ပုသိမ်မြို့ စက်သုံးဆီ သုံးစွဲသူများအတွက် ပုဂ္ဂလိကစက်သုံးဆီဆိုင်များမှ ဆီစာအုပ်များ ပြုလုပ်ပေးလျက်ရှိ                        စက်သုံးဆီကဏ္ဍတွင် ပုသိမ်မြို့တွင်း နေ့စဉ်သွားလာလျက်ရှိသော မော်တော်ဆိုင်ကယ်နှင့် ကားများ အတွက် စက်သုံးဆီများကို တန်းစီစနစ်ဖြင့် ရောင်းချပေးလျက်ရှိနေပါတယ်။ ယခုအချိန်တွင် ပုဂ္ဂလိက စက်သုံး ဆီဆိုင်များမှ ယခင်တန်းစီစနစ်ဖြင့် ဝယ်ယူရာထက် သုံးစွဲသူများ ပိုမိုအဆင် ပြေစေရန် ရည်ရွယ်ပြီး ပုသိမ်မြို့အတွင်း ရှိ မော်တော်ဆိုင်ကယ်၊ ကားများ အတွက် ဆီစာအုပ်များ ပြုလုပ်ပေးလျက်ရှိကြောင်း သိရပါတယ်။ စက်သုံးဆီစာအုပ်ကို ကုမ္ပဏီမှ ပြုလုပ်ပေးရာတွင် မော်တော်ဆိုင်ကယ်ဝှီးတက်နှင့် ဥတညနမ သြသု ပြသရပြီး ဆိုင်ကယ်ဆီစာအုပ်များကို အရောင်ခွဲ ထား၍ ဆိုင်ကယ်တစ်ရက်ခြား ဂါလန် ဝက်နှင့် မော်တော်ကား တစ်ရက်ခြား ၄ ဂါလန် ရောင်းချပေးကြောင်း သိရပါတယ်။             မင်းမင်းဦး

ရန်ကုန်ကားဈေးကွက် အရောင်းအသင့်အတင့်ရှိနေ                    မေလ၏ထက်ဝက်ဖြစ်သောဒုတိယရက်သတ္တပတ်တွင် ရန်ကုန်မြို့၏ ကားဈေးကွက်အခြေအနေမှာ အကောင်းကြီးထဲ မဟုတ်သော်လည်း အရောင်း အဝယ်အသင့်အတင့်ရှိနေကြောင်း သိရသည်။ အပေါ်ဝိုင်းလည်း အပေါ်ဝိုင်း အလျောက် အပေါ်ကားနှင့် အလယ် အလတ်ကားများ အသင့်အတင့် အရောင်းအဝယ်ရှိနေပြီး အောက်ဝိုင်း များတွင် ပစ်ကပ်လေးများ၊ ဆလွန်း မိုဒယ်နိမ့်များ၊ စက်မှုဇုန်ထုတ် သိန်း ၁ဝဝ အောက် ပစ်ကပ်များ၊ CNG တက္ကစီ အနိမ့်များ အရောင်းအဝယ်အနည်းငယ် ရှိကြောင်း သိရသည်။ ယခုကာလသည် ကျောင်းဖွင့်ကာ လနီးကပ်လာပြီဖြစ်၍ ယခင်နှစ်များ၏ ထုံးစံအတိုင်း အရောင်းအဝယ်လေးများ ဖြစ်လေ့ရှိရာ ယခင်နှစ်များအား မမီငြား သော်လည်း ယခုနှစ်ဆန်းပိုင်းလများ၏ ဈေးကွက်အခြေအနေနှင့်စာလျှင် မဆိုးသေးဟု ဆိုရမည်ဖြစ်သည်။ ယခင်နှစ်များကတည်းက ခွင့်ပြု ပေးခဲ့သော စက်မှုဇုန်ထုတ်အဆင့်မြင့် ဘက်စုံသုံး (အပ်ပီဗွီ) ယာဉ်များလည်း သင့်တင့်သောဈေးဖြင့် ဈေးကွက်ထဲသို့ လှိုင်လှိုင် ဝင်ရောက်လာသဖြင့် လက်တွင်းငွေရှိ၍ ကားဝယ်မည့်သူများလည်း အသစ်၊ အကောင်းမက်သော သဘာဝ အရ စက်မှုဇုန်ထုတု်ကားသစ်များအား ဝယ်ယူစီးနင်းကာ သုံးစွဲသူများလာကြောင်း သိရသည်။ တရုတ်နိုင်ငံနှင့် ဖက်စပ်ထုတ်လုပ်ထားသော လူစီးယာဉ်ငယ်များ အများဆုံး အသုံးပြုလာကြ သည့်အထဲတွင် သြင်္ကန်ကာလအပြီး ရေပန်းစားလာသော ဌာနဆိုင်ရာ ထုတ် မီနီဆလွန်း လူစီးယာဉ်ငယ်မှာ လူကြိုက် များမှု ထိပ်ဆုံးမှာရှိနေကြောင်း၊ ပြင်ပ စက်မှုဇုန်ထုတ် တရုတ်နိုင်ငံဖြစ်ကားများနှင့်ယှဉ်လျှင် အရွယ်အစား ကွာခြားသေးငယ်သော်လည်း လူအများ၏ ပုံဆန်း၊ ပုံသစ် စိတ်ဝင်စားတတ်သော သဘောအရ ပေါက်ဈေးထက်ပင် ၃ ဆ နီးနီး ၁၄ဝ သိန်းခန့်ဖြင့် တစ်ဆင့်ဝယ်ယူ စီးနင်းလာခြင်းရှိကြောင်း အပေါ်ဝိုင်းဝါရင့် ယာဉ်အကျိုးဆောင်ကိုမြင့်ကျော်မှ ပြောသည်။                    ကားဈေးများ တက်နေသည် မဟုတ်သော်လည်း အပေါ်ဝိုင်းထဲတွင် အဖွဲ့အစည်းသွင်း ကိုရီးယားနိုင်ငံထုတ် အဆင့်မြင့် ဆလွန်ကားများ တစ်စီးစ နှစ်စီးစမှာ တဖြည်းဖြည်း အရောင်း အဝယ်ရှိနေပြီး အရောင်ခွဲခြားဈေးဖြတ် ကြကာ ကျပ်သိန်း ၁ဝဝဝ မှ ၁၁ဝဝ ကြား တစ်ဆင့်ပြန်လည်ရောင်းချကြကြောင်း ၎င်းမှပြောသည်။ SN

ကား အရောင်းအဝယ် ပါးနေပြီး အငှားဈေးကွက် အားကောင်းလာ                 ရန်ကုန်မြို့ရှိ ကားဈေးကွက်အခြေအနေမှာ သြင်္ကန်ပွဲ တော်အပြီးတွင် ရောင်းပန်းဝယ်ပန်း အနည်းငယ်ပွင့်ကာ အရောင်းအဝယ်များရှိလာကြောင်း သိရသည်။ ယခုအချိန်သည် ကျောင်းများ ပိတ်ရက်ရှည်ကာလဖြစ် သည့်အတိုင်း ခရီးသွားရာသီဖြစ်၍ လည်းကောင်း နောင်လာမယ့် မိုးဦးကျအစတွင် ကျောင်းများ ဖွင့်လှစ်မည့်ရာသီ နီးလာ၍လည်းကောင်း ဖြစ်လေ့ဖြစ်ထရှိသော ဈေးကွက် သဘာဝအတိုင်း ဈေးတန်းလေးများသင့်ကာ အရောင်းအဝယ် ဖြစ်လာခြင်းဖြစ်ကြောင်း သိရသည်။ ဈေးကွက်ထဲတွင် ထုံးစံအတိုင်း ရောင်းတန်းဝင်ကား များ၊ လူကြိုက်များသော ကားများမှာ ထိပ်ဆုံး၌ရှိနေပြီး ယခု နှစ် ခရီးသွားရာသီတွင် စူပါကပ်စတန်ဝက်ဂွန်များ ဈေးလိုက် လာကာ လီမိတက်ဆိုလျှင် ကျပ်သိန်း ၃၅ဝ နှင့် ၄ဝဝ ကြားထိ ဈေးရှိနေပြီး ကပ်စတန်ရိုးရိုး (လေးဘီးယက်)ဆိုလျှင် ကျပ် သိန်း ၂၆ဝ၊ ၂၇ဝ ခန့်ရှိကြောင်း၊ ကျောင်းဖွင့်ရာသီမျှော် ၍ ကျောင်းကားဆွဲရန် တောင်းအေ့(စ်) ပစ်ကပ်များလည်း