Background
ပြည်ချင်းဈေးကွက် လက်လီဝယ်ယူမှုများ ပြည်ဈေးကွက်သို့ ရှမ်းပြည်နယ်တောင်ကြီး၊ အောင်ပန်းမှ တစ်ရက်ခြား၊နှစ်ရက်ခြားဆိုသလို ချင်းများ ဝင်ရောက် လျက်ရှိပါတယ်။ ပြည်ဈေးကွက်မှာ ချင်းကိုလက်လီဝယ်ယူမှုများပြီး ပြည်ဈေးကွက်မှ တစ်ဆင့် ရခိုင်ပြည်နယ် တောင်ကုတ် သို့အပတ်စဉ်တင်ပို့လျက်ရှိပါတယ်။ ချင်းဈေးနှုန်းမှာ ယခင်တစ်ပတ်ဈေးအတိုင်းတစ်ပိဿာလျှင် ၁၂ဝဝ ကျပ်ဖြင့် အရောင်းအဝယ်ဖြစ်လျက် ရှိပါတယ်။ဆုမွန်ဆွေ
လက်ကျန်နည်းလာပေမဲ့ ပုံမှန်အရောင်းအဝယ်ရှိတဲ့ ရှမ်းချင်း ဒီတစ်ပတ်ဈေးကွက်ထဲမှာ ချင်းစိုတွေ နည်းနေပါပြီ။ ဟိုပုံးမြို့နယ်ကထွက်တဲ့ ချင်းတွေကလည်း လှောင်လက်တွေမှာ ပိဿာချိန် ထောင်ဂဏန်းလောက်သာ ကျန်တော့တယ်လို့ သိရပါတယ်။ အောင်ပန်းနယ် တစ်ဝိုက်မှာ မတ်လကစိုက်ခဲ့တဲ့ ချင်းစိုတွေက အောက်တိုဘာလမှာ ဈေးကွက်ကိုစပြီး ဝင်လာမှာ ဖြစ်ပါတယ်။ စပေါ်စမှာ အနုတွေသာ ဈေးကွက်ကိုဝင်လာမှာဖြစ်လို့ တာရှည်အထားမခံနိုင်သေးပါဘူး။ နိုဝင်ဘာလလောက်မှသာ အရင့်တွေဝင်လာ မှာဖြစ်ပါတယ်။ ဟိုပုံးနယ်မှာတော့ ဧပြီလမှ စပြီးစိုက်တာကြောင့် ဈေးကွက်ကို အဝင်နောက်ကျမှာဖြစ်ပါတယ်။ ဒီနှစ်က ချင်းအထွက်နည်းမယ်လို့ ဒေသခံတွေက ခန့်မှန်းကြ ပါတယ်။စပြီးစိုက်တဲ့ မတ်၊ ဧပြီလမှာ အပူချိန်ပြင်းတာကြောင့် ချင်းအစိုမြေကြီးထဲမှာ ပုပ်သွားတယ်လို့ ချင်းစိုက် တောင်သူတွေထံက သိရပါတယ်။ အရင်က ချင်းပိဿာချိန်၁ဝဝဝ စိုက်ရင် ဥမက ပိဿာ ၈ဝဝ လောက်ပြန်ထွက် ပေမဲ့ ဒီနှစ်တော့ ၃ဝဝပိဿာလောက်သာထွက်နိုင်တယ်လို့ သိရပါတယ်။ ဒီတစ်ပတ်ချင်းစိုဈေးကတောင်ကြီး ဈေးကွက်မှာ တစ်ပိဿာ ၈၅ဝ ကျပ်၊ ၉ဝဝ ကျပ်ရှိပြီး ချင်းခြောက်ဈေးကတော့ ၂၅၅ဝ ကျပ်ဈေးရှိပါတယ်။ အောင်ပန်းဈေးကွက်မှာတော့ချင်းစိုဈေးက တစ်ပိဿာ ၉ဝဝ ကျပ်၊ ၉၅ဝ ကျပ်၊ ချင်းခြောက်တစ်ပိဿာ ၂၃ဝဝကျပ်ဈေးရှိပါတယ်။ စစ်တွေဝယ်လက်တွေ ဝယ်ယူနေတာကြောင့် တစ်ပတ်အတွင်းချင်းပိဿာချိန် ၁ ဒသမ ၁ သိန်း အရောင်းအဝယ် ဖြစ်ခဲ့တယ်လို့ အောင်ပန်းပွဲရုံတွေက သိရပါတယ်။ဧဧခိုင်
