ရာသီချိန်ခါမီ နို့စိမ်းအဝင်ပိုခဲ့           နို့ဆီနဲ့နို့စိမ်း ပြည်တွင်းသုံးအတွက် စက်တင်ဘာလအတွင်း ပင်လယ်ရေ ကြောင်းကနေ တင်သွင်းမှုကတော့ကန်ဒေါ်လာ ၃ ဒသမ ၅ သန်းဖိုးခန့် တင်သွင်းခဲ့ပြီး ယခင် ၂ဝဝ၉ စက်တင် ဘာလတင်သွင်းမှုထက် နှစ်ဆနီးပါး ဒီနှစ်အဝင်ပိုခဲ့တာ တွေ့ရပါတယ်။     ယခင်လဖြစ်တဲ့ ၂ဝ၁ဝ သြဂုတ်လ ထက်လည်း မုန့်ဖုတ်လုပ်ငန်းများ အတွက် အသုံးပိုတဲ့အတွက် အသွင်း တန်ဖိုး ကန်ဒေါ်လာ ခြောက်သိန်းဖိုး လောက် ပြည်တွင်းအဝင် ပိုခဲ့ပါတယ်။ ရက်သတ္တပတ်အတွင်း အဝင်ကတော့ စက်တင်ဘာ ၂၇ ရက်မှ အောက်တိုဘာ ၃ ရက်ကာလအတွင်း ပင်လယ်ရေ ကြောင်းကနေ နို့ဆီတန်ချိန် ၂ဝ၈ ဒသမ ၇၇ တန်၊ တန်ဖိုးအားဖြင့် ကန် ဒေါ်လာ ၂၂၈၉၆၃ဒသမ ၈၆ ဒေါ်လာ ဖိုးကို စင်ကာပူနိုင်ငံဘက်က တင်သွင်း လာတာ တွေ့ရပါတယ်။      နို့စိမ်းအဝင်မှာ ဒွန်းတံဆိပ်တွေကို အများဆုံးတင်သွင်းခဲ့ပြီး နို့ဆီကမာရီဂိုး နဲ့ အိုကေနို့ဆီများ ဝင်လာခဲ့ပါတယ်။ နို့စိမ်း စုစုပေါင်း အဝင်ကတော့ တန်ချိန် ၆၄၈ ဒသမ ၁၅ တန်၊ တန်ဖိုးအားဖြင့် ကန်ဒေါ်လာ ၆၃၅၂၈ဝ ဒသမ ၄၄ ဒေါ်လာဖိုးကို ဖောက်သည်နိုင်ငံဖြစ်တဲ့ စင်ကာပူနိုင်ငံဘက်က တင်သွင်းလာ တာတွေ့ရပါတယ်။ ယခင်သီတင်းပတ် နို့ဆီအဝင်နဲ့ ယှဉ်ကြည့်ရင် သီတင်း ကျွတ်ခါတော်မီ ကာလဖြစ်ပေမဲ့ နို့ဆီ အဝင်က သုံးဆနီးပါးလျော့ဝင်လာတာ တွေ့ရပါတယ်။ နို့စိမ်းအဝင်ကတော့ ရာသီချိန် မုန့်ဖုတ်လုပ်ငန်း သုံးများတာ ကြောင့် ၁၆၈ ဒသမ ၃ တန် အဝင်ပိုခဲ့တာ တွေ့ရပါတယ်။                                                                                                    MIRT (DOT)

 မန်ကျည်း စက်တင်ဘာအပို့ ယခင်လထက်ကျ      ပြည်တွင်းဒေသထွက်မန်ကျည်း ကို ပြည်ပနိုင်ငံဈေးကွက်သို့ ရေ ကြောင်း ကနေ တင်ပို့ ရာမှာ စက်တင် ဘာလအတွင်း တန်ချိန် ၈၈ တန်၊ တန်ဖိုး ၃၄၃၂ဝ ဖိုး တင်ပို့နိုင်ခဲ့ပါတယ်။ ယခင်သြဂုတ်လအပို့ထက် တန် ၅ဝ ကျော်ကျော် အပို့လျှော့ကျ သွားတာ တွေ့ရပါတယ်။ ပြည်တွင်းသုံးအတွက် အဓိကစုဆောင်းလျက်ရှိ နေတာ ကြောင့် နဲ့ အထွက်နည်းတဲ့ ကာလဖြစ် လို့ အပို့လည်း ခပ်ပါးပါးပဲရှိခဲ့ပါတယ်။ သြဂုတ်လအတွင်းက အိန္ဒိယဘက်ကို ပို့နိုင်ခဲ့ပေမဲ့ စက်တင်ဘာလမှာတော့ အိန္ဒိယ အစား အာရပ်စော်ဘွားနိုင်ငံ ဘက်ကိုပဲ အလှည့်ပေးခဲ့ပါတယ်။ စက်တင်ဘာ ၂၇ ရက်မှ အောက်တိုဘာ ၃ ရက် ရက်သတ္တပတ်ကာလအတွင်း ပင်လယ်ရေကြောင်းလမ်းက နေ မန်ကျည်းတင်ပို့မှုက တန်ချိန် ၄၄ည တန်၊ တန်ဖိုးကန်ဒေါ်လာ ၁၄၅၂ဝ ဖိုးတင်ပို့နိုင်ခဲ့ပါတယ်။ တင်ပို့ခဲ့တဲ့ ကုန်သွယ်ဖက်နိုင်ငံက တော့ အာရပ် စော်ဘွားများပြည်ထောင်စုနိုင်ငံပဲ ဖြစ်ပြီး တစ်တန်ကို ပျမ်းမျှ အက်ဖ် အိုဘီ ၃၃ဝ ဒေါ်လာနဲ့ တင်ပို့နိုင်ခဲ့ ပါတယ်။ ယခင်သီတင်းပတ်မှာ အပို့မ ရှိဘဲ ယခု တစ်ပတ်မှာစုဆောင်းပြီး ပြန် လည် တင်ပို့နိုင်ခဲ့တာတွေ့ရပါတယ်။MIRT (DOT)

