နယ်စပ် အပို့ ၁၃ဝဝ ကျော်            ဒီဇင်ဘာလ ၂၉ ရက်မှဇန်နဝါရီလ ၄ ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှတစ်ဆင့် ကန်ဒေါ်လာ ၁ ဒသမ ၂ဝ၇ သန်းတန်ဖိုးရှိ ပဲတီစိမ်း ၁၃၂၂ တန်ကျော်တင်ပို့နိုင်ခဲ့ပါတယ်။ဈေးကွက်အတွင်း ရှိ အရည်အသွေး ကောင်း အညာစ လက်ကျန်များကိုတင်ပို့ခဲ့ပြီး ယခင်အပတ်ကထက် ၁၆၇ တန် ပိုမို တင်ပို့နိုင်ခဲ့ပါတယ်။ တစ်ဖက်နိုင်ငံမှ ပဲတီစိမ်း ဝယ်လိုအားရှိတဲ့အတွက်ပြည်တွင်းဈေးအနည်းငယ် ပြန်တက်လာ လျက်ရှိပါတယ်။ ဇန်နဝါရီကုန်မှာ ပဲသစ်ထွက်ပေါ်လာတော့မှာဖြစ်ပါတယ်။ ပြည်တွင်းပဲစိုက်ပျိုးမှုမှာ ပဲတီစိမ်း ခရမ်းစ အနည်းငယ်အပျက်အစီးရှိသော်လည်း တရုတ် ဈေးကွက် လိုအပ်ချက်အရ ဆက်လက်တင်ပို့နိုင်မယ့် အနေအထားရှိတယ်လို့ သိရပါတယ်။ ပြည်တွင်း သယ်ယူစရိတ် နှုန်းထားများမြင့်တက်မှုကြောင့်လာမယ့်ပဲရာသီမှာ တရုတ်ကွမ်ရှီးဈေးကွက်သို့ ပင်လယ်ရေကြောင်းနဲ့ ဗီယက်နမ်နယ်စပ်က တစ်ဆင့် ပြန်လည်ဝင်ရောက်မယ့်အနေအထား ရှိတယ်လို့သိရပါတယ်။ မိမိဘက်နဲ့ တစ်ဖက်နိုင်ငံ ပဲတီစိမ်း ပေါက်ဈေးများကို နှိုင်းယှဉ်ဖော်ပြပေးလိုက်ရပါတယ်                                              မိမိဘက်(ကျပ်/တန်)                        တစ်ဘက်နိုင်ငံ(ဒေါ်လာ/တန်)                      ယခု             ယခင်        ပြောင်းလဲမှု     ရာခိုင်နှုန်း     ယခု          ယခင်   ပြောင်းလဲမှု     ရာခိုင်နှုန်းပဲတီစိမ်း        ၁၁ဝဝ၂၄၂        ၉၆ဝဝ၆၈       ၁၄ဝ၁၇၄         ၁၃       ၁၁၈၁         ၁၁၇၉        ၂              ဝ .၂MIRT (DOBT)

ဈေးမြင့်ပြီး အရောင်းအေးသွားတဲ့ ဟင်္သာတ ပဲလွန်းဖြူ                  ဟင်္သာတ ဈေးကွက်ရဲ့ ပဲလွန်းဖြူဈေးမှာ ယခင်အပတ်က ပိဿာ ၂ဝ တစ်တင်းကို ၁၈ဝဝဝ ကျပ်နဲ့ အရောင်းအဝယ်ဖြစ်ခဲ့ပြီး၊ ယခု ဇန်နဝါရီလ ဒုတိယပတ်မှာ ပဲလွန်ဖြူ ဈေးမှာ ၁၉ဝဝဝ ကျပ်သို့ ဈေးမြင့်လာခဲ့ ပေမဲ့ အရောင်းအဝယ်ဖြစ်မှုအနေနဲ့ ယခုအပတ်အတွင်း အိတ် ၃ဝဝ ခန့်သာ ရှိပြီး၊ ယခင်အပတ်ထက် ပစ္စည်းအဝင် နည်းသွားလို့ အရောင်းအေးသွား ခြင်း ဖြစ်ပါတယ်။ တင်ပို့မှုအနေနဲ့ ရန်ကုန် ဈေးကွက်သို့ နေ့စဉ်ပျမ်းမျှ တစ်တင်းခွဲ ဝင်အိတ် ၂၅ဝ တင်ပို့နိုင်ခဲ့ပါတယ်။                                                                                         အေးအေးခိုင်

ဒီတစ်ပတ် ပဲလွန်းဖြူ၊ နီ တင်ပို့မှုတက်လာ                ယခုတစ်ပတ် (ဒီဇင်ဘာလ ၃ဝ ရက်မှ ဇန်နဝါရီ ၃ ရက်) အတွင်း အခြားပဲအုပ်စုထဲမှာ ပင်လယ်ရေ ကြောင်း တင်ပို့မှုအနေနဲ့ ပဲလွန်းဖြူနဲ့ အနီ တန်ချိန် ၃ဝဝ ခန့် တင်ပို့မှုရှိခဲ့တာ တွေ့ရပါတယ်။ ယခင်တစ်ပတ်က ပဲလွန်းဖြူတန်ချိန် ၅ဝ သာတင်ပို့ခဲ့ရာမှ ယခုတစ်ပတ် ပြန်လည်တိုး တက်လာ တာ တွေ့ရပါတယ်။ ဈေးကွက်တွေကို ပဲလွန်းဖြူအသစ်တွေ ဝင်ရောက်မှု ရှိပေမဲ့ အရည်အသွေး နိမ့်ကျမှုကြောင့် အသစ် အနည်းငယ်သာတင်ပို့မှုရှိပြီး အဟောင်းလက်ကျန်တွေ ဆက်လက် တင်ပို့နေခြင်းဖြစ်တယ်လို့ ကုန်သည် များက ဆိုပါတယ်။ ရန်ကုန် FOB ဈေးအနေနဲ့ ယခင်တစ်ပတ်က FAQ တစ်တန်ကို ကန်ဒေါ်လာ ၇၅ဝ-၇၇ဝ၊    SQ တစ်တန်ကို ကန်ဒေါ်လာ ၈၅ဝ- ၈၇ဝ ဈေးရှိခဲ့ရာက ဇန်နဝါရီလ ၇ ရက်မှာတော့ FAQ တစ်တန်ကို ကန်ဒေါ်လာ ၇၆ဝ-၇၇ဝ နဲ့  SQ တစ် တန်ကို ၈၆ဝ-၈၇ဝ ဈေးကို မြင့် တက်ခဲ့တယ်လို့ သိရပါတယ်။ MIRT - MAPT

နှစ်သစ်မှာ ဈေးရလာတဲ့ ပြည်ပဲစင်းငုံ                   ၂ဝ၁ဝ ပြည့်နှစ် တစ်နှစ်လုံး ပြည်ဈေးကွက်မှ ရန်ကုန်သို့ ပဲစင်းငုံ အိတ် ၁၉၈၉ဝ၊ မန္တလေးတိုင်းကို အိတ် ၁၄ဝဝ တင်ပို့နိုင်ခဲ့ကြောင်း သိရပါတယ်။ တစ်နှစ်လုံးအနေဖြင့် အခြားတိုင်းမှ အိတ် ၃၁ဝဝ သာ အဝင်ရှိခဲ့သော်လည်း ယခု ၂ဝ၁၁ ခုနှစ် ဇန်နဝါရီလ နှစ်စပိုင်းမှာတော့ မကွေး၊ ကံမ၊ ကျောက်ပန်းတောင်း နဲ့ မိတ္ထီလာမြို့နယ်များမှ အိတ် ၃၂၅ဝ အဝင်ရှိခဲ့ပြီးဖြစ်ကြောင်း သိရပါတယ်။ တိုင်းအတွင်းရှိ မြို့နယ်များမှလည်း ပြည်ဈေးကွက်သို့ ဝင်ရောက်လျက်ရှိတယ်လို့ သိရပါတယ်။ ပဲစင်းငုံအသစ်များ အဝင်များလာသလို ဈေးမြင့်တက်ခဲ့ပြီး ပိဿာ ၂ဝ တစ်တင်းကို ၁၇၅ဝဝ ကျပ်ဖြင့် အရောင်းအဝယ်ဖြစ်ကြောင်း သိရပါတယ်။ ယခင်နှစ် ပဲများများပေါ်တဲ့အချိန်က တစ်နေ့ကို အိတ် ၆ဝဝ ခန့်အရောင်း အဝယ်ဖြစ်သော်လည်း လက်ရှိအချိန်က ပဲပေါ်စပြုနေတဲ့ အချိန်ဖြစ်တဲ့အတွက် အိတ် ၁၅ဝ ဝန်းကျင်သာ အရောင်းအဝယ်ဖြစ်ကြောင်း သိရပါတယ်။                                                                                  ဆုမွန်မွန်ဆွေ