ဒီတစ်နှစ်ထွက်တဲ့ ရှမ်းနနွင်းတွေက အရည်အသွေးကောင်းလာတာကြောင့် ဈေးလည်းပြန်ကောင်းလာပါတယ်။ တရုတ် ဝယ်လက်တွေ ပြန်ဝယ်ယူခြင်းမရှိသေးပေမဲ့ ပြည်တွင်းသုံးဟင်းခတ်အမွှေးအကြိုင်နဲ့ ပရဆေးဖော်ဖို့အတွက် ဝယ်ယူနေမှု ရှိတာကြောင့် ပုံမှန်အရောင်းအဝယ်ဖြစ်နေတယ်လို့လည်းသိရပါတယ်။ နနွင်းကလည်း ဈေးကွက်မှာ လက်ကျန်သိပ်မရှိ ပါဘူး။ တောင်သူတွေက ဈေးကောင်းရမှသာ ဖော်ကြရမှာဖြစ်တာကြောင့် ဈေးကွက်မှာ သိပ်မရှိဘူးလို့ ပွဲရုံတွေကသိရပါတယ်။ ပင်လောင်းနနွင်းကတော့ အခုအချိန်ထိ အဝင်မရှိသေးပါဘူး။ ဒီတစ်ပတ် နနွင်းဈေးတွေက အောင်ပန်းဈေးကွက်မှာ တောင်ပို့ နနွင်းတစ်ပိဿာ ၇၀၀ ကျပ်၊ ၈၀၀ ကျပ်ဈေးရှိပြီး၊ ဆင်တောင်နနွင်း ၄၀၀ ကျပ်၊ ၅၀၀ ကျပ်ဈေးရှိပါတယ်။ ပင်လောင်းနနွင်း တစ်ပိဿာ ၄၀၀ ကျပ်၊ ၅၀၀ ကျပ်ဈေးသာ ရှိပါတယ်။ ဟိုပုံးနနွင်းတစ်ပိဿာ ၈၀၀ ကျပ်ဈေးရှိတယ်လို့ ဒေသခံ ပွဲရုံတွေက သိရပါတယ်။ဧဧခိုင်

    ဒီသီတင်းပတ်ဖြစ်တဲ့ မတ်လ ၁၈ ရက်မှ ၂၄ ရက်တာကာလအတွင်း နနွင်း ၁၅ ဒသမ ၅ တန်ကို ပင်လယ်ရေကြောင်း ကုန်သွယ်မှုလမ်းမှ တင်ပို့ခဲ့ပါတယ်။ တင်ပို့ခဲ့တဲ့နိုင်ငံက စင်ကာပူနိုင်ငံဘဲဖြစ်ပါတယ်။ နှစ်ပတ်ဆက်တိုက် အပို့ ပျောက်ခဲ့ တဲ့ နနွင်းက ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ်ပါတယ်။ တစ်တန်ကို FOB ဈေး ပျမ်းမျှကန်ဒေါ်လာ ၇၀၀ နဲ့တင်ပို့ခဲ့လို့ စုစုပေါင်း ပို့ကုန်ဝင်ငွေ ကန်ဒေါ်လာ တစ်သောင်းရှစ်ရာရရှိခဲ့ပါတယ်။                                      MIRT (DOT)

    ချင်းအစိုကတော့ အောင်ပန်းဈေးကွက်မှာ အဝင်နည်းလာပါတယ်။ ချင်းပြန် စိုက်တဲ့ရာသီရောက်လာတာကြောင့် အဝင်နည်းနေတယ်လို့ဆိုပါတယ်။ စိုက်လို့ပိုတဲ့ တောင်သူတွေကသာ ပြန်ရောင်းနေတယ်လို့သိရပါတယ်။ အဝင်ကတော့ တစ်ပတ် ကို ပိဿာချိန် ၄၀၀၀ ခန့်သာအဝင်ရှိပြီး နယ်အစုံက ချင်းထိုးသမားတွေ ဝယ်ယူ နေတာကြောင့် ပုံမှန်သာအရောင်းအဝယ်ဖြစ်နေ ပါတယ်။

    အိန္ဒိယအစိုးရဟာ ပဲမျိုးစုံတင်ပို့မှုပိတ်ထားတာကို နောက်ထပ်တစ်နှစ် သက် တမ်း တိုးခဲ့ပါတယ်။ ဒါပေမယ့် ကာဘူလီကုလားပဲဖြူလုံးကြီးနဲ့ အော်ဂဲနစ်ပဲ တင်ပို့မှု ကိုတော့ ခွင့်ပြုထားပါတယ်။ ပဲမျိုးစုံပြည်ပတင်ပို့မှုကို ၂၀၀၆ ခုနှစ်မှာ ၆ လအတွက် တားမြစ်ခဲ့ပေမယ့် တစ်နှစ်ပြီး တစ်နှစ်သက်တမ်းတိုးလာခဲ့ပါတယ်။