Main menu

Background

Tuesday, 28 Sep 2010

ယခင်အပို့ထက် တန် ၂၀ ခန့်လျော့    ပင်လယ်ရေကြောင်းကုန်သွယ်မှုလမ်းကနေ နနွင်းတန်ချိန် ၃၁ ဒသမ ၄၇တန်ကို စက်တင်ဘာ တတိယအပတ် ်အတွင်း တင်ပို့ခဲ့ပါတယ်။ ကုန်သွယ်ဖက် နိုင်ငံတွေကတော့ ထိုင်းနိုင်ငံကို ၁၆ ဒသမ ၅ တန်နဲ့ ရီမန်နိုင်ငံကို ၁၄ ဒသမ ၉၇ တန် တင်ပို့နိုင်ခဲ့တာဖြစ်ပါတယ်။ တစ်တန်ကို  FOB  တန်ဖိုးကန်ဒေါ်လာ တစ်ထောင့်လေးရာငါးဆယ်ခန့်နဲ့ စုစုပေါင်းပို့ ကုန်ဝင်ငွေ ၄၅၇ဝ၈ ဒသမ ၂ ဒေါ်လာရရှိ ခဲ့ပါတယ်။ ယခင်အပတ်က ၄၂ ဒသမ ၆၃ တန် တင်ပို့နိုင်ခဲ့ပြီး ယခု အပတ် ၃၁ ဒသမ ၄၇တင်ပို့နိုင်ခဲ့တဲ့အတွက် ယခင်အပတ်ထက် တန်ချိန် နှစ်ဆယ်ကျော် လျော့နည်းပြီး တင်ပို့နိုင်ခဲ့တာ တွေ့ရပါတယ်။MIRT (DOT)

Tuesday, 28 Sep 2010

 ဝယ်လိုအားကောင်းနေပေမဲ့ ပစ္စည်းလက်ကျန်နည်းလာပြီဖြစ်တဲ့ ရှမ်းချင်း     ယခင်တစ်ပတ်ကဈေးငြိမ်နေတဲ့ ချင်းစိုတွေက စစ်တွေဝယ်လက်တွေဝယ်ယူနေတာကြောင့် ဈေးပြန်တက်လာပါတယ်။ အဝယ်လိုက်နေတာကြောင့်ပစ္စည်း ကုန်ခါနီးမှ ဈေးတွေထပ်တက်လာတယ်လို့ သိရပါတယ်။ ဟိုပုံး၊ ဆီဆိုင်နယ်တွေက ချင်းလက်ကျန်တွေနည်းလာပြီဖြစ်တာကြောင့် ချင်းအထွက်များတဲ့နမ့်ခုတ်မြို့နယ်၊ နောင်ယာဆိုင်း၊ ခိုလင်းနယ် ်တွေက လက်ကျန်ချင်းစိုတွေကို ဒေသခံ ကုန်သည်တွေက ဆင်းဝယ်နေကြပါတယ်။ ပြည်ပကဝယ်လိုတဲ့ အမှာတွေ များလာတာကြောင့် ကောက်သင်းကောက်သလို လိုက်ဝယ်နေရတယ်လို့ ကုန်သည်တွေထံက သိရပါတယ်။        ဒီနှစ်သီးနံှတွေထဲမှာ ရောင်းအားအကောင်းဆုံး သီးနံှဖြစ်နေပါတယ်။ဝယ်လိုအားကောင်းနေပေမဲ့ ပစ္စည်းက တော့ ပြတ်နေပါပြီ။ အခုထွက်တဲ့ ချင်းစိုကပြုတ်ပြီး အခြောက်ခံမရတာကြောင့် လက်ကျန် ချင်းတက်ခြောက်တွေ ကလည်းဈေးထပ် တက်လာပါတယ်။ ဒီတစ်ပတ်ချင်းစိုဈေးက တောင်ကြီးဈေးကွက်မှာ တစ်ပိဿာ ၉၅ဝ ကျပ်၊ အောင်ပန်း ဈေးကွက်မှာတစ်ပိဿာ ၁၁၅ဝ ကျပ်ရှိပါတယ်။ချင်းခြောက်ဈေးကတော့ တောင်ကြီးဈေးကွက်မှာ ဈေးအနည်းငယ် တက်လာပြီးတစ်ပိဿာ ၂၇ဝဝ ကျပ်ရှိပါတယ်။ အောင်ပန်းမှာတော့ ချင်းခြောက်တစ်ပိဿာ ၂၅ဝဝကျပ်ရှိတယ်လို့   သိရပါတယ်၊                                                                                                                                        ဧဧခိုင်