အဝယ်သွက်တာကြောင့် အိန္ဒိယနနွင်းဈေးမြင့်လာ     ဒူဘိုင်းမှ အဝယ်အချို့ရှိခြင်းနဲ့ ပွဲတော်ကာလ ပြည်တွင်းအဝယ်တက်လာ တာကြောင့် အောက်တိုဘာလ ၆ ရက်မှာ နနွင်းဈေး ၂ ဒသမ ၆၈ ရာခိုင်နှုန်း မြင့်တက်ခဲ့တယ်လို့ သိရပါတယ်။ ဒါပေမဲ့လည်း လက်ငင်းဈေးကွက်တွေကို နနွင်းဝင် ရောက်မှု တိုးတက်နေ တာကြောင့် ဈေးဆက်တက်ဖို့မလွယ်ဘူးလို့ ခန့်မှန်းကြပါတယ်။ နီဇမ်မာဘတ် လက်ငင်းဈေးကွက်မှာ တစ်တန်ကို ရူပီး ၁ဝဝဝ (ကန်ဒေါ်လာ ၂၃) မြင့်တက်ပြီး ရူပီး ၁၄၇ဝဝဝ (ကန်ဒေါ်လာ ၃၃၃၆) ဈေးနဲ့ အရောင်းအဝယ် ဖြစ်ခဲ့တယ်လို့ သိရပါတယ်။ နနွင်း ဝင်ရောက်မှုအနေနဲ့ နီဇမ်မာ ဘတ်ဈေးကွက်ကို အိတ် ၅ဝဝ ဝန်းကျင်နဲ့ ပုံမှန်ဝင်ရောက်နေပြီး အီရော့ ဈေးကွက်ကို အိတ် ၇ဝဝဝ ခန့်ဝင်ရောက်တယ်လို့ သိရပါတယ်။ အင်ဒရာပရာဒေ့ရှ်ဒေသမှာ နနွင်းစိုက်ပျိုးမှု ရာနှုန်းပြည့် ပြီးစီးပြီလို့ သိရပါတယ်။ ဟင်းခတ် အမွှေးအကြိုင်အဖွဲ့ စာရင်းအရ နယူးယောက်ဈေးကွက်မှာ နိုင်ငံတကာနနွင်းဈေးနှုန်းဟာ စက်တင်ဘာလ ၂၄ ရက်မှာ ကုန်ဆုံးတဲ့ သီတင်းပတ် အတွင်း တစ်တန်ကို ကန်ဒေါ်လာ ၅ဝ၇ဝ ဝန်းကျင်ရှိခဲ့လို့ ယခင်နှစ်ကာလတူထက် တစ်တန်ကို ကန်ဒေါ်လာ ၂၄၃ဝ ခန့်မြင့်တက်ခဲ့တယ်လို့ သိရပါတယ်။                                                                                                                ယမင်းခင်၊Sources: commodityonline

စက်တင်ဘာမှာ နနွင်းအပို့လျော့      ပင်လယ်ရေကြောင်းကုန်သွယ်မှုလမ်းကနေ နနွင်းတန်ချိန် ၁၁ တန်ကို စက်တင်ဘာ ၂၇ ရက်မှ အောက်တိုဘာ ၃ ရက်နေ့ကာလအတွင်း တင်ပို့ခဲ့ပါတယ်။ တင်ပို့ခဲ့တဲ့ ကုန်သွယ်ဖက်နိုင်ငံကတော့ ကိုရီးယားနိုင်ငံပဲဖြစ်ပါတယ်။ တစ်တန်ကို အက်ဖ်အိုဘီ ၁၄၅၅ ဒေါ်လာဝန်းကျင်နဲ့ တင်ပို့ခဲ့တာကြောင့်  စုစုပေါင်းပို့ကုန်ဝင်ငွေ ၁၅၉ဝဝ ဒေါ်လာရရှိခဲ့ပါတယ်။ လချုပ်အနေနဲ့ လေ့လာပါက ယခင်သြဂုတ်လရဲ့ စုစုပေါင်း ပို့ကုန်တန်ချိန် ၁၆၈ တန်ဖြစ်ပြီး စက်တင်ဘာလရဲ့ ပို့ကုန်တန်ချိန် ၉၃ ဒသမ ၁ တန်ဖြစ်တာကြောင့် ၇၅ တန်နီးပါးအပို့လျော့ နည်းခဲ့ ပါတယ်။ စက်တင်ဘာလအတွင်း တင်ပို့ခဲ့တဲ့ ကုန်သွယ်ဖက် နိုင်ငံတွေကတော့ ကိုရီးယားနိုင်ငံကို အက်ဖ်အိုဘီ ၁၅ဝဝ ဈေးနဲ့တန်ချိန် ၁၉ တန်၊ ထိုင်းနိုင်ငံဘက်ကို အက်ဖ်အိုဘီ ၁၄၅၅ ဒေါ်လာဈေးနဲ့ ၃၅ ဒသမ ၅ တန်၊ မလေးရှားကို ၂၄ တန်နဲ့ ရီမင်နိုင်ငံကို အက်ဖ်အိုဘီ ၁၅ဝဝ ဈေးနဲ့ ၁၅ တန်ခန့်တင်ပို့ နိုင်ခဲ့ပါတယ်။                                                                                                                               MIRT (DOT)