ပြောင်း သစ်လှိုင်လှိုင်ထွက်ပြီ    ၂ဝ၁ဝ-၂ဝ၁၁ ပြောင်းရာသီစပြီဖြစ်တဲ့အတွက် မြန်မာ-တရုတ်နယ်စပ်မူဆယ် ၁ဝ၅ မိုင်ကုန်စည်ဒိုင်သို့ ယခုအပတ်မှာ ပြောင်းဖူးစေ့များ ဝင်ရောက်မှုများလျက်ရှိပါတယ်။ အောက်တိုဘာ ၆ ရက်မှ ၁၂ ရက်ထိကာလအတွင်း မူဆယ်နဲ့ လွယ်ဂျယ်နယ်စပ်ကုန်သွယ်ရေးစခန်းများက တစ်ဆင့် တစ်ဘက်တရုတ်နိုင်ငံသို့ ပြောင်းဖူးစေ့ တန်ချိန် ၈၉၉ဝ နီးပါး၊ တန်ဖိုးအားဖြင့် ကန်ဒေါ်လာ ၂ ဒသမ ၂၄၅ သန်းဖိုးတင်ပို့နိုင်ခဲ့ပါတယ်။ ယခင်အပတ်ကထက် ပြောင်းဖူးစေ့ တန်ချိန် ၂၅၅ဝ ပိုမိုတင်ပို့ နိုင်ခဲ့တာဖြစ်ပါတယ်။ ပြောင်းအသစ်များ လှိုင်လှိုင်ထွက်ရှိလာပြီဖြစ်လို့ အမြတ်နည်း နည်းနဲ့ အရေအတွက်များများကို ပြောင်းပို့ကုန်သမားများ တင်ပို့နေကြတယ်လို့ သိရပါတယ်။ အောက်တိုဘာလ ၁၂ ရက်နေ့ပြောင်းဖူးစေ့ တစ်တန်ပေါက်ဈေးများမှာ မိမိဘက်မြေပြင် ၂၂၈၆၅၆ ကျပ်ရှိပြီး တစ်ဘက်နိုင်ငံပေါက်ဈေးက ယွမ် ၁၇ဝဝ မှ ၁၇၈ဝ ဝန်းကျင်ရှိပါတယ်။ ဧပြီလမှအောက်တိုဘာလဆန်းထိ ကာလ အတွင်း သြဂုတ်လ ဒုတိယပတ်မှာ ပြောင်းဖူးစေ့ ပေါက်ဈေးဟာ မိမိဘက်မှာ၃၁၇၂၂၃ ကျပ်နဲ့ တစ်ဖက်နိုင်ငံ ပေါက်ဈေး ၂၁၆ဝ ဒေါ်လာ (ယွမ် ၃၂ဝ )နဲ့ ယခု နှစ်ဝက်ကာလအတွက် အမြင့်ဆုံး ဈေးရရှိခဲ့ ပါတယ်။ ယခုအပတ်နဲ့ ယခင် အပတ် ပြောင်းဈေးများကို နှိုင်းယှဉ်ဖော်ပြပေးလိုက်ရပါတယ်                             မိမိဘက်(ကျပ်/တန်)                     တစ်ဘက်နိုင်ငံ(ယွမ်/တန်)                        ယခု          ယခင်     ပြောင်းလဲမှု   %    ယခု      ယခင်      ပြောင်းလဲမှု          %ပြောင်းဖူးစေ့    ၂၂၈၆၅၆     ၂၄၄ဝ၅၁    ၁၅၃၉၅      ၇      ၂၆၅       ၂၆၃         ၂                 ဝ .၈နံှစားပြောင်း     ၃၁၁ဝ၈၃     ၃ဝ၄၇၁၉     ၆၃၆၄      ၂       ၃၆၃       ၃၃၁          ၃၂                ၉MIRT (DOBT)

 အရောင်းအဝယ်ပါးတဲ့ ရော်ဘာ       ရော်ဘာဈေးနှုန်းဟာ တစ်ဘက်နိုင်ငံမှာ စက်တင်ဘာလကုန်ပိုင်းမှစပြီး ယနေ့အထိ ဈေးနှုန်းပြောင်းလဲမှု မရှိဘဲတည်ငြိမ်နေတာတွေ့ရှိရပါတယ်။ ဘဏ္ဍာနှစ်ဝက်ကာလအတွင်းမှာ သြဂုတ်လနှောင်းပိုင်းမှာ ရော်ဘာဈေး အမြင့်ဆုံး ရရှိခဲ့ပါတယ်။ စက်တင်ဘာလဆန်းကစပြီး မိမိဘက်ဈေးလျော့ကျခဲ့သော်လည်း တစ်ဖက်နိုင်ငံဈေးကတော့ မြင့်တက်လျက်ရှိပါတယ်။တရုတ်နိုင်ငံဘက်မှာ စက်မှုလုပ်ငန်းများ ပိုမိုဖွံ့ဖြိုးတိုးတက်တဲ့အတွက်ရော်ဘာဝယ်လိုအား ပိုမိုမြင့်တက်မဲ့အလားအလာရှိသော်လည်း ယခုအပတ်မှာ အရောင်းအဝယ်ပါးလျက် ရှိပါတယ်။ အောက်တိုဘာလ ၆ ရက်မှ ၁၂ ရက်ထိကာလအတွင်းမှာရော်ဘာ ၅၆၇ တန်ကျော်တန်ဖိုးအားဖြင့် ကန်ဒေါ်လာ ၁ ဒသမ ၇ဝ၇ သန်းဖိုးတင်ပို့နိုင်ခဲ့ပါတယ်။ ယခင်အပတ်ကထက်၄၈၇ တန် ယခုအပတ်မှာ လျော့နည်းတင်ပို့ ခဲ့တယ်လို့သိရပါတယ်။ စခန်းများမှအဆင့်လိုက်ရော်ဘာတင်ပို့နိုင်မှုတွေကတော့မူဆယ်မှRSS  (၃) ၂၉၃ တန်နီးပါး၊ RSS (၅) ၃၄ တန်၊MSR (၂ဝ) ၃၉ တန်ကျော်၊ MSR  (၅ဝ)၆၉ တန်ကျော်၊ ဖြတ်စ ၅၁ တန်ကျော်၊ ချင်းရွှေဟော်နယ်စပ်စခန်းမှ RSS (၃) ၅၁ တန်နဲ့မြိတ်နယ်စပ်မှ MSR (၃ဝ) တန် ၃ဝ ဖြစ်ပြီး တန်ဖိုးအားဖြင့် ကန်ဒေါ်လာ ၁ ဒသမ ၇ဝ၇ သန်းဖိုးတင်ပို့နိုင်ခဲ့ပါတယ်။ ကရင်ပြည်နယ်၊ မွန်ပြည်နယ်နဲ့ တနင်္သာရီ တိုင်းဒေသကြီး များမှ ထွက်ရှိတဲ့ ရော်ဘာများကို တစ်ဖက်နိုင်ငံသို့တင်ပို့နေခြင်းဖြစ်ပါတယ်။မိမိဘက်နှင့်တစ်ဘက်နိုင်ငံ မြေပြင် ပေါက်ဈေးများ ထူးထူးခြားခြားပြောင်းလဲမှုမရှိတာ တွေ့ရပါတယ်                        မိမိဘက်(ကျပ်/တန်) တစ်ဘက်နိုင်ငံ(ယွမ်/တန်)                ယခု          ယခင်     ပြောင်းလဲမှု      %        ယခု     ယခင်      ပြောင်းလဲမှု          %RSS (၃)   ၂၉၆၈၄၇၄  ၂၉၆၈၄၇၄          -           -        ၃၂၃၆     ၃၂၃၇         ၁             ဝ.ဝ၃RSS (၅)  ၂၈၄၇ဝ၁၄  ၂၈၄၇ဝ၁၄           -           -        ၃ဝ၅၈     ၃ဝ၅၈                           -MIRT (DOBT)

စက်တင်ဘာကစပြီး ပင်လယ်ရေကြောင်း အသွင်းပို     ပြီးခဲ့တဲ့သီတင်းပတ် အောက်တိုဘာ ပထမရက်သတ္တပတ်မှာ ပင်လယ်ရေ ကြောင်းက အဝင်တန်ချိန် ၄၇ဝဝဝ လောက် အဝင်ပိုခဲ့တာကြောင့် ယခုရက်သတ္တ ပတ်မှာ တန်ချိန် ၇၆၇ဝ သာ ရေကြောင်းကနေသွင်းခဲ့တာ တွေ့ရပါတယ်။ ဆင်တံ ဆိပ်နဲ့ စိန်တံဆိပ်ဘိလပ်မြေများ ဝင်လာတာဖြစ်ပြီး ထိုင်းနိုင်ငံဘက်က တန်ချိန် ၇၄ဝဝ နဲ့ ပါကစ္စတန်ဘက်ကတန်ချိန် ၂၇ဝ ဝင်လာပါတယ်။ ပြည်တွင်းသွင်းဈေး ကတော့ တစ်တန်ကို စီအိုင်အက်ဖ် ၈၅ ဒေါ်လာဖြစ်ကြောင်း သိရပါတယ်။ သြဂုတ်လမှာ မိုးပိုတာကြောင့် အသွင်းနှေးသွားခဲ့ရာကနေ စက်တင်ဘာလမှာ ၆၄ဝဝဝ ကျော်နဲ့ တဖြည်းဖြည်းပြန်လည် အသွင်းအင်အား ကောင်းခဲ့သလို ဒေသ တွင်းသုံးစွဲသူတွေရဲ့ ဝယ်လက်တွေလည်း နည်းနည်းပြန်တက်လာတယ်လို့ သိရပါ တယ်။ MIRT (DOT)

 ကွန်ပေါင်းမြေဆီအရည်တင်သွင်း     ပင်လယ်ရေကြောင်းတင်သွင်းမှုနည်းလမ်းနဲ့ ပြည်တွင်းစိုက်ပျိုးရေးဈေးကွက် အတွက် ကွန်ပေါင်းမြေသြဇာအဝင်က အောက်တိုဘာ ၄ ရက်နေ့ကနေ ၁ဝ ရက် နေ့တာကာလအတွင်း တန်ချိန် ၄၂၇ ဒသမ ၃ တန် တင်သွင်းခဲ့တာတွေ့ရပါတယ်။အဓိကတင်သွင်းတဲ့ဈေးကွက်ကတော့ ထိုင်းနိုင်ငံဖြစ်ပြီး ကွန်ပေါင်းမြေဆီ ၄၈ဝ တန် စီအိုင်အက်ဖ်ကန်ဒေါ်လာ ၃၁၅ နဲ့ တင်သွင်း ခဲ့ပါတယ်။ အလားတူ တရုတ် (တိုင်ပေ)ဘက်ကလည်း ကွန်ပေါင်းမြေဆီအရည်ကို မြေသြဇာအဖြစ်တန်ချိန် ၁၉ ဒသမ ၃တန်ကို သွင်းဈေး စီအိုင်အက်ဖ် ၆ဝ ဒသမ ၆ ဒေါ်လာနဲ့ ဈေးကွက်ဖြန့်ဖို့ တင်သွင်းလာတာ တွေ့ရပါတယ်။                                                                                                                                   MIRT (DOT)