Background
သြင်္ကန်အခါနီး၍ ဈေးပြန်မြင့်လာတဲ့ ပြည်မြေပဲဆံ ပြည်ဈေးကွက်သို့ မြေပဲဆံအိတ်များ ကံမ၊ မင်းတုန်းနဲ့ အောင်လံဘက်မှ တစ်နေ့လျှင် အိတ် ၁၅ဝဝ ခန့် ဝင်ရောက်လာတာတွေ့ရပါတယ်။ ဆီစက်များမှ လည်း သြင်္ကန်ကျခါနီးလာပြီဖြစ်သဖြင့် ဆီကြိတ်ရန် အဝယ်လိုက်လာ သဖြင့် ဈေးပြန်မြင့်လာတာတွေ့ရပါတယ်။ ဆီကြိတ်မြေပဲဆံတစ်ပိဿာလျှင် ၁၇ဝဝ ကျပ်နဲ့ လုံးဆံတစ်ပိဿာလျှင် ၁၉ဝဝ ကျပ်ဈေးဖြင့် တစ်နေ့လျှင် အိတ် ၁၂ဝဝ ခန့် အရောင်းအဝယ်ဖြစ်လျက်ရှိပါတယ်။ မြေပဲဆီတစ်ပိဿာကို ၄ဝဝဝ ကျပ်ဈေးနဲ့ ပြည်ဈေးကွက်မှာ အရောင်းအဝယ်ဖြစ်လျက်ရှိပါတယ်။ ဝေဝေမင်း
အောင်လံနှမ်းဈေးကွက်အေးစက်စက် ၂ဝ၁၁ ခုနှစ် မတ်လကုန် အောင်လံနှမ်းဈေးကွက်ကို ကြည့်ရင် သိပ္ပံ နှမ်းနက် တစ်ပိဿာ ၂၄၄၅ ကျပ်နဲ့ တစ်ပတ်အတွင်း အိတ် ၅ဝဝ ခန့် မြို့ပေါ် ဈေးကွက်မှာ အရောင်းအဝယ်ဖြစ်ခဲ့ပါတယ်။ မန္တလေး ဝယ်လက်အေးသလို ရန်ကုန် ဝယ်လက်ကလည်း ပုံမှန်သာဝယ်တယ်လို့ ပြောရပါမယ်။ ရိုးရိုးနှမ်းနက်တစ်ပိဿာ ၁၇၇၈ ကျပ်နဲ့ တစ်ပတ်အတွင်း အိတ် ၆ဝဝ ခန့်ဈေးငြိမ်ပြီး အရောင်းအဝယ်ဖြစ်ကာ ရန်ကုန်ကို ဆက်လက်တင်ပို့တယ်လို့ သိရပါတယ်။ နှမ်းနီဈေးကွက်မှာလည်း ယခင်အပတ်ဈေးအတိုင်း တစ်ပိဿာ ၁၈ဝဝ ကျပ်ဈေးနဲ့ တစ်ပတ်အတွင်း အိတ် ၁ဝဝဝ ခန့်ကို ဒေသခံစက်သမားနဲ့ ပြည်ဆီစက်လုပ်ငန်းရှင်တို့ ပုံမှန်အဝယ်ရှိ နေပါတယ်။ မြို့ပေါ်လှောင်လက် လက်ကျန်မှာ သိပ္ပံနှမ်းနက် တစ်တင်းခွဲ အိတ် တစ်သောင်းခန့်၊ ရိုးရိုးနှမ်းနက် တစ်တင်းခွဲအိတ် ၄ဝဝဝ ခန့်၊ နှမ်းနီလက်ကျန် အိတ် နှစ်သောင်းနဲ့ နှမ်းဖြူ လက်ကျန်အိတ် တစ်သောင်းခွဲခန့် ကျန်ရှိနိုင်ကြောင်း အောင်လံနှမ်းဈေးကွက်က ခန့်မှန်းတယ်လို့ သိရပါတယ်။ ကျော်မျိုးမင်း