Tuesday, 28 Sep 2010

 နယ်စပ်ချင်း အပို့ပုံမှန်   စက်တင်ဘာလ ၁၅ ရက်မှ ၂၁ ရက်ထိကာလအတွင်း စစ်တွေနယ်စပ်မှချင်းစို ၁၁ တန်ကျော် တန်ဖိုးအားဖြင့် ကန်ဒေါ်လာ ၁၁၃၅၅ ဖိုး တင်ပို့နိုင်ခဲ့ပါတယ်။ ယခင်အပတ်က တင်ပို့နိုင်ခဲ့ခြင်းမရှိပေမယ့် ယခုအပတ်မှာတော့ ၁၁ တန်ကျော် တင်ပို့ခဲ့ခြင်း ဖြစ်ပြီး ၂ဝ၁ဝ ပြည့်နှစ် ဧပြီလမှ သြဂုတ်လထိ ၄၆ တန်ကျော်နယ်စပ်မှတင်ပို့ထားပြီး ဖြစ်ပါသည်။ ယခုအပတ်မှာ မူဆယ်နယ်စပ်က ချင်းခြောက် ၅၅တန်ကျော် တန်ဖိုးအားဖြင့် ကန်ဒေါ်လာ ၁ဝ၁၉ဝဝ ဖိုးတင်ပို့နိုင်ခဲ့ပြီး ဧပြီလမှ သြဂုတ်လထိ နယ်စပ်မှ တင်ပို့ထားသော ချင်းခြောက် ပမာဏထက် ၁ဝ တန် ကျော်ပိုမို တင်ပို့နိုင်ခဲ့တာဖြစ်ပါတယ်။ မူဆယ်နယ်စပ်ဘက်မှာ ချင်းခြောက် တစ်တန်ကို ၁၃၅၅၂ဝဝ ကျပ်ဈေး ရှိပြီး တစ်ဖက်နိုင်ငံမှာ ၁၉၆၅ ဒေါ်လာ ဈေးပေါက်လျက်ရှိပါတယ်။ စစ်တွေနယ်စပ်မှာ ချင်းအစို တစ်တန် ကို မိမိဘက်မြေပြင်ပေါက်ဈေး၂၇၅၄ဝဝ ကျပ်ဖြစ်ပြီး တစ်ဖက်နိုင်ငံပေါက်ဈေးမှာ ၂၆၆ဝဝ တာကာဈေးပေါက်လျက်ရှိတယ်လို့ သိရပါတယ်။တင်တင်ထွန်း (MIRT)

