နွားထိုးကြီးမြို့မှ အင်ကြင်းအလှဆင်ပစ္စည်းလုပ်ငန်း             နွားထိုးကြီးမြို့နယ်မှ ထွက်ရှိသော အင်ကြင်းကျောက်များမှာ လွန်ခဲ့တဲ့ နှစ်သန်း ၃ဝ ကျော်က အင်ကြင်းပင်မှ ဖြစ်တဲ့ ကျောက်ဖြစ်ရုပ်ြွကင်းများ ဖြစ်တယ်လို့ ဘူမိဗေဒပညာရှင်များက ခန့် မှန်းထားကြောင်း သိရပါတယ်။ ၎င်း အင်ကြင်းကျောက်များကို ယခင်က နွားထိုးကြီးမြို့နယ်၊ ဘုရားကြီးကျေးရွာ (ဝတီမြို့ဟောင်း)မှ ပျူခေတ် ချင်းပုတီး များထုတ်လုပ်လျက်ရှိပြီး၊ ယခုအခါမှာ နွားထိုးကြီးမြို့၊ အမှတ် (၅) ရပ်ကွက်ရှိ အင်ကြင်းပစ္စည်းအရောင်းဆိုင်Ingyin (Wood Fossil Handicraft Shop) တွင် အင်ကြင်းကျောက်မှ အချောကိုင် ၍ လက်ကောက်၊ ဆွဲကြိုး၊ စိတ်ပုတီး အမျိုးမျိုး၊ သော့ချိတ်၊ စာရွက်ဖိ၊ အရုပ်မျိုးစုံမှစ၍ ဟိုတယ်အလှဆင်ပစ္စည်း များအဖြစ် ကုန်ချောများ ထုတ်လုပ် ရောင်းချနေပြီး ဈေးနှုန်းမှာ အနိမ့်ဆုံး ကျပ် ၁ဝဝဝ မှ ပစ္စည်းအမျိုးအစား အလိုက် အမြင့်ဆုံးဈေး သိန်းဂဏန်း အထိရောင်းချကြောင်း သိရပါတယ်။ ကုန်ကြမ်းများအနေဖြင့် တောင်သူများ လယ်ထွန်၊ ယာထွန်ရာမှ ရရှိတဲ့ ကျောက်ကြမ်းများကို ကျောက်အရည် အသွေးပေါ်မူတည်၍ တစ်ပိဿာကို ကျပ် ၃ဝဝ မှ ၅ဝဝ အထိ ဝယ်ယူရ ကြောင်း သိရပါတယ်။                ပြည်တွင်း ဈေးကွက်အနေဖြင့် နေပြည်တော်၊ ရန်ကုန်၊ မန္တလေး၊ ပုဂံ ညောင်ဦး၊ တောင်ကြီး၊ အင်းလေးအထိ တင်ပို့ရောင်းချနေရပြီး၊ ပြည်ပဈေးကွက် သာရရှိလာပါက ဒေသအနေဖြင့် အလုပ်အကိုင်အခွင့်အလမ်းများ ပေါ်လာပြီး ပြည်တွင်းနိုင်ငံခြားဝင်ငွေ ရရှိ နိုင်သော လုပ်ငန်းတစ်ခု ဖြစ်လာနိုင်ကြောင်း သိရပါတယ်။ သန်းးအေး

မန္တလေးမြို့ရှိ နိုင်ငံပိုင်အဆောက်အအုံနှင့် မြေကွက်များ လေလံအောင်စာရင်း ကြေညာ              ပုဂ္ဂလိကပိုင်ပြုလုပ်ရေးကော်မရှင်က ဖေဖော်ဝါရီ ၂၄ ရက်မှာ ပြုလုပ်ခဲ့တဲ့ နိုင်ငံပိုင် အဆောက်အအုံနှင့် မြေကွက်များ လေလံတင်ခဲ့ရာ မတ်လ ၁၅ ရက်နေ့တွင် လေလံအောင်စာရင်းအား ထုတ်ပြန်ကြေညာခဲ့တယ်လို့ သိရပါတယ်။               လေလံတင်ခဲ့တဲ့ အဆောက်အအုံနဲ့ မြေကွက်များမှာ မန္တလေးမြို့ လမ်း ၈ဝ ရှိ ပြန်ကြားရေးဝန်ကြီးဌာနပိုင် မစိုးရိမ်ရုပ်ရှင်ရုံအား ငွေကျပ်သန်း ၅ဝဝဝ ဖြင့်လည်းကောင်း၊ အောင်မြေသာစံမြို့နယ် ၂၂ လမ်းရှိ အမှတ် ၁ စက်မှုဝန်ကြီးဌာပိုင် မီးခြစ်စက်ရုံအား ငွေကျပ်သန်း ၃၅၁၁ ဖြင့်လည်းကောင်း၊ ချမ်းအေးသာစံမြို့နယ် ဒေးဝန်းရပ်ကွက်ရှိ ဆပ်ပြာစက်ရုံအမှတ်(၃)အား ငွေကျပ်သန်း ၂၂ဝဝ ဖြင့်လည်းကောင်း၊ ကျောက်ဆည်မြို့နယ်ရှိ ကျောက်ပြားစက်ရုံအား ငွေကျပ်သန်း ၆ဝဝ ဖြင့်လည်းကောင်း၊ မတ္တရာမြို့နယ်ရှိ အုတ်စက်ရုံအား ငွေကျပ် သန်း ၄၆ဝ ဖြင့်လည်းကောင်း၊ ချမ်းအေးသာစံမြို့နယ် ၂၇ လမ်း၊ ၈၃ လမ်းနှင့် ၈၄ လမ်းကြားရှိ ဟိုတယ်နှင့် ခရီးသွားလာရေးလုပ်ငန်းဝန်ကြီးဌာနပိုင် တိုက်ခန်းအား ငွေကျပ် သန်း ၂၂၅ ဖြင့်လည်းကောင်း၊ ချမ်းအေးသာစံမြို့နယ် အကွက် ၅၇ဝ၊ ၈၁ လမ်း ၃၁ လမ်းနဲ့ ၃၂ လမ်းကြား နိုင်ငံပိုင်သိမ်းဆည်း သုံးထပ်တိုက်အား ငွေကျပ် သန်း ၁၂ဝဝ ဖြင့် လည်းကောင်း၊ ချမ်းမြသာစည်မြို့နယ် မြို့သစ်(ခ)ရပ်ကွက် ပေ ၄ဝ x ၆ဝ နှစ်ထပ်တိုက်အား ငွေကျပ်သန်း ၁၇ဝ ဈေးဖြင့် လေလံအောင်ခဲ့ကြောင်း သိရ ပါတယ်။                 လေလံအောင်သူများတွင် မြန်မာနေရှင်နယ်လိဂ် ဘောလုံးအသင်းပိုင်ရှင်များနှင့် စပွန်ဆာအချို့ပါဝင်ကြောင်း သိရပါတယ်။ လေလံအောင်သူများအနေနဲ့ တန်ဖိုးရဲ့ ၃ဝ ရာခိုင်နှုန်းကို နှစ်ပတ်အတွင်း ငွေသွင်းရမှာဖြစ်ပြီး ကျပ် ၇ဝ ရာခိုင်နှုန်းနှုန်းမှာလည်း ငွေကျပ်သန်း ၁ဝဝဝ အောက်ကို သုံးလအတွင်း သွင်းရန်နဲ့ ငွေကျပ်သန်း ၁ဝဝဝ အထက်ကို ခြောက်လအတွင်း ပေးသွင်းရန် သတ်မှတ်ထားကြောင်း သိရပါတယ်။                                                        ဇူးဇူး

သိန်းထောင်ချီ မြေနေရာများ ပိုမိုစိတ်ဝင်စားလာ                   သိန်းထောင်ချီဟု ပြောရလောက်သည့်သိန်းတစ်ထောင်နှင့်သိန်းငါးထောင် ဝန်းကျင်ကြား မြေနေရာများကို ဝယ် ယူလိုသူများ ပိုမိုစိတ်ဝင်စားလာကြကြောင်း အိမ်၊ ခြံ၊ မြေ အကျိုးဆောင် လုပ်ငန်းတစ်ခုမှ သိရသည်။ ထိုကဲ့သို့သော မြေနေရာများကို ဝယ်ယူလိုသူများမှ စိတ်ဝင်စားလာကြ သော်လည်းလက်တွေ့အရောင်းအဝယ် ဖြစ်မှုမှာမူ ပုံမှန်မျှသာရှိနေသေးကြောင်း ဦးအေးဇော်ဦး အိမ်၊ ခြံ၊ မြေ အကျိုး ဆောင်လုပ်ငန်းမှ ပြောပြသည်။ ''သိန်းတစ်ထောင်နဲ့ ငါးထောင် ကြားလောက်ကိုပဲ စိတ်ဝင်စားကြတာများတယ်။ ဒေါ်လာဈေး မငြိမ်သေးတာ ကြောင့် အခြေအနေစောင့်ကြည့်နေ ကြတာလားတော့ မသိဘူး။ ဈေးတက်တာ စောင့်နေပုံရတယ်။ အရောင်း အဝယ်ကတော့ သိပ်မဖြစ်ပါဘူး။ ပြီးခဲ့ တဲ့ လတုန်းကတော့ ၁ဝ မိုင်ကုန်းဘက် မှာ သိန်း ၁၂ဝဝတန်တစ်ကွက်နဲ့ ၁၅ဝဝ တန်တစ်ကွက် အရောင်းအဝယ်ဖြစ် သွားတယ်''ဟု အဆိုပါပုဂ္ဂိုလ်မှ ပြောပြ သွားခဲ့သည်။                   အိမ်ခြံမြေဈေးနှုန်းများမှာ ငါးနှစ် အတွင်း ၂၅ ရာခိုင်နှုန်းမှ ၄ဝ ရာခိုင်နှုန်း အထိ ဈေးတက်လာခဲ့ကြောင်းလည်းသိ ရသည်။ ၂ဝဝ၈ ခုနှစ်အတွင်းက သိန်း ၄ဝဝ၊၅ဝဝ ခန့်ဈေးပေါက်ခဲ့သောမြေနေ ရာများမှာ ယခုအခါ ကျပ်သိန်း ၂ဝဝဝ ခန့်ထိ ဈေးနှုန်းများမြင့်တက်လာခဲ့သည် ဟုသိရသည်။ မင်းးချို 

 ရန်ကုန်ကားဈေးကွက် အသင့်အတင့် အရောင်းအဝယ်ကောင်းလာ                မတ်လ နောက်ဆုံးပတ်တွင် ရန်ကုန်မြို့ ကားပွဲစားတန်းများ၏ အခြေအနေမှာ အရောင်းအဝယ် အသင့်အတင့်ရှိလာပြီး အခြေအနေ ကောင်းလာသည်ဟု ဆိုရမည်ဖြစ် သည်။ လေပြင်းများတိုက်ပြီး မိုးအနည်းငယ် ရွာသွန်းတတ်သည့် ရာသီဥတု အပြောင်းအလဲကြားမှာပင် ပွဲစားတန်းများတွင် ကားအရောင်းအဝယ် အတွက် လာထိုး လာရပ်သည့် ကား များ၊ ကားလည်းကြည့်ရင်း ဈေးကွက် စနည်းနာမည့်လူများ စသည်ဖြင့် အနည်းငယ်ပြန်စည်ကားလာကြောင်း တွေ့ရသည်။                ကားဈေးတန်းများအနေဖြင့် ယခင် လများထက်စာလျှင် ပိုမာလာပြီး အမှန် လိုအပ်သဖြင့် ဝယ်စီးမည့်သူများ၊ ဈေး မာလာခြင်းကို မျှော်ကိုး၍ဈေးသင့်ပါက ဝယ်ကောက်ထားသည့်သူများ များလာ ကြောင်း၊ ဈေးကွက်ထဲတွင် စက်မှုဇုန် ထုတ် အဆင့်မြင့်ကားများဈေးမာသလို ယခင်ရှိပြီး ဂျပန်လုပ်ကားဟောင်းများ၊ လေလံအောင်ကားများ၊ အခွန်ဆောင် ပြီး ကားများစသည့် အပေါ်ကားများ သူ့အချိုးအစားအလိုက် ဈေးပြန်မာ လာကြောင်း သိရသည်။                ကားဈေး အနည်းငယ် ပြန်မာရခြင်းမှာ ပုံမှန်ဖြစ်နေကြ ခရီးသွားရာသီ နှင့် သြင်္ကန် အတာရေသဘင်ပွဲတော် နီးကပ်လာခြင်းကြောင့် ဖြစ်နိုင်သလို မြန်မာနိုင်ငံရှိ သုံးစွဲနေသောကားများ အများဆုံး တင်သွင်းရာ ဂျပန်နိုင်ငံ၏ မြေငလျင်ဖြစ်စဉ် သတင်းများကြောင့် ဖြစ်နိုင်ကြောင်း၊ တိုက်ရိုက်မသက်ဆိုင် သော်လည်း ဆက်နွယ်ပြီး ထင်ကြေး ပေးခြင်း၊ အခြားသတင်းများ ကြားလာ ရခြင်း စသည့်အချက်များကြောင့်လည်း ဖြစ်နိုင်ကြောင်း ဝါရင့် ယာဉ်ဝယ်/ ရောင်း ကိုမြင့်ကျော်မှ ရှင်းပြသွားသည်။ အဆိုပါ ကာလမတိုင်ခင်ကပင် ဌာနဆိုင်ရာမှ အာတီအေ သတ်မှတ်ချက်၊ ကန့်သတ်မှုများလာခြင်းကြောင့် ဈေးမာနေခဲ့သော စက်မှုဇုန်ထုတ် အဆင့်မြင့်ကားများသည် ယခုအချိန် ပိုမို၍ ဈေးမာလာပြီး သိန်း ၃ဝဝ ဝန်း ကျင်ဈေးရှိရာမှ ယခုအခါ သိန်း ၃၅ဝ၊ ၃၆ဝ ခန့် ပေါက်ဈေးဖြစ်ပေါ်လာ ကြောင်း သိရသည်။ SN