ဈေးငြိမ်နေတဲ့ ပြည်နှမ်းဈေးကွက် ပြည်ဈေးကွက်တွင် နှမ်းဈေးမှာ ယခင်အပတ်အတိုင်း ဈေးငြိမ်နေပြီး ဆီဈေးမှာ ယခင်အပတ်ထက် ဈေးပြန်ကျလာတာတွေ့ရပါတယ်။ အဝင်မှာလည်း နွေနှမ်းစိုက်ချိန်ဖြစ်သဖြင့် အဝင်မရှိသလောက် နည်းသွားတာ တွေ့ရပါတယ်။ မြို့ခံဆီစက်များမှ လှောင်နှမ်းများကိုထုတ်၍ ဆီကြိတ်ပေမယ့် ဆီဈေးမှာ တစ်ပိဿာလျှင် ၃၆ဝဝ ကျပ်ဈေးဖြင့် ယခင်အတိုင်း ဈေးပြန်မှန်သွားတာ တွေ့ရပါ တယ်။ ဆီကြိတ်နှမ်းနီ ၄၅ ပိဿာ တစ်အိတ်လျှင် ၈၂ဝဝဝ ကျပ်နဲ့ ဆောင်းနှမ်းနက် ၄၅ ပိဿာတစ်အိတ်လျှင် ၇၄ဝဝဝ ကျပ်ဈေးဖြင့် တစ်နေ့လျှင် အိတ် ၆ဝဝ ခန့်သာ အရောင်းအဝယ်ဖြစ်လျက်ရှိပါတယ်။ ဝေဝေမင်း
နယ်စပ်မှ ယခုအပတ် နှမ်းရောင်စုံ အနည်းငယ်သာ တင်ပို့နိုင် မတ်လ ၂၃ ရက်မှ ၂၉ ရက်ထိကာလအတွင်း မူဆယ်နယ်စပ်မှ စစ်ကိုင်း၊ မန္တလေးနဲ့မကွေးတိုင်း ဒေသကြီးထွက် နှမ်းဖြူ၊ နှမ်းနက်များတင်ပို့နိုင်မှုကတော့ ကန်ဒေါ်လာ ၂၂ဝဝဝ တန်ဖိုးရှိ နှမ်းဖြူ ၁၆ တန်ကျော် နဲ့ ကန်ဒေါ်လာ ၂၉၆ဝဝ တန်ဖိုးရှိ နှမ်းနက် တန် ၂ဝကျော် တင်ပို့နိုင်ခဲ့ပါတယ်။ ယခင်အပတ်နဲ့ နှိုင်းယှဉ်ပါက နှမ်းဖြူ ၄ တန်နီးပါး ၊နှမ်းနက် ၉ တန်ကျော် လျော့နည်းတင်ပို့ခဲ့ပြီး ယခုအပတ်မှာ နှမ်းအခွံချွတ် တင်ပို့နိုင်ခဲ့ခြင်း မရှိခဲ့ပါဘူး။ တရုတ်နိုင်ငံမှ ဝယ်လိုအားရှိသော်လည်း မိမိဘက် နှမ်းဖြူပြည်တွင်းဈေးမြင့်နေပြီး တစ်ဘက်နိုင်ငံ ဝယ်ဈေးမှာပြောင်းလဲမှု မရှိခြင်း။ တရားဝင်တင်ပို့မှု လျော့နည်းခြင်းကြောင့် နှမ်းတင်ပို့မှု လျော့နည်းရခြင်း ဖြစ်ပါတယ်။ ၂ဝ၁ဝ-၂ဝ၁၁ ဘဏ္ဍာနှစ်အတွင်းနယ်စပ်မှ နှမ်းရောင်စုံတင်ပို့နိုင်မှုမှာ ၆၄၄ဝဝ တန်ကျော် ရှိပြီလို့ သိရှိရပါတယ်။ မိမိဘက်နဲ့တစ်ဘက်နိုင်ငံနှမ်းဈေးများ အား နှိုင်းယှဉ် ဖော်ပြပေးလိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၁၁၇ဝ၉၃၂ ၁၁၆၃၉၇၂ ၆၉၆ဝ ဝ .၆ ၁၃၃၈ ၁၃၃၇ ၁ ဝ .ဝ၇နှမ်းနက် ၁၄၄၄၃၃၁၇ ၁၄၄၄၃၃၁၇ - - ၁၆၇၅ ၁၆၇၅ - -MIRT (DOBT)