Tuesday, 28 Sep 2010

ကန့်ဘလူဒေသထွက် ပြောင်းများ မန္တလေးဈေးကွက်ကို စတင်စီးဆင်း     စက်တင်ဘာ တတိယပတ်အတွင်း ကန့်ဘလူဒေသထွက် ပြောင်းသစ်များ စတင်ထွက်ရှိနေပြီဖြစ်လို့ ဈေးကွက်ရှိရာ မန္တလေးသို့ စတင်စီးဆင်းနေပြီလို့သိရပါတယ်။ စိုက်ပျိုးမှုကာလစောခဲ့တဲ့ မိုးပြောင်းများ ခူးဆွတ်ေြွခပြီးဖြစ်လို့ ဈေးကွက်ကို စတင်ဝင်ရောက်လာပြီ ဖြစ်ပါတယ်။ စက်တင်ဘာ တတိယပတ်အတွင်း ရွှေဘိုမှမန္တလေးသို့ ပြောင်းဖူးစေ့တင်းရေ ၃၄၅ တင်းစီးထွက်ခဲ့ပြီး ဈေးနှုန်းအနေဖြင့် ရွှေဘိုမှာ တစ်တင်း ၄၅ဝဝ ကျပ်၊ မုံရွာမှာ တစ်တင်း ၅ဝဝဝ ကျပ်ဈေးရှိပြီး နယ်ဈေးမှာ၄ဝဝဝ ကျပ်ခန့်ရှိကြောင်း သိရပါတယ်။                                                                                  အောင်မင်း

Monday, 27 Sep 2010

ပြည်တွင်းဘိလပ်မြေဈေးကွက် အခြေအနေ    ပြည်တွင်း ဘိလပ်မြေဖြန့်ဈေးများမှာ အောက်ပါအတိုင်းဖြစ်ပါတယ်\တိုင်းဒေသကြီး/ပြည်နယ်       အမျိုးအစား                         ဈေးနှုန်း(ကျပ်/အိတ်)ရန်ကုန်တိုင်းဒေသကြီး               ဘိလပ်မြေ(ဆင်)ထိုင်း               ၅၁ဝဝ(လက်ကား)                            ဘိလပ်မြေ TPI                        ၅ဝဝဝ                                            ဘိလပ်မြေ (စိန်)                       ၅ဝဝဝမန္တလေးတိုင်းဒေသကြီး              ဘိလပ်မြေ(စိန်)ထိုင်း                  ၆၃ဝဝ                                            ဘိလပ်မြေ(ဆင်)ထိုင်း                 ၆၄ဝဝ                                            ဘိလပ်မြေ (AAA)                      ၆၂ဝဝ                                            ဘိလပ်မြေ(မြန်မာဆင်)                 ၆၁ဝဝ                                            ဘိလပ်မြေ (TPI) ထိုင်း                 ၆၃ဝဝ                                            ဘိလပ်မြေ(ဆင်မင်း)                     ၅၇ဝဝတောင်ငူ                                 ဘိလပ်မြေ(ကြံ့)ထိုင်း                     ၆၂ဝဝ                                            ဘိလပ်မြေ(ဆင်)ထိုင်း                   ၇ဝဝဝ                                            ဘိလပ်မြေ(မြင်းခေါင်း)                   ၅၃ဝဝတောင်ကြီး                              ဘိလပ်မြေ(စိန်)ထိုင်း                     ၆၇ဝဝ                                             ဘိလပ်မြေ(ခြင်္သေ့)                       ၅၆ဝဝမော်လမြိုင်                               ဘိလပ်မြေ(ဆင်)ထိုင်း                   ၆၁ဝဝ                                             ဘိလပ်မြေ(ကြံ့)မြိုင်ကလေး            ၅၄ဝဝ                                             ဘိလပ်မြေ(စိန်)ထိုင်း                     ၅၉ဝဝ                                            ဘိလပ်မြေ(မြင်းခေါင်း)                    ၄၃ဝဝမကွေးတိုင်းဒေကြီး                   ဘိလပ်မြေ(ဆင်)ထိုင်း                     ၆၄ဝဝ                                           ဘိလပ်မြေ(မြင်းခေါင်း)                     ၅ဝဝဝ                                           ဘိလပ်မြေ(စိန်)ထိုင်း                       ၆၂ဝဝMIRT (MAPT)