ရေလွှမ်းမိုးမှုကြောင့် ကြံသီးနံှများ ပျက်စီးခဲ့တဲ့ ပါကစ္စတန်မှသကြားတန်ချိန် တစ်သန်းဝယ်ယူဖွယ်ရှိ အာရှမှာတတိယမြောက် သကြားအများဆုံးသုံးစွဲတဲ့ ပါကစ္စတန်နိုင်ငံဟာ ဆိုးဝါးပြင်းထန်တဲ့ ရေလွှမ်းမိုးမှုကြောင့် နိုင်ငံကြံ စိုက်ပျိုးမှုရဲ့ ၁၅ ရာခိုင်နှုန်းခန့် ပျက်စီးခဲ့ရတဲ့အတွက် လာမယ့်နှစ်မှာသကြားတန်ချိန် တစ်သန်းခန့်အထိ တင်သွင်းရဖွယ်ရှိတယ်လို့ ပါကစ္စတန်စိုက်ပိုျးရေးဖိုရမ် ဥက္ကဌ အီဘရာဟင်မူဂါးလ် မှပြောကြားပါတယ်။ ကြံသီးနံှများထွက်ရှိမှု နည်းပါးသွားတာကြောင့် ၂ဝ၁၁ ခုနှစ်မှာ သကြားတန်ချိန် ၃ ဒသမ ၅ သန်းထုတ်လုပ်ဖို့ ရည်မှန်းရာမှ တန်ချိန် ၃ သန်းခန့်သာထုတ်လုပ်နိုင်တော့မယ်လို့လည်း၎င်းက ပြောကြားပါတယ်။ ဒါကြောင့် လိုအပ်ချက်ကို ဖြည့်ဆည်းဖို့ သန့်စင်ပြီးသကြား (သို့မဟုတ်) သကြားကြမ်းတန်ချိန်တစ်သန်း တင်သွင်းဖို့ လိုအပ်မယ်လို့ ဆိုပါတယ်။ပါကစ္စတန်နိုင်ငံဟာ တစ်နှစ်ကို သကြားတန်ချိန် ၄ သန်းခန့် စားသုံးမှုရှိပြီးဈေးနှုန်းမြင့်တက်နေတဲ့ ပြည်တွင်းဈေးကျဆင်းအောင်နဲ့ ပြည်တွင်းဖြန့်ဖြူးမှု အလုံအလောက်ဖြစ်ရေး တင်သွင်းဖို့ လိုအပ်နေခြင်း ဖြစ်ပါတယ်။ ပြည်တွင်း သကြားဈေးအနေနဲ့ လွန်ခဲ့တဲ့ တစ်လအတွင်း ၃၈ ရာခိုင်နှုန်းမြင့်တက်ပြီး တစ်ကီလို ကိုရူပီး ၉ဝ(ကန်ဒေါ်လာ ၁ ဒသမ ဝ၅) ထိဖြစ်ခဲ့တယ်လို့ ကရာချိရှိ လက်လီ ရောင်းချသူများအသင်း အထွေထွေအတွင်းရေးမှူး Farid Qureshi မှ ပြောကြားပါတယ်။ယမုံနာ၊Sources: bloomberg.net