ယခုတစ်ပတ် ဂျပန်ကို အတင်ရှိလို့ နှမ်းတင်ပို့မှုနည်းနည်းပိုလာ ယခင်သီတင်း ၂ ပတ်ခန့်က ပင်လယ်ရေကြောင်းက နှမ်းတင်ပို့မှုအနေနဲ့ ဂျပန်ကို တင်ပို့မှုနည်းလို့ တန် ၂ဝဝ ကျော်သာ ရှိခဲ့ရာက ယခုတစ်ပတ် မတ်လ ၂၂ ရက်မှ ၂၈ ရက်အတွင်းမှာတော့ တန်ချိန် ၃၇ဝ ခန့်အထိ တင်ပို့လာနိုင်ခဲ့ပါ တယ်။ ယခုတစ်ပတ်မှာတော့ ဂျပန်နိုင်ငံကို တန် ၁ဝဝ နီးပါးတင်ပို့ခဲ့လို့ အနည်းငယ် ပိုတင်လာနိုင်တာ တွေ့ရပါတယ်။ ပြည်တွင်းဈေးကွက် အတွင်းမှာတော့ ပုံမှန် အရောင်းအဝယ်ရှိနေလို့ နှမ်းဈေးငြိမ်နေပြီးရန်ကုန် FOB ဈေးကတော့ ယခုတစ်ပတ် မှာလည်း သိပ္ပံနှမ်းနက် တစ်တန် ကန်ဒေါ်လာ ၁၈၈၅-၁၉၃၅၊ ရိုးရိုးနှမ်းနက် တစ်တန် ကန်ဒေါ်လာ ၁၅၃၅-၁၅၆ဝ နဲ့ နှမ်းဖြူ တစ်တန်ကို ကန်ဒေါ်လာ ၁၃၆ဝ- ၁၄ဝဝ အသီးသီးရှိတယ်လို့ သိရပါတယ်။ MIRT - MAPT
ပဲပုပ်ဆီဈေးအနည်းငယ်မြင့်လာပြီး အဝယ်ပုံမှန်ရှိလို့ စားအုန်းဆီကြမ်းဈေး အမြင့်နဲ့ပိတ် ချီကာကို ပဲပုပ်ဆီဈေးအနည်းငယ်မြင့်လာပြီး ဝယ်လိုအားပုံမှန်ရှိတဲ့ အလား အလာကြောင့် မတ်လ ၃ဝ ရက် မလေးရှားကုန်စည်ဒိုင်မှာ စားအုန်းဆီကြမ်း ကြိုပွိုင့်ဈေးမြင့်တက်ခဲ့တယ်လို့ သိရပါတယ်။ မလေးရှား ဘာဆာကုန်စည်ဒိုင်မှာ ဇွန်လစာချုပ်ဈေးက တစ်တန်ကို ရင်းဂစ် ၆ဝ (ကန်ဒေါ်လာ ၁၉ ဒသမ ၈) မြင့်တက်ပြီး ရင်းဂစ် ၃၃၁၅ (ကန်ဒေါ်လာ ၁ဝ၉၄) ဖြစ်ခဲ့တယ်လို့ သိရပါတယ်။ မတ်လ စားအုန်းဆီ တင်ပို့မှုဟာ တန်ချိန် ၁ ဒသမ ဝ၉ သန်းနဲ့ ၁ ဒသမ ၁၁ သန်း အတွင်းရှိတယ်လို့ ကွာလမ်လာပူမှ ကုန်သည်တစ်ဦးက ဆိုပါတယ်။ မတ်လ တင်ပို့မှုက ဖေဖော်ဝါရီလတင်ပို့မှု ပမာဏနဲ့ ကွာခြားမှုမရှိပေမဲ့ ဝယ်လိုအားတိုးတက်လာဖွယ်ရှိတယ်လို့လည်း ဆိုပါတယ်။ ချီကာကိုမှာ မေလပဲပုပ် ဆီဈေးက တစ်ပေါင်ကို ၅၇ ဒသမ ၁၈ ဆင့် (တစ်တန်ကို ကန်ဒေါ်လာ ၁၂၅၈) ဖြစ်ခဲ့တယ်လို့ သိရပါတယ်။ ဒါပေမဲ့ လေ့လာဆန်းစစ်သူများက ဒုတိယနှစ်ဝက် အတွင်း ထုတ်လုပ်မှု တိုးတက်ဖွယ်ရှိလို့ စားအုန်းဆီဈေး ထပ်မံကျဆင်းဖွယ်ရှိတယ်လို့ ခန့်မှန်းကြပါတယ်။ မလေးရှားနိုင်ငံဟာ ၂ နှစ်ဆက်တိုက် စားအုန်းဆီထုတ်လုပ်မှု ကျဆင်းခဲ့ရာမှ ယခုတစ်နှစ်လုံးမှာ တန်ချိန် ၁၈ သန်းဝန်းကျင်ကို မြင့်တက်ဖွယ် ရှိတယ်လို့လည်း ဆိုပါတယ်။ ဒါပေမဲ့လည်း မလေးရှားအခြေစိုက် Intercontinental Specialty Fats Sdm. Bhd မှ အမှုဆောင်အရာရှိ Tsutomy Usui ခန့်မှန်းပြောကြားတာတော့ ထုတ်လုပ်မှု မြင့်တက်ပေမဲ့ ဝယ်လိုအားတက်နေတာ ကြောင့် စားအုန်းဆီ တစ်တန်ရင်းဂစ် ၂၈ဝဝ (ကန်ဒေါ်လာ ၉၂၅) ကိုကျဆင်းနိုင် ဖွယ်မရှိဘူးလို့ ဆိုပါတယ်။ စားအုန်းဆီက ဈေးသက်သာပြီး ကျယ်ကျယ်ပြန့်ပြန့်ရရှိနိုင်ခြင်း၊ အခြားထုတ်ကုန်မျိုးစုံ အသုံးပြု ထုတ်လုပ်နိုင် ခြင်းတို့ကြောင့် ဝယ်လိုအား ဆက်လက် တိုးတက်နေအုံးမယ်လို့ ဆိုပါတယ်။ လက်ငင်းဈေးကွက်မှာ ဧပြီလအတွင်း စားအုန်း ဆီ (Palm Olein )ဈေးဟာ တစ်တန်ကို ကန်ဒေါ်လာ ၁၁၆၅ မှ ၁၁၇၅ ဈေးဖြစ်ပြီး ချက်ချင်းတင်ပို့ရမယ့် စားအုန်းဆီကြမ်းဈေးက ရင်းဂစ် ၃ဝ မြင့်တက်ပြီး တစ်တန်ကို ရင်းဂစ် ၃၃၈ဝ (ကန်ဒေါ်လာ ၁၁၁၆) ဈေးဖြစ်ခဲ့တယ် လို့ သိရပါတယ်။ ယုဇန၊Soucce: palmoilhq .com
စိုက်ဧရိယာမြင့်တက်နိုင်တဲ့ သတင်းများအရ ပဲပုပ်နဲ့ ပြောင်းဈေးကျဆင်း သီးနံှအများဆုံးတင်ပို့တဲ့ အမေရိကန်မှာ စိုက်ဧရိယာ မြင့်တက်နိုင်တဲ့ အလားအလာများအရ ပြောင်းနဲ့ ပဲပုပ် ဈေးနှုန်းဟာ ဒုတိယနေ့အဖြစ် ဆက်တိုက် ကျဆင်းခဲ့တယ်လို့ သိရပါတယ်။ အလားတူ ဂုံျဈေးနှုန်းလည်း ကျဆင်း ခဲ့ပါတယ်။ မတ်လ ၂၄ ရက်နေ့ ချီကာကိုမှာ မေလပို့ရမယ့် ပြောင်းဈေးနှုန်း ဟာ ဝ ဒသမ ၆ ရာခိုင်နှုန်းလျော့ကျပြီး တစ်ဘူရှယ်ကို ကန်ဒေါ်လာ ၆ ဒသမ ၇၇၂၅ (တစ်တန်ကို ကန်ဒေါ်လာ ၂၇၁) နဲ့ အရောင်းအဝယ်ဖြစ်ခဲ့ပြီး မေလပို့မယ့် ပဲပုပ်ဈေးလည်း ဝ ဒသမ ၄ ရာခိုင်နှုန်းလျော့ကျကာ တစ်ဘူရှယ် ၁၃ ဒသမ ၄၆၅ (တစ်တန်ကို ကန်ဒေါ်လာ ၄၉၈) ဖြစ်ခဲ့တယ်လို့ သိရပါတယ်။ ရေနံဈေးနှုန်းက ၂ နှစ်ကျော် အတွင်း အမြင့်ဆုံးရောက်ရှိခဲ့တာ ကြောင့် လောင်စာဆီအသုံးပြုတဲ့ သီးနံှ ဈေးတွေကိုပါမြင့်တက်ခဲ့ရာ မတ်လ ၂၃ ရက်မတိုင်မီ ပြောင်းဈေးဟာ ၄ ရက် အတွင်း ၁၁ ရာခိုင်နှုန်းခန့် မြင့်တက်ခဲ့ပြီး ပဲပုပ်ဈေးနှုန်းက မတ်လ ၂၂ ရက် မတိုင်မီ ၇ ဒသမ ၅ ရာခိုင်နှုန်းမြင့် တက် ခဲ့တယ်လို့ သိရပါတယ်။ ဈေးမြင့်တက်ခဲ့ ပြီး ယခုလိုဈေးပြန်ကျဆင်းခြင်းဟာ ယာယီမျှသာဖြစ်နိုင်တယ်လို့ KB ကြိုပွိုင့်ကုမ္ပဏီမှ ဝါရင့်ကုန်သည် တစ်ဦးက ဆိုပါတယ်။ ရေနံဈေး တစ်စည် ဒေါ်လာ ၁ဝဝ အထက်ရှိနေ ခြင်း ကြောင့် ဇီဝလောင်စာအသုံးပြုဖို့ ဝယ်လိုအားတတ်နိုင်တဲ့အတွက် ပြောင်းဈေး လည်း တက်နိုင်တယ်လို့ ဆိုပါတယ်။ အမေရိကန်တောင်သူများဟာ ဈေးနှုန်းမြင့်တက်မှုကြောင့် ယခုနှစ် ပြောင်းနဲ့ပဲပုပ်ပိုစိုက်လိမ့်မယ်လို့ တောင်သူ ၁၄ဝဝ ခန့်ကို စစ်တမ်း ကောက်ယူချက်အရ လယ်ယာထွက်ကုန်ကြိုပွိုင့် မဂ္ဂဇင်းက ဖော်ပြထားပါတယ်။ ပြောင်း စိုက်ပျိုးမှုအနေနဲ့ ယခင်နှစ်ထက် ၃ ဒသမ ၆ ရာခိုင်နှုန်းပိုပြီး စိုက်ဧက ၉၁ ဒသမ ၄ သန်း၊ ပဲပုပ်စိုက်ဧက ၁ ဒသမ ၄ ရာခိုင်နှုန်း မြင့်တက်ပြီး ဧက ၇၈ ဒသမ ၅ သန်းရှိမယ်လို့ ဆိုပါတယ်။ ဈေးနှုန်းအနေနဲ့ ပြောင်းဈေးနှုန်းဟာ ယခင်နှစ်ထက် ၈၆ ရာခိုင်နှုန်း၊ ပဲပုပ် ဈေးက ၄ဝ ရာခိုင်နှုန်းနဲ့ ဂံျုဈေးက ၄၉ ရာခိုင်နှုန်းမြင့်တက်ခဲ့တယ်လို့ သိရပါ တယ်။ ယမင်းခင် Source: bloomberg.net