Main menu

Background

Tuesday, 26 Oct 2010

 အရှိန်သွက်သွက်နဲ့ နယ်စပ်ကိုစီးနေတဲ့ အောင်လံနှမ်း        အောင်လံနှမ်းဈေးကွက်ဟာ ၂ဝ၁ဝ ခုနှစ်ထွက် နှမ်းမျိုးစုံရဲ့ တစ်ဝက် ကျော်ကျော်လောက်တင်ပို့ရောင်းချပြီးတဲ့ အချိန်ကို ရောက်ရှိနေပါပြီ။ အောင်လံ ဈေးကွက်အတွင်းက ပြည်ပပို့ကုန်သိပ္ပံနှမ်းနက်နဲ့ ရိုးရိုးနှမ်းနက်တို့ဟာ မန္တလေး ဝယ်လက်ကတစ်ဆင့် နယ်စပ်လမ်းကြောင်းအတိုင်း တရုတ်ပြည်ကို စဉ်ဆက်မပြတ် တင်ပို့နေတာ တွေ့ရပါ တယ်။ သြဂုတ်လတတိယပတ်အတွင်း စတင်ပေါ်ထွက်ခဲ့တဲ့ သိပ္ပံနှမ်းနက်ဟာ ၄၅ ပိဿာကို တစ်သိန်းကျပ်နဲ့ ရိုးရိုးနှမ်းနက်ကတော့ ၄၅ ပိဿာကို ၈ဝဝဝဝ ကျပ်ဈေးနဲ့ စတင်ပေါ်ထွက်လာခဲ့ပါတယ်။ စတင်ပေါ်ထွက်တဲ့ အချိန် ကနေ ယနေ့အချိန်ထိ ထူးခြားတာကတော့ (တရုတ်လိုင်း) မန္တလေး ဝယ်လက်ရဲ့ ဝယ်ယူမှုဟာ နှမ်းဈေးကွက် ဖြစ်လို့ နေတာပါပဲ။ ယနေ့အချိန်ထိ ၃လအတွင်း ကုန်စည် စီးဆင်းမှု ကိုကြည့်ရင်လည်း သိပ္ပံနှမ်းနက်အနေနဲ့ မန္တလေးကို အိတ် ၁ သိန်းခွဲနဲ့ ရန်ကုန်ကို အိတ် ၇၅ဝဝဝ ခန့်တင်ပို့ပြီး၊ ရိုးရိုးနှမ်းနက်အနေနဲ့လည်း မန္တလေးကိုအိတ် ၈ဝဝဝဝ ခန့်နဲ့ ရန်ကုန်ကို အိတ် ၃၅ဝဝဝ ခန့်တင်ပို့ပြီးတဲ့အခြေအနေတွေ အရလည်း နှမ်းဈေးကွက်ကို နယ်စပ်လိုင်းက အားသာနေတာတွေ့ရပါတယ်။ နယ်စပ် ကုန်သွယ်မှု အားကောင်းနေမှုနဲ့အတူ ယခု အောက်တိုဘာတတိယပတ် အစမှာတော့ယခင်နှစ် နှစ်ဟောင်းနှမ်းများရဲ့ ၄၅ ပိဿာကို အမြင့်ဆုံးဈေးနှုန်းများဖြစ်ခဲ့တဲ့ သိပ္ပံနှမ်းနက် ၁၂၂ဝဝဝ ကျပ်၊ ရိုးရိုးနှမ်းနက် ၈၇ဝဝဝ ကျပ်တို့ကိုကျော်ဖြတ်ကာ သိပ္ပံနှမ်းနက်ဟာ ၁၂၅ဝဝဝ ကျပ်ဖြစ်လာပြီး၊ ရိုးရိုးနှမ်းနက်ကတော့ ကျပ် ၁ဝ၃ဝဝဝ ကျပ်နဲ့ ဝယ်လို အားကောင်းပြီး ဈေးမာနေတာတွေ့ရပါတယ်။ လက်ကျန်အနေနဲ့ မြို့ပေါ်မှာ သိပ္ပံနှမ်းနက် အိတ် ၃၅ဝဝဝ ခန့်နဲ့ ရိုးရိုးနှမ်းနက် အိတ် ၄ဝဝဝ ခန့်ကျန် ရှိနေပြီး၊ လက်ကျန် အနေနဲ့ သိပ္ပံနှမ်းနက်ကတော့ အိတ် ၆ဝဝဝဝ ဝန်းကျင်နဲ့ ရိုးရိုးနှမ်းနက်အိတ် ၁၅ဝဝဝ ခန့် ကျန်ရှိနေသေးကြောင်း ကုန်စည်ဒိုင် တာဝန်ရှိသူတို့ ထံမှ သိရပါတယ်။ တရုတ်လိုင်းအားကောင်းနေတာရယ်၊ ဝယ်ယူမှုအားနည်းပေမဲ့ ပုံမှန်အဝယ်ရှိနေတဲ့ ရန်ကုန် ဝယ်လက်တွေကြောင့် ကာလတိုအတွင်း ဈေးမြင့်လာ နိုင်သေးကြောင်း သုံးသပ်ကြပါတယ်။                                                                                                                                                                     ကျော်မျိုးမင်း

Tuesday, 26 Oct 2010

နှမ်း အရောင်းအဝယ်အေး      အောက်တိုဘာလ ၁၃ ရက်မှ ၁၉ ရက်ထိကာလအတွင်းမှာ မူဆယ် ၁ဝ၅မိုင်ကုန်သွယ်ရေးဇုန်မှတစ်ဆင့် နှမ်းဖြူ  ၆၉၈ တန်နဲ့ နှမ်းနက် ၁၃၂၁ တန်၊ တန်ဖိုးအားဖြင့် ကန်ဒေါ်လာ ၂ ဒသမ ၆၆၄ သန်းဖိုး တင်ပို့နိုင်ခဲ့ပါတယ်။ ယခင်အပတ်က နှမ်းဖြူ ၁ဝ၄၅ တန်၊ နှမ်းနက် ၁၃၃၉ တန်နဲ့နှမ်း (အခွံချွတ်) ၁၇၇ တန် တင်ပို့နိုင်ခဲ့တဲ့အတွက် ယခုအပတ်မှာ ယခင်အပတ်တင်ပို့မှုထက် နှမ်းဖြူ ၃၄၇ တန်၊ နှမ်းနက် ၁၈ တန်လျော့နည်းခဲ့ပြီး နှမ်း(အခွံချွတ်) တင်ပို့နိုင်ခဲ့ခြင်း မရှိခဲ့ပါဘူး၊ တစ်ဘက်နိုင်ငံမှာယခုအပတ်နှမ်းဖြူဈေး တစ်တန်လျှင် ယွမ် ၁၆၅ မှ ၁၇ဝ ထိ ဈေးနှုန်း ပိုမိုမြင့်တက်လျက်ရှိတယ်လို့သိရပါတယ်။ ယခုအပတ်မှာ နှမ်း အရောင်းအဝယ်အေးလျက်ရှိပြီး တင်ပို့မှုလည်းလျော့ကျလျက်ရှိပါတယ်။ မိမိဘက် နဲ့ တစ်ဘက်နိုင်ငံနှမ်းဈေးများကို နှိုင်းယှဉ်ဖော်ပြ ပေးလိုက်ပါတယ် -                   မိမိဘက်(ကျပ်/တန်)                                        တစ်ဘက်နိုင်ငံ(ယွမ်/တန်)              ယခု                ယခင်     ပြောင်းလဲမှု    %      ယခု        ယခင်     ပြောင်းလဲမှု        %နှမ်းဖြူ     ၁၂ဝ၈ဝ၂၉    ၁၁၈ဝ၆ဝ၇       ၂၇၄၂၂    ၂       ၁၃၁၈      ၁၃၁၄          ၄              ဝ .၃နှမ်းနက်    ၁၅၁၈ဝ၆၈  ၁၂၆၁၅၇၁      ၂၅၆၄၉၇  ၁၇       ၁၅၃၄      ၁၂၈၄        ၃၅၁            ၂၂ MIRT (DOBT)

Tuesday, 26 Oct 2010

၂ဝဝ၈ ခုနှစ်နောက်ပိုင်း ပထမအကြိမ်အနေနဲ့ မလေးရှားစားအုန်းဆီဈေး တစ်တန် ရင်းဂစ် ၃ဝဝဝ (ကန်ဒေါ်လာ ၉၆၃) ကျော်လာ          တရုတ်နဲ့ အိန္ဒိယတို့ရဲ့ ဝယ်လိုအားမြင့်တက်မှုထက် ရောင်းလိုအား နည်းနိုင်တယ်ဆိုတဲ့ ခန့်မှန်းချက်များ ကြောင့် မလေးရှားစားအုန်းဆီဈေးဟာ တစ်တန် ရင်းဂစ် ၃ဝဝဝ (ကန်ဒေါ်လာ ၉၆၃)အထက်ကို ၂ဝဝ၈ ခုနှစ် ဇူလိုင်လ ၃၁ ရက်နောက်ပိုင်း ပထမအကြိမ်အနေနဲ့ မြင့်တက်ခဲ့တယ်လို့ သိရပါတယ်။ အောက်တိုဘာလ ၂၁ ရက်နေ့ မလေးရှား  ကုန်စည်ဒိုင်မှာ ဇန်နဝါရီပို့ရမယ့် စားအုန်း ဆီဈေးဟာ ၁ ဒသမ ၂ ရာခိုင်နှုန်းမြင့်တက်ပြီး တစ်တန်ကို ရင်းဂစ် ၃ဝ၂၁ (ကန် ဒေါ်လာ ၉၇ဝ) ဈေးဖြစ်ခဲ့တယ်လို့ သိရပါတယ်။             ရာသီဥတုအခြေအနေအရ ထုတ်လုပ်မှု ကျဆင်းခြင်းနဲ့ ကမ္ဘာ့ပဲပုပ် ထုတ် လုပ်မှု ကျဆင်းမယ့် ခန့်မှန်းချက်များ ကြောင့် ပဲပုပ်အစားထိုးစားအုန်းဆီကို ဝယ်ယူ လာမှုတွေကြောင့် ကမ္ဘာမှာစားသုံးမှုအများဆုံး စားအုန်းဆီဈေးဟာ ယခုနှစ် ဇူလိုင်လမှာ အနိမ့်ဆုံးရှိခဲ့ရာမှ ယခုအခါ ၃၂ ရာခိုင်နှုန်းမြင့်တက်ခဲ့ပါတယ်။ တတိယပတ် ၃ လအတွင်း တရုတ်နိုင်ငံရဲ့ စီးပွားရေးဟာ ၉ ဒသမ ၆ ရာခိုင်နှုန်းမြင့်တက်ခဲ့ရာ တရုတ် နိုင်ငံကလည်း ဝယ်လိုအားမြင့်တက်မှုရှိသလို တရုတ်ပြီးရင် ထိပ်တန်းဟင်းသီးဟင်းရွက်ဆီဝယ်ယူတဲ့ အိန္ဒိယကလည်း လူဦးရေ တိုးပွားလာခြင်းနဲ့ ဝင်ငွေမြင့်တက်မှုတို့ကြောင့် ဝယ်လိုအားတက်လာတာကြောင့် ပဲပုပ်နဲ့ စားအုန်းဆီ တင်သွင်းမှုဟာ ၄ နှစ်အတွင်း အများဆုံးတင်သွင်းဖွယ်ရှိတယ်လို့ အိန္ဒိယ ဆီထုတ်လုပ်သူများအသင်း ဥက္ကဌ Ashok Sethia  က စက်တင်ဘာလ ၂၁ ရက်မှာပြောကြားပါတယ်။                         နှစ်ပေါင်း ၃ဝ နီးပါးအတွင်း ဆီကုန်သွယ်နေတဲ့ Mistry  က ဇွန်လပြီး နောက် စားအုန်းဆီဈေး ရင်းဂစ် ၃ဝဝဝ (ကန်ဒေါ်လာ ၉၆၂ ) ကျော်ထိ ရောက်ရှိ နိုင်တယ်လို့ မတ်လမှာ အမှန်ကန်ဆုံး ခန့်မှန်းခဲ့ပါတယ်။ ကမ္ဘာ့စားဆီ ရောင်းချမှုနဲ့ ပတ်သက်လို့ ရင်းဂစ် ၃၂ဝဝ (ကန်ဒေါ်လာ ၁ဝ၂၇) ထိ မြင့်တက်နိုင်သေးတယ် လို့လည်း ခန့်မှန်းထားပြန်ပါတယ်။                                                                                                                      ယုဇန၊ Sources: bloomberg .net

Monday, 18 Oct 2010

တစ်ဖက်နိုင်ငံမှာနှမ်းဈေးတည်ငြိမ်လျက်ရှိ     ယခုအပတ်မှာ တစ်ဖက်နိုင်ငံ နှမ်းဈေးတည်ငြိမ်နေပြီး ယခင်အပတ်က တရုတ်ပြည်မှာ ဘာသာရေး ပွဲတော် မုန့်စားပွဲရှိတဲ့အတွက် နှမ်းအဝယ်လိုက်ခဲ့ပေမဲ့ ယခုအပတ်မှာတော့ အရောင်းအဝယ်အေးနေတယ်လို့ နယ်စပ်မှ နှမ်းတင်ပို့နေသူတစ်ဦးက ပြောပါတယ်။ နှမ်းဖြူ တင်ပို့မှု ယခင်အပတ်ကထက် ကျဆင်းခဲ့ပေမဲ့ နှမ်း နက်နဲ့ နှမ်းအခွံချွတ်တင်ပို့မှုများပိုမိုခဲ့ပါတယ်။ ယခုအပတ်မှာ နှမ်းဖြူ ၁ဝ၄၅ တန်၊ နှမ်းနက် ၁၃၃၉ တန်နဲ့ နှမ်းအခွံချွတ် တန် ၂၉ဝ တန်ဖိုးအားဖြင့် ကန်ဒေါ်လာ ၃ ဒသမ ၅၅ သန်းဖိုး တင်ပို့နိုင်ခဲ့ပါတယ်။ ယခင် အပတ်ကထက် နှမ်းဖြူ တန်ချိန် ၁၁၈ဝ လျော့နည်း တင်ပို့ခဲ့သော်လည်း နှမ်းနက် ၃၇၉ တန်နဲ့ နှမ်း (အခွံချွတ်) ၁၇၇ တန် ပိုမိုတင်ပို့နိုင်ခဲ့တယ်လို့ သိရပါတယ်။ နှမ်းဖြူဈေးဟာ မိမိဘက်မှာ ယခင်အပတ်ကထက် ၇၂၁၆၄ ကျပ် လျော့နည်းခဲ့ပြီး တစ်ဖက်နိုင်ငံမှာ ယွမ် ၂ဝဝ မြင့်တက်လျက်ရှိပါတယ်။ နှမ်းနက်ဈေးကတော့ မိမိဘက်မှာ ပြောင်းလဲမှု မရှိသော်လည်း တစ်ဖက်နိုင်ငံဈေးက ယွမ် ၂ဝဝ ပိုတယ်လို့သိရပါတယ်။မိမိဘက်နဲ့ တစ်ဘက်နိုင်ငံ နှမ်းပေါက်ဈေးများကို နှိုင်းယှဉ်ဖော်ပြပေးလိုက်ပါတယ်-                                    မိမိဘက်(ကျပ်/တန်)                   တစ်ဘက်နိုင်ငံ(ယွမ်/တန်)               ယခု              ယခင်     ပြောင်းလဲမှု     %       ယခု      ယခင်     ပြောင်းလဲမှု       %နှမ်းဖြူ       ၁၁၈ဝ၆ဝ၇    ၁၂၅၂၇၇၁     ၇၂၁၆၄        ၆      ၈၈၁ဝ    ၈၆ဝဝ        ၂ဝဝ            ၂နှမ်းနက်    ၁၂၆၁၅၇၁     ၁၂၆၁၅၇၁        -             -      ၉၃၁၅     ၉၁၁၅       ၂ဝဝ            ၂MIRT (DOBT)

Monday, 18 Oct 2010

 ပဲပုပ်ဆီနဲ့ရေနံ ကြိုပွိုင့်ဈေးများခိုင်မာခြင်းကြောင့် စားအုန်းဆီကြမ်း ဈေးမြင့်လာ      ပဲပုပ်ဆီနဲ့ ရေနံကြိုပွိုင့်ဈေး ခိုင်မာခြင်းကြောင့် အောက်တိုဘာလ ၁၃ ရက် က မလေးရှားစားအုန်းဆီ ကြိုပွိုင်ဈေး မြင့်တက်ခဲ့ တယ်လို့သိရပါတယ်။ မလေးရှား ကုန်စည်ဒိုင်မှာ ဒီဇင်ဘာစာချုပ်အခြေခံဈေးဟာ တစ်တန်ကို ရင်းဂစ် ၃ဝ (ကန် ဒေါ်လာ ၉ ဒသမ ၇၃) မြင့်တက်ပြီး ရင်းဂစ် ၂၉၃ဝ (ကန်ဒေါ်လာ ၉၅ဝ) ဈေး ဖြစ်ခဲ့တယ်လို့ သိရပါတယ်။        မလေးရှားလက်ငင်းဈေးကွက်မှာ ဒီဇင်ဘာလအတွက် စားအုန်းဆီခဲတစ်တန်ကို ကန်ဒေါ်လာ ၉၈ဝ၊ ဇန်နဝါရီ၊ ဖေဖော်ဝါရီနဲ့ မတ်လအတွက်ဈေးမှာလည်း တစ်တန်ကို ကန်ဒေါ်လာ ၉၈ဝ နဲ့ ဇန်နဝါရီ၊ ဖေဖော်ဝါရီ၊ မတ်လတို့အတွက် ဈေးနှုန်းမှာ ကန်ဒေါ်လာ ၉၈ဝ-၉၈၅၊ ဧပြီ၊ မေ၊ ဇွန်လအတွက် ဈေးနှုန်းမှာ ကန်ဒေါ်လာ ၉၉ဝ အသီးသီးရှိတယ်လို့ သိရပါတယ်။ မလေးရှား စားအုန်းဆီထွက်ရှိမှု ကတော့ စက်တင်ဘာလမှာ တန်ချိန် ၁ ဒသမ ၅၆ သန်းရှိရာမှ အောက်တိုဘာလ မှာ ၅ ရာခိုင်နှုန်း၊ ၂ဝ ရာခိုင်နှုန်းအထိ တိုးတက်နိုင် တယ်လို့ ကုန်သည်များက ခန့်မှန်းကြပါတယ်။      အချို့ဝယ်လက်များဟာ ယခုလမှာရောင်းချမှု မြင့်တက်နိုင်တဲ့ မျှော်လင့် ချက်များအရ မကြာခင်ဈေးနှုန်း ကျဆင်းမယ်လို့ ခန့်မှန်းနေကြတယ်လို့သိရပါတယ်။ အကယ်လို့သာ ထုတ်လုပ်မှုလျော့ကျမယ်ဆိုရင် စားအုန်းဆီ ကြိုပွိုင့်ဈေးဟာ တစ်တန်ကို ရင်းဂစ် ၃ဝဝဝ (ကန်ဒေါ်လာ ၉ဒသမ၇၃ )ထိ မြင့်တက်လာနိုင်တယ် လို့ ကွာလာလမ်ပူ အခြေစိုက် လေ့လာသူများက ဆိုပါတယ်။     ချီကာကိုမှာ ဒီဇင်ဘာလ ပဲပုပ်ဆီဈေးဟာ တစ်ပေါင်ကို ၄၇ ဒသမ ၃၂ ဆင့် (တစ်တန်ကိုကန်ဒေါ်လာ ၁ဝ၄၃) ရှိခဲ့ပြီး၊ နိုဝင်ဘာလအတွက် ရေနံဈေးဟာ တစ်စည်ကိုကန်ဒေါ်လာ ၁ ဒသမ ဝ၅ မြင့်တက်ပြီး၊ ကန်ဒေါ်လာ ၈၂ ဒသမ ၇၂ ဖြစ်ခဲ့တယ် လို့သိရပါတယ်။ မလေးရှား ၤဥြ ဈေးလက်ငင်း တင်ပို့ရမယ့် စားအုန်းဆီ ကြမ်းဈေးဟာလည်း ရင်းဂစ် ၃ဝ (ကန်ဒေါ်လာ ၉ဒသမ၇၃) မြင့်တက်ပြီး၊ တစ်တန်ကို ရင်းဂစ် ၂၉၄ဝ (ကန်ဒေါ်လာ ၉၅၄ ) ဖြစ်ခဲ့တယ်လို့သိရပါတယ်။ယုဇန၊ ှSource: palmoilhq.com

Tuesday, 12 Oct 2010

 အမေရိကန်ပဲပုပ်ကို ပြည်ပအဝယ်တက်တာကြောင့် ပဲပုပ်ဈေးနှုန်းမြင့်တက်     ကမ္ဘာမှာ ပဲပုပ်အများဆုံးထုတ် လုပ်သူလဲဖြစ် တင်ပို့သူလဲဖြစ်တဲ့ အမေရိကန်ပဲပုပ်ကို ပြည်ပက ဝယ်လိုအား တက်လာတာ ကြောင့် သီတင်းတစ်ပတ် ကျော်အတွင်း ပဲပုပ်ဈေးနှုန်း အမြင့် ဆုံးကို ရောက်ရှိခဲ့တယ်လို့ သိရပါတယ်။ စက်တင်ဘာလ ၁ ရက်နေ့မှာ စတင်တဲ့  ဈေးကွက်ရာသီအတွင်း တရုတ်နိုင်ငံကို တင်ပို့ဖို့ အမေရိကန်တင်ပို့သူများက တန်ချိန် ၂၂၅ဝဝဝ ရောင်းချခဲ့တယ်လို့ စိုက်ပျိုးရေး ဌာနက ပြောကြားခဲ့ပါ တယ်။ အီဂျစ်နိုင်ငံပိုင် စားနပ်ရိက္ခာလုပ်ငန်း ကုမ္ပဏီကလည်း ပဲပုပ်ဆီတန်ချိန် ၂ဝဝဝဝ ဝယ်ယူဖို့ တင်ဒါတစ်ခုခေါ်ယူ ခဲ့ပါတယ်။     အမေရိကန်ပဲပုပ်ကို တရုတ်နိုင်ငံ က အဝယ်ဆက်ရှိနေခြင်းက ဈေးနှုန်း ကို ပိုမိုမြင့်တက်စေတယ်လို့ ဆိုပါတယ်။ ချီကာကိုမှာ နိုဝင်ဘာပို့ရမယ့် ပဲပုပ်ကြို  ပွိုင့်ဈေးဟာ ၁ ဒသမ ၇ ရာခိုင်နှုန်းမြင့် တက်ပြီး တစ်ဘူရှယ်ကို ကန်ဒေါ်လာ ၁ဝ ဒသမ ၇၁၇၅ (တစ်တန်ကို ကန် ဒေါ်လာ ၃၉၆) ဈေးဖြစ်ခဲ့လို့ စက်တင် ဘာလ ၂၄ ရက်နောက်ပိုင်း အမြင့်ဆုံး ဈေးဖြစ်ခဲ့တယ်လို့ သိရပါတယ်။ဒေါ်လာတန်ဘိုးဟာ ယူရိုနဲ့ ယန်း အပါအဝင် အခြားအဓိက ငွေကြေး များနဲ့ နှိုင်းယှဉ်ရင် ဇန်နဝါရီလထဲက အနိမ့်ဆုံးကို ကျဆင်းခဲ့တယ်လို့ သိရပါတယ်။ ဒေါ်လာတန်ဖိုး ကျဆင်း ခြင်းက ပြည်ပဝယ်လက်များအတွက် အမေရိကန်ကောက်ပဲသီးနံှ ဝယ်ယူဈေးနှုန်းကို လျော့ကျစေပါတယ်။ စက်တင်ဘာလ ၂၃ ရက်မှာ ကုန်ဆုံးတဲ့ သီတင်းပတ်အတွင်း အမေရိကန်ပဲပုပ် တင်ပို့မှုဟာ ယခင် တစ်ပတ်ထက် ၆ဝ ရာခိုင်နှုန်း မြင့်တက်ပြီး တန်ချိန် ၁ ဒသမ ၇၃၈ သန်းရှိတယ်လို့ USDA  စာရင်းအရ သိရပါတယ်။                                                                                                                             ယမင်းခင်၊ှ                                                                                                                 Sources: Bloomberg.com

Tuesday, 5 Oct 2010

ရှမ်းပဲပုပ်အထွက်နည်းလို့ ဈေးမာ          ဒီတစ်ပတ်ရှမ်းပဲပုပ်ဈေး အနည်း ငယ်တက်လာပါတယ်။ဒီနှစ်က ရှမ်း ပြည်နယ် တောင်ပိုင်းမှာ ရာသီဥတု ပူပြင်းတာကြောင့် သီးနံှတိုင်းလိုလိုည အထွက်နှုန်းနည်းပါတယ်။ အထွက်နှုန်း နည်းတာကြောင့်လည်း ဈေးကမြင့်လာ ပါတယ်။ မနှစ်ကဒီလိုအချိန်မှာ ပဲပုပ်တစ်ပိဿာ ၅၅ဝ ကျပ်မှ ၆ဝဝ ကျပ်ခန့် ရှိပေမဲ့ ဒီနှစ်မှာတော့ တစ်ပိဿာ ၇ဝဝ ကျပ်ကျော်ရနေပါတယ်။ ဧပြီ၊ မေတွေ မှာ အပူချိန်ပြင်း ထန်တာကြောင့် ပဲပုပ် ပင်တွေခြောက်သွားလို့ အထွက်နှုန်း လျော့ခဲ့တယ်လို့ သိရပါတယ်။ ကျန်တဲ့ ပဲပုပ်တွေကလဲအညံ့စတွေသာ အထွက် များတယ်လို့ သိရပါတယ်။ ပဲပုပ်ဈေးက လည်း ဈေးကွက်ကို ထိပ်စ၊ လတ်စဆို ပြီး ဝင်လာပါတယ်။ ပဲပုပ်ထိပ်စတွေကိုတော့ ပဲပြားလုပ်ငန်း၊ ပဲနို့ရည်လုပ်တဲ့ လုပ်ငန်းတွေက ဝယ်ယူပြီးပဲပုပ်အလတ် စတွေကိုတော့ ဆီကြိတ်ကြပါတယ်။ ပြီးခဲ့တဲ့ တစ်ပတ်က ပဲပုပ်ထိပ်စတစ် ပိဿာ ၇၅ဝ ကျပ်၊ လတ်စ ၇ဝဝ ကျပ်ရှိပြီး၊ ဒီတစ်ပတ်မှာပဲပုပ်ထိပ်စ တစ်ပိဿာ ၈ဝဝ ကျပ်၊ ပဲပုပ်လတ်စ တစ်ပိဿာ ၆၅ဝ ကျပ်၊ ၇ဝဝ ကျပ်၊ ပဲပုပ်ဆီ တစ်ပိဿာ ၂၁ဝဝ ကျပ်၊ ပဲပုပ်ဖတ် တစ်ပိဿာ ၉ဝဝ ကျပ်ဈေး ရှိတယ်လို့ တောင်ကြီးကုန်စည်ဒိုင်ကသိရပါတယ်။ ဧဧခိုင်

Tuesday, 5 Oct 2010

ယခုလ တရုတ်ပဲပုပ်တင်သွင်းမှုတန်ချိန် ၄ ဒသမ ၉၁သန်းရှိလာနိုင်     ယခုလအတွင်း တရုတ် နိုင်ငံရဲ့ ပဲပုပ်တင်သွင်းမှုဟာ ယခင်နှစ် ထက် ၇၉ ရာခိုင်နှုန်းမြင့်တက်ပြီး တန်ချိန် ၄ ဒသမ ၉၁ သန်းထိ ရှိလာ နိုင်တယ်လို့ တရုတ်စီးပွားကူးသန်း ဝန်ကြီးဌာနက စက်တင်ဘာလ ၂၆ ရက်နေ့က ပြောကြားခဲ့ပါတယ်။ ယင်း ပမာဏဟာ သြဂုတ်လတင်သွင်း ခဲ့တဲ့ တန်ချိန် ၄ ဒသမ ၇၇ သန်းထက် ၂ ဒသမ ၉၄ ရာခိုင်နှုန်းမြင့်တက်ခဲ့ တယ်လို့ သိရပါတယ်။ တရုတ်နိုင်ငံရဲ့ လစဉ် ပဲပုပ် တင်သွင်းမှုအနေနဲ့ ယခုနှစ် ဇွန်လမှာ တန်ချိန် ၆ ဒမသ ၂ သန်းကို စံချိန် တင်ခဲ့ ပါတယ်။ ယခုနှစ် ပထမ ၈ လ အတွင်း စုစုပေါင်း ပဲပုပ်တန်ချိန် ၃၅ ဒသမ ၅၃ သန်း ရှိပြီဖြစ်လို့ ၂ဝဝ၉ ခုနှစ်ကာလတူ တင်သွင်းမှုထက် ၂ဝ ရာခိုင်နှုန်းပိုမိုတယ်လို့ အကောက်ခွန် ဌာန(GAC) မှ နောက်ဆုံးထုတ်ပြန်တဲ့ စာရင်းအရ သိရပါတယ်။ တရုတ်နိုင်ငံ က ၂ဝဝ၉ ခုနှစ်မှာတန်ချိန် ၄၂ ဒသမ ၅၅ သန်း တင်သွင်းခဲ့ပြီး ယခုနှစ်မှာ တန်ချိန် ၅၁ သန်းကျော်ထိ ၂ဝ ရာခိုင် နှုန်းပိုမိုတင်သွင်းလိမ့်မယ်လို့ အကောက် ခွန်ဌာနမှ ခန့်မှန်းထားကြောင်း သိရပါ တယ်။ယမင်းခင်၊ှSources: china knowledge

Tuesday, 5 Oct 2010

တရုတ်ဈေးကွက်သို့ မန်းဈေးကွက်က နှမ်းတင်ပို့မှု ပိုလာ     မန္တလေးဈေးကွက်မှ တရုတ်ဈေးကွက်ကို နှမ်းတင်ပို့မှုဟာ သြဂုတ်လ ထက် ယခုစက်တင်ဘာလအတွင်းမှာ ၂ဆကျော် တင်ပို့နိုင်ခဲ့ပါတယ်။ ၂ဝ၁ဝ စက်တင် ဘာလအတွင်းမှာ နှမ်းဖြူ တန် ၅ဝဝဝ ကျော်နဲ့ နှမ်းနက် တန် ၄ဝဝဝ ခန့် တင်ပို့မှုရှိခဲ့ပြီး၊ သြဂုတ်လက နှမ်းဖြူတန် ၂၇ဝဝ ခန့်နဲ့ နှမ်းနက် ၁၇ဝဝ ခန့် တင်ပို့နိုင်ခဲ့ပါတယ်။ လတ်တလောဈေးကွက်မှာ နှမ်းသစ်ပေါ်နေပေမဲ့ လှိုင်လှိုင်မဝင် သေးဘူးလို့ သိရပါတယ်။ စက်တင်ဘာလအတွင်း မှာ နှမ်းတစ်ပိဿာ အနိမ့်အမြင့် ဈေးများကတော့ နှမ်းဖြူ ၁၉၅၆ ကျပ်၊ ၁၅၅၆ ကျပ်၊ နှမ်းနက် ၂၄၆၇ ကျပ်၊ ၁၇၁၁ ကျပ်၊ နှမ်းညို ၁၅၃၃ ကျပ်၊ ၁၂၆၇ ကျပ်ဈေးနှုန်းများနဲ့ အရောင်းအဝယ် ဖြစ်ခဲ့တယ်လို့ သိရပါတယ်။                                                                                                                                          သက်သက်နိုင်

Tuesday, 5 Oct 2010

သီတင်း ၅ ပတ် အတွင်း အများဆုံးကျဆင်းပြီးနောက် မလေးရှား စားအုန်းဆီ ဈေးပြန်တက်လာ    အမေရိကန် သိုလှောင်ပဲပုပ်များကို ဆီထုတ်လုပ်လာမှုကြောင့် သီတင်း ၅ ပတ်အတွင်း စားအုန်းဆီဈေး အများဆုံးကျဆင်းခဲ့ ရာမှ ပြန်လည်မြင့်တက်လာခဲ့ တယ်လို့ သိရပါတယ်။ မလေးရှားကုန်စည်ဒိုင်မှာ ဒီဇင်ဘာ ပို့ရမယ့် စားအုန်းဆီ ဈေးဟာ ၁ ဒသမ ၁ ရာခိုင်နှုန်းမြင့်တက်ခဲ့ပြီး တစ်တန်ကို ကန်ဒေါ်လာ ၈၇၆ ဈေး ဖြစ်ခဲ့တယ်လို့ သိရပါတယ်။ စက်တင်ဘာလ ၂၉ ရက်က ၁ ဒသမ ၄ ရာခိုင်နှုန်း ကျဆင်းခဲ့ရာ သြဂုတ်လ ၂၄ ရက်နောက်ပိုင်း အများဆုံး ကျဆင်းခဲ့ခြင်း ဖြစ်တယ်လို့ သိရပါတယ်။       ချီကာကိုမှာ ပဲပုပ်ဈေးနှုန်းကလည်း ၃ ရက်အတွင်း ပထမအကြိမ်အနေနဲ့ ဝ ဒသမ ၈ ရာခိုင်နှုန်း မြင့်တက်ခဲ့ကာ တစ်ဘူရှယ်ကို ကန်ဒေါ်လာ ၁၁ ဒသမ ဝ၄၂၅ (တစ်တန်ကို ကန်ဒေါ်လာ ၄ဝ၈) ဖြစ်ခဲ့တယ်လို့ သိရပါ တယ်။ အမေရိကန် ပဲပုပ်အရန် သိုလှောင်မှုဟာ စက်တင်ဘာလ ၁ ရက်နေ့မှာ ဘူရှယ်ပေါင်း ၁၅၁ သန်း (တန်ချိန်၄ ဒသမ ဝ၈သန်း) ရှိလို့ ယခင်နှစ်ကာလ တူပမာဏ ဘူရှယ် ၁၃၈ သန်း (တန်ချိန် ၃ ဒသမ ၇၃ သန်း) ထက် ပိုမိုတယ်လို့ လေ့လာဆန်းစစ်သူများရဲ့ စစ်တမ်းအရ သိရပါတယ်။       ယခု ၃ လအတွင်း ပွဲတော်မတိုင်မီ ဝယ်လိုအားကောင်းခဲ့တာကြောင့် စားအုန်းဆီဈေး ၁၅ ရာခိုင်နှုန်း ခန့်မြင့်တက်ခဲ့ပြီး မိုးအဆက်မပြတ် ရွာသွန်းမှုကြောင့် ရိတ်သိမ်းမှုကို ထိခိုက်ခဲ့တဲ့အတွက် ဇူလိုင်လအထိ ၇ လ အတွင်း လက်ကျန်ကျဆင်း ခဲ့ပါတယ်။ ဒါပေမဲ့ သြဂုတ်လမှာတော့ မလေးရှားစားအုန်းဆီ အရန်သိုလှောင်မှုဟာ ဇူလိုင်လထက် ၂၃ ရာခိုင်နှုန်းမြင့်တက်ပြီး တန်ချိန် ၁ ဒသမ ၇၂ သန်းရှိတယ်လို့စက်တင်ဘာလ ၁၅ ရက်မှ စားအုန်းဆီအဖွဲ့က ပြောကြားပါတယ်။     CME Group မှာ ဒီဇင်ဘာစားအုန်းဆီ မလေးရှားအခြေခံဈေးနှုန်းဟာ ၁ ဒသမ ၄ ရာခိုင်နှုန်းမြင့်တက်ပြီး တစ်တန်ကို ကန်ဒေါ်လာ ၈၈၁ ဒသမ ၅ဝ ရှိပြီး တရုတ်နိုင်ငံ ဒေလီယံကုန်စည်ဒိုင်မှာ မေလပို့ရမယ့် စားအုန်းဆီ ဈေးဟာ ဝ ဒသမ ၂ ရာခိုင်နှုန်းမြင့်တက်ပြီး တစ်တန်ကို ကန်ဒေါ်လာ ၁၁၅ဝ ဈေးရှိတယ်လို့ သိရပါတယ်။ ယုဇန၊ Sources: bloomberg ,net

Pages