Background
ဇွန်လ ၂၈ရက်နေ့က ပြင်ပငွေလဲ ဈေးကွက်တွင် အမေရိကန်တစ်ဒေါ် လာလျှင် ကျပ် ၁၀၀၄ ကျပ်သို့ သုံးနှစ် အတွင်း အမြင့်ဆုံးမြင့်တက်ခဲ့ပြီးမှ ထို နေ့ ညနေပိုင်းမှာပင် ကျပ် ၁၀၀၀သို့ ပြန်လည်ကျဆင်းခဲ့သည်။
နေပြည်တော်တွင်ကျင်းပလျက် ရှိသည့်ကျောက်မျက်ပြပွဲကြောင့် ပြည် တွင်းတွင် ဒေါ်လာဈေးများမြင့်တက်ခဲ့ ရကြောင်း၊ တရားဝင်ဖွင့်လှစ်လျက်ရှိ သည့်ငွေလဲစင်တာများတွင်မူ ရောင်း ဈေး ၉၇၇ကျပ်၊ ဝယ်ဈေး ၉၇၀ဖြင့် ဝယ်ရောင်းပြုလုပ်နေကြသော်လည်း ပြင်ပငွေလဲဈေးကွက်တွင်မူ ရောင်းဈေး ကျပ် ၁၀၀၄ကျပ်၊ ဝယ်ဈေး ၉၉၉ကျပ် ဖြင့် ဝယ်ရောင်းပြုလုပ်နေကြကြောင်း ငွေလဲဈေးကွက်အတွင်းမှ စုံစမ်းသိရှိရ သည်။ ဇွန်လ ၂၇ရက်နေ့က ကျောက် မျက်ပြပွဲပြီးဆုံးခဲ့ရာ ယင်းပြပွဲပြီးဆုံးသည် နှင့် ဒေါ်လာဈေးများလည်း ပြန်လည် ကျဆင်းလာခြင်းဖြစ်ကြောင်း၊ ငွေလဲ ဈေးကွက်အတွင်းမှသိရှိရသည်။ပြင်ပ ဈေးကွက်နှင့် စင်တာမှ ငွေဈေးများ ကွာဟနေသော်လည်း စင်တာများတွင် မူ အဝယ်ကောင်တာကိုဖွင့်လှစ်ထားပြီး အရောင်းကောင်တာကိုမူ ပိတ် ထားကြောင်း ငွေလာရောက်လဲလှယ် သူတစ်ဦးက ဆိုသည်။ ယင်းကဲ့သို့အမေရိကန်ဒေါ်လာ ဈေး ကျပ် ၁၀၀၀သို့ရောက်ရှိလာခြင်း သည် ဗဟိုဘဏ်မှ နိုင်ငံခြားငွေကြေး ဈေးကွက်ကို နှုန်းရှင်စနစ်ဖြင့် ပြောင်းလဲ လုပ်ဆောင်ခဲ့သည့် ၂၀၁၂ခုနှစ် နောက် ပိုင်း ပထမဆုံးအကြိမ် အမြင့်ဆုံးနှုန်းကို ရောက်ရှိလာခဲ့ခြင်းဖြစ်သည်။ "အခု ငွေဈေးတက်တာက ကျောက်မျက်ပြပွဲကြောင့်ဖြစ်မယ်။ အဲဒီ ပွဲအတွက် လိုတဲ့ငွေကိုဝယ်နေကြတော့ ဈေးကတက်လာတယ်။ နိုင်ငံတကာမှာ ကလည်း ဒေါ်လာဈေးက တက်နေ တော့ တိုက်ဆိုင်သွားတာကြောင့် အခု လောက်အထိ တက်သွားရတာပါ။ ဒါ ပေမယ့် အဲဒီကျောက်မျက်ပြပွဲက ရလာ တဲ့ဒေါ်လာတွေကို ဈေးကွက်ထဲပြန် ရောက်လာရင်တော့ ဈေးက ပြန်ကျ သွားမှာပါ"ဟု ဝါရင့်ငွေလုပ်ငန်းကျွမ်း ကျင်သူတစ်ဦးက ဆိုသည်။ဒေါ်လာ ဈေးတက်လာခြင်းကြောင့်ငွေလဲ မှောင်ခိုလုပ်ငန်းများ ပြန်လည်ခေါင်း ထောင်လာကြကြောင်း သိရသည်။ မယ်သီတာ
ပင်လယ် ရေကြောင်းလမ်းမှ ဓာတ်ဆီ/ဒီဇယ်တန်ချိန် တစ်သိန်း တစ်သောင်း ကျော်ဝင်
ဇွန်လ ၁၆ ရက်မှ ဇွန်လ ၂၂ ရက်အတွင်း ဓာတ်ဆီတန်ချိန် တစ်သောင်း နှစ်ထောင်ကိုးဆယ့်ငါးတန်ကျော် ၊ ဒီဇယ်တန်ချိန် စုစုပေါင်း တန်ချိန် သုံးသောင်း နှစ်ရာလေးဆယ့်ကိုးတန်ကျော်ကို တင်သွင်းခွင့်လိုင်စင်လျှောက် ထားခဲ့တယ်လို့ သိရ ပါတယ်။ ယခင်တစ်ပတ်ဓာတ်ဆီအဝင်က တန်ချိန်နှစ်သောင်းတစ်ထောင် ကျော်ရှိခဲ့ ပြီး ၊ဒီဇယ်အဝင်က တန်ချိန် ကိုးသောင်း နှစ်ထောင်ကျော်သာရှိခဲ့တာကြောင့် ဒီ တစ်ပတ်မှာ ဓါတ်ဆီတန်ချိန် ကိုးထောင့် လေးရာကျော် အဝင်နည်းသလို ဒီဇယ် တန်ချိန် ခြောက်သောင်းနှစ်ထောင်ကျော် အဝင်လျော့ခဲ့ဲ့တယ် လို့ သိရပါတယ်။
ယခုတစ်ပတ်အတွင်း မြန်မာ့ရွှေ ဈေးသည် ကျပ်တစ်သောင်းကျော်ကျ ဆင်းခဲ့ကြောင်း ရွှေဈေးကွက်အတွင်းမှ စုံစမ်းသိရှိရသည်။
ယခုတစ်ပတ်အတွင်း ငွေလဲနှုန်း များမြင့်တက်လာခဲ့ကြောင်း သိရသည်။ နေပြည်တော် တွင် ပြုလုပ်လျက်ရှိ သည့် ကျောက်မျက်ရတနာပြပွဲကြောင့် ငွေလဲ နှုန်းများ မြင့်တက်နေရကြောင်း ငွေလဲ စင်တာမှ တာဝန်ရှိသူတစ်ဦးက ဆို သည်။
"ဒီတစ်ပတ်ထဲမှာ ဗဟိုဘဏ်ရဲ့ ငွေလဲနှုန်းရည်ညွှန်းကိန်းကလည်း နှစ် ရက်ဆက်တိုက် နှစ်ကြိမ်တက်တယ်။ ဗဟိုဘဏ်က ရည်ညွှန်းငွေလဲနှုန်းတက် ပြီဆိုမှတော့ စင်တာတွေက ငွေလဲနှုန်း လည်းတက်တော့တာပေ့ါဗျာ။ နောက် ပြီးနေပြည်တော်မှာလုပ်နေတဲ့ကျောက် မျက်ပြပွဲကြောင့်လည်း ငွေလဲနှုန်းတွေ တက်ရတာပါ။ နေပြည်တော် က ကျောက်မျက်ကုန်သည်တွေက လေလံ အောင်သွားတာနဲ့ ပစ္စည်းဖိုးတွေ ချေရ တော့ လိုတဲ့နိုင်ငံခြားငွေကို စင်တာတွေ ကနေပဲ ဝယ်ရတာဖြစ်တဲ့အတွက် ငွေ လဲနှုန်းတက်ရတာ အဲဒါလည်းတစ်ချက် အပါအဝင်ပေါ့"ဟု ပုဂ္ဂလိက ငွေလဲစင် တာမှတာဝန်ရှိသူတစ်ဦးက ဆိုသည်။ပြင်ပငွေဈေးကွက်တွင်လည်း ဈေးနှုန်းများမြင့်တက်လျက်ရှိရာ ပြီးခဲ့ သည့်ရက်သတ္တပတ်များက အရောင်း အဝယ်ပါးသဖြင့် အလုပ်မလုပ်ကြတော့ သည့် မှောင်ခိုသမားများမှာ မဟာဗန္ဓု လပန်းခြံတစ်ဝိုက်တွင် ပြန်လည်ကျက် စားလာခဲ့သည်။ဇွန်လ ၂၁ရက်နေ့က ပြင်ပငွေ ဈေးကွက်တွင် အမေရိ ကန်တစ်ဒေါ် လာလျှင် ရောင်းဈေး ၉၈၁ ကျပ်၊ ဝယ် ဈေး ၉၇၈ကျပ်ရှိပြီး ငွေလဲစင်တာများ တွင်မူ ရောင်းဈေး ၉၆၁ကျပ်၊ ဝယ်ဈေး ၉၅၁ကျပ်သာရှိခဲ့ သည်။ ထိုကဲ့သို့ ပြင်ပ ငွေဈေးနှင့် စင်တာများ၏ငွေဈေးနှုန်း များ လွန်စွာကွာဟနေခြင်းသည် မှောင် ခိုများကို အားပေးရာရောက်နေ ကြောင်း ငွေလဲသူတစ်ဦးက သုံးသပ် ပြောကြားခဲ့သည်။ဗဟိုဘဏ်၏ရည်ညွှန်းငွေလဲနှုန်း မှာ ဇွန်လ ၁၇ရက်နေ့က ၉၅၂ကျပ်ရှိခဲ့ ပြီး ဇွန်လ ၁၈ရက်နေ့တွင် ၉၅၃ကျပ် သို့ မြင့်တက်ခဲ့သည်။
ပင်လယ်ရေကြောင်းလမ်းမှ စက်သုံးဆီ တန်ချိန် တစ်သိန်းတစ်သောင်း ကျော်ဝင် ဇွန်လ ၉ ရက်မှ ဇွန်လ ၁၅ ရက်အတွင်း ဓာတ်ဆီတန်ချိန် နှစ်သောင်း တစ် ထောင့်လေးရာ ကိုးဆယ့်ငါးတန်ကျော်၊ ဒီဇယ်တန်ချိန် စုစုပေါင်း တန်ချိန်ကိုးသောင်း နှစ်ထောင့်သုံးရာ တစ်ဆယ့်နှစ်တန်ကျော်ကို တင်သွင်းခွင့်လိုင်စင် လျှောက် ထားခဲ့ တယ်လို့သိရပါတယ်။ ယခင်တစ်ပတ် ဓာတ်ဆီအဝင်က တန်ချိန်တစ်သောင်း ရှစ် ထောင်ကျော်ရှိခဲ့ပြီး၊ ဒီဇယ်အဝင်က တန်ချိန် တစ်သောင်း တစ်ထောင်ကျော်သာ ရှိခဲ့တာကြောင့် ဒီတစ်ပတ်မှာ ဓာတ်ဆီတန်ချိန် နှစ်ထောင့် ကိုးရာကျော်၊ ဒီဇယ်တန် ချိန် ရှစ်သောင်းတစ်ထောင်ကျော် အဝင်ပိုခဲ့ဲ့တယ်လို့ သိရပါတယ်။
ယခုတစ်ပတ်အတွင်း မြန်မာ့ရွှေ ဈေးသည် အတက်အကျအနည်းငယ် ဖြင့်သာ ရှိနေခဲ့ကြောင်း ရွှေဈေးကွက် အတွင်းမှ စုံစမ်းသိရှိရသည်။ ကမ္ဘာ့ရွှေ ဈေးမြင့်တက်နေသော်လည်း မြန်မာ့ရွှေ ဈေးမှာမူ အတက်အကျအနည်းငယ် ဖြင့်သာ အရောင်းအဝယ်ရှိနေခဲ့သော် လည်း ပုံမှန်အတိုင်းသာ အရောင်းအ ဝယ်ဖြစ်ခဲ့ကြောင်း သိရသည်။"ဒီတစ်ပတ်ထဲမှာ ကမ္ဘာ့ရွှေဈေး က တက်လာတယ်။ ဒါပေမယ့် မြန်မာ့ ရွှေဈေးက ပုံမှန်အတိုင်းပဲ။ အတက် အကျနည်းနည်းနဲ့ပဲ အရောင်းအဝယ် ဖြစ်နေတယ်။ နွေရာသီတုန်းက ကျခဲ့ ပေမယ့်အခုအချိန်မှာတော့ တက်သွား ရင်လည်း တစ်ရက်လောက်ပဲ။ နောက် တစ်ရက်ဆို ပြန်ကျသွားတာပဲ။ ဒါက လည်း ကျတယ်လို့ ပြောလို့မရဘူး။ နည်းနည်းလေးပဲကျတာဆိုတော့ ရွှေ ဈေးကျတယ်လို့ ပြောလို့မရဘူး"ဟု ရွှေ လုပ်ငန်းလုပ်ကိုင်နေသူ ဦးစံမြင့်က ဆို သည်။ယင်းကဲ့သို့ ရွှေဈေးအတက် အကျနည်းနေခြင်းကြောင့် ရွှေဝယ် ရောင်းလုပ်ကိုင်သူများအနေဖြင့် စောင့် ကြည့်နေကြသည့်အဆင့်တွင်သာရှိနေ ကြပြီး ငွေလိုသူများသာ ထုတ်ရောင်း နေကြကြောင်း သိရသည်။မြန်မာ့ရွှေဈေးသည် ဇွန်လ ၁ ရက်နေ့က ပိတ်ခဲ့သည့်ဈေးထက် အနည်းငယ်လျော့၍ ကျပ် ၇၀၉၁၀၀ ဖြင့် ပြန်ဖွင့်ခဲ့သော်လည်း ဇွန်လ ၆ရက် နေ့တွင်မှ ကျပ် ၇၁၀၅၀၀သို့ အနည်း ငယ်သာ ပြန်လည်မြင့်တက်ခဲ့သည်။ ဇွန်လ ၇ရက်နေ့တွင်မူ ကျပ် ၇၁၁၀၀၀ သို့ မြင့်တက်ခဲ့သည်။ကမ္ဘာ့ရွှေဈေးသည် ဇွန်လ ၁ရက် နေ့က ၁၃၈၈ ဒေါ်လာရှိခဲ့ပြီး ဇွန်လ ၃ ရက်နေ့တွင် ၁၃၉၈ဒေါ်လာသို့မြင့် တက်ခဲ့ပြီး ဇွန်လ ၇ရက်နေ့တွင် ၁၄၁၁ ဒေါ်လာရှိခဲ့သည်။
ပင်လယ်ရေကြောင်းလမ်းမှဓာတ်ဆီ/ဒီဇယ်တန်ချိန် မေလမှာအဝင်ပို မေလ၂၆ ရက်မှ ၃၁ ရက်အတွင်း ဓာတ်ဆီတန်ချိန် တစ်သောင်း ခြောက် ထောင်နှစ်ရာခုနှစ် ဆယ့်ခုနှစ်တန်ကျော်၊ ဒီဇယ်တန်ချိန် စုစုပေါင်း တန်ချိန် သုံး သောင်းသုံးထောင် ခုနှစ်ရာနှစ်ဆယ့်တစ်တန်ကျော်ကို တင်သွင်းခွင့်လိုင်စင် လျှောက် ထားခဲ့တယ်လို့ သိရပါတယ်။ ဒါကြောင့် ဒီတစ်ပတ်မှာ ဓာတ်ဆီ၊ ဒီဇယ် စုစုပေါင်း တန်ချိန် လေးသောင်း ကိုးထောင့်ကိုးရာ ကိုးဆယ့် ကိုးတန်ဝင်ခဲ့တယ် လို့ သိရပါ တယ်။ယခင်တစ်ပတ် ဓာတ်ဆီ၊ ဒီဇယ်စုစုပေါင်းဝင်ခဲ့တဲ့ တန်ချိန်မှာ ရှစ်သောင်းနှစ် ထောင်ကျော်ရှိခဲ့တာကြောင့် ဒီတစ်ပတ်မှာ တန်ချိန်သုံးသော င်းနှစ်ထောင်ကျော် အဝင်လျော့ခဲ့တယ်လို့ သိရပါတယ်။ လချုပ်အနေနဲ့ ကြည့်မယ်ဆိုရင် မေလအတွင်း ဓာတ်ဆီ၊ ဒီဇယ်အဝင်စုစုပေါင်းမှာ တန်ချိန် နှစ်သိန်းလေးသောင်း ကျော်ရှိခဲ့ပြီး ဧပြီလ ဓာတ်ဆီ၊ ဒီဇယ်အဝင်စုစုပေါင်းမှာ တန်ချိန် ခြောက်သောင်း ကျော်သာရှိခဲ့ တာကြောင့်မေလမှာ တန်ချိန် တစ်သိန်းရှစ်သောင်းကျော် အဝင်ပိုခဲ့ တယ်လို့ သိရ ပါတယ်။
ပြည်တွင်းပုဂ္ဂလိက စက်သုံးဆီဆိုင်များမှာ မေလ ၂၆ ရက်နေ့မှ မေလ ၃၁ ရက်နေ့အတွင်း ရောင်းချနေတဲ့ ဓာတ်ဆီ၊ ဒီဇယ်ဈေးများက ရန်ကုန်၊ မန္တလေး၊ တောင်ကြီး၊ မော်လမြိုင်မှာဈေးငြိမ်နေတယ် လို့သိရပါတယ်။ ပြင်ပ မှာ ရောင်းချနေတဲ့ ဒီဇယ်၊ ဓာတ်ဆီဈေးများမှာ ရန်ကုန်၊ မော်လမြိုင်မှာ ဓာတ်ဆီ၊ ဒီဇယ်ဈေးငြိမ်နေ သော်လည်းေ တာင်ကြီးမှာ ဈေးကျပြီးမန္တလေးမြို့မှာဈေးအနည်းငယ်မြင့်နေကြောင်း သိရတယ်။ ဒီတစ်ပတ် ဓာတ်ဆီ/ဒီဇယ်အရောင်းအဝယ်အခြေအနေများမှာ- ရန်ကုန်ဈေးကွက်တွင် ပုဂ္ဂလိက စက်သုံးဆီဆိုင်များတွင် ရောင်းချနေသော ဓာတ်ဆီ၊ ဒီဇယ်ဈေးမှာ ယခင်တစ်ပတ်ဈေးအတိုင်း ရောင်းချနေကြောင်း သိရပါ တယ်။ဒီတစ်ပတ်ပုဂ္ဂလိက စက်သုံးဆီဆိုင်မှာ ရောင်းချနေ တဲ့ဈေးမှာ ဓာတ်ဆီ တစ် လီတာ ၈၁၄ ကျပ်၊ ဒီဇယ် ၈၆၀ ကျပ်၊ အောက်တိန်း ၈၇၀ ကျပ်နဲ့ အဆင့်မြင့်ဒီဇယ် ၈၉၀ ကျပ်နဲ့ ရောင်းချတယ်လို့ သိရပါတယ်။ ပြင်ပလက်လီရောင်းချနေတဲ့ ဆိုင် များမှာ ဓာတ်ဆီဈေးက ဇွန်လ ၃ ရက်မှ ၇ ရက်နေ့အတွင်း တစ်ဂါလန်ဝယ်ဈေး၊ ရောင်းဈေး ငြိမ်နေပြီး ပီပါဈေးအတက်အကျ မှာ နှစ်ထောင်ဝန်းကျင်သာရှိကြောင်း သိရပါတယ်။ ဒီဇယ်ဈေးမှာ ဒီတစ်ပတ်ဝယ်ဈေး၊ ရောင်းဈေးငြိမ်နေကြောင်း သိရပါတယ်။ ဒီတစ်ပတ်ဓာတ်ဆီဈေးက ဝယ်ဈေး တစ်ဂါလန် ၄၀၀၀ ကျပ်ဖြစ်ပြီး ရောင်းဈေး ၄၂၀၀ ကျပ်၊ ဒီဇယ်တစ်ဂါလန် ၃၃၀၀ ကျပ်ဝယ်ပြီး ၃၅၀၀ ကျပ်နဲ့ အရောင်းအဝယ်ဖြစ် တယ်လို့ ဓာတ်ဆီ၊ ဒီဇယ် အရောင်းအဝယ်သမားတစ်ဦးထံမှ စုံစမ်းသိရှိခဲ့ပါတယ်။ မန္တလေးဈေးကွက်မှာ ဓာတ်ဆီ၊ ဒီဇယ်က ပုံမှန်အရောင်းအဝယ်ရှိနေတယ်။ မန္တလေးဘက်မှာ ပုဂ္ဂလိက စက်သုံးဆီဆိုင်ရဲ့ဈေးက ဒီဇယ်၊ ဓာတ်ဆီဈေးမှာလည်း အနည်းငယ် မြင့်လာတယ်လို့ သိရပါတယ်။ ဒီတစ်ပတ် ပုဂ္ဂလိက စက်သုံးဆီဆိုင်ရဲ့ ဈေးမှာယခင်တစ်ပတ်ဈေးဖြစ်တဲ့ ဓာတ်ဆီ တစ်ဂါလန် ၃၈၅၀ ကျပ်၊ ဒီဇယ် တစ် ဂါလန် ၃၉၁၅ ကျပ်နဲ့ ရောင်းချနေပါတယ်။ ပြင်ပ လက်လီဆိုင်များမှာတော့ ဒီဇယ်ဈေး၊ ဓာတ်ဆီဈေး အနည်းငယ်မြင့်လာပြီး ဓာတ်ဆီတစ်ဂါလန် ဝယ်ဈေး ၄၀၀၀ကျပ် ရောင်းဈေး ၄၂၀၀ ကျပ် ဖြစ်ပြီး ဒီဇယ်ကဝယ်ဈေး ၃၆၀၀ ကျပ်၊ ရောင်းဈေး ၃၈၀၀ ကျပ်နဲ့ အရောင်းအဝယ်ဖြစ်တယ်လို့ ဓာတ်ဆီ၊ ဒီဇယ် ဝယ် ရောင်းသမားတစ်ဦးမှ ပြောပါတယ်။ မော်လမြိုင်ဈေးကွက်မှာ ဓာတ်ဆီ၊ ဒီဇယ်က ပုံမှန်အရောင်းအဝယ်ဖြစ်တယ် လို့ သိရပါတယ်။ ဒီတစ်ပတ် ပုဂ္ဂလိက စက်သုံးဆီဆိုင်ရဲ့ဈေးက ငြိမ်နေသလို ပြင်ပ လက်လီ ဆိုင်များရဲ့ ဈေးမှာလည်း ငြိမ်နေတယ်လို့ သိရပါတယ်။ ဒီတစ်ပတ်ပုဂ္ဂလိက စက်သုံးဆီဆိုင်ရဲ့ ဈေးမှာ ဓာတ်ဆီ ၄၀၀၀ ကျပ်၊ ဒီဇယ် ၄၀၀၀ ကျပ်၊အောက်တိန်း ၄၀၀၀ ကျပ်နဲ့ရောင်းချပါတယ်။ ပြင်ပလက်လီဆိုင်များမှာ ဓာတ်ဆီတစ်ဂါလန် ၄၃၀၀ ကျပ်၊ ဒီဇယ် ၄၁၀၀ ကျပ်၊ အောက်တိန်း ၄၁၀၀ ကျပ်နဲ့ အရောင်း အဝယ်ဖြစ်တယ်လို့ သိရှိရပါတယ်။ တောင်ကြီးဈေးကွက်မှာ ပုဂ္ဂလိကစက်သုံးဆီဆိုင်ရဲ့ ဓာတ်ဆီ၊ ဒီဇယ် ဈေးမှာငြိမ်နေပေမဲ့ လက်လီဆိုင်ဈေးမှာ ဓာတ်ဆီ နှစ်ရာကျပ်၊ ဒီဇယ်တစ်ရာ ကျပ် ဈေးကျလာတယ်လို့ သိရပါတယ်။ ဒီတစ်ပတ် ပုဂ္ဂလိကဆိုင်ဈေးက ဓာတ်ဆီ ၄၀၀၀ ကျပ်၊ ဒီဇယ် ၃၉၀၀ ကျပ် နဲ့ ရောင်းချတယ်လို့ သိရပါတယ်။ ပြင်ပလက်လီ ဆိုင် များမှာ ဓာတ်ဆီတစ်ဂါလန် ၃၈၀၀ ကျပ်၊ ဒီဇယ် ၃၈၀၀ ကျပ်နဲ့ အရောင်းအဝယ် ဖြစ်နေတယ်လို့ သိရှိရပါတယ်။ MIRT(DOT)
ယခုတစ်ပတ်အတွင်း မြန်မာ့ရွှေ ဈေးသည် ပြန်လည်၍ တက်ရိပ်ပြလာ ခဲ့ကြောင်း သိရသည်။ အတက်အကျ အနည်းငယ်ဖြင့် မငြိမ်မသက်ဖြစ်နေခဲ့ သည့် မြန်မာ့ရွှေဈေးသည် ယခုတစ် ပတ်အတွင်းတွင် ကျဆင်းနေခဲ့ရာ မှ ပြန်လည်အတက်ပြလာခဲ့ကြောင်းရွှေ ဈေးကွက်အတွင်းမှ စုံစမ်းသိရှိရသည်။