အရောင်းအဝယ်ပိုသွက်လာတဲ့ စစ်ကိုင်းတိုင်းကဂံျု စစ်ကိုင်းတိုင်းဒေသကြီးအတွင်းရှိ ဘုတလင်၊ ယင်းမာပင်၊ ပုလဲ၊ ဆားလင်းကြီး၊ ချောင်းဦးမြို့နယ်များက ဂံျုများ၊ မုံရွာမြို့သို့ဝင်ရောက်လာပါတယ်။ မုံရွာမြို့က တစ်ဆင့်တိုင်းဒေသကြီးပြင်ပကို စီးထွက်မှုအများဆုံးသီးနံှက ဂံျုဖြစ်ပါတယ်။ မုံရွာမှ မန္တလေးသို့ ၂ဝ၁ဝ ခု သြဂုတ်လမှာ တစ်တင်းခွဲဝင်ဂံျုအိတ် ၁၄၂၂၃ အိတ်စီးထွက်ခဲ့ပြီး၊ စက်တင်ဘာ ၉ ရက်နေ့ထိ ၂၈၂၇ အိတ် စီးထွက်ခဲ့ပါတယ်။ ဂံျုဖြူသန့်တစ်ပိဿာအနိမ့်အမြင့်ဈေးများမှာ ၂ဝ၁ဝ ခု သြဂုတ်လအတွင်း ၅၈၅ကျပ်-၇၈ဝကျပ်၊ စက်တင်ဘာပထမပတ်အတွင်း ၆၉ဝ ကျပ်- ၇၇၅ ကျပ်၊ ဂုံျအထွက် တိုးတစ်ပိဿာဈေးမှာ သြဂုတ်လအတွင်း ၅၂၅ ကျပ်-၆၇၅ ကျပ်၊ စက်တင်ဘာ ပထမပတ်အတွင်း ၆၄ဝ ကျပ်-၆၇၅ ကျပ် ဈေးအသီးသီးနဲ့ အရောင်း အဝယ် ပြုလုပ်ကြပါတယ်။ မုံရွာစက်မှုဇုန်ရှိ ဂုံျစက် ၂ဝလုံးမှ နေ့စဉ်သုံးစွဲမှုရှိသလိုတိုင်းဒေသကြီးပြင်ပစားသောက်ကုန် လုပ်ငန်းရှင်များက မုံရွာမြို့သို့လာရောက်ဝယ်ယူမှုရှိလို့ မုံရွာကုန်စည်ဒိုင်မှာ နေ့စဉ်တင်း ၁၅ဝဝ ကျော်အရောင်းအဝယ် ဖြစ်ကြောင်း သိရပါတယ်။ သန်းသန်းတင်
ပြောင်းကြိတ်ဖတ် (အကျစ်) တင်ပို့မှု မူဆယ် (၁ဝ၅) မိုင်နယ်စပ်ကုန်သွယ်ရေးစခန်းမှ ပြောင်းဖူးစေ့ကြိတ်ဖတ်များကို အမှုန့်နဲ့ အကျစ်ခွဲပြီး တိရစ္ဆာန်အစားအစာထုတ်လုပ်ရာမှာ အသုံးပြုဖို့အတွက် တင်ပို့ခဲ့ရာ စက်တင်ဘာလ ၈ ရက်မှ ၁၄ ရက်အတွင်း ပြောင်းကြိတ်ဖတ်(အကျစ်) တန် ၇ဝ ကို တန်ဖိုးကျပ် ၈ သန်းကျော်ဖိုးကို တင်ပို့နိုင်ခဲ့ပါတယ်။ မိမိဖက်ပေါက်ဈေးက တစ်တန်ကို ၈၈ဝဝဝ ကျပ်နဲ့ တစ်ဖက်ရွှေလီဈေးကတော့ ယွမ်၈၆ဝ ရှိတယ်လို့ သတင်းရရှိပါတယ်။ မော်မော်အောင်(MIRT)
နှစ်ဟောင်းလက်ကျန်နည်းလို့ နယ်စပ်မှ ပြောင်းတင်ပို့မှု လျော့ကျလာ စက်တင်ဘာလ ၈ ရက်မှ ၁၄ ရက်ထိကာလအတွင်း မူဆယ်၁ဝ၅ မိုင်ကုန်သွယ်ရေးဇုန်မှ တစ်ဆင့် တစ်ဖက်နိုင်ငံသို့ ပြောင်းဖူးစေ့ ၁၆၃၆ ဒသမ ၂တန်၊ တန်ဖိုးအားဖြင့် ကန်ဒေါ်လာ ဝ ဒသမ ၃၇၈ သန်းနှင့် လွယ်ဂျယ် နယ်စပ် ကုန်သွယ်ရေး