Monday, 27 Sep 2010

ဒီဇယ်အဝင်တန်ချိန် တစ်သောင်းကိုးထောင်ကျော်ဝင်    ပြည်တွင်းစက်သုံးဆီဈေးကွက်အတွက် စက်တင်ဘာ ၁၃ရက်မှ၁၉ ရက်အတွင်း ဒီဇယ်ပီပါ တစ်သိန်းလေးသောင်းကျော်၊ တန်ချိန်အားဖြင့် ၁၉၄၂၈ တန်ကိုပင်လယ်ရေကြောင်းလမ်းကနေ တင်သွင်းလာခဲ့ပါတယ်။ ယခင်အပတ်က ဒီဇယ်အဝင်တန်ချိန် နှစ်သောင်းခုနှစ်ထောင်ကျော်တင်သွင်းခဲ့တာမို့ ဒီအပတ်အဝင်နှင့်ယှဉ်ရင် တန်ချိန် ၈ဝဝဝ ကျော်လျော့ပြီး တင်သွင်းလာတာ တွေ့ရပါတယ်။MIRT-DOT

Wednesday, 22 Sep 2010

 အိန္ဒိယမိုးရာသီ ပဲမျိုးစုံထုတ်လုပ်မှုတန်ချိန် ၁ သန်း မြင့်တက်နိုင်          ယခုနှစ်မိုးရာသီမှာ ပဲမိုျးစုံစိုက်ဧရိယာ ပိုမိုတာကြောင့် မိုးပဲထွက်ရှိမှုဟာလည်း ယခင်နှစ်ထက် တန်ချိန် ၁ သန်းခန့်ပိုပြီး၊ တန်ချိန် ၅ ဒသမ ၃ သန်းဝန်းကျင် ထွက်ရှိနိုင်တယ်လို့ စိုက်ပျိုးရေး အတွင်းဝန် ပီကေဘာဇူက ပြောကြားပါတယ်။ အိန္ဒိယ နိုင်ငံဟာ ၂ဝဝ၈-ဝ၉ ခုနှစ် မိုးပဲတန်ချိန် ၄ ဒသမ ၆၉ သန်းထွက် ရှိခဲ့ရာမှ ၂ဝဝ၉-၁ဝ မှာ တန်ချိန် ၄ ဒသမ ၃ သန်း ကိုကျဆင်းခဲ့ပါတယ်။တစ်နှစ် ပတ်လုံးထွက်ရှိမှုမှာတော့ ၂ဝဝ၈-ဝ၉ မှာတန်ချိန် ၁၄ ဒသမ ၅၇သန်း ထွက်ရှိခဲ့ပြီး၊ ၂ဝဝ၉-၁ဝ မှာ တန်ချိန် ၁၄ ဒသမ ၅၉ သန်းထွက်ရှိခဲ့ပါတယ်။ယခုနှစ် မိုးရာသီပဲမိုျးစုံစိုက်ပိုျးမှုအနေနဲ့ ဟက်တာ ၁၁ဝ ဒသမ ဝ၈သိန်း ရှိတာကြောင့် ယခင်နှစ် စိုက်ပိုျးဟက်တာ ၉ဝ ဒသမ ၅၇ သိန်းထက် ပိုမိုခဲ့ပါတယ်။ အဓိကတော့ အင်ဒရာပရာဒေ့ရှ်၊ ဂူဂျာရတ်၊ ကာနာ တာကာ၊ မဒ္ဒရာပရာဒေ့ရှ်၊ မဟာရပ်ရှတရာ၊ သြရိသ၊ ရာဂျက်စသန်နဲ့ အတ္တရာပရာဒေ့ရှ်တို့ကလယ်သမားတွေ ပိုမိုစိုက်ပိုျးလာကြလို့ဖြစ်ပါတယ်။ပဲမျိုးစုံထုတ်လုပ်မှု တိုးတက်လာတာနဲ့အမျှ ပဲဈေးနှုန်းဟာလည်းအကျဘက်ကို ဆင်းနေပြီဖြစ်ပြီး၊ နောက်ထပ်လည်းကျဆင်းနိုင်တယ်လို့လည်း ၎င်းက ထပ်လောင်း ပြောကြားပါတယ်။ယမင်းခင်၊ှSource: PTI

