုဘာလနဲ့ နိုဝင်ဘာလ ကာလတူတတိယပတ်ဈေးနှုန်းကတော့ အနည်းငယ်သာ လျော့နည်းကွာခြားတာ တွေ့ရပါတယ်။ ပြည်တွင်းမှာ တန်ဇန်းနီးယားက ဈေးအလျော့နဲ့ တင်သွင်းထားတာ ရယ်၊ ပြည်တွင်းလက်ကျန်ရှိနေတာရယ်ကြောင့် မြန်မာနိုင်ငံက တင်သွင်းမှုလျော့ကျ ခဲ့ပါတယ်။ လက်ရှိစိုက်ပျိုးထားတဲ့ ပဲစင်းငုံတွေကလည်း စိုက်ဧရိယာ ပိုလာသလို မိုးရွာသွန်းမှုကြောင့်လည်း သီးနံှပျက်စီးမှု မရှိတာကြောင့် အထွက်ပိုမယ်လို့ ခန့်မှန်း ထားပါတယ်။ ကာလတူဈေးနှုန်းများ နှုန်းယှဉ်ဖေါ်ပြလိုက်ပါတယ်                                                                                                                      ဒေါ်လာ/တန်                   မွန်ဘိုင်းဈေးကွက်            မွန်ဘိုင်း((C&F) ၁၈-၁၁-၁ဝ          ၆၉၃                               ၇၃၅ ၁၈-၁ဝ-၁ဝ          ၇၃၄                            ၈ဝဝ-၈၁ဝ MIRT(MAPT)

သိုလှောင်လက်ကျန်များ ထုတ်ရောင်းလာကြလို့ အိန္ဒိယကုလားပဲဈေးလျော့ကျ        အိန္ဒိယပြည်တွင်းဈေးကွက်များမှာ သိုလှောင်လက်များ ထုတ်ရောင်းလာ ကြလို့ ကုလားပဲလက်ငင်းရော ကြိုပွိုင့်ရော ဈေးကျဆင်းခဲ့ပါတယ်။ ဒေလီဈေးကွက် ကို နိုဝင်ဘာလ ၁၁ ရက်က ကုလားပဲကား အစီး ၃ဝ ဝန်းကျင်ဝင်ရောက်လာတာ ကြောင့် တစ်တန်ကို ရူပီး ၂၅ လျော့ကျပြီး ရူပီး ၂၄၂၅ဝ (ကန်ဒေါ်လာ ၅၄၇ ) ဈေးနဲ့ အရောင်းအဝယ်ဖြစ်ခဲ့တယ်လို့ သိရပါတယ်။       တောင်သူများမှာလည်းဈေးကျဆင်းမယ့်မျှော်လင့်ချက်တွေနဲ့ လက်ကျန်များထုတ်ရောင်းလာကြတာကြောင့် ကုလားပဲလက်ကျန် လျော့ပါးလာပြီ လို့ သိရပါတယ်။ ဒါပေမဲ့ အဝယ်အနည်းငယ်ရှိနေတာကြောင့် နိုဝင်ဘာလ အခြေခံ စာချုပ်ဈေးကတစ်တန်ကို ရူပီး ၂၄၅၅ဝ (ကန်ဒေါ်လာ၅၅၄ )နဲ့ ရောင်းဝယ်ခဲ့ကြတယ်လို့ သိရပါတယ်။             ကာလတိုအတွင်းမှာတော့ ဈေးကွက်တွေမှာ လက်ကျန်နည်းလာခြင်းနဲ့ ခွဲစက်သမားများရဲ့ ဝယ်လိုအား ကောင်းမယ့် အခြေအနေတွေကြောင့် တစ်တန်ကို ရူပီး ၈ဝဝ-၁ဝဝဝ (ကန်ဒေါ်လာ ၁၈-၂၂) မြင့်တက်နိုင်တယ်လို့ ခန့်မှန်းကြပါတယ်။ ဒါပေမဲ့ နိုဝင်ဘာလ နောက်ပိုင်း ကုလားပဲကြိုပွိုင့်ဈေးကတော့ ဆောင်းပဲစိုက်ပျိုးမှု အပေါ် မူတည်နေတယ်လို့ ဆိုပါတယ်။                                                                                                    ယမင်းခင်၊ှSources: commodityonline 

 ပြည်တွင်းလက်ကျန်နည်းချိန် နယ်စပ်ဈေးကောင်း၍ ပင်လယ်ရေကြောင်း အပို့လျော့      ယခင်တစ်ပတ်က ပင်လယ်ရေကြောင်း ပဲတီစိမ်းတင်ပို့မှု တန်ချိန် ၃ဝဝဝ ခန့် ရှိခဲ့ပေမဲ့ ယခုတစ်ပတ် (နိုဝင်ဘာလ ၄ ရက်မှ ၁ဝ ရက်) မှာတော့ တန် ၂ဝဝဝ အောက်ကို လျော့ကျတင်ပို့ခဲ့တာ တွေ့ရပါတယ်။ ပဲတီစိမ်းကို အခြားနိုင်ငံတွေက ဝယ်လိုအား ရှိနေပေမဲ့ တရုတ်ဘက်က ဈေးမြင့်ပေးဝယ်ယူမှုကြောင့် နယ်စပ်ဝယ်လိုအား များနေတာကြောင့် ပင်လယ် ရေကြောင်းက တင်ပို့မှုလျော့ကျနေတာဖြစ်ပါတယ်။ တရုတ်ဝယ်လက်ကတော့ အရည်အသွေးပေါ်မူတည်ပြီး၊ အဆွဲရှိနေတယ်လို့ သိရပါတယ်။ ယခင်တစ်ပတ်နဲ့ ယခုတစ်ပတ် FOB  ဈေးကို နှိုင်းယှဉ်ဖော်ပြလိုက်ပါတယ်                                                                                                                                    ဒေါ်လာ/တန်                  ပဲတီစိမ်း (အညာ)            ပဲတီစိမ်း (ပခုက္ကူ)                 ပဲတီရွှေဝါ၁၁-၁၁-၁ဝ      ၉၅ဝ-၉၆ဝ                    ၉၇ဝ-၉၈ဝ                   ၁၂၅ဝ-၁၂၆ဝ၁၁-၁ဝ-၁ဝ      ၉၃ဝ-၉၄ဝ                    ၉၇ဝ-၉၈ဝ                   ၁၂ဝဝ-၁၂၂ဝ                                                                                                                                   MIRT(MAPT)