ဒီဇယ်ဆီ တန်ချိန်သုံးသောင်းတစ်ထောင်ကျော်သာ အဝင်ရှိ               ပြည်တွင်းစက်သုံးဆီဈေးကွက်အတွက် ဇန်နဝါရီ ၁ဝ ရက်မှ ၁၆ ရက်တာ ကာလအတွင်း ဒီဇယ်ပီပါ နှစ်သိန်းသုံးသောင်းကျော်၊ တန်ချိန်အားဖြင့် ၃၁၈၉ဝ တန်ကို ပင်လယ်ရေကြောင်းလမ်းကနေ တင်သွင်းလာခဲ့ပါတယ်။ ဒီတစ်ပတ်မှာ ဓာတ်ဆီအဝင် မရှိခဲ့ပါဘူး။ ယခင်သီတင်းပတ်ဒီဇယ်ဆီအဝင် တန်ချိန် ၄၇ဝဝဝ ကျော်ရှိခဲ့တာမို့ ဒီတစ်ပတ်ဒီဇယ်ဆီအဝင် တန်ချိန် တစ်သောင်းငါးထောင်ကျော် လျော့နည်းပြီး တင်သွင်းခဲ့တာ တွေ့ရပါတယ်။ MIRT-DOT ဓာတ်ဆီရော ဒီဇယ်ပါအဝင်လျော့                ဇန်နဝါရီလ ၁၂ ရက်မှ ၁၈ ရက်ထိကာလအတွင်း ထိုင်းနယ်စပ်ကုန်သွယ်ရေး စခန်းများဖြစ်တဲ့ ကော့သောင်းနဲ့ တာချီလိတ်စခန်းတွေက ဓာတ်ဆီ ၂၆၇၂၈ ဂါလန် တန်ဖိုး ကန်ဒေါ်လာ ဝ ဒသမ ဝ၅၉ သန်းဖိုး တင်သွင်းခဲ့ပါတယ်။ယခင်အပတ် ကထက် ဂါလန် ၃၆ဝဝဝ ကျော် လျော့နည်းတင်သွင်းခဲ့တာ တွေ့ရပါတယ်။ ဒီဇယ်ဆီကိုတော့ တရုတ်နယ်စပ်ကန်ပိုက်တီးစခန်းနဲ့ ထိုင်းနယ်စပ်တာချီလိတ် စခန်းတွေကနေ ၂ဝ၃ဝ၈၇ ဂါလန် တန်ဖိုး ကန်ဒေါ်လာ ဝ ဒသမ ၆၄၉ သန်းဖိုး တင်သွင်းခဲ့တဲ့အတွက် ဂါလန် လေးသိန်းကျော် လျော့နည်းတင်သွင်းခဲ့တာ တွေ့ရှိရ ပါတယ်။ အစိုးရစက်သုံးဆီတင်သွင်းမှု ကျဆင်းခဲ့တာကြောင့် ယခုတစ်ပတ်အသွင်း လျော့တာဖြစ်ကြောင်း သိရပါတယ်။MIRT-DOBT ပြည်တွင်း လက်လီအရောင်းအဝယ်ဈေး ပြည်တွင်းစက်သုံးဆီ လက်လီအဝယ် တစ်ဂါလန်ဈေးကတော့ အောက်ပါအတိုင်း ဖြစ်ပါတယ်- ဇန်နဝါရီ ၂ဝ၁၁                 ဝယ်ဈေးဓာတ်ဆီ(ကျပ်)                   ဝယ်ဈေးဒီဇယ်(ကျပ်)ရက်           ရန်ကုန်        မန္တလေး                    ရန်ကုန်       မန္တလေး၁၇             ၃၂ဝဝ          ၃၅ဝဝ                      ၃ဝဝဝ       ၃၄ဝဝ၁၈             ၃၂ဝဝ          ၃၅ဝဝ                      ၃ဝဝဝ       ၃၄ဝဝ၁၉             ၃၂ဝဝ          ၃၅ဝဝ                      ၃ဝဝဝ       ၃၄ဝဝ၂ဝ             ၃၂ဝဝ          ၃၅ဝဝ                      ၃ဝဝဝ       ၃၄ဝဝ၂၁             ၃၂ဝဝ          ၃၅ဝဝ                      ၃၁ဝဝ       ၃၄ဝဝMIRT-DOT

ယခုအပတ် နံှစားပြောင်း နယ်စပ်က မပို့                    မူဆယ် (၁ဝ၅)မိုင် ကုန်သွယ်ရေးဇုန်နဲ့ လွယ်ဂျယ်နယ်စပ်ကုန်သွယ်ရေး စခန်းများ တစ်ဆင့် ကန်ဒေါ်လာ ၃ သန်းကျော်တန်ဖိုးရှိ ပြောင်းဖူးစေ့ ၁၁၆၄ဝ တန်ကျော်၊ တစ်ဖက်တရုတ်နိုင်ငံသို့ တင်ပို့နိုင်ခဲ့ပါတယ်။ ယခုအပတ် မှာ နံှစား ပြောင်း တင်ပို့နိုင်ခြင်းမရှိတဲ့အပြင် ပြောင်းဖူးစေ့တင်ပို့မှုမှာလည်း ယခင်အပတ် ကထက် တန်ချိန် ၂၆ဝဝ တန်လျော့နည်းခဲ့ပါတယ်။ ယခုနှစ်မှာ ပြောင်းစိုက်ပျိုး ထွက်ရှိမှုများတဲ့အတွက် ပြည်တွင်းဈေးရော ဝယ်ဈေးများ လျော့နည်းနေပါတယ်။ လက် တလောမှာ တရုတ်မှာလည်း ပြောင်းပေါ်စရာသီဖြစ်တဲ့အတွက် သိုလှောင် ထားမှုများရှိတာကြောင့် အကျဈေးနဲ့ပင် ရောင်းချရလျက်ရှိပါတယ်။ ပြောင်းရာသီ ကုန်ဆုံးမဲ့ မတ်လနောက်ပိုင်းကာလ ရောက်မှသာ ဈေးပြန်မြင့်တက် လာနိုင်တဲ့ အနေအထားရှိကြောင်း သိရပါတယ်။ ယခုဘဏ္ဍာနှစ်မှာ မိမိဘက်မှ စိုက်ပျိုး ထွက်ရှိမှုနဲ့ တရုတ်ဝယ်လိုအားအရ ပိုမိုတိုးတက်တင်ပို့နိုင်မယ်လို့သိရပါတယ်။ ပြောင်းဖူးစေ့မှာ ယခင်အပတ်ကထက် မိမိဘက်မြေပြင်ဈေး တစ်တန်ကို ၃၉ဝဝ ကျပ်နဲ့ တစ်ဘက်နိုင်ငံမှာမူ ၄ ဒေါ်လာခန့် လျော့ကျခဲ့ပါတယ်။ ယခုအပတ် ပြောင်းဖူးစေ့ ဈေးနှုန်းများ နှိုင်းယှဉ်ဖော်ပြလိုက်ရပါတယ် -                                                          မိမိဘက်(ကျပ်/တန်)                        တစ်ဘက်နိုင်ငံ(ဒေါ်လာ/တန်)                             ယခု              ယခင်                 ပြောင်းလဲမှု   %           ယခု        ယခင်    ပြောင်းလဲမှု     %ပြောင်းဖူးစေ့     ၂၂၁၅၁၉          ၂၂၅၄၂၉               ၃၉ဝဝ          ၂            ၂၆၉       ၂၇၃            ၄MIRT (DOBT)

တက်ဈေးကြောင့် ဗီယက်နမ်လယ်သမားများ ရော်ဘာပြောင်းလဲစိုက်ပျိုးလို               ရော်ဘာရဲ့ကမ္ဘာ့ဈေးနှုန်း တစ်ရှိန်ထိုးတက်နေတာကြောင့် ဗီယက်နမ် လယ်သမားများက ရော်ဘာစိုက်ဖို့ စိတ်အားသန်နေ ကြပါတယ်။ ဗီယက်နမ်စိုက်ပျိုးရေးနဲ့ကျေးလက်ဖွံ့ဖြိုးရေးဝန်ကြီးဌာန (MARD) ရဲ့ကိန်းဂဏန်း များအရ ၂ဝ၁ဝ မှာရော်ဘာ စိုက်ဧကအဖြစ် ပြောင်းလဲခဲ့တဲ့စိုက်ပျိုးမြေ ၉၇ဝဝဝ ဟတ်တာရှိပြီး လျာထားချက်ထက် ၃၉ ရာခိုင်နှုန်းကျော်လွန်ကာ ရော်ဘာစိုက်ဧကစုစုပေါင်း ၆၇ဝဝဝဝ ဟတ်တာရှိကြောင်း