Background
ချင်းပြန်လည်တင်ပို့ ဇူလိုင်ပထမပတ်အတွင်း ချင်း ၃၈ ဒသမ ၅ တန်ကို ပင်လယ်ရေကြောင်း ကုန်သွယ်မှုလမ်းမှ တင်ပို့ခဲ့ပါတယ်။ တင်ပို့ခဲ့တဲ့နိုင်ငံက မလေးရှားနိုင်ငံကို ၁ တန်၊ စင်ကာပူနိုင်ငံကို ၁၂ ဒသမ ၅ တန်နဲ့ အင်ဒိုနီးရှားနိုင်ငံကို ၂၅ တန်အသီးသီးတင်ပို့ ခဲ့ပါတယ်။ ဇွန်ပထမပတ်အတွင်းသာ အပို့ရှိခဲ့တဲ့ ချင်းက လေးပတ်ဆက်တိုက်အပို့ ပျောက်ခဲ့ပြီး ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ်ပါတယ်။ တစ်တန်ကို အက်ဖ်အိုဘီဈေး ကန်ဒေါ်လာ ၁၄၆ဝ ဝန်းကျင်ရရှိခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာ ၅၆ဝဝဝ ကျော် ရရှိခဲ့ပါတယ်။ MIRT (DOT)
ပြည်ပဲကြီးဈေးကွက်အဝင်ပါးပြီး ပုံမှန်အရောင်းအဝယ်ဖြစ် ယခုဇူလိုင်လ ဒုတိယပတ်အတွင်း ပြည်ဈေးကွက်သို့ မကွေးတိုင်းဘက်မှ ပဲကြီးအိတ် ၅ဝ ခန့်သာ ဝင်ရောက်မှုရှိခဲ့ပြီး အဝင် ပါးလာခဲ့တာကို တွေ့ရပါတယ်။ ပဲကြီးဈေးနှုန်းမှာတော့ ယခင်အပတ်ကအတိုင်း ပဲကြီး(ရွှေကျွန်း) တစ်တင်း ၁၆၅ဝဝ ကျပ်၊ ပဲကြီး (ကမ်းနား) တစ်တင်း ၁၅၅ဝဝ ကျပ်ဖြင့် ဈေးငြိမ်နေခဲ့ပါတယ်။ ပဲကြော်ဖိုလုပ်ငန်းသမားများမှ ပုံမှန်အဝယ်ရှိပြီး ရန်ကုန်ဝယ်လက်များလည်း တစ်ခါတစ်ရံ အဝယ်ရှိတယ်လို့ သိရပါတယ်။ ပဲကြီးဈေးနှုန်းမှာ ယခင်နှစ်က တစ်တင်း ၃၃ဝဝဝ ကျပ်ထိ ဇူလိုင်လအတွင်း ဖြစ်ခဲ့သော်လည်း ယခုနှစ် ဇူလိုင်လမှာ တစ်တင်း ၁၆၅ဝဝ ကျပ်သာရှိတဲ့အတွက် လှောင်လက်များ အနေနဲ့ ကြိုက်ဈေးမရဘဲ ငွေလိုသလောက်သာ ရောင်းချမှုရှိတယ်လို့ သိရပါတယ်။ ခင်ဆွေဝင်း
မူဆယ်မှ ပဲယင်းတန် ၁၆ဝ နီးပါးပို့ မူဆယ် (၁ဝ၅) မိုင် ကုန်သွယ်ရေးဇုန်မှ ဇူလိုင်လ ၆ ရက်မှ ၁၂ ရက်ထိကာလ အတွင်း ကန်ဒေါ်လာ ဝ ဒသမ ဝ၉၄ သန်းတန်ဖိုးရှိ ပဲယင်း ၁၅၈ ဒသမ ၅ဝ တန် တင်ပို့မှုရှိခဲ့ပါတယ်။ ယခင်အပတ်ကထက် ၁၁ တန် ပိုမိုတင်ပို့နိုင်ခဲ့ပါတယ်။ ဧပြီ၊ မေ၊ ဇွန် ၃ လကာလအတွင်း နယ်စပ်မှ ပဲယင်း ၃၃၃၃ တန်ခန့်တင်ပို့ထားပြီး ဇူလိုင်လ ၁ ရက်မှ ၁၂ ရက်ထိကာလမှာ ၃ဝ၅ တန်တင်ပို့ခဲ့ပြီးဖြစ်ပါတယ်။ စစ်ကိုင်းနဲ့ မကွေးတိုင်းဒေသကြီးထွက် ပဲယင်းများတင်ပို့နေတာဖြစ်ပြီး တစ်ဖက်နိုင်ငံ ဈေးပြောင်းလဲမှု မရှိသော်လည်း မိမိဘက်မြေပြင်ဈေးမှာ ၁၂ဝဝဝ ကျော်ခန့် လျော့နည်းလျက်ရှိပါတယ်။ မိမိဘက်နဲ့ တစ်ဘက်နိုင်ငံမြေပြင်ဈေးများ နှိုင်းယှဉ် ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု % ၃ဝ၉၈၈၃ ၃၂၂ဝ၉၃ ၁၂၂၁ဝ ၄ ၅၅၇ ၅၅၇ - -MIRT (DOBT)
ပြည်ပဲနီပြား ဈေးငြိမ်နေ ပြည်ဈေးကွက်မှာ လက်ကျန်ပဲများကို လက်လီသမားများ နေ့စဉ် အဝယ်ရှိတဲ့ ပဲကတော့ ပဲနီပြားဖြစ်ပါတယ်။ ပဲနီပြားသီးနံှမှာ တိုင်းအတွင်း စိုက်ပိုျးမှုနည်းသလို ဝင်ရောက်မှုလည်းနည်းပြီး အခြားတိုင်းသို့လည်း တင်ပို့ရောင်းချခြင်း မရှိဘဲ ဒေသ တွင်း၌သာ အရောင်းအဝယ်ဖြစ်ခဲ့ပါတယ်။ ဇီးကုန်း၊ နတ်တလင်း၊ ကြို့ပင်ကောက် မြို့နယ်များမှလည်း ပြည်ဈေးကွက်ကို လာရောက်ဝယ်ယူကြပြီး တစ်ရက်ကို အိတ် ၃ဝ ထိ အရောင်းအဝယ်ဖြစ်ကြောင်း သိရပါတယ်။ ဈေးနှုန်းမှာတော့ ယခင် အပတ်ကအတိုင်း တစ်တင်း ၁၆၅ဝဝ ကျပ်ဖြင့် ဈေးငြိမ်ရောင်းဝယ် လျက်ရှိပါတယ်။ ခင်ဆွေဝင်း
ပခုက္ကူ ထောပတ်ပဲဈေးပြန်မာ ဂန့်ဂေါမှာ ထောပတ်စိုက်တဲ့ တောင်သူများပေမဲ့ ပခုက္ကူမှာ ထောပတ်ပဲ ကိုင်တွယ် ဝယ်ရောင်းတဲ့ ကုန်သည်လက်ချိုးရေလို့ရပါတယ်။ ရန်ကုန်ဝယ်လက် ကုမ္ပဏီဆိုတာကလည်း အရေအတွက် သိပ်မများလှပါဘူး။ဒီနှစ်တော့ တစ်တင်းကို ၁၇၅ဝဝ ကျပ်နဲ့ ဖေဖော်ဝါရီလကုန်မှာ စပေါ်ခဲ့တဲ့ ထောပတ်ပဲဟာ အခြားပဲများ နည်းတူ ၁၃၅ဝဝ ကျပ်ထိ ဈေးဆင်းခဲ့ပေမဲ့လည်း ယနေ့တော့ ၁၆၅ဝဝ ကျပ်နဲ့ ဈေးပြန်မာနေပါတယ်။ တရုတ်ဘက်ကို အထွက်များတယ်လို့ သိရပါတယ်။ ပခုက္ကူ ကုန်သည်လက်ထဲမှာ လက်ကျန်ပြတ်သလောက်ရှိနေပြီး ဂန့်ဂေါက ကုန်သည် တောင်သူကြီးတွေ လက်ထဲမှာတော့ ဈေးမျှော်ရင်း ကျန်ဦးမယ်လို့ ပဲရပ်ကွက်က ဆိုပါတယ်။ မောင်မောင်အေး