ဒေါ်လာနဲ့ ငွေလဲနှုန်းမှာ ယခင် ၈၀၀ ကျော်ရှိရာမှ ၉၀၀ ကျပ်ဝန်းကျင် ထိ ဈေးမြင့်တက်လာခြင်းကြောင့် စိန် ဈေးနှုန်းမှာ ၆ လုံးစီး၊ ၄ လုံးစီး တစ် ရတီကို ၂၀၀၀၀ ကျပ်နဲ့ ၃၀၀၀၀ ကျပ် ကြား ဈေးမြင့်လာကြောင်း သိရပါ တယ်။ Mandalay Gem Center မှ ကျောက်မျက်ဆိုင်ရှင်တစ်ဦးက "သြင်္ကန် မတိုင်ခင်ကစပြီး၊ စိန်အရောင်း အဝယ် ပါးတယ်။ Order မှာတဲ့ သူလောက်ပဲ ရှိတယ်။ ဒေါ်လာဈေးတက်ပြီး၊ စိန်ဈေး လိုက်တက်တဲ့အချိန် မှာ ရွှေဈေးကွက် ဘက်ကို ပြောင်းဝယ်ကြတာ။ စိန် အရောင်းအဝယ်ပါးနေတော့ ဈေးကွက် မှာ စိန်အဝင်နည်းနေ တယ်။ ပစ္စည်းပြန် သွင်းတဲ့ သူလည်း များတယ်။ အိမ်ခြံမြေ ဈေးကလည်းအေး၊ ကားဈေးကလည်း ကျတော့ စိန်ပြန်သွင်းလာကြတယ်။ ငွေပြန်ပေါ်ချင်လို့ ပြန်ရောင်းကြတဲ့ သဘောပါ။ အမြတ်ရလို့ ပြန်ရောင်းတာ မဟုတ်ဘူး။ စိန်တစ်ရတီကိုက်၊ ၂ ရက်တီကိုက်ဆိုရင် ဈေးပိုတက်တယ်။ ပစ္စည်းကောင်းတဲ့ပေါ် မူတည်ပြီး၊ ဈေး မြင့်တာ" လို့ ပြောပါတယ်။ စိန်ဈေးနှုန်းမှာ ၁၀ လုံးစီး တစ် ရတီကို ကျပ် ၂သိန်းနဲ့ ၇ သိန်းကြား၊ အကျင် ၄၀ စီးတစ်ရတီကို ကျပ် တစ် သိန်းခွဲမှ ၆ သိန်းထိရှိပြီး၊ ပစ္စည်းရှား ကြောင်း သိရပါတယ်။ စိန်ဈေးနှုန်းမှာ ပစ္စည်းအရည်အသွေးအပြစ် အနာအဆာ ပေါ်မူ တည်ပြီး၊ဈေးနှုန်းကွာခြားကြောင်း သိရပါတယ်။ ဇူးဇူး - မန္တလေး
မေလ ၁၉ ရက်မှ မေလ ၂၅ ရက် အတွင်း ဓာတ်ဆီ တန်ချိန် ခြောက်ထောင် တစ်ဆယ်ကျော်တန်၊ ဒီဇယ်တန်ချိန် စုစုပေါင်း တန်ချိန် ခုနှစ်သောင်းခြောက်ထောင် ခြောက်ရာငါးဆယ့်လေးတန်ကို တင်သွင်းခွင့်လိုင်စင် လျှောက်ထားခဲ့တယ်လို့ သိရပါ တယ်။ဒါကြောင့်ဒီတစ်ပတ်မှာဓာတ်ဆီ၊ဒီဇယ်စုစုပေါင်းတန်ချိန်ရှစ်သောင်း နှစ်ထောင် ခြောက်ရာခြောက်ဆယ့်ကိုးတန် ဝင်ခဲ့တယ်လို့သိရပါတယ်။ယခင်တစ်ပတ် ဓာတ်ဆီ၊ ဒီဇယ် စုစုပေါင်းဝင်ခဲ့တဲ့တန်ချိန်မှာ ငါးသောင်းတစ်ထောင်ကျော်ရှိခဲ့တာကြောင့် ဒီတစ်ပတ်မှာတန်ချိန် သုံးသောင်းတစ်ထောင်ကျော်အဝင်ပိုခဲ့တယ်လို့ သိရပါတယ်။MIRT (DOT)