မန်းစက်သုံးဆီဈေးနှုန်း ဈေးမာလျက်ရှိ                     မန္တလေးမြို့ရှိ စက်သုံးဆီအရောင်းဆိုင်များတွင် စက်သုံးဆီ ဈေးနှုန်းများ ဈေးမာလျက်ရှိကြောင်း သိရပါတယ်။ ဖေဖော်ဝါရီလဆန်းပိုင်းက ဒီဇယ် တစ်ဂါလန်ကို ၃၃ဝဝ ကျပ်ဈေးရှိခဲ့ရာမှ လလယ်ပိုင်းကစ၍ ဈေးမြင့်တက်ခဲ့ရာ အမြင့်ဆုံးဈေး ၅၂ဝဝ ကျပ်ထိ မြင့်တက် လာခဲ့ပါတယ်။ ယခုလတွင် ဈေးပြန် ကျဆင်းခဲ့ရာ တစ်ဂါလန်ကို ၄၃ဝဝ ကျပ်ဖြင့် ဈေးမာလျက်ရှိပါတယ်။ ပြင်ပ ဓာတ်ဆီဈေး တစ်ဂါလန်ကို ၃၂ဝဝ ကျပ်ဈေးမှ ယခုလတွင် တစ်ဂါလန် ၄၃ဝဝ ကျပ်ဈေးဖြင့် ရောင်းချလျက်ရှိပြီး အောက်တိန်းဆီ တစ်ဂါလန်ကို ၄၂ဝဝ ကျပ်ဖြင့် ရောင်းချလျက်ရှိကြောင်း သိရ ပါတယ်။                      ယခုလ ပွင့်လင်းရာသီအချိန်အခါ တွင် အပန်းဖြေခရီးသွားသူများ၊ ဘုရား ဖူးခရီးသွားများ အများအပြား သွား လာမှုရှိ၍ ယာဉ်သုံးစွဲမှု များလာခြင်း ကြောင့် လောင်စာဆီသုံးစွဲမှုများကာ အရောင်းအဝယ်ဖြစ်လျက်ရှိပြီး ဈေးမာ လျက်ရှိကြောင်း စက်သုံးဆီအရောင်း ဆိုင်တစ်ဆိုင်မှ သိရပါတယ်။ မန္တလေးမြို့ရှိ ပုဂ္ဂလိက လွဲှပြောင်း ခွင့်ရ စက်သုံးဆီဆိုင်တစ်ဆိုင်တွင် ယခု တစ်ပတ် ရောင်းချလျက်ရှိသည့် စက်သုံးဆီဈေးနှုန်းမှာ ဒီဇယ်တစ်ဂါလန် ၄ ဒသမ ၅ လီတာကို ၄၅ဝဝ ကျပ်၊ ဓာတ် ဆီ တစ်ဂါလန်ကို ၂၅ဝဝကျပ်၊ အောက် တိန်းဆီ တစ်ဂါလန်ကို ၄၂ဝဝ ကျပ်ဖြင့် ရောင်းချလျက်ရှိတာတွေ့ရပါတယ်။ ဇူးဇူး

ယခင်နှစ် မိုးတွင်းကာလ ရေမြုပ်ခဲ့သည့် မန္တလေးထွန်တုံးရပ်မြေကွက်များ                  တစ်ပတ်အတွင်းဈေးတက်ပြီး အရောင်းအဝယ်ဖြစ် ယခင်နှစ် မိုးတွင်းကာလက ရေမြုပ်ခဲ့တဲ့ မန္တလေးမြို့၊ မြို့သစ်အရှေ့ဖျား၊ ထွန်တုံးရပ်ရှိမြေကွက်များမှာ တစ်ပတ်အတွင်း ဈေးနှုန်းတက်ရိပ်ရှိလာပြီး အရောင်း အဝယ်သွက်လျက်ရှိကြောင်းသိရပါတယ်။ 'ထွန်တုံးရပ်ကရေကြီးပြီးနောက်ပိုင်း လူကြိုက်နည်းတဲ့အတွက် အရင်က ဈေးတန့်ပြီးး အရောင်းအဝယ်မရှိ သလောက်ဘဲ။ ဒီလထဲမှာမှ တဖြည်းဖြည်းဈေး တက်လာခဲ့ရာက ဒီတစ်ပတ်မှာ သိသိသာသာ ဈေးတက်သလို အရောင်းအဝယ် လိုက်လာတယ်။ ထွန်တုံးရပ်မှာ မနော်ဟရီလမ်းနဲ့ နီးတဲ့အကွက်ဆို သိန်း ၁၈ဝဝ နီးနီးရှိလာတယ်။ အရှေ့အနောက်ကြားလမ်း၊ ခိုင်ရွှေဝါလမ်း၊ ငကွဲျလမ်းပေါ်မှာ အရင်က ပေ ၄ဝ x ၆ဝ တစ်ကွက်ကို သိန်း ၂၃ဝ ဈေးပေါက်ရာက အခု သိန်း ၃၅ဝ တောင် ရှာဝယ်ရတယ်။ ကြားကွက်ဆို သိန်း ၂၈ဝ ကနေ သိန်း ၃ဝဝ နဲ့၊ ပပ-၁၊ ပပ-၂ မှာ တစ်ကွက်ကို သိန်း ၃၅ဝ၊ ၃၆၅ ဝန်းကျင်ရှိတယ်။ မနော်ဟရီ လမ်းမပေါ် ၄၆ နဲ့ ၄၇ လမ်းကြားဆို သိန်း ၁၉ဝဝ ကနေ ၂၂ဝဝ ထိတက်လာတယ်။ ၅၃ လမ်းနဲ့ ၅၄ လမ်းကြားမှာ သိန်း ၁၅ဝဝ က သိန်း ၂ဝဝဝ ထိရှိလာတယ်။ မနော်ဟရီလမ်းမကြီးