Background
မန္တလေးတိုင်းဒေသကြီးက ကြက်သွန်နီအများဆုံးထွက်တဲ့ မြင်းခြံခရိုင်က တောင်သူများအနေနဲ့ ဈေးကွက်ကို ကြက်သွန်နီတင်ပို့မှုနည်းပါးလျက်ရှိပါတယ်။ ပြီးခဲ့တဲ့ ဇွန်လအထိ ကြိုက်ဈေးမရလို့ ဈေးကွက်ကို အဝင်နည်းပါးခဲ့ သလို ယခုရက်များမှာ ဈေးအနည်းငယ်ပိုလာခဲ့ပေမယ့်လည်း အဝင်နည်းနေဆဲဖြစ်ပါတယ်။ မန္တလေးတိုင်းဒေသကြီး အတွင်း ကြက်သွန်နီ ထွက်ရှိတဲ့ မြင်းခြံ၊ တောင်သာ၊ မိတ္ထီလာ၊ မလှိုင်၊ ပျော်ဘွယ်၊ မြစ်သားမြို့များမှ ရန်ကုန်ကို တစ်ရက် ပိဿာ ၆၀၀၀၀ - ၇၀၀၀၀ ဝန်းကျင်နဲ့ ပုံမှန်တင်ပို့နိုင်တာတွေ့ရပါတယ်။ လက်ရှိပေါက်ဈေးကတော့ ထိပ်စ တစ်ပိဿာ ၄၈၅ ကျပ် - ၅၁၀ ကျပ်၊ အလတ်စ ၄၆၀ ကျပ် - ၄၃၅ ကျပ်၊ အသေးစ ၃၈၅ ကျပ် - ၄၁၀ ကျပ်နဲ့ ယခင်လကထက် တစ်ပိဿာ ၁၀ ကျပ်သာဈေးပို လာပြီး ဈေးငြိမ်နေ တယ်လို့ သိရပါတယ်။မြင့်နိုင်
အိန္ဒိယနနွင်းဈေး ဆက်လက်မြင့်တက်လျက်ရှိရာ ဇူလိုင်လ ၁၁ ရက်မှာ နနွင်းလက်ချောင်း တစ်တန် ရူပီး ၆၀၀၀၀ (ကန်ဒေါ်လာ ၁၀၈၀)အထိရှိခဲ့ပါတယ်။ ဈေးကွက် တွေကို နနွင်းဝင်ရောက်မှုလျော့လာပြီး၊ လှောင်လက်များမှလည်း ဝယ်ယူနေ တာကြောင့် ဈေးကောင်းလာနိုင်ပါတယ်။ ဒါပေမယ့် မကြာခင်ကျဆင်းနိုင်လို့ လက်ရှိဈေးမှာ ကြာကြာ မရှိနိုင်ဘူးလို့ အီရော့ နနွင်း ကုန်သည်များအသင်း ဥက္ကဌ မစ္စတာ အာကေဗွီရာဗီရှန်ကာမှ ပြောကြားပါတယ်။
ဒီနှစ် မန္တလေးဝယ်လက်တွေက ဟိုပုံးနနွင်းကို ကျောက်ဆည်နနွင်းထက် ပိုပြီးကြိုက်နေတယ်လို့သိရပါတယ်။ ဟိုပုံးနနွင်းက အသားကျစ်ပြီး အရောင်ကလည်းလှတာကြောင့် ဈေးကွက်ပိုဝင်နေတယ်လို့လည်းဆိုပါတယ်။ ဈေးကွက်မှာ အဝင်ကနည်းနေ ပေမဲ့ လက်ကျန်ကတော့ အတော်ကျန်နေသေးတယ်လို့ သိရပါတယ်။ တချို့ ခြံရှင်တွေက ဈေးမကိုက်လို့ မရောင်းကြသေး ပါဘူး။ လုပ်အားခက တစ်ရက်ကို ၂၀၀၀ ကျပ်ပေးနေရတာကြောင့် ဒီထက်ဈေးပိုကောင်းလာမှ ဖော်ရောင်းကြမယ်လို့လည်း သိရပါတယ်။ ဒီတစ်ပတ် ဟိုပုံးနနွင်း တစ်ပိဿာ ၇၃၀ ကျပ်ဈေးရှိပါတယ်။
