Background
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ် လာ ၁ ဒသမ ၀၄၆ သန်းတန်ဖိုးရှိ ပဲလွန်းဖြူ ၃၇၃၇ တန်ကျော်ကို ဧပြီလ ၂၅ ရက်မှ မေလ ၁ ရက်အတွင်းမှာ တင်ပို့ခဲ့တာ ဖြစ်ပါတယ်။ ဧပြီလ တစ် လလုံး နယ်စပ်မှ ပဲလွန်းဖြူ ၃၇၇၀ တန် တင်ပို့ထားပြီးဖြစ်ပါတယ်။ တစ်ဘက် နိုင်ငံ ဈေးပြောင်းလဲမှုမရှိသော် လည်း မိမိဘက်မြေပြင်ဈေးမှာ ၉၇၆၀၀ ကျပ်လျော့နည်းခဲ့ပါတယ် -
နိုင်ငံ တော်တော်များများက ဝယ် လိုအားရှိတဲ့ ပဲလွန်းဖြူကို ယခုတစ် ပတ်မှာလည်း တင်ပို့မှုရော အရောင်း အဝယ်ပါ ပုံမှန်ရှိနေပါတယ်။ ပင်လယ် ရေကြောင်းတင်ပို့မှုအနေနဲ့ ယခင် သီတင်းပတ်က တန်ချိန် ၂၁၀၀ ကျော် တင်ပို့မှု ရှိခဲ့ပြီး (ဧပြီလ ၂၂ ရက်မှ ၂၇ ရက်) အတွင်းမှာ တန်ချိန် ၁၃၀၀ နီးပါး တင်ပို့ခဲ့ပါတယ်။ တင်ပို့တဲ့နိုင်ငံတွေ ကတော့ တရုတ်၊ အိန္ဒိယ၊ တောင်ကိုရီး ယား၊ မလေးရှား၊ ပါကစ္စတန်၊ ဖိလစ်ပိုင်၊ စင်ကာပူ၊ ထိုင်း၊ ယူအေအီးနဲ့ ဗီယက်နမ် တို့ကို ဖြစ်ပါတယ်။
ပြည်ဈေးကွက်သို့ ပဲစင်းငုံသီးနှံများ အဝင်မရှိတော့တဲ့အတွက် လက်ကျန်ပဲများ ကိုသာ ရောင်းချနေတယ်လို့ သိရပါတယ်။ တစ်ခါတစ်ရံသာ အရောင်းအဝယ်ဖြစ် ပြီး၊ အိတ် ၂၀၀-၃၀၀ ထိ အရောင်းအဝယ်ဖြစ်ပါတယ်။ တိုင်းအတွင်းရှိ ဝယ်လက် သမားများသာအဝယ်ရှိကာ ပြည်ဈေးကွက်မှာ ပဲစင်းငုံပိဿာ ၂၀ တစ်တင်း ၁၂၅၀၀ ကျပ်၊ ၁၂၇၀၀ ကျပ်ရှိတယ်လို့သိရပါတယ်။ ဆုမွန်ဆွေ
သြင်္ကန်အပြီး သီတင်းပတ်အတွင်း ရန်ကုန် FOB ဈေးကွက်မှာ ပဲစင်းငုံစုစု ပေါင်း တန်တစ်သောင်းကျော် အရောင်းအဝယ်ဖြစ်ခဲ့ရာမှ ယခုဧပြီလ ၂၈ ရက်မှ မေလ ၄ ရက်အတွင်းမှာတော့ တန်ချိန် ၉၀၀၀ နီးပါးသာ ပြည်ပအရောင်းအဝယ် စာချုပ်နိုင်ခဲ့ကြောင်း သိရပါတယ်။ အိန္ဒိယဝယ်လက်များ ဝယ်လိုပေမဲ့ သယ်ယူပို့ ဆောင်မှုစရိတ်ကတစ်တန်ကိုကန်ဒေါ်လာ၄၀ခန့်မြင့်တက်နေတာကြောင့်ဈေးလျှော့ ဝယ်ယူမှုရှိတယ်လို့ သိရပါတယ်။