သိရပါတယ်။ရော်ဘာပင်ကို ဗီယက်နမ် အနောက်မြောက်ဒေသမှာ စိုက်ပျိုးပြီး မြေဆီလွှာကလည်း သင့်တော်ကြောင်း သိရပါတယ်။ပြောင်းဒါမှမဟုတ် ကန်စွန်းဥ တစ်ဟက်တာ စိုက်ရင်တနှစ်ကို ဗီယက်နမ် ဒေါင် (၁ဝ) သန်း (ဒေါ်လာ ၅ဝဝ) သာရနိုင်ပြီး ရော်ဘာစိုက်မယ်ဆိုရင်တော့ လက်ရှိဈေးနှုန်းအရ ၅ ဆမှ ၇ ဆ အထိ ဝင်ငွေပိုရနိုင်ကြောင်း သိရပါတယ်။ အနောက်ပိုင်း ယန်ဘေပြည်နယ်မှာ လက်ဖက် စိုက် တောင်သူများက ရော်ဘာကို ပြောင်းလဲ စိုက်နေတာကြောင့် ဗီယက်နမ်စိုက်ပျိုးရေး ဒုတိယဝန်ကြီးက ဒေသအာဏာပိုင် များအား ရော်ဘာစိုက်ပျိုးရန်အတွက် အခြားသီးနံှစိုက်မြေများအား တောင်သူများကို ဖျက်ဆီးခွင့်မပြုဖို့ အမိန့်ပေးခဲ့ကြောင်း သိရပါတယ်။ လက်ဖက်ကုမ္ပဏီတွေအနေနဲ့ ကုန်ကြမ်းပြတ်လတ်မှာကိုတောင် စိုးရိမ်နေရကြောင်း ဗီယက်နမ် လက်ဖက် အသင်းရဲ့ ဥက္ကဌက ပြောကြားခဲ့ပါတယ်။ ဒါပေမဲ့ရော်ဘာပင်တွေဟာ ပင်လယ်ရေမျက်နှာပြင်အထက် မီတာ ၇ဝဝ ထက် မပိုတဲ့ နေရာမှာသာ စိုက်ပျိုးနိုင်ပါတယ်။ ဒီအနောက်မြောက်ပြည်နယ်က စိုက်ခင်းသစ်များဟာ ၁ဝ နှစ်ခန့်ကြာမှ အစေးထွက် နိုင်ကြောင်းကို ဘယ်သူမှ မသိကြောင်းနဲ့ ဒီလိုကာလရှည်ခြင်းကြောင့် အရည်အသွေးကို ထိခိုက်နိုင်ကြောင်း ကျွမ်းကျင်သူများက စိုးရိမ်နေကြပါတယ်။ ရော်ဘာနဲ့ ကော်ဖီစိုက်သူတွေဟာ နည်းပညာတွေသိဖို့လိုကြောင်းနဲ့ အနောက်မြောက်ဒေသက လယ်သမားတွေက ရော်ဘာစိုက်ပျိုးရေးနဲ့ ပတ်သက်ပြီး သင်ကြားလေ့လာမှုမရှိသေးတာကြောင့် စိုက်ပျိုးဖို့မသင့်ကြောင်း ဗီယက်နမ် ရော်ဘာ အသင်းရဲ့ ဥက္ကဌက ပြောကြားခဲ့ပါတယ်။ (MARD) ကတော့ပြည်နယ်များမှာ သစ်တောပြုန်းတီးမှုနဲ့ အခြားသီးနံှကနေ ရော်ဘာစိုက်ပျိုးရေးကို ပြောင်းလဲမဲ့ စီမံကိန်းများ ပြုလုပ်ခြင်းကို ကာကွယ်ဖို့ ဆောင်ရွက် နေကြောင်း သိရပါတယ်။ ဝန်ကြီးဌာန အနေနဲ့ယခုနှစ်မှာ ပလပ်မြေ ဟက်တာ ၅ဝဝဝဝ ကို ရော်ဘာစိုက်ပျိုးမြေအဖြစ် ခွင့်ပြုပေးထား တယ်လို့ သိရပါတယ်။ Source: Vietnam news, KZW  

နယ်စပ်မှာ ရော်ဘာဈေးကောင်းရနေ               ဇန်နဝါရီလ ၅ ရက်မှ ၁၁ ရက်ထိ ကာလအတွင်း ရော်ဘာအဆင့်စုံ ၈၅၇ တန်ခန့်ကို မူဆယ် (၁ဝ၅)မိုင် ကုန်သွယ်ရေးဇုန်နဲ့ ချင်းရွှေဟော်နယ်စပ်တို့မှ ကန်ဒေါ်လာ ၃ သန်းကျော်ကို တင်ပို့နိုင်ခဲ့ပါတယ်။ မူဆယ်နယ်စပ်မှ ရော်ဘာအဆင့်အလိုက် တင်ပို့မှုများကတော့ RSS-1 ၉ ဒသမ ၅တန်၊ RSS-3 ၃၂၆ ဒသမ ၄၆တန်၊RSS-5 ၃ဝ တန်၊ MSR-20 ၁၄၅ ဒသမ ၈ တန်နဲ့MSR-50 ၁၃၂တန်၊ တန်ဖိုးကန်ဒေါ်လာ ၂ ဒသမ ၃၁၈ သန်းဖိုးနဲ့ ချင်းရွှေဟော်နယ်စပ်မှ RSS-3၂၁၃ ဒသမ ၂၃ တန်၊ ကန်ဒေါ်လာ ဝ ဒသမ ၇၈၆သန်းဖိုး အသီးသီးဖြစ်ပါတယ်။ ယခင်အပတ်က မူဆယ်၊ ချင်းရွှေ ဟော် နယ်စပ်များအပြင် မြိတ်နဲ့ကော့သောင်းနယ်စပ်များကလည်း တင်ပို့နိုင်ခဲ့တာဖြစ်ပါတယ်။ ယခုအပတ်မှာ ယခင်အပတ် ကထက် ရော်ဘာတင်ပို့နိုင်မှုမှာ တန် ၇ဝ ပိုမိုခဲ့ပါတယ်။ တရုတ်ဈေးကွက်မှာ ရော်ဘာဝယ်ဈေး ယခင်အပတ်ကRSS-3 တစ်တန် ယွမ် ၂၉ဝဝဝ မှ ယခုအပတ်တွင် ယွမ် ၃ဝဝဝဝ သို့လည်းကောင်း၊RSS-5 တစ်တန် ယွမ် ၂၇ဝဝဝ ယခုအပတ်တွင် ယွမ် ၂၉ဝဝဝ ထိ ဈေးနှုန်းတိုးမြင့်ဝယ်ယူလာလျက်ရှိပါတယ်။ နိုင်ငံတကာ ဝယ်ဈေးမြင့်တက်ခြင်း၊ အဝယ်လိုက်ခြင်း တို့ကြောင့် ပြည်တွင်း ရော်ဘာဈေးမှာလည်း မြင့်တက်လျက်ရှိပါတယ်။ ယခုဘဏ္ဍာနှစ်မှာ တရုတ်မှ ပြန်လည်သိုလှောင်ရန်အတွက်နဲ့ စက်မှုလုပ်ငန်းများအတွက် ရော်ဘာလိုအပ်ချက် များပြားနေရာ ဆက်လက် တင်ပို့နိုင်တဲ့ အနေအထားကို တွေ့ရှိရပါတယ်။               မိမိဘက်မြေပြင် ရော်ဘာပေါက်ဈေးများ ယခင်အပတ်နှင့် နှိုင်းယှဉ်ပါက ပြောင်းလဲမှုမရှိသော်လည်း တစ်ဖက်နိုင်ငံတွင် RSS-5 တစ်တန်ပေါက်ဈေးမှာ ယခင်အပတ်ကထက် ဒေါ်လာ ၁၆ဝ ကျော်ကျခဲ့ပြီး RSS-3 မှာ ဒေါ်လာ ၁၄ဝ မြင့်တက် ခဲ့ပါတယ်။ မိမိဘက်နဲ့ တစ်ဖက်နိုင်ငံရော်ဘာ ပေါက်ဈေးများကို နှိုင်းယှဉ် ဖော်ပြပေးလိုက်ပါတယ်။                                                မိမိဘက်(ကျပ်/တန်)                                         တစ်ဘက်နိုင်ငံ(ဒေါ်လာ/တန်)                            ယခု           ယခင်           ပြောင်းလဲမှု           %          ယခု          ယခင်       ပြောင်းလဲမှု       %RSS(5)               ၃၇၂၂၅၁ဝ   ၃၇၂၂၅၁ဝ                                           ၄၂၃၅           ၄၃၉၈        ၁၆၃           ၄RSS(3)               ၃၉၅၅၃၁ဝ   ၃၉၅၅၃၁ဝ                                           ၄၃၈၆            ၄၂၄၆         ၁၄ဝ           ၃MIRT (DOBT)