မလေးရှားစားအုန်းဆီအပတ်စဉ်ပျမ်းမျှ(FOB)ဈေးနှုန်း၃-၆-၂ဝ၁၁                                     US$/Ton                      မေလစတုတ္ထပတ်    မေလပဉ္စမပတ်           နှိုင်းယှဉ်ချက်ွ RBD P.Oil            ၁၁၉၇ .ဝဝ          ၁၂ဝ၇ .၅ဝRBD P.Olein         ၁၂၁၃ .၅ဝ          ၁၂၂၁ .၅ဝ RBD P.Strarin     ၁၁ဝ၃ .၅ဝ          ၁၁ဝ၁ ၅ဝSource: econ.mpob

ပြည်ပဲပုပ် ဈေးငြိမ်လျက်ရှိ              ပြည်ပဲပုပ်ဈေးမှာ ယခင်တစ်ပတ်ဈေးနှုန်းအတိုင်း အပြောင်းအလဲမရှိဈေးငြိမ်နေပါတယ်။ ပိဿာ ၂ဝ တစ်တင်းကို လက်လီဈေး ၁၇ဝဝဝ ကျပ်၊ လက်ကားဈေး ၁၆ဝဝဝ ကျပ်ဖြင့် အဝယ်ရှိရင် ရှိသလို အရောင်းအဝယ်ဖြစ်ကြောင်း သိရပါတယ်။ တိုင်းအတွင်းရှိ မြို့နယ်များမှ နေ့စဉ်အဝင်မရှိဘဲ တစ်ရက်ခြား၊ နှစ်ရက်ခြားသာ ဝင်ရောက်ပြီး ယခုတစ်ပတ်မှာတော့ အဝင် လုံးဝမရှိဘူးလို့ သိရပါတယ်။ ဆုမွန်ဆွေ

ဧပြီလမိုးကြောင့် အညာနှမ်းများ အောင်မြင်                တောင်သာမြို့နယ် တွင်နှမ်းဧက ၃ဝဝဝဝ ကျော်စိုက်ပျိုးခဲ့ရာဧပြီလမိုးကြောင့် ရာသီဥတုကောင်းမွန်ပြီး နှမ်းများ အောင်မြင်ဖြစ်ထွန်းတယ်လို့သိရပါတယ်။ တရုတ်ဈေးကွက်မှန်မှန်ဝယ်ခြင်း၊ ဆီစက်များဆီကြိတ်ခွဲနေခြင်း၊ နှမ်းအကြိုက်မိုးရ နေခြင်း တို့ကြောင့်စိုက်ပိုျးမှုအားကောင်းခဲ့ပါတယ်။ ယခုနှစ်မိုးနှမ်းအစိုက်စောလို့ နှမ်းထွက်လည်း တစ်လခန့်စောနိုင်တယ်လို့ နှမ်းစိုက်တောင်သူတို့ကဆိုပါတယ်။ ကျောက်ဆည်မြို့နယ် မှာလည်းမိုးရွာသွန်းမှုအခြေ အနေကနှမ်းစိုက်ပျိုးမှုအထွက် ကောင်းတာကြောင့်နှမ်းစိုက်တောင်သူများ အထွက်နှုန်း ၁ဝ တင်းအထက်ရှိမယ်လို့ မှန်းကြပါတယ်။ ယခင်နှစ်ကအထွက်နှုန်း ၇ တင်း၊ ၈ တင်းခန့်သာရှိခဲ့ပေမယ့် ယခုနှစ်ရာသီဥတုကောင်းလို့ အောင်မြင် နေတဲ့နှမ်းခင်းတွေက တင်း ၂ဝ ခန့်ထွက်မယ် လို့လည်း ခန့်မှန်းကြပါတယ်။ ယနေ့တစ်တင်းပေါက်ဈေး ၂၄ဝဝဝ ကျပ်ရှိတာကြောင့်တစ်ဧကကုန်ကျစရိတ် ၁၂ဝဝဝဝ ကျပ်ကို နုတ်ရင် အသားတင်အမြတ်ဝင်ငွေတိုးမှာဖြစ်လို့ မိုးစပါး မစိုက်မီစိုက်ပျိုးသင့်တဲ့ သီးနံှတစ်မျိုးလို့ဆိုပါတယ်။တံတားဦးမြို့နယ်မှာ လည်း ဆည်ရေရရှိမှု၊ မိုးရေရရှိမှုတို့ကြောင့် စိုက်ဧကပြည့်မီကျော်လွန်အောင်စိုက်နိုင်တယ်လို့သိရပါတယ်။ ယခင်နှစ်က မိုးလေဝသမကောင်းလို့ အထွက်နှုန်း ၃ တင်းသာရှိခဲ့ပြီး ယခုနှစ်မှာတော့ရာသီဥတုကောင်းတာကြောင့် အထွက်နှုန်း ၉ တင်းက ၁၃ တင်းကျော်အထိ ရှိနိုင်မယ်လို့ နွေနှမ်းစိုက်တောင်သူတို့ကဆိုပါတယ်။                                မိုးထူူးသက်

ဈေးငြိမ်အရောင်းအဝယ်ဖြစ်နေတဲ့ ပြည်နှမ်း              ပြည်ဈေးကွက်တွင် နှမ်းဈေးငြိမ်ပြီး အရောင်းအဝယ်အေးတာတွေ့ရပါတယ်။ မိုးနှမ်းများစိုက်ချိန်ဖြစ်လို့ အဝင်မရှိဘဲ ပွဲရုံများမှ ဆီကြိတ်ဖို့ လှောင်နှမ်းများ ထုတ်ရောင်းပေမဲ့ အရောင်းအဝယ်သိပ်မဖြစ်တာတွေ့ရပါတယ်။ ယခင်အပတ် ဈေးအတိုင်း နှမ်းနီ ၄၅ ပိဿာတစ်အိတ်ကို ၄၈ဝဝဝ ကျပ်နဲ့ နှမ်းနက် ၄၅ ပိဿာ တစ်အိတ်ကို ၈ဝဝဝဝ ကျပ်ဈေးဖြင့် ဈေးငြိမ်နေပြီး နှမ်းဆီ တစ်ပိဿာကို ၃၆ဝဝ ကျပ်ဖြင့် ယခင်အပတ်အတိုင်း အရောင်းအဝယ်ဖြစ်တာတွေ့ရပါတယ်။             ဝေဝေမင်း