Background
မြန်မာ - တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်နဲ့ ချင်းရွှေဟော်စခန်းတွေကနေ ရော်ဘာ ၆၁၁ တန်ကျော် တန်ဖိုးဒေါ်လာ ၂ ဒသမ ၀၁၉ သန်းဖိုးကို ဇန်နဝါရီလ နောက်ဆုံးပတ်ထဲမှာ တင်ပို့ခဲ့ပါတယ်။ ယခုအပတ်မှာ ချင်းရွှေဟော်စခန်းမှ တင်ပို့မှုထက်ဝက်ခန့်နဲ့ မူဆယ်မှတင်ပို့မှု ယခင်အပတ်ကထက် တန် ၁၀၀ ခန့် လျော့နည်းတင်ပို့ခဲ့တာ တွေ့ရပါတယ်။ ယခုအပတ် နယ်စပ်အလိုက်တင်ပို့မှုတွေကတော့ မူဆယ်မှ RSS-3 ၃၃၄ တန်ကျော်၊ MSR-20 ၂၆ တန် MSR-50 တန် ၁၀၀ ကျော်တင်ပို့ခဲ့ပြီး ချင်းရွှေဟော် နယ်စပ်စခန်းကနေ RSS-3 တစ်မျိုးတည်းသာ တန် ၁၅၀ တင်ပို့ခဲ့ပါတယ်။ ယခုအပတ်မှာ မြိတ်နယ်စပ်စခန်းမှ ရော်ဘာတင်ပို့နိုင်မှု မရှိခဲ့ပါဘူး။ မိမိဘက်ဈေးပြောင်းလဲမှုမရှိပေမယ့် တစ်ဖက်နိုင်ငံဈေး အနည်းငယ်ကျဆင်း သွားတာ တွေ့ရပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS - 3 ၂၅၉၇၄၀၂ ၂၅၉၇၄၀၂ - - ၃၁၅၉ ၃၁၆၂ ၃ ၀ .၁RSS -5 ၂၄၆၇၅၃၂ ၂၄၆၇၅၃၂ - - ၃၀၀၁ ၃၀၀၄ ၃ ၀ .၁ MIRT (DOBT)
ဇန်နဝါရီလ ၂၁ ရက်မှ ၂၈ ရက်ထိကာလအတွင်း ပင်လယ်ရေကြောင်းမှ ကန်ဒေါ်လာ ၅ ဒသမ ၀၆၂ သန်း တန်ဖိုးရှိ ရော်ဘာအဆင့်စုံ ၁၅၉၈ တန်ခန့် တင်ပို့မှုရှိခဲ့တယ်လို့ သိရပါတယ်။ နိုင်ငံအလိုက်တင်ပို့နိုင်မှု တွေကတော့ တရုတ်နိုင်ငံသို MSR -20 တန် ၅၀၀ ကျော်နဲ့ RSS -3 တန် ၂၀၀၊ မလေးရှားသို့ RSS -3 ၃၅၆ တန်နဲ့ RSS -5တန် ၄၀၊ စင်္ကာပူသို့ MSR -20 ၂၀၂ တန်ခန့်နဲ့ ဗီယက်နမ်သို့ MSR -20 တန် ၃၀၀ ကျော် အသီးသီး တင်ပို့ခဲ့တာဖြစ်ပါတယ်။ ယခင်အပတ်က တင်ပို့ မှုထက် ၅၈ တန်ခန့်တင်ပို့မှု ပိုမိုခဲ့တာ တွေ့ရပါတယ်။ ယခင်အပတ်တင်ပို့မှုန့ဲ နှိုင်းယှဉ်တဲ့အခါ တရုတ်၊ ဗီယက်နမ်နဲ့ စင်္ကာပူသို့ တင်ပို့မှုမှာ ၃၉၇ တန် အပို့ပိုခဲ့ပြီး မလေးရှားသို့တင်ပို့မှုမှာ ၃၃၉ တန် အပို့လျော့ခဲ့တာ တွေ့ရပါတယ်။ FOB (ရန်ကုန်) ဈေးကတော့ RSS -3 တစ်တန်ကို ဒေါ်လာ ၃၅၀၀မှ ၃၆၀၀နဲ့ RSS -5 တစ်တန်ကို ဒေါ်လာ ၃၄၀၀ မှ ၃၅၀၀ အသီးသီး ဈေးပေါက်လျက်ရှိပြီး ယခင်အပတ်ကထက် ဒေါ်လာ ၁၀၀ စီ ပိုခဲ့တယ်လို့ သိရပါတယ်။ နယ်စပ်မှ ယခုအပတ် ရော်ဘာအဆင့်စုံ တင်ပို့မှုတန်ချိန် ၆၀၀ ကျော် ရှိတယ်လို့ သိရပါတယ်။ ရင်ငြိမ်းအေး
ကယားပြည်နယ်မှ စိုက်ပျိုးထွက်ရှိတဲ့ လယ်ယာထွက်ကုန်သီးနှံများအနက် အစေ့ထုတ်ပြောင်းစိုက်ပျိုး ထုတ်လုပ်မှုမှာ စပါးပြီးရင် ဒုတိယအများဆုံး စိုက်ပျိုး ထွက်ကုန်ဖြစ်ပြီး၊ ၂၀၁၁ ခုနှစ် ဇန်နဝါရီလမှ ဒီဇင်ဘာလအထိ အစေ့ထုတ်ပြောင်း တင်ပို့မှုမှာ တန်ချိန် ၂၃၆၃၃ ရှိခဲ့တာကြောင့် ၅ နှစ်အတွင်း စံချိန်တင် တင်ပို့နိုင်ခြင်း ဖြစ်ကြောင်း သိရပါတယ်။
ဇန်နဝါရီလ ၂၅ ရက်မှ ၃၁ ရက်ထိ ကာလအတွင်း မူဆယ် ၁၀၅ မိုင်ကုန်သွယ် ရေးဇုန်ကသာ ပြောင်းဖူးစေ့ တန်ချိန် ၃၄၆၅၊ တန်ဖိုးကန်ဒေါ်လာသုညဒသမ ၉၇၀ သန်းဖိုးတင်ပို့ခဲ့ပါတယ်။ ယခုအပတ်မှာ မူဆယ်မှ ယခင်အပတ်ကထက် ၃၃၈ တန် ကျော် ပိုမိုတင်ပို့နိုင်ခဲ့သော်လည်း ချင်းရွှေဟော်စခန်းမှ တင်ပို့နိုင်ခြင်းမရှိကြောင်း သိရပါတယ်။မန္တလေး-မူဆယ်သယ်ယူခနှုန်းထားမှာ တစ်ပိဿာကျပ် ၁၀၀ နှုန်းဖြစ်ပြီး ယခင်အပတ်ကထက် ၅ ကျပ် ကျဆင်းခဲ့တာတွေ့ရပါတယ်။ မိမိဖက်ဈေး မြင့်တက် ပေမယ့် တစ်ဖက်နိုင်ငံဈေးနှုန်းတွေက ပြောင်းလဲမှုမရှိတာ တွေ့ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၇၁၀၅၂ ၂၆၅၈၃၆ ၅၂၁၆ ၂ ၃၀၀ ၃၀၀ - -MIRT (DOBT)
စင်္ကာပူ၊ ဗီယက်နမ်နဲ့ ဖိလစ်ပိုင်နိုင်ငံတို့သို့ ဇန်နဝါရီလ ၂၂ ရက်မှ ၂၈ ရက်ထိ ကာလအတွင်းမှာ ကန်ဒေါ်လာ သုည ဒသမ ၃၀၃ သန်း တန်ဖိုးရှိ ပြောင်းတန်ချိန် ၁၁၀၀ ခန့် ပင်လယ်ရေကြောင်းမှ တင်ပို့မှုရှိခဲ့တယ်လို့ သိရပါတယ်။ နိုင်ငံ အလိုက်တင်ပို့မှုတွေကတော့ ဖိလစ်ပိုင်သို့ ၇၄၄ တန်၊ ဗီယက်နမ်နိုင်ငံသို့ ၂၄၀ တန်နဲ့ စင်္ကာပူသို့ ၁၁၅ တန် အသီးသီးတင်ပို့နိုင်တာ ဖြစ်ပါတယ်။
ရှမ်းနနွင်းကတော့ ဈေးအေးနေတာ ၂ နှစ်လောက်ရှိနေပါပြီ။ ဒီနှစ်နနွင်းကလည်း အရောင်းသမားသာ ရှိပြီး၊ အဝယ် သမားမရှိတာကြောင့်ဈေးကွက်ကိုလည်း အနည်းအကျဉ်းလောက်သာအဝင်ရှိနေပါသေးတယ်။ ကလောနယ်တစ်ဝိုက်က ထွက် တဲ့ နနွင်းတွေသာ လက်လီရောင်းသမားတွေ ဝယ်ယူနေတာကြောင့် ကြိုကြားကြိုကြား သာအဝင်ရှိနေပါတယ်။
ယခုအချိန်ဟာမကွေးတိုင်းဒေသကြီးအတွင်း ကြက်သွန် နီထွက်ရှိတဲ့ ကာလဖြစ်ပြီး၊ ပြည်ဈေးကွက်သို့ ယခုတစ်ပတ် အတွင်း ၃၅ ပိဿာဝင်အိတ် ၁၂၀၀ ခန့်အဝင်ရှိပြီး၊ တစ်နေ့ကို အိတ် ၁၅၀ ခန့် ပုံမှန်ရောင်းဝယ်လျက် ရှိနေပါတယ်။ အဝင် များတဲ့အတွက် ပြည်ကြက်သွန်နီ ဈေးအနည်းငယ်ကျဆင်း သွားပါတယ်။ပွဲရုံများမှာ ကြက်သွန်နီ တစ်ပိဿာ (ကြီး) ၃၅၀ ကျပ်၊ (လတ်) ၃၂၀ ကျပ်၊ (သေး)၂၅၀ ကျပ်တို့နဲ့ ရောင်းဝယ် နေပြီး၊ ဟင်္သာတသို့ တစ်နေ့ ၃၅ ပိဿာ ဝင်အိတ် ၂၀၀ ခန့် ပုံမှန်ရောင်းဝယ်လျက်ရှိပါတယ်။ ဝင်းဝင်းခိုင်
ယခုတစ်ပတ်အတွင်း ပြည်ဈေးကွက်အတွင်းသို့ မကွေးတိုင်းဒေသကြီးမှ ငရုတ်ခြောက်များ ပိဿာ ၂၀ ဝင်အိတ် ၂၀၀ ခန့်နဲ့ အဝင်နည်းနေပါတယ်။ အဝင်နည်းတဲ့အတွက် ဈေးမြင့်မသွားဘဲ၊ ဈေးအနည်းငယ်ကျသွားပြီး ရောင်းဝယ်မှုလည်း လက်လီဝယ်ယူမှုများသာ တစ်နေ့ပိဿာ ၃၀၀ ခန့်နဲ့ အရောင်းအဝယ်အေးလျက်ရှိနေပါတယ်။
ပင်လယ်ရေကြောင်းကုန်သွယ်မှုလမ်းမှ ဇန်နဝါရီ ၂၂ ရက်မှ၂၈ ရက်တာ ကာလအတွင်း နနွင်း ၁၆ တန်ကို တင်ပို့ ခဲ့ပါတယ်။ ဒီတစ်ပတ်မှာ တင်ပို့ခဲ့တဲ့တာက ကိုရီးယားနိုင်ငံကို ၁၁ တန်နဲ့ မလေးရှားကို ၅ တန်ဘဲဖြစ်ပါတယ်။ ယခင်သီတင်း ပတ်က ၄ တန်ပဲ အပို့ရှိခဲ့လို့ ဒီတစ်ပတ် အပို့သာခဲ့တယ်လို့ ဆိုရပါမယ်။ FOB ဈေးက တစ်တန်ကို ကန်ဒေါ်လာ ၁၅၀၀-၁၅၅၀ ရရှိခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာ နှစ် သောင်းလေးထောင်ကျော် ရရှိခဲ့ပါတယ်။MIRT (DOT)
ကယားပြည်နယ်လွိုင်ကော်ဈေးကွက်အတွင်း ဒီမော့ဆိုမြို့နယ်၊ ကုန်းသာ ကျေးရွာမှ စိုက်ပျိုးထွက်ရှိတဲ့ မိုးစိုက်အာလူးများ ၂၀၁၁ ဒီဇင်ဘာလမှ စတင်ထွက်ရှိ ခဲ့ပြီး၊ ယခုအခါ ဈေးကွက်သို့ တင်ပို့ရောင်းချလျက်ရှိပါတယ်။