စခန်းမှ ပြောင်းဖူးစေ့ တန် ၁၄ဝ၊ တန်ဖိုးအားဖြင့် ကန်ဒေါ်လာ ဝဒသမ ဝ၃ဝ၈ သန်းဖိုး တင်ပို့နိုင်ခဲ့ပါတယ်။ ယခင်အပတ်မှာ မူဆယ်နဲ့ လွယ်ဂျယ်နယ်စပ်စခန်းများမှ ပြောင်းဖူးစေ့ ၄ဝ၄၂ ဒသမ ၃တန် တင်ပို့ခဲ့တဲ့အတွက်ယခုအပတ် မှာ တန်ချိန် ၂၄ဝဝ ကျော်လျော့နည်းတင်ပို့ခဲ့ပါတယ်။ ပြောင်းဖူးစေ့မှာယခင်နှစ် ဟောင်းလက်ကျန်နည်းပါးလာတဲ့အတွက် တင်ပို့မှုလျော့ကျခဲ့ရတာလို့သိရပါတယ်။ မိမိဘက်နဲ့တစ်ဘက်နိုင်ငံ မြေပြင်ပြောင်းပေါက်ဈေးများကို နှိုင်းယှဉ်ဖော်ပြ ပေးလိုက်ပါတယ်- မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၂၉၁၃၂ ၂၄၄၁၂၂ ၁၄၉၉ဝ ၆ .၅ ၁၉၇ဝ ၁၉၂ဝ ၅ဝ ၃
ဒီအပတ် စင်္ကာပူကိုပဲ ပြောင်းပို့တာရှိ စက်တင်ဘာ ၆ ရက်မှ ၁၂ ရက်ထိ ကာလအတွင်း ပင်လယ်ရေကြောင်းမှ ပြောင်း ၆၉ တန်၊ တန်ဖိုးအား ဖြင့် ဝ ဒသမ ဝ၁၈ သန်းတင်ပို့ခဲ့ပါတယ်။ပြီးခဲ့တဲ့ သြဂုတ်လတစ်လလုံးမှာ ၉၂ တန်သာ တင်ပို့မှုရှိခဲ့ပြီ ယခု စက်တင်ဘာလမှာ ပြန်လည် တင်ပို့နိုင်တာဖြစ်ပါတယ်။ တင်ပို့မှုကတော့ စင်ကာပူ တစ်နိုင်ငံတည်းသို့သာဖြစ်ကြောင်း သတင်းရရှိပါတယ်။ KZW
ယခုတစ်ပတ် မူဆယ်နယ်စပ် အပို့ကျ စက်တင်ဘာလ ၈ ရက်မှ ၁၄ ရက်ထိကာလအတွင်း မြန်မာတရုတ်နယ်စပ်ရှိ မူဆယ်နှင့် ချင်းရွှေဟော် နယ်စပ်ကုန်သွယ်ရေးစခန်းများမှ RSS (၃) ၇၈၁ ဒသမ ၈ဝဝ တန်၊ တန်ဖိုးအားဖြင့် ကန်ဒေါ်လာ ၂ ဒသမ ၃၅၅ သန်းဖိုး တင်ပို့နိုင်ခဲ့ပါတယ်။ ယခင်အပတ်က ရော်ဘာအဆင့်စုံ ၁၆ဝ၅ တန်တင်ပို့နိုင်ခဲ့တဲ့အတွက် တန်ချိန် ၈ဝဝ ကျော်ယခုအပတ်မှာလျော့နည်းတင်ပို့ခဲ့ပါတယ်။ ယခင်အပတ်နဲ့ နှိုင်းယှဉ်ပါက မိမိဘက်ဈေးကျနေပြီး တစ်ဘက်နိုင်ငံဈေး တည်ငြိမ်နေတဲ့အတွက်အရောင်းအဝယ်အေးလျက်ရှိတယ်လို့ မူဆယ် ကုန်စည်ဒိုင်မှ သတင်း ရရှိပါတယ်။ ယခုအပတ်မှာ ရော်ဘာတင်ပို့မှုများမှာမူဆယ်မှာ RSS (၃) ၅၄၁ ဒသမ ၈ တန် နဲ့ ချင်းရွှေဟော်မှ တန် ၂၄ဝ အသီးသီးတင်ပို့ခဲ့တာ ဖြစ်ပါတယ်။ ယခုအပတ်နဲ့ယခင်အပတ် ရော်ဘာပေါက်ဈေးများကို နှိုင်းယှဉ်ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ှRSS(၃) ၃ဝ၄၈၁၁၃ ၃ဝ၆၉၇၁၃ ၂၁၆ဝဝ ဝ .၇ ၂ဝဝဝဝ ၂ဝဝဝဝ -RSS(၅) ၂၉၂၇၆၁ဝ ၂၉၄၇၆၁၃ ၂ဝဝဝ၃ ဝ .၇ ၁၈၅ဝဝ ၁၈၅ဝဝ -
ပင်လယ်ရေကြောင်းက တန် ၁ဝဝဝကျော်ပို့ စက်တင်ဘာ ၆ ရက်မှ ၁၂ ရက်ကာလအတွင်း ပင်လယ်ရေကြောင်းမှ ရော်ဘာတန်ချိန် ၁ဝ၇၆ တန်၊ တန်ဖိုးအားဖြင့် ကန်ဒေါ်လာ ၃ ဒသမ ၁၉၃ သန်းဖိုးတင်ပို့ခဲ့ပါတယ်။ ယခင်ရက်သတ္တပတ်က ၄၅၅ တန်တင်ပို့ ခဲ့တာကြောင့်ယခုအပတ်မှာ ၂ ဆကျော်တိုးတက်တင်ပို့ခဲ့တာတွေ့ရပါတယ်။ တင်ပို့တဲ့နိုင်ငံများကတော့ တရုတ်ကိ ုMSR(၂ဝ) ၂၆၁တန်၊RSS (၃) တန် ၁ဝဝ၊ မလေးရှားကို MSR (၅ဝ) ၁၉ဝ တန်၊ RSS (၅) ၃၄၅ တန်၊ RSS (၃) တန် ၁ဝဝ နဲ့ဗီယက်နမ်ကို RSS (၃) တန် ၈ဝ အသီးသီး တင်ပို့နိုင်ခဲ့တယ်လို့ သတင်းရရှိပါတယ်။ KZW
နယ်စပ်အပို့ သြဂုတ်လမှာ ဇူလိုင်လထက်လျော့ သြဂုတ်လ ၂၅ ရက်မှ ၃၁ ရက်ထိကာလအတွင်း မူဆယ် ၁ဝ၅ ကုန်သွယ်ရေးဇုန်နဲ့ ချင်းရွှေဟော်နယ်စပ်ကုန်သွယ်ရေး စခန်းများမှ နှမ်းရောင်စုံ ၄၉၇ ဒသမ ၈၅တန်၊ တန်ဖိုးအားဖြင့် ကန်ဒေါ်လာ ဝ ဒသမ ၆၆၁ သန်းဖိုးတင်ပို့နိုင်ခဲ့ပါတယ်။ သြဂုတ်လတစ်လလုံး နှမ်းတန်ချိန် ၂၉၂၉ တန် နယ်စပ်မှ တင်ပို့နိုင်ခဲ့ပြီး ဇူလိုင်လမှာ ၄၈၄၆တန် တင်ပို့နိုင်ခဲ့တဲ့အတွက် ယခုလမှာ နှမ်းရောင်စုံ ၁၉၁၇ တန်ဇူလိုင်လကထက် လျော့နည်းတင်ပို့ခဲ့ပါတယ်။ ဧပြီလမှ သြဂုတ်လကုန်ထိ နှမ်းရောင်စုံတန်ချိန် ၁၄၁ဝဝ တင်ပို့နိုင်ခဲ့ပြီးဖြစ်ပါတယ်။ မြေပြင်နှမ်း ပေါက်ဈေးများကိုနှိုင်းယှဉ် ဖော်ပြပေးလိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၁၁၂၇၂၈၆ ၁၁၃၃၄၇၇ ၆၁၉၁ ဝ .၅ ၁၄၄၆ ၁၃၄ဝ ၁ဝ၆ ၇နှမ်းနက် ၁၂၇၃၄၄၂ ၁၃ဝ၁၁၄ဝ ၂၇၆၉၈ ၂ ၁၆၈၃ ၁၃၉၉ ၂၈၄ ၁၇MIRT (DOBT)