ပင်လယ်ရေကြောင်းက ပဲစင်းငုံတင်ပို့ရာမှာ ယခင်သီတင်းပတ်က တန်ချိန် ၅၀၀၀ ခန့်တင်ပို့မှုရှိခဲ့ရာမှ ဧပြီလ ၂၂ ရက်မှ - ၂၇ ရက်အတွင်းမှာတော့ တန် ၃၅၀၀ ခန့်သာတင်ပို့နိုင်ခဲ့ပါတယ်။ အဝယ်ရှိနေပေမဲ့ ကွန်တိန်နာငှားရမ်းခက တစ်ပုံး ကို ဆိပ်ကမ်းအလိုက် ကန်ဒေါ်လာ ၃၀၀ ကျော်မြင့်တက်လာတာကြောင့် တင်ပို့မှု လျော့ကျခြင်းဖြစ်တယ်လို့ သိရပါတယ်။ ၂၀၁၂-၁၃ ဘဏ္ဍာနှစ်ဧပြီလ ၂၇ ရက် အထိ ပဲစင်းငုံစုစုပေါင်း တင်ပို့မှုမှာ တန်ချိန် ၁၂၅၀၀ ကျော်ရှိပြီး ယခင်ဘဏ္ဍာနှစ် ကာလတူအတွင်းမှာ တန်ချိန် ၆၂၀၀ ခန့်တင်ပို့မှုရှိခဲ့လို့ ယခုနှစ်မှာ ၁ ဆခန့်ပိုမိုလာ ခဲ့ပါတယ်။ ဈေးကွက်ရောင်းဝယ်မှုအရနဲ့ သယ်ယူစရိတ်လျော့ကျမှုမရှိပါက လာမယ့် သီတင်းပတ်မှာလည်း တင်ပို့မှုနည်းနိုင်ဖွယ်ရှိပါတယ်။MIRT - MAPT
ဟင်္သာတပဲဈေးကွက် မတ်ပဲဈေးမှာ သြင်္ကန်အပြီးဈေးအနည်းငယ် တက်လာ ရာမှ မေလပထမပတ်မှာ ဈေးပြန်အေးသွားတာ တွေ့ရပါတယ်။ ယခုတစ်ပတ်မှာ မတ်ပဲပိဿာ ၂၀ ဝင် တစ်တင်းကို ၁၂၂၀၀ ကျပ်နဲ့ အရောင်းအဝယ်ဖြစ်ခဲ့ပြီး၊ ယခင်တစ်ပတ်ထက် ဈေးအနည်းငယ် ကျဆင်းလာပါတယ်။ ပဲအရောင်းအဝယ် ဖြစ်မှုအနေနဲ့အဝင်လှိုင်သလောက်ပေါက်ဈေးနဲ့ အရောင်းလည်း သွက်လာပါတယ်။ မတ်ပဲစီးထွက်မှုအနေနဲ့ ရန်ကုန် ဘုရင့်နောင်ဈေးကွက်ကို နေ့စဉ်ပျမ်းမျှအိတ် ၄၀၀၀ ခန့် တင်ပို့တယ်လို့ သိရပါတယ်။ အေးအေးခိုင်
ဧပြီလ ၂၅ ရက်မှ မေလ ၁ ရက်ထိ ကာလအတွင်းမှာ မြန်မာ-ဘင်္ဂလားဒေ့ရှ် နယ်စပ်ရှိ မောင်တောနယ်စပ်မှတစ်ဘက်နိုင်ငံသို့ ကန်ဒေါ်လာ သုည ဒသမ ၁၃၀ သန်းတန်ဖိုးရှိ မတ်ပဲ ၂၄၅ တန်ခန့်အပို့ရှိခဲ့ပါတယ်။ မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာသုညဒသမ ၀၀၅ သန်းတန်ဖိုးရှိ မတ်ပဲ ၄၀ ဒသမ ၅၀ တန်နဲ့ မြန်မာ-ဘင်္ဂလားဒေ့ရှ်နယ်စပ်ရှိ အခြားနယ်စပ်ကုန်သွယ်ရေးစခန်းများဖြစ်တဲ့ စစ်တွေနယ်စပ်မှကန်ဒေါ်လာသုညဒသမ ၀၁၀ သန်းတန်ဖိုးရှိမတ်ပဲ ၁၉ တန်လည်း တင်ပို့ခဲ့ပါတယ်။ ယခုအပတ်မှာနယ်စပ်စခန်းများမှ ကန်ဒေါ်လာ သုညဒသမ ၁၄၅ သန်းတန်ဖိုးရှိ မတ်ပဲတန် ၃၀၀ ကျော် တင်ပို့နိုင်ခဲ့ပါတယ်။ ပြီးခဲ့တဲ့အပတ်ကထက် တန် ၂၀၀ ကျော်အပို့ပိုခဲ့ပါတယ်။ ၂၀၁၂-၁၃ ဘဏ္ဍာနှစ် ဧပြီလတစ်လလုံးမှာ နယ်စပ်မှ မတ်ပဲ ၄၃၃ တန်ကျော်တင်ပို့နိုင်ခဲ့ပါတယ်။ MIRT (DOBT)