Wednesday, 22 Sep 2010

 ကျပ်သန်း ၄ဝဝ နီးပါးရတဲ့ပရဆေးပို့ကုန်   မူဆယ် (၁ဝ၅) မိုင် နယ်စပ်ကုန်သွယ်ရေးဇုန်ကနေ စက်တင်ဘာလ၈ ရက်မှ ၁၅ ရက်တာ ကာလအတွင်းတရုတ်ပြည်သို့ ပရဆေးကုန်ကြမ်းတန်ချိန် ၃ဝ၄ ဒသမ ၁၁တန်၊ တန်ဖိုးအားဖြင့်ကျပ်သန်း ၄ဝဝ နီးပါးဖိုး တင်ပို့နိုင်ခဲ့ပါတယ်။ ယခင်အပတ်က တန်ချိန်၉၅ တန်ကျော်သာ တင်ပို့နိုင်ခဲ့တာကြောင့် ယခုအပတ်တင်ပို့မှုမှာ ၃ဆကျော်ရှိပါတယ်။ တင်ပို့ခဲ့တဲ့ ပရဆေးအမယ်တွေကတော့ ဒရင်ကောက်မြစ်၊ မာလာဥ၊ မာလာဥခေါင်း၊ ချဉ်ပေါင်ဖာလာ၊ ကြောင်ပန်းစေ့၊ မိကျောင်းကွမ်းဖတ်စေ့၊ ကွမ်းစားဂမုန်း၊ရွေးရွက်၊ အုံတုံခေါက်၊ ရှားစေး၊ တောင်လုံးကျော်၊မျောက်ဥခြောက်၊ဖန်ခါးသီးခြောက်၊တောဂျင်း၊ ကျောက်ဂျင်းနဲ့ တောဂျူးမြစ်တို့ဖြစ်ပါတယ်။ မန္တလေးကုန်စည်ဒိုင် ပေါက်ဈေးများနဲ့ တစ်ဖက်နိုင်ငံ ပေါက်ဈေးများကို ဖော်ပြပေးလိုက်ပါတယ် -ပစ္စည်းအမည်                       မိမိဘက်                   တစ်ဘက်နိုင်ငံ                                       (ကျပ်/တန်)                     (ယွမ်/တန်)ဒရင်ကောက်မြစ်                    ၂၁၄၅ဝဝ                              ၁၄၄၉မာလာဥ                              ၂ဝ၉၃၉ဝဝ                           ၁၄၅ဝဝမာလာဥခေါင်း                        ၇၄၇၉၄ဝ                             ၆ဝဝဝချဉ်ပေါင်ဖာလာ(အခွံပါ)         ၂၉၈ဝ၃၆ဝ                           ၂ဝ၆ဝဝချဉ်ပေါင်ဖာလာ(အခွံမပါ)      ၃၄ဝဝဝဝဝ                           ၂၃၅ဝဝကြောင်ပန်းစေ့                       ၈၁၄၆၅ဝ                             ၅၆ဝဝမိကျောင်းကွမ်းဖတ်စေ့          ၂၆၇၉၅၈ဝ                           ၁၉ဝဝဝကွမ်းစားဂမုန်း                        ၉၄၆၇၃ဝ                             ၆၅ဝဝရွေးရွက်                                ၄၄၁ဝ၄၅                              ၃ဝဝဝအုံတုံခေါက်                            ၁၅၈၄ဝဝ                             ၁ဝ၆၃ရှားစေး                                  ၈၂၄၈၇ဝ                            ၅ဝဝဝတောင်လုံးကျော်                     ၂၅ဝ၈ဝဝ                             ၁၇၂၂မျောက်ဥခြောက်                     ၄၈၄၆ဝဝ                             ၂၈၅ဝဖန်ခါးသီးခြောက်                     ၂၆၂၂၅ဝ                              ၁၈၅ဝတောဂျင်း                               ၃ဝဝဝဝဝ                              ၂၁၂၇တောဂူျးမြစ်                            ၅၅၆ဝ၂ဝ                               ၃၈၁၇ကျောက်ဂျင်း                          ၆၉၂၁၉၆                                ၄ဝ၅၄မော်မော်အောင် (MIRT)