အစေ့ပါ မန်ကျည်းမှည့်တန် ၇၀ ခန့်ကို မြဝတီနယ်စပ်မှ ထိုင်းဘက်သို ဇူလိုင် ၄ ရက်မှ ၁၀ ရက်အတွင်းမှာ အပို့ရှိခဲ့ပါတယ်။ ယခင်အပတ်က အပို့မရှိဘဲ ယခု အပတ်မှာ အပို့ရှိလာတာဖြစ်ပါတယ်။ ယခင်က စစ်တွေနယ်စပ်ကလည်း အစေ့ပါ မန်ကျည်းမှည့်ရော မန်ကျည်းစေ့ပါ ပုံမှန်တင်ပို့ခဲ့တာဖြစ်ပါတယ်။ မြဝတီမှတင်ပို့တဲ့ အစေ့ပါမန်ကျည်းမှည့် တန် ၇၀ နဲ့ တန်ဖိုးက ကန်ဒေါ်လာ ၃၂၀၀၀ ဖိုးဖြစ်ပါတယ်။ မူဆယ်နယ်စပ်မှလည်း ကန်ဒေါ်လာ ၆၂၉၀၀ တန်ဖိုးရှိ အစေ့ပါ မန်ကျည်းမှည့် ၈၇ တန်ခန့်လည်း အပို့ရှိခဲ့ရာ ယခုအပတ်နယ်စပ်မှ ၁၅၇ တန်ခန့် အပို့ရှိခဲ့တယ် လို့ သိရပါတယ်။ MIRT(DOBT)
ပြည်ပကို သီတင်းပထမပတ်ဖြစ်တဲ့ ဇူလိုင် ၁ ရက်မှ ၇ ရက်တာ ကာလအတွင်း မန်ကျည်း ၉၁ တန်ကို ပင်လယ်ရေကြောင်း ကုန်သွယ်မှုလမ်းမှ တင်ပို့ခဲ့ပါ တယ်။ ဒီတစ်ပတ်မှာတော့ မလေးရှားနိုင်ငံကို ၂၅ တန်နဲ့ စင်ကာပူနိုင်ငံကို ၆၆ တန် တင်ပို့ခဲ့ပါတယ်။ ယခင်သီတင်းပတ်မန်ကျည်းတင်ပို့မှုက တန်ချိန်တစ်ရာခြောက် ဆယ်ကျော်သာရှိခဲ့တာကြောင့် ဒီတစ်ပတ်မှာ မန်ကျည်းတင်ပို့မှုက တန်ချိန် ခုနှစ် ဆယ်ကျော်လျော့နည်းခဲ့ရပါတယ်။ ကာလတူကာလဖြစ်တဲ့ ၂၀၁၁ ဇူလိုင်ပထမပတ် အတွင်း မန်ကျည်းတင်ပို့မှုက ၆၃ တန်သာရှိခဲ့တာကြောင့် ဒီနှစ်ဇူလိုင်လမှာတော့ မန်ကျည်းတန်သုံးဆယ်နီးပါး ပိုမိုတင်ပို့နိုင်ခဲ့ပါတယ်။ ၂၀၁၁ ခုနှစ် ဇူလိုင်လမှာတော့ FOB ဈေးတစ်တန်ကို ကန်ဒေါ်လာ ၅၅၀-၅၇၀ ရရှိခဲ့ပေမဲ့ ဒီနှစ်မှာတော့ FOB ဈေးက တစ်တန်ကိုကန်ဒေါ်လာ ၄၀၀-၄၅၀ သာရရှိခဲ့ပါတယ်။ MIRT (DOT)
အောင်ပန်းဈေးကွက်မှာ ချင်း (ဥမ) က ပုံမှန်အဝင်ရှိနေပါတယ်။ ဈေးကလည်း ချိုနေတော့ လှောင် လက် တွေကဝယ်နေကြပါတယ်။ ခြံရှင်တွေကတော့ အများကြီး ထုတ်မရောင်းကြသေးပါဘူး။ ဥမကေ တာ့ ဖော်ပြီးရင်လည်း သုံးလေးလလောက် အထိ အထားခံတဲ့အတွက် ဒီထက်ပိုဈေးရတဲ့အချိန်ထိ ထားကြဦးမယ်လို့လည်း သိရပါတယ်။