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ မတ်ပဲ ရောင်းဝယ်မှုက ယခင်တစ်ပတ်ထက်လျော့ကျခဲ့ပါတယ်။ သြင်္ကန်အလွန် တစ်ပတ် အတွင်း မတ်ပဲတန်ချိန် ၄ သောင်းနီးပါး အရောင်းအဝယ်ဖြစ်ခဲ့ရာမှ ဧပြီလ ၂၈ ရက်မှ မေလ ၄ ရက်အထိ တစ်ပတ်အတွင်းမှာတော့ မတ်ပဲ FAQ နဲ့ အခွံချွတ် တန်ချိန် ၂၇၀၀၀ ကျော် FOB အရောင်းအဝယ်ဖြစ်ခဲ့တယ်လို့ သိရပါတယ်။
ပင်လယ်ရေကြောင်းက မတ်ပဲတင်ပို့မှုကတော့ ပုံမှန်အတိုင်းတင်ပို့နေပါတယ်။ ဧပြီလပထမပတ်ကတန် ၁၃၀၀၀ ကျော်တင်ပို့ခဲ့သလိုဧပြီလ ၂၂ ရက်မှ ၂၇ ရက် အတွင်းမှာလည်း တန်ချိန် ၁၄၀၀၀ နီးပါး တင်ပို့ခဲ့တာ တွေ့ရပါတယ်။ ဧပြီလ ၈ ရက်မှ ၁၄ ရက်အတွင်းမှာလည်း မတ်ပဲတန်ချိန် ၁၁၀၀၀ ကျော်တင်ပို့နိုင်ခဲ့ကြောင်း သိရပါတယ်။ လက်ရှိ ၂၀၁၂-၁၃ ဘဏ္ဍာနှစ် ဧပြီလ ၂၇ ရက်နေ့အထိ မတ်ပဲ တင်ပို့မှုမှာ တန်ချိန် ၃၉၀၀၀ နီးပါးရှိပြီး ယခင် ၂၀၁၁-၁၂ ဘဏ္ဍာနှစ် ကာလတူမှာ တန်ချိန် ၂၂၀၀၀ ကျော်တင်ပို့မှုရှိခဲ့လို့ ယခုနှစ်ကာလတူမှာ ပိုမိုတင်ပို့နိုင်ခဲ့ကြောင်း သိရပါတယ်။ ယခုတစ်ပတ်ရောင်းဝယ်မှုအခြေအနေအရ လာမယ့်သီတင်းပတ်မှာလည်း ပုံမှန်တင်ပို့နိုင်မယ်လို့ ခန့်မှန်းရပါတယ်။MIRT - MAPT
ကမ္ဘာ့သဘာဝရော်ဘာဝယ်လိုအားက ယခုနှစ်မှာ တိုးပွားနိုင်ပြီး ကမ္ဘာ့ရေနံဈေးနှုန်းမြင့်တက်ခြင်းကလည်း ရော်ဘာ ဝယ်လိုအားအတွက် အပေါင်းလက္ခဏာဆောင်တဲ့ အကျိုးသက်ရောက်မှုရှိစေနိုင်ကြောင်း ကျွမ်းကျင်သူများက ဆိုပါတယ်။ ရေနံစိမ်းကနေထုတ်လုပ်တဲ့ ရော်ဘာတုက ရေနံဈေးနှုန်းမြင့်တက်တာကြောင့် သဘာ၀ ရော်ဘာနဲ့ ရော်ဘာတုအချိုးမှာ သဘာဝရော်ဘာသုံးစွဲမှု ပိုများလာနိုင်ဖွယ်ရှိတယ်လို့ သိရပါတယ်။