ထောပတ်ပဲနဲ့ မြေထောက်ပဲ FOB ရောင်းဝယ်မှုလျော့ကျ ဇူလိုင်လ ဒုတိယပတ်အတွင်း ရန်ကုန် FOB ဈေးကွက်မှာ ထောပတ်ပဲနဲ့ မြေထောက်ပဲအရောင်းစာချုပ်မှု လျော့ကျခဲ့ပါတယ်။ ဈေးကွက်လက်ကျန် နည်းလာပြီဖြစ်လို့ ယခုတစ်ပတ်မှာ ထောပတ်ပဲ ၄၂ တန်နဲ့ မြေထောက်ပဲ တန် ၄ဝဝ ခန့်သာ အရောင်းရှိခဲ့တယ်လို့ သိရပါတယ်။ ဇူလိုင်လ ပထမလဝက်အတွင်းမှာ စုစုပေါင်း ပြည်ပအရောင်းစာချုပ်မှုဟာ ထောပတ်ပဲ တန် ၃ဝဝ နဲ့ မြေထောက်ပဲ တန် ၇ဝဝ ကျော်ရှိတယ်လို့ သိရပါတယ်။ ရန်ကုန် FOB ဈေးများအနေနဲ့ ပြောင်းလဲခြင်းမရှိဘဲ ဇူလိုင်လ ၁၄ ရက်နေ့မှာ ထောပတ်ပဲ FAQ တစ်တန် ကန်ဒေါ်လာ ၇၅ဝ-၇၈ဝ၊ မြေထောက်ပဲ FAQ တစ်တန် ကန်ဒေါ်လာ ၆၂ဝ-၆၄ဝ ရှိကြောင်း သိရပါတယ်။ MIRT- MAPT
ထောပတ်ပဲနဲ့ မြေထောက်ပဲ တင်ပို့မှု အရှိန်ကောင်းနေဆဲ ထောပတ်ပဲနဲ့ မြေထောက်ပဲ ပြည်ပတင်ပို့မှုမှာ ယခုတစ်ပတ်မှာလည်း အရှိန်ကောင်းနေဆဲဖြစ်တာ တွေ့ရပါတယ်။ ယခုသီတင်းပတ် (ဇူလိုင်လ ၂ ရက်မှ ၈ ရက်)အတွင်း ထောပတ်ပဲတန် ၅၅ဝနဲ့ မြေထောက်ပဲ တန် ၇ဝဝ ကျော် တင်ပို့မှု ရှိခဲ့ပါတယ်။ လက်ရှိဘဏ္ဍာနှစ် ဇူလိုင် ၈ ရက်နေ့အထိ တင်ပို့ပြီးစီးမှုအနေနဲ့ ထော ပတ်ပဲတန်ချိန် တစ်သောင်းနီးပါးရှိပြီး မြေထောက်ပဲတန် ၅ဝဝဝ ခန့် ရှိတာ တွေ့ရပါတယ်။ ယခင်ဘဏ္ဍာနှစ် ကာလတူအတွင်း တင်ပို့ပြီးစီးမှုမှာ ထောပတ်ပဲတန် ၇၅ဝဝ ခန့်နဲ့ မြေထောက်ပဲတန် ၃ဝဝဝ ကျော်ရှိလို့ ယခုနှစ်မှာ ပိုမိုတင်ပို့နိုင်တာ တွေ့ရပါတယ်။ လာမယ့်သီတင်းပတ်တွေမှာလည်း တင်ပို့မှု ဆက်လက်ရှိဦးမယ်လို့ ခန့်မှန်းကြပါတယ်။ MIRT- MAPT
ပြည်ကုလားပဲဈေး အတက်အကျရှိ ပြည်ဈေးကွက်အတွင်း ကုလားပဲဈေးမှာ ယခင်တစ်ပတ်က တစ်တင်းကို ၁၇ဝဝဝ ကျပ်ဖြင့် အရောင်း အဝယ်ရှိပြီး ယခုတစ်ပတ်တွင် ၁၈ဝဝဝ ကျပ်ဈေးဖြင့် အရောင်းအဝယ်ရှိတယ်လို့သိရပါတယ်။ ယခုတစ်ပတ်အတွင်း အောင်လံဘက်မှ အိတ် ၅ဝဝ ခန့် ဝင်ရောက်မှုရှိပြီး ဒေသတွင်းမှ အဝင်ပါးလာခဲ့ပါတယ်။ အရောင်း အဝယ်ဖြစ်မှု အနေဖြင့် ဝယ်လိုအားများတဲ့ရက်များမှာ အိတ် ၇ဝဝ-၈ဝဝ ထိ အရောင်းအဝယ်ရှိပြီး ခွဲစက်သမား၊ အမှုန့်ကြိတ်စက်သမားများကတော့ နေ့စဉ် အဝယ်ရှိပြီး တစ်နေ့အိတ် ၂၅ဝ ကျော်အရောင်းအဝယ် ဖြစ်တယ်လို့သိရပါတယ်။ လွင်လွင်ဆန်း