ဈေးပြန်တန်းလာကြောင်း သိရသည်။ ဈေးကွက်တွင်းလတ်တလော ရေပန်းစားပြီးလူကြိုက်များလာသည်မှာ ဌာနဆိုင်ရာထုတ် မီနီစမောဆလွန်းတံခါး လေးပေါက်လူစီးယာဉ်ငယ်များဖြစ်ပြီး ပြင်ပတွင် ထုတ်ဈေး သတ်မှတ်ဈေးထက် နှစ်ဆကျော်ခန့် ဈေးပေါက်ကာ ကျပ် သိန်း ၁၂ဝ ခန့် တစ်ဆင့်ပြန်လည်ရောင်းချလာကြောင်း၊ နောင်တစ်ချိန် ထုတ်ယူခွင့်ရရှိရန် စောင့်ဆိုင်းရယူရမည့် ကြိုတင်ပါမစ်များလည်း ဈေးကွက်တွင်း ကြိုတင်ဈေးဖြင့် မစောင့်နိုင်သူများမှ တစ်ဆင့်ပြန်လည်ရောင်းချမှုများရှိလာ ပြီး ကျပ် ၁ဝ သိန်း၊ ၁၅ သိန်းခန့် ဈေးဖြစ်ပေါ်နေကြောင်း အပေါ်ဝိုင်း ဝါရင့်အကျိုးဆောင် ကိုမြင့်ကျော်မှပြောသည်။ SN

မန္တလေးကားဈေးကွက်မှာ ကားအဝင်နည်းလို့ ရန်ကုန်ဈေးကွက်ကို ဆင်းဝယ်                 မန္တလေးကားဈေးကွက်တွင် ကားအဝင်နည်း၍ ဝယ်လိုအားရှိခြင်းကြောင့် ရန်ကုန်ကားဈေးကွက်ကို ဆင်းဝယ်လျက်ရှိကြောင်း လမ်း ၆ဝ ကားဝယ်ရောင်း စခန်းမှ သိရပါတယ်။                     ဝါရင့်ကားဝယ်ရောင်းသမား ဦးဝင်းမြင့်က ''ဒီနှစ်မှာ သြင်္ကန်ပြီးပြီးချင်းကို အဝယ်ဆင်းလာကြတဲ့အတွက် ဝယ်လိုအားရှိနေတယ်။ ဈေးကွက်ထဲမှာက ပစ္စည်း အဝင်မရှိတဲ့အပြင် လေလံပွဲတွေလည်း ရပ်သွားတဲ့အတွက် လက်ရှိပစ္စည်းဘဲ ဝယ် ရောင်းလုပ်ရတယ်။ တချို့ ရန်ကုန်ဈေးကွက်ကို ဆင်းဝယ်ကြတယ်။ ဈေးကွက် ကတော့ ဈေးနှုန်းအပြောင်းအလဲမရှိဘဲ ဈေးတန်းနေတယ်''လို့ ပြောပါတယ်။ ကားဈေးကွက်တွင် (ရွှေငါး)မတ်တူး၊ ရှေ့ဆွဲဗင်လီမိတက်၊ ဆလွန်းနဲ့ စက်မှုဇုန် ထုတ်ကားများ အဝယ်လိုက်တယ်လို့ သိရပါတယ်။ လီမိတက် (လ.သ.အ) အက္ခရာ88, 89  မော်ဒယ် ကျပ်သိန်း ၂၂ဝ ဝန်းကျင်၊ စူပါဆလွန်း (လ. သ.အ) အက္ခရာ 86, 87  မော်ဒယ် ကျပ်သိန်း ၁၅ဝ ဝန်းကျင်၊ နောက်တွဲဗင် (လ.သ.အ) အက္ခရာ 86,87  မော်ဒယ် (1.5) အင်ဂျင် ကျပ်သိန်း ၂ဝဝ ကျော်၊ ရှေ့ဆွဲဗင် ကားသန့် ကျပ်သိန်း ၂၂ဝ ဝန်းကျင်၊ မှန်ခုံးဗင် (ဖင်ကောက်) ၂ဝဝ၁-၂ဝဝ၂ မော်ဒယ် (၄ဂ၊ ၅ဂ)အက္ခရာ ကျပ်သိန်း ၅ဝဝ ဝန်းကျင်၊ မတ်တူး (ရွှေငါး) ၄ဂ၊ ၅ဂ ကျပ်သိန်း ၉ဝဝ ဝန်းကျင်၊Light Truck 2001-2002 မော်ဒယ် ကျပ်သိန်း ၁၇ဝ ဝန်းကျင်ရှိကြောင်း သိရပါတယ်။ ဇူးဇူး