နနွင်းစိုက်ဧကပိုမိုတာကြောင့် အထွက်မြင့်တက်မယ်လို့ အိန္ဒိယခန့်မှန်း     ယခုနှစ်အတွင်း နနွင်းဈေးကောင်းရရှိခဲ့ကြတဲ့ နနွင်းစိုက်တောင်သူများဟာ လက်ရှိစိုက်ပျိုးချိန်မှာ တချို့က စိုက်ဧက တစ်ဆပိုမိုစိုက်ပျိုးမှုတွေရှိလာလို့ ယခုနှစ်မှာ နနွင်းတစ်အိတ်ကို ကီလို ၇ဝ-၇၅ စီပါဝင်တဲ့ အိတ်ပေါင်း ၈ဝ သိန်းခန့်ထွက်ရှိခဲ့ရင်တောင် အံ့သြစရာမရှိပါဘူးလို့ အီရော့နနွင်းကုန်သည်များအသင်း ဥက္ကဌ မစ္စတာအာဗီရာဗီရှန်ကာ ကပြောကြားပါတယ်။ Angel commodities မှ စိုက်ပျိုးရေးထုတ်ကုန်ဆိုင်ရာ လေ့လာဆန်းစစ် ပညာရှင် နာလီနီရာအိုရာက ခန့်မှန်းပြောကြား တာကတော့ ၂ဝဝ၉-၂ဝ၁ဝ ထွက်ရှိတဲ့ အိတ်ပေါင်း ၄၈ သိန်းနဲ့ နှိုင်းယှဉ်ရင် ယခုနှစ်မှာ ၄၃-၄၅ ရာခိုင်နှုန်းမြင့်တက်ပြီး အိတ်ပေါင်း ၆၅-၇ဝ သိန်းခန့် ထွက်ရှိနိုင်တယ်လို့ ဆိုပါတယ်။      ယခုရာသီအတွင်း တောင်သူများဟာ နနွင်းရောင်းချခြင်းကနေ ၁၅ဝ ရာခိုင်နှုန်းကျော်ဝင်ငွေပိုရရှိ ခဲ့တာကြောင့် စိုက်ဧရိယာတိုးခဲျ့ဖို့ စိတ်အားသန်လာခဲ့ကြရာ ယခင် နှစ်က စိုက်ဟက်တာ ၁ ဒသမ ၈ သိန်းရှိခဲ့ရာမှ ၂ဝ၁ဝ-၂ဝ၁၁ မှာ ဟက်တာ ၂ ဒသမ ဝ၆ သိန်းဝန်းကျင်ရှိနိုင်တယ်လို့ ဆိုပါတယ်။ အင်ဒရာပရာဒေ့ရှ်ဟာနနွင်းစုစုပေါင်း စိုက်ဧရိယာရဲ့ ၃၁ ရာခိုင်နှုန်းနီးပါးရှိပြီး ယခင်နှစ်က ဟက်တာ ဝ ဒသမ ဝ၅ သိန်းရှိရာမှ ယခုနှစ်မှာ ဟက်တာ ဝ ဒသမ ၆၄ သိန်းကို တိုးတက်ခဲ့ပါတယ်၊ တမီနီဒူးမှာလည်း ၉ ရာခိုင်နှုန်းမြင့်တက်ပြီး ဟက်တာဝ ဒသမ ၄၃ သိန်းကို လည်းကောင်း တိုးခဲျ့ခဲ့ကြပါတယ်။        နီဇမ်မာဘတ်နဲ့ အီရော့တို့ရဲ့ ထုတ်လုပ်မှုများဟာလည်း ယခင်နှစ်က အိတ်ပေါင်း ၁၁ သိန်းမှ ယခုနှစ် ၁၆ သိန်းနဲ့ ယခင်အိတ် ၂၂ သိန်းမှ ယခုအိတ် ၃ဝ သိန်းကို တိုးတက်နိုင်တယ်လို့ ဆိုပါတယ်။ နိုင်ငံအတွင်း လက်ရှိလက်ကျန် အိတ်ပေါင်း၁၂-၁၃ သိန်းခန့်ရှိပြီး နနွင်းအသစ်ဈေးကွက်အတွင်းဝင်ချိန်ဟာ ဖေဖော်ဝါရီမတ်လအတွင်း ဖြစ်ပါတယ်။ ဒါပေမဲ့ ဒီနှစ်တော့ အနည်းငယ်စောပြီး ဈေးကွက်ထဲဝင်ရောက်လာဖွယ်ရှိတယ်လို့ ဆိုပါတယ်။ ဇန်နဝါရီလလယ်လောက်မှာ စတင် ဝင်ရောက်တော့မှာဖြစ်လို့ လက်ငင်းဈေးကွက်ထဲ ဝင်ရောက်မှုတိုးတက်လာ ရင်လာမယ့်နှစ်မှာ ဈေးနှုန်းကျဆင်းနိုင်တယ်လို့ ဆိုပါတယ်။ လက်ငင်းဈေးကွက်များမှာ လက်ရှိ လက်ကျန်အိတ် ပေါင်း ၆-၈ သိန်းအတွင်းရှိပြီး လစဉ်ပျမ်းမျှစားသုံးမှုဟာ အိတ် ၂- ၂ ဒသမ ၅ သိန်း ရှိတာကြောင့် ထုတ်လုပ်မှု ခန့်မှန်းချက်များကို ကြည့်ခြင်းအားဖြင့် နနွင်းအသစ်ဝင်ရောက်လာမယ့် လာမယ့်နှစ်မှာ ဈေးနှုန်းကျဆင်းနိုင ်တယ်လို့ ဆိုပါတယ်။ ဒါပေမဲ့ ပြည်ပဝယ်လိုအားနဲ့ ပြည်တွင်းဝယ်ယူမှုတို့က ဈေးနှုန်းဦးတည်ချက်ကိုဆုံးဖြတ်လိမ့်မယ်လို့Ms Rao  နဲ့ Mr James  တို့က ဆိုပါတယ်။                                                                                                      ယမင်းခင်၊ှSources: Businessline

 မူဆယ်နယ်စပ်မှ မန်ကျည်းမှည့် (အစေ့ပါ) ပို့       မူဆယ် ၁ဝ၅ မိုင် နယ်စပ် ကုန်သွယ်ရေးစခန်းမှတစ်ဆင့် မန်ကျည်း မှည့် (အစေ့ပါ) ၇၂ တန်ကျော် ကန် ဒေါ်လာ ၃၁ဝဝဝ ဖိုးတရုတ်နိုင်ငံ သို့ယခုအပတ်မှာ တင်ပို့နိုင်ခဲ့ပါတယ်။ မန်ကျည်းမှည့်အစေ့ပါကို စစ်တွေ နယ်စပ်မှနည်းနည်းနဲ့ ပုံမှန်သာ ခု ဂဏန်းမျှ တင်ပို့လေ့ရှိပြီးရံဖန် ရံခါ မူဆယ်နယ်စပ်မှ ဆယ်ဂဏန်းမြင့်မြင့် တင်ပို့လေ့ရှိရာ ယခုအပတ်မှာ မူဆယ် နယ်စပ်မှ တင်ပို့ခဲ့ခြင်းဖြစ်ပါတယ်။ မန္တလေး၊ မကွေးနဲ့စစ်ကိုင်းတိုင်း ဒေသကြီး များကထွက်ရှိတဲ့ မန်ကျည်းမှည့် (အစေ့ပါ)များကို တင်ပို့နေခြင်း ဖြစ် ပါတယ်။ ဧပြီလမှ စက်တင်ဘာလထိ မန်ကျည်းမှည့် (အစေ့ပါ) တန် ၂၁ဝ ကျော်နယ်စပ်စခန်းများမှ တင်ပို့ထားပြီး ဖြစ်တယ်လို့ သိရပါတယ်။                                                                                                                               MIRT (DOBT)

ပစ္စည်းသန့် လက်ကျန်နည်းနေပြီဖြစ်တဲ့ ပင်လောင်းနနွင်း      ရှမ်းနနွင်းသန့်တွေက အောင်ပန်း၊ တောင်ကြီးဈေးကွက်တွေမှာ လက်ကျန်က ကုန်သလောက်ဖြစ်သွားပြီလို့ သိရပါတယ်။ ပစ္စည်းလက်ကျန်ကလည်း ပင်လောင်းမှာသာရှိပါတော့တယ်။ ပြည်ပက ဝယ်လက်ရှိပေမဲ့ နနွင်းသန့်က ရှားနေ တာကြောင့် အရောင်းအဝယ်အေးနေတယ်လို့ သိရပါတယ်။ ဟိုးပုံး၊ အောင်ပန်း (ဆင်တောင်) အင်းလေးတကြောကထွက်တဲ့ နနွင်းသန့် တွေကတော့ ပြည်ပ ဝယ်လို အားကောင်းတာကြောင့် ဈေးကွက်မှာ ပစ္စည်းပြတ်သွား ပါတယ်။ လက်ကျန် ပင်လောင်းနနွင်း ကလည်း အရည်အသွေးညံ့တာကြောင့် ဈေးကွက်မှာ ရောင်းပန်း သိပ်မလှပါဘူး။ အောင်ပန်းဈေးကွက်မှာ ဒီတစ်ပတ်နနွင်း ပေါက်ဈေးက နနွင်းသန့် တစ်ပိဿာ ၃၃ဝဝ ကျပ်၊ နနွင်းညံ့ ၂၇ဝဝ ကျပ်-၂၈ဝဝ ကျပ်ဈေးရှိပြီး နနွင်းခါးက ၁၅ဝဝ ကျပ်၊ ၁၆ဝဝ ကျပ်၊ နနွင်းခေါင်းက တစ်ပိဿာ ၂၁ဝဝ ကျပ်-၂၂ဝဝ ကျပ် ဈေးရှိပါတယ်။ တောင်ကြီးဈေးကွက်မှာတော့ နနွင်းတစ်ပိဿာ ၃ဝဝဝ ကျပ်ဈေးနဲ့ဈေးငြိမ်နေတယ်လို့သိရပါတယ်။                                                                                                       ဧဧခိုင်

အောင်ပန်းချင်းသစ်ဈေးကွက်ဝင်ပြီ    အောင်ပန်းဒေသတစ်ဝိုက် ရွာတွေကနေ ချင်းသစ်တွေ အတော် များများ က ဈေးကွက်ထဲကို ဝင်လာနေပါပြီ။အခါနားနီး နေပြီဖြစ်လို့ တောင်သူတွေက ဖော်ပြီးရောင်းနေကြပါတယ်။ ပြီးခဲ့တဲ့ အပတ်ကထက် အဝင်များလာသလို ပစ္စည်းအရည်အသွေး ကလည်း ကောင်းလာပါပြီ။ ချင်း (ဥမ) တွေကတော့ ကုန်သည် လက်ကျန် အနည်းငယ် လောက်သာကျန်ရှိပြီး တစ်ပိဿာကို ၈ဝဝ ကျပ်၊ ၉ဝဝ ကျပ်ဈေးရှိတယ်လို့ သိရပါတယ်။ ချင်းသစ်တွေက အောင်ပန်းမြို့နယ် အနီးအနား ရွာ တွေကနေ အောင်ပန်း ဈေးကွက်ကို တစ်ရက် ပိဿာချိန် သုံးထောင် လောက် ဝင်တာ ကြောင့် ၅ ရက်တစ်ဈေးကို ပိဿာချိန် တစ်သောင်းခွဲ ခန့် ဝင်နေပါတယ်။ ဝင်သလောက်လည်းပြန်ပြီး အရောင်းသွက်တယ်လို့ သိရပါတယ်။           ချင်းသစ်တွေကိုတော့ လောလောဆယ်မှ ပြည်တွင်းသုံးအဖြစ် ဝယ်ယူ နေတာကြောင့် ချင်းတက်ဈေး ကလည်း ယခင်အပတ်ကထက် ဈေးအနည်းငယ် ထပ်တက်လာပါတယ်။ ချင်းသစ်ဈေးက ဒီတစ်ပတ်မှာ ၆၅ဝ ကျပ်၊ ၇ဝဝ ကျပ်ဈေး ရှိပြီး ချင်းခြောက်ကတော့ တစ်ပိဿာ ၂၈ဝဝ ကျပ်၊ ၂၉ဝဝ ကျပ်ဈေးရှိပါတယ်။ တောင်ကြီး ဈေးကွက်မှာတော့ ချင်းခြောက်ဈေးက တစ်ပိဿာ ၃ဝဝဝ ကျပ်ဈေး ရှိတယ်လို့ သိရပါတယ်။                                                                                                                                     ဧဧခိုင်