အောင်ပန်းနဲ့ တောင်ကြီးဈေးကွက်မှ ချင်းနဲ့ ချင်း(ဥမ)ယခုတစ်ပတ် ပြည်ဈေး ကွက်ကို ပိဿာ ၃၀ ဝင်အိတ် ၁၀၀ ခန့် ဝင်ရောက်မှုမှာ ယခင်အပတ်အတိုင်း အဝင်ရှိပြီး၊ အခြားတိုင်းဖြစ်တဲ့ ဧရာဝတီတိုင်းဒေသကြီး၊ ရခိုင်ပြည်နယ်တို့ကို ပိဿာချိန် ၄၀၀ ခန့်ကို ဈေးကွက်မှ တစ်ဆင့်တင်ပို့ခဲ့ကြောင်း သိရပါတယ်။ ပြည် ဈေးကွက်ပွဲရုံများမှာ တစ်ရက်ကို ပိဿာချိန် ၄၀၀ ခန့်နဲ့ ပုံမှန် အရောင်းအဝယ် ဖြစ်လျက်ဈေးနှုန်းမှာ တစ်ပိဿာကို ချင်း(ရှယ်) ၆၀၀ ကျပ်၊ (ဂျွန်) ၅၀၀ ကျပ်၊ ချင်း(ဥမ) ၄၀၀-၅၀၀ ကျပ်တို့နဲ့ အသီးသီးရောင်းဝယ်လျက်ရှိပြီး၊ ယခင်အပတ် ဈေးအတိုင်း မပြောင်းလဲဘဲ ဈေးငြိမ်နေတာတွေ့ရပါတယ်။ဝင်းဝင်းခိုင်
မြန်မာ-ထိုင်းနယ်စပ်ရှိ မြဝတီနယ်စပ်မှ ကန်ဒေါ်လာသုညဒသမ ၀၇၈ သန်း တန်ဖိုးရှိ ချင်းခြောက် ၃၅ တန်ကို ဇူလိုင် ၄ ရက်မှ ၁၀ ရက်ထိကာလ အတွင်းမှာ အပို့ရှိခဲ့ပါတယ်။ ယခင်အပတ်ကထက် ၂၅ တန် အပို့ ပိုခဲ့ပါတယ်။ မူဆယ်နယ်စပ်မှ လည်း ကန်ဒေါ်လာ သုည ဒသမ ၀၆၀ သန်းတန်ဖိုးရှိ ချင်းခြောက် တန် ၃၀ ခန့် လည်း အပို့ရှိခဲ့ပါတယ်။ MIRT(DOBT)
ပြည် မတ်ပဲဈေးကွက်သို့ ပဲအဝင်နည်းလာပြီး ပေါက်ခေါင်း၊ ကျီးသဲ၊ ရွှေ တောင်ဘက်မှတစ်နေ့အိတ် ၁၅၀၊ ၂၀၀ ခန့်သာဝင်တယ်လို့သိရပါတယ်။ ယခု တစ်ပတ် ပဲတစ်တင်းကို ၁၅၅၀၀ ကျပ်ဈေးနဲ့ ဈေးမြင့်အရောင်း အဝယ်ဖြစ် တယ်လို့သိရပါ တယ်။ ရန်ကုန်ဝယ်လက်ပုံမှန်ရှိသော်လည်း ပဲဈေးအမြင့်ကို ဆက်စောင့်နေပြီး ကုန်သည်များက ထုတ်မရောင်းကြသေးတာ ကို တွေ့ရပါ တယ်။ တစ်နေ့ကို အိတ် ၅၀၀ ခန့်သာ မတ်ပဲအရောင်း အဝယ်ဖြစ်ပြီး ပဲစီးဆင်း မှုမှာ တစ်နေ့ကို အိတ် ၁၂၀၀ ခန့်နဲ့၊ ပြည်၊ မင်းလှ၊ ကြို့ပင်ကောက်၊ လက်ပံတန်း ဘက်မှ ရန်ကုန်သို့ တင်ပို့တယ်လို့သိရ ပါတယ်။ မိမိအေး
မြန်မာ-တရုတ်နယ်စပ်ရှိ မူဆယ် ၁၀၅ မိုင်နယ်စပ်ကုန်သွယ်ရေးဇုန်မှ ဇူလိုင် ၄ ရက်မှ ၁၀ ရက်ထိကာလအတွင်းမှာ ကန်ဒေါ်လာ သုညဒသမ ၀၃၇ သန်း တန်ဖိုးရှိ ပဲယင်း ၇၇ တန်ခန့်အပို့ရှိခဲ့ရာယခင်အပတ်ကထက်တန် ၄၀ ကျော် အပို့ ပိုခဲ့ပါတယ်။ မိမိဘက်မြေပြင်ပေါက်ဈေးမှာလည်း ယခင်အပတ်ကထက် ဈေးအနည်း ငယ်မြင့်လျက်ရှိပါတယ်။ ယခင်အပတ်နဲ့ ယခုအပတ်နှစ်ဖက်မြေပြင်ပေါက်ဈေးများ ကို နှိုင်းယှဉ် ဖော်ပြပေးလိုက်ရပါတယ်-