ဈေးလှုပ်ပြီး အရောင်းအဝယ်သွက်တဲ့ မုံရွာ V2 မုံရွာကုန်စည်ဒိုင်မှာ ၂ဝ၁၁ ခု ဇူလိုင်လဆန်းမှာ ကုလားပဲဖြုလုံးကြီး V2 တစ်ပိဿာဈေး ၉၄၇ ကျပ်မှ ဇူလိုင်လ ဒုတိယပတ်မှာ ၁ဝဝဝ ကျပ်သို့ဈေးလှုပ် လာခဲ့ကြောင်း သိရပါတယ်။ ဈေးလှုပ်သလို ရန်ကုန်ဝယ်လက်နဲ့ မန္တလေးဝယ်လက် အဆွဲများလို့ မုံရွာကုန်စည်ဒိုင်မှာ အရောင်းအဝယ် အကောင်းဆုံးသီးနံှမှာ ကုလားပဲဖြူလုံးကြီး V2 ဖြစ်ကြောင်း ကုန်စည်ဒိုင်သတင်းရပ်ကွက်က သိရှိရပါတယ်။ ယခုအပတ်အတွင်း မုံရွာကုန်စည်ဒိုင်မှာ တစ်ရက်ကို V2 တင်း ၁ဝဝဝ နှင့် ၂ဝဝဝ ကြား အရောင်းအဝယ်ဖြစ်ကြောင်း သိရပါတယ်။ ယခုအပတ်အတွင်း စစ်ကိုင်းတိုင်း ဒေသကြီးအတွင်းမှ V2 မန္တလေးသို့ တင်း ၃ဝဝဝ ကျော်စီးထွက်ခဲ့ကြောင်း သိရပါတယ်။ သန်းးသန်းးတင်
ကုလား ပဲဈေးနှုန်း ခိုင်မာနေ အိန္ဒိယပြည်တွင်း ကုလားပဲလက်ငင်းဈေးကွက်များမှာ ယခုတစ်ပတ်မှာလည်း ဈေးနှုန်းခိုင်မာနေပါတယ်။ မိုးရွာသွန်းမှုကြောင့် ဟင်းသီးဟင်းရွက်ဈေးတွေ မြင့်တက် နေခြင်းက ပြုပြင်ပြီး ကုလားပဲကို ဝယ်လိုအားပိုတက်စေပါတယ်။ အဓိကဈေးကွက်များမှာကုလားပဲရောင်းချမှု အကန့်အသတ်သာရှိတယ်လို့ သိရပါတယ်။ အမေရိကန် မှာ စိုက်ဧရိယာလျော့ကျခြင်းကလည်း နိုင်ငံတကာဈေးကို ခိုင်မာစေပါတယ်။ သြစတြေးလျက တင်သွင်းခြင်းနဲ့ မိုးပဲစိုက်ဧရိယာ တိုးတက်မှုရှိလာခြင်းတို့ကြောင့် လှောင်လက်များ ထုတ်ရောင်းလာနိုင်တဲ့အတွက် ဈေးကျဖို့ ဖိအားဖြစ်စေနိုင်တယ်လို့ ခန့်မှန်းကြပါတယ်။ ကာလတိုအတွင်း လက်ရှိဈေး ဝန်းကျင်မှာ အရောင်းအဝယ် ဖြစ်နိုင်တယ်လို့ သုံးသပ်ကြပါတယ်။ ဈေးကွက်အသီးသီးမှာ အရောင်းအဝယ်ဖြစ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ် ဒေါ်လာ/ တန် ၁၃-၇-၁၁ ၁၂-၇-၁၁ ၁၁-၇-၁၁ ၉-၇-၁၁မွန်ဘိုင်း ၅၆၁ ၅၅၉ - ၅၅၂ - ၅၆၃ဒေလီ ၆၂၂-၆၂၈ ၆၁၅-၆၂၁ ၆၁၄-၆၂ဝ ၆ဝ၉-၆၁၄ကန်ပါ ၆၆၂ ၆၅၁ ၆၄၇ ၆၄၅MIRT(MAPT)