Wednesday, 22 Sep 2010

 အမြောက်အမြားထွက်ရှိမယ့် မျှော်လင့်ချက်များကြောင့် အိန္ဒိယနနွင်းဈေးကျဆင်း       အိန္ဒိယနိုင်ငံမှာ ယခုနှစ်နနွင်း အမြောက် အမြားထွက်ရှိမယ့် မျှော်လင့်ချက်များကြောင့် လွန်ခဲ့တဲ့ သီတင်းပတ် များအတွင်း နနွင်းဈေးကျဆင်းခဲ့ပါတယ်။ ကာလတို အလားအလာအနေနဲ့ဆောင်းရာသီဝယ်လိုအား လက်ကျန်နည်း ခြင်းတို့ကြောင့်နနွင်းဈေးတည်ငြိမ်ဖွယ်ရှိပြီး ကာလရှည်အတွက်တော့ အထွက်နှုန်း မြင့်တက်မယ့် အလားအလာရှိလို့ ဈေးလျော့ကျ နိုင်တယ်လို့ ကုန်သည်များက ခန့်မှန်းကြပါတယ်။အီရော့ဈေးကွက်ကို နနွင်းဝင်ရောက်မှုဟာ လွန်ခဲ့တဲ့ သီတင်းပတ်က အိတ်၅ဝဝဝ ဝင်ရောက်ရာမှ ၃ဝဝဝ ကိုကျဆင်းခဲ့သလို နီဇမ်မာဘတ်ဈေးကွက်ကို လည်းအိတ် ၅ဝဝ ဝင်ရောက်ရာမှ ၃ဝဝ ကို လျော့ကျခဲ့တယ်လို့ ဆိုပါတယ်။ ဒါကြောင့်နီဇမ်မာဘတ် လက်ငင်းဈေးကွက်မှာ စက်တင်ဘာလ ၁၅ ရက်နေ့က တစ်တန်ကိုရူပီး ၁၃၆၃၈ဝ (ကန်ဒေါ်လာ ၂၉၅ဝ) ရှိလို့ အဲဒီဈေးထက်တော့ နောက်ထပ်မကျဆင်းနိုင် သေးဘူးလို့ ဆိုပါတယ်။ လာမယ့် သီတင်းပတ်တွေမှာ ပြည်ပတင်ပို့မှုတိုးတက်ဖွယ်ရှိတယ်လို့လည်း ဆိုပါတယ်။ု            Kotak Commodity Services ရဲ့ အစီရင်ခံ တင်ပြချက်အရ ယခင်နှစ်စိုက်ဟက်တာ ၁ ဒသမ ၈ဝ သိန်းထက်ပိုပြီး ယခုနှစ်မှာ နနွင်းစိုက်ဟက်တာ ၂ဒသမ ဝ၆ သိန်းရှိနိုင်တယ်လို့ ခန့်မှန်းထားပါတယ်။ ယခုနှစ်အတွင်း စိုက်ဧရိယာဟာ၁၅ဝ ရာခိုင်နှုန်းကျော်ထိ ထူးထူးခြားခြားမြင့်တက်လာခဲ့တယ်လို့ ဆိုပါတယ်။အင်ဒရာပရာဒေ့ရှ်ရဲ့ နနွင်းစိုက်ပျိုးမှုဟာ တစ်နိုင်ငံလုံးရဲ့ ၃၁ ရာခိုင်နှုန်းနီးပါးရှိရာ ယခင်နှစ်က ဟက်တာ ဝ ဒသမ ၅ဝသိန်းရှိခဲ့ရာမှ ၂၈ ဒသမ ၄ ရာခိုင်နှုန်းမြင့် တက်ပြီး ဟက်တာ ဝ ဒသမ ၆၄ သိန်းထိ ရှိလာနိုင်တယ်လို့ ဆိုပါတယ်။တမီနီဒူးမှာလည်း ၉ ရာခိုင်နှုန်းမြင့်တက်ပြီး ဟက်တာ ဝ ဒသမ ၄၃ သိန်းထိ တိုးတက် စိုက်ပိုျးဖွယ်ရှိတယ်လို့ ဆိုပါတယ်။          Angel Commodities ရဲ့ နောက်ထပ်အစီရင်ခံစာတစ်စောင်မှာတော့ နနွင်း ထုတ်လုပ်မှုဟာ ယခင်နှစ်က တစ်အိတ်ကို၇ဝ-၇၅ ကီလိုပါတဲ့ အိတ် ၄၈ သိန်း ရှိရာမှ ယခုနှစ်မှာ အိတ်ပေါင်း ၆၅-၆၇ သိန်းထိ ရောက်ရှိနိုင်တယ်လို့ ခန့်မှန်းထားပါတယ်။ လှောင်လက်တွေရဲ့ လက်ထဲမှာ လက်ကျန် အိတ် ၁၅ သိန်းခန့် ရှိမယ်လို့ ဆိုပါတယ်။ယမင်းခင်၊Sources: Business standard

Wednesday, 22 Sep 2010

 ရှမ်းနနွင်း ပုံမှန်အရောင်းအဝယ်ဖြစ်          ယခုလောလောဆယ်မှာတော့ ရှမ်းနနွင်းတွေက ကြိုက်ရောင်းကြိုက်ဝယ်နဲ့သာ အရောင်းအဝယ် ဖြစ်နေပါတယ်။ အောင်ပန်းဈေးကွက်မှာ အဝင်မရှိသလောက်ဖြစ်နေတာကြောင့် လှောင်လက်တွေကသာ လက်ကျန်တွေကို ထုတ်ရောင်းနေပါတယ်။ ရန်ကုန်ဝယ်လက်တွေကလည်း အောင်ပန်း ဈေးကွက်မှာလက်ကျန် နည်းလာလို့ ပစ္စည်း အရည်အသွေးကို ရွေးချယ်ဝယ်လိုတာကြောင့်ပင်လောင်းဖက်ကို ဆင်းဝယ်ကြပါတယ်။ ပစ္စည်းပေါ်မူတည်ပြီး တစ်ပိဿာ ၃ဝဝဝကျပ်ဈေးနဲ့ ဝယ်ယူတယ်လို့ သိရပါတယ်။ အောင်ပန်းဈေးကွက်မှာတော့ ဈေးအနည်းငယ်ကျလာပြီး တစ်ပိဿာ ၂၉ဝဝ ကျပ်ဈေးသာရှိပါတော့တယ်။ နနွင်းခါးကတော့ အရင်အပတ်ကဈေးအတိုင်းဖြစ်ပြီး တစ်ပိဿာ ၁၄ဝဝ ကျပ်၊ ၁၅ဝဝကျပ်ဈေး၊ နနွင်းခေါင်းကလည်း တစ်ပိဿာ ၂၂ဝဝ ကျပ်ဈေးနဲ့ ဈေးငြိမ်နေပါတယ်။တောင်ကြီးဈေးကွက်မှာတော့ ဟိုပုံးကထွက်တဲ့ နနွင်းလက်ကျန်တွေကို တစ်ပိဿာ၃၃ဝဝ ကျပ်ဈေးနဲ့ ရောင်းဝယ်နေကြပါတယ်။ လက်ကျန်နည်းပြီး ပုံမှန်အရောင်းအဝယ် ဖြစ်နေတာကြောင့် တစ်ပတ်အတွင်းနနွင်းပိဿာချိန် ၇၃၅ဝဝ ပိဿာစီးဆင်းသွားတယ်လို့ ဒေသခံကုန်သည်တွေထံမှ သိရပါတယ်။ဧဧခိုင်

Pages