Background
မတ်လ ၇ ရက်မှ ၁၃ ရက်ထိကာလအတွင်းမှာ နယ်စပ်ကုန်သွယ်ရေးစခန်း များ ဖြစ်တဲ့ မူဆယ်၊ ကန်ပိုက်တီးနဲ့ စစ်တွေနယ်စပ်စခန်းများမှ ကန်ဒေါ်လာသုည ဒသမ ၃၂၄ သန်းတန်ဖိုးရှိ မန်ကျည်းမှည့် (အစေ့ပါ)နဲ့ မန်ကျည်းစေ့ တန် ၄၄၀ခန့် တင်ပို့နိုင်ခဲ့ပါတယ်။ ယခင်အပတ်ကထက် အပို့လျော့ခဲ့သော်လည်း မူဆယ်နဲ့ စစ်တွေနယ်စပ်များအပြင် ကန်ပိုက်တီးမှပါ
ပြည်ပဈေးကွက်ကို မန်ကျည်းတင်ပို့မှုက မတ်လ ၄ ရက်မှ ၁၀ ရက်တာ ကာလအတွင်း ၁၈၈၂ တန်ကို တင်ပို့နိုင်ခဲ့ပါတယ်။ တင်ပို့ခဲ့တဲ့ နိုင်ငံနဲ့ တန်ချိန် တွေကတော့အင်ဒိုနီးရှားနိုင်ငံကို ၉၆ တန်၊ မလေးရှားနိုင်ငံကို ၆၀၀ တန်၊ ပါကစ္စတန် နိုင်ငံကို တန်ချိန် ၈၆၀၊ စင်ကာပူနိုင်ငံကို ၁၉၃ တန်၊ ဗီယက်နမ်နိုင်ငံ ကို ၁၂၅ တန်နဲ့ ရီမန်နိုင်ငံကို ၈တန်ဖြစ်ပါတယ်။
ယခုတစ်ပတ် ပြည်ချင်းဈေးကွက်မှာ အရောင်းအဝယ်အေးနေပြီး အဝင်မှာ အောင်ပန်းမှပိဿာ ၃၀၀င်အိတ်၊ ၂၀၀ခန့်ပုံမှန်ဝင်ရောက်မှုရှိနေပါတယ်။ တစ်ပိဿာ ကို ချင်း(ရှယ်) ၆၅၀ ကျပ်၊ (ဂျွန်) ၅၅၀ ကျပ်၊ ချင်း(ဓားလှီး) ၇၅၀ ကျပ်တို့နဲ့ ပုံမှန် ဈေးရှိကာ ဈေးကွက်အတွင်းတစ်နေ့ ပိဿာချိန် ၂၀၀ ရှိပြီး၊ ဧရာဝတီတိုင်းဒေသကြီး၊ ရခိုင်ပြည်နယ်တို့သို့ စားသုံးမှုအဖြစ် နေ့စဉ်ပိဿာချိန် ၁၈၀ ခန့် တင်ပို့မှုရှိတယ် လို့လည်း သိရပါတယ်။ ဝင်းဝင်းခိုင်
ယခုတစ်ပတ် ဟိုပုံးချင်းဈေးတက်လာပါတယ်။ ချင်းခြောက်ပြုလုပ်ဖို့အတွက် အဝယ်လိုက်လာပါတယ်။ ပြုတ်ချင်းပြုလုပ်ဖို့အတွက် ချင်းစိုကိုတစ်ပိဿာ ၃၀၀ ကျပ်ပေးပြီး ဝယ်နေတယ်လို့သိရပါတယ်။ ချင်းစို (အခက်သေး)မှာ တစ်ပိဿာ ၃၀၀ ကျပ်နဲ့အထက်မှာဈေးရှိနေပါတယ်။ ချင်းခြောက်ကတော့ တစ်ပိဿာ ၁၆၀၀ ကျပ်၊ ၁၇၀၀ ကျပ်ဈေးရှိပါတယ်။ အောင်ပန်းဈေးကွက်မှာတော့ အရောင်းအေးနေပါသေးတယ်။ ချင်း (ဖြူ/ကြီး) တစ်ပိဿာ ၃၃၀ ကျပ်၊ ၃၄၀ ကျပ်၊ ချင်း (နီစ/လှ)တစ်ပိဿာ ၃၅၀ ကျပ်၊ ၄၀၀ ကျပ်ဈေးရှိပါတယ်။ ချင်းခြောက်ကတော့ တစ်ပိဿာ ၁၅၀၀ ကျပ်၊ ၁၆၀၀ ကျပ်ဈေး ရှိပါတယ်။ လက်လီအရောင်းသာရှိပြီး တစ်ပတ်အတွင်း ပိဿာချိန် ထောင်ဂဏန်း လောက်သာ အရောင်းအဝယ်ဖြစ်တယ်လို့သိရှိရပါတယ်။ှံ့
ပြည်ကုလားပဲဈေးမှာ ယခင်တစ်ပတ်က တစ်တင်း ၁၆၀၀၀ ကျပ်ဖြင့် အရောင်းအဝယ်ရှိပြီး၊ ယခု တစ်ပတ်တွင် တစ်တင်း ၁၆၂၀၀ ကျပ်ဖြင့် အရောင်း အဝယ်ရှိခဲ့ပါတယ်။ ပြည်ဈေးကွက်သို့ အောင်လံမှ တစ်နေ့တင်း ၁၀၀၀ ခန့် အဝင်ရှိ ခဲ့ကြောင်းသိရပါတယ်။ အဝင်ရှိသလောက် အဝယ်ရှိကြောင်းသိရပါတယ်။ မြို့ပေါ် ခွဲစက်နဲ့ ရန်ကုန်ရှိခွဲစက်သမားများမှ အဝယ်ရှိတဲ့အတွက်တစ်နေ့အိတ် ၁၀၀၀ ခန့် အရောင်းအဝယ်ဖြစ်ကြောင်းသိရပါတယ်။လွင်လွင်ဆန်း
ကုလားပဲကို ပြည်ပဝယ်လက်များ အဝယ်သွက်နေလို့ တင်ပို့မှုစံချိန်တင်လာ တာ တွေ့ရပါတယ်။ အိန္ဒိယနဲ့ ပါကစ္စတန်တို့မှာ ကုလားပဲအထွက်လျော့ကျတာ ကြောင့် ဝယ်လိုအားတက်နေတဲ့အတွက် ယခုတစ်ပတ် (မတ်လ ၅-၉ ရက်) အတွင်း တန်ချိန် ၃၀၀၀ ကျော်တင်ပို့မှုရှိခဲ့ပြီး ရန်ကုန် FOB ဈေးကွက်မှာလည်း မတ်လ ၁၀ ရက်မှ ၁၅ ရက်အတွင်း ကုလားပဲဖြူလုံးကြီးနဲ့ ကုလားပဲခွဲခြမ်း စုစုပေါင်းတန်ချိန် ၆၇၀၀ ကျော် အရောင်းအဝယ်စာချုပ်နိုင်ခဲ့တယ်လို့ သိရပါတယ်။
မတ်လ ၇ ရက်မှ ၁၃ ရက်ထိကာလမှာ မြန်မာ-တရုတ်နယ်စပ်ရှိ မူဆယ်နယ်စပ်မှသာ ကန်ဒေါ်လာ သုညဒသမ ၁၈၂ သန်းတန်ဖိုးရှိပဲတီစိမ်းလုံးပြည့် ၂၅၈ တန်ကျော်နဲ့ကန်ဒေါ်လာ သုည ဒသမ ၀၁၃ သန်း တန်ဖိုးရှိ ပဲတီစိမ်းလုံးခြမ်း ၁၄ တန် အပို့ရှိခဲ့ပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခုတစ်ပတ်လည်း ပဲတီစိမ်း၊ ပဲတီရွှေဝါရောင်းဝယ်မှု အားကောင်းနေတာ တွေ့ရပါတယ်။ ယခင်သီတင်းပတ် အရောင်းအဝယ်ဖြစ်မှုထက် အနည်းငယ်လျော့ပေမဲ့ မတ်လ ၁၀ ရက်မှ ၁၅ ရက်အတွင်းမှာ တန်ချိန် ၁၅၅၀၀ ကျော် အရောင်းအဝယ် စာချုပ်နိုင်ခဲ့ကြောင်း သိရပါတယ်။ အိန္ဒိယဝယ်လက် အဝယ်သွက်ပြီး အရောင်းအဝယ်ဖြစ်ခဲ့ပေမဲ့ ရန်ကုန် FOB ဈေးမှာ အခြားပဲဈေးများနဲ့မတူ ဈေးကျဆင်းခဲ့တာ တွေ့ရပါတယ်။ မတ်လ ၉ ရက်က FAQ အညာရွှေဝါနဲ့ ပခုက္ကူမှာ တစ်တန် ကန်ဒေါ်လာ ၆၇၀-၆၉၀ နဲ့ ရွှေဝါအကြီး မှာ ကန်ဒေါ်လာ ၈၀၀-၈၂၀ ရှိရာမှ မတ်လ ၁၆ ရက်မှာ FAQ အညာနဲ့ ပခုက္ကူမှ ကန်ဒေါ်လာ ၆၅၀-၆၇၀ နဲ့ ရွှေဝါအကြီးမှာ ကန်ဒေါ်လာ ၇၈၀-၈၀၀ ကို လျော့ကျခဲ့ကြောင်း သိရပါတယ်။ MIRT - MAPT
ပဲတီစိမ်း၊ ပဲတီရွှေဝါ တင်ပို့မှုကတော့ ယခုတစ်ပတ်လည်းဆက်လက်အားကောင်းနေပါတယ်။ မတ်လ ၅ ရက်မှ ၉ ရက် အတွင်း ပင်လယ်ရေကြောင်းက ပဲတီစိမ်းတန်ချိန် ၁၂၀၀၀ ခန့်တင်ပို့နိုင်ခဲ့လို့ ပဲအားလုံးထဲမှာ အပတ်စဉ် ပမာဏ ပိုမိုတင်ပို့မှုရှိနေပါတယ်။ ၂၀၁၁-၁၂ ဘဏ္ဍာနှစ် မတ်လ ၉ ရက်အထိ ပဲတီစိမ်းစုစုပေါင်း တင်ပို့မှုမှာ တန်ချိန် ၃၁၅၀၀၀ ခန့်ရှိပြီး ဝင်ငွေမှာ ကန်ဒေါ်လာ ၂၈၅ သန်းကျော်ရှိလို့ ယခင်နှစ်ကာလတူ တင်ပို့ခဲ့တဲ့ ပမာဏတန်ချိန် ၂၄၅၀၀၀၊ ဝင်ငွေ ကန်ဒေါ်လာ ၂၇၃ သန်းနဲ့ နှိုင်းယှဉ်ရင် ပမာဏမှာ တန်ချိန် ၇ သောင်းနီးပါး ပိုမိုတင်ပို့မှုရှိတာတွေ့ရပါတယ်။ လက်ရှိ တင်ပို့မှုအနေအထားအရ ယခုဘဏ္ဍာနှစ် တစ်နှစ်လုံးမှာ ပဲတီစိမ်းတန်ချိန် ၃၅၀၀၀၀ ဝန်းကျင် တင်ပို့နိုင်မယ်လို့ ခန့်မှန်းရပါတယ်။ MIRT - MAPT
မြန်မာ - တရုတ်နယ်စပ်ရှိ မူဆယ် နယ်စပ်ကုန်သွယ်ရေးမှ ကန်ဒေါ်လာ သုညဒသမ ၀၅၆ သန်း တန်ဖိုးရှိ ပဲလွန်း ဖြူ ၇၄ တန်ကိုမတ်လ ၇ရက်မှ၁၃ ရက် ထိကာလအတွင်းမှာ အပို့ရှိခဲ့ရာ ယခင် အပတ်ကထက် ၈၄ တန် တင်ပို့မှုလျော့ နည်းခဲ့ရပါတယ်။