Background
ပင်လယ်ရေကြောင်းက မြေထောက်ပဲနဲ့ ထောပတ်ပဲတင်ပို့မှုအနေနဲ့ ယခင် တစ်ပတ်က တန်ချိန် ၈၄ နဲ့ ၆၃ တန် အသီးသီးရှိခဲ့ရာမှ ယခုတစ်ပတ် (ဒီဇင်ဘာလ ၁၂-၁၆ရက်) အတွင်းမှာတော့ မြေထောက်ပဲတန်ချိန် ၁၇၂ တန်နဲ့ ထောပတ်ပဲ ၄၈ တန် တင်ပို့ခဲ့တယ်လို့ သိရပါတယ်။ မြေထောက်ပဲကို ထိုင်း၊ မလေးရှား၊ အိန္ဒိယနဲ့ စင်ကာပူကို တင်ပို့ခဲ့ပြီး ထောပတ်ပဲကိုတော့ တရုတ်နိုင်ငံကို တင်ပို့ခဲ့တယ်လို့ သိရပါ တယ်။
ဒီဇင်ဘာလ ၁၄ ရက်မှ ၂၀ ရက်ထိကာလမှာ မူဆယ် ၁၀၅ မိုင်ကုန်သွယ်ရေးဇုန်ကနေ ပဲယင်း ၂၈ တန် တန်ဖိုး ကန်ဒေါ်လာ သုည ဒသမ ၀၁၄ သန်းဖိုးနဲ့ ရိဒ်နယ်စပ်ကနေ ပဲယင်း ၃ ဒသမ ၈၄ တန် တန်ဖိုး ကျပ် ၂ ဒသမ ၄၉၆ သန်း တို့ တင်ပို့ခဲ့တာကြောင့် ယခုအပတ်မှာ နယ်စပ်စခန်းများကနေ ပဲယင်း ၃၂ တန်နီးပါး တင်ပို့နိုင်ခဲ့ပါတယ်။
ပင်လယ်ရေကြောင်းက ကုလားပဲဖြူလုံးကြီးကို ယခင်တစ်ပတ်က တန် ၂၅၀ ကျော်တင်ပို့မှုရှိခဲ့ပေမဲ့ ယခုတစ်ပတ်မှာတော့ တင်ပို့မှုမရှိခဲ့ကြောင်း သိရပါတယ်။ FOB ဈေးကွက်မှာတော့ ကုလားပဲဖြူလုံးကြီး တန် ၃၆၀ အရောင်းအဝယ် စာချုပ် ခဲ့ကြောင်း သိရပါတယ်။
ယခုတစ်ပတ် ပြည်ဈေးကွက်သို့ ပဲတီစိမ်းဝင်ရောက်မှုမှာ တစ်ရက်အိတ် ၃၀၀ ကျော်သာ အဝင်ရှိခဲ့ပါတယ်။ မင်းတုန်း၊ ကံမဘက်မှ အဝင်နည်းလာခဲ့ကာ ဒေသတွင်း ပန်းတောင်း၊ ပေါက်ခေါင်းမှဝင်ရောက်ခဲ့တာဖြစ်ပြီး၊ အဝင်ရှိသလောက် အရောင်း အဝယ် ဖြစ်ခဲ့ပါတယ်။
မုံရွာကုန်စည်ဒိုင် ဒီဇင်ဘာတတိယပတ် ပဲဈေးကွက်မှာ ပဲတီစိမ်း အကြီး- အသေး နယ်စုံက အဝင်သွက်ခဲ့သလို အရောင်း လည်း သွက်ခဲ့တယ်လို့သိရပါတယ်။ ဈေးကွက်ထဲ ဝင်လာတဲ့ ပဲတီစိမ်းတွေဟာ ရာသီရဲ့ ဖျက်စီးမှု မခံခဲ့ရလို့ အရည် အသွေးပြည့်မီမှုရှိတယ်လို့ ကုန်သည်လောကမှ ပြောပါတယ်။ ဝယ်လက် အနေအထားအရ ပဲတီစိမ်းကြီးကို မန္တလေးလက်က အများဆုံး ဝယ်ယူခဲ့ကြပြီး၊ စိမ်းသေးကိုတော့ ရန်ကုန်က အများဆုံး ဝယ်ခဲ့တယ်လို့ သိရပါတယ်။
ဒီဇင်ဘာလ ၁၄ ရက်မှ ၂၀ ရက်ထိကာလအတွင်း မူဆယ် (၁၀၅)မိုင်ကုန်သွယ်ရေးဇုန်ကနေ ပဲတီစိမ်း ၁၂၈၉ တန်၊ တန်ဖိုးကန်ဒေါ်လာ ၁ ဒသမ ၀၃၅ သန်းဖိုးနဲ့ ပဲတီစိမ်းလုံးခြမ်း ၉၅ တန်၊ ကန်ဒေါ်လာ သုည ဒသမ ၀၉၂ သန်းဖိုး တင်ပို့ခဲ့ တာ တွေ့ရပါတယ်။ ယခင်အပတ်ကလည်း ပဲတီစိမ်း တန် ၁၁၀၀ ကျော်နဲ့ ပဲတီစိမ်းလုံးခြမ်း တန် ၁၀၀ ခန့် တင်ပို့ခဲ့တာကြောင့် တင်ပို့မှုပုံမှန်လို့ ဆိုရပါမယ်။
ပင်လယ်ရေကြောင်းက ပဲတီစိမ်းတင်ပို့မှုမှာ အပတ်စဉ် တန် ၂၀၀၀ ဝန်းကျင်ဖြင့် တင်ပို့နေရာ ဒီဇင်ဘာလ ၁၂ ရက်မှ ၁၆ ရက်အတွင်းမှာလည်း တန် ၂၃၀၀ နဲ့ ပုံမှန်တင်ပို့နေတာ တွေ့ရပါတယ်။ အချို့ဒေသတွေက ပဲတီစိမ်းအသစ်အနည်းငယ် ဝင်ရောက်မှုရှိပေမဲ့ ပြည်ပတင်ပို့မှုကတော့ ယခင်နှစ်ပဲဟောင်းပါဝင်မှု ပမာဏများနေသေးကြောင်း သိရပါတယ်။
နိုင်ငံခြားငွေလိုင်စင်ရရှိသောဘဏ် များအနက် သမဝါယမဘဏ်၊ ကမ္ဘောဇ ဘဏ်၊ ဧရာဝတီဘဏ်နှင့် အာရှ စိမ်းလန်းဖွံ့ဖြိုးမှုဘဏ်တို့မှ စင်ကာပူ၊ မလေးရှား၊ ထိုင်းနိုင်ငံတို့တွင် သွား ရောက် အလုပ်လုပ်ကိုင်နေသည့် မြန်မာနိုင်ငံသားများက မြန်မာနိုင်ငံရှိ မိသားစုများထံသို့ ငွေလွှဲပို့မှုအစီ အစဉ်ကို ဆောင်ရွက်ရန် တင်ပြခြင်း အားဗဟိုဘဏ်မှခွင့်ပြုပေးခဲ့သည့်အတွက် စင်ကာပူ၊ ထိုင်း၊ မလေးရှားနိုင်ငံမှ မြန်မာနိုင်ငံသို့ တရားဝင်လမ်းကြောင်းမှ လုံခြုံစိတ်ချစွာ ငွေလွှဲပို့နိုင်ပြီဖြစ်ကြောင်း သိရသည်။
ပဲလွန်းဖြူသစ်များ ဈေးကွက်ဝင် ရောက်မှု နည်းနေသေးတာကြောင့် ပြည်ပ တင်ပို့မှုနဲ့ အရောင်းအဝယ် တွေကို ပဲအဟောင်းအနည်းငယ်စီသာ ရောင်းဝယ်တင်ပို့မှုရှိနေသေးကြောင်း သိရပါတယ်။ ယခုတစ်ပတ် (ဒီဇင်ဘာ ၁၂-၁၆ရက်) မှာ ပဲလွန်းဖြူ တန်ချိန် ၁၇၀ ပြည်ပတင်ပို့နိုင်လို့ ယခင်သီတင်း ပတ် တင်ပို့တဲ့ တန်ချိန် ၁၃၀ ထက် အနည်းငယ် ပိုလာတာ တွေ့ရပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခင် သီတင်းပတ်က တန်ချိန် ၁၁၀၀၀ ကျော်အထိ အရောင်းအဝယ်သွက်ခဲ့ရာမှ ယခု တစ်ပတ် (ဒီဇင်ဘာလ ၁၆-၂၂ ရက်) အတွင်းမှာတော့ အရောင်းအဝယ်ပြန်လည် လျော့ကျခဲ့ရာတန်ချိန် ၄၃၀၀ ကျော်သာအရောင်းအဝယ်စာချုပ်နိုင်ခဲ့တယ်လို့ သိရ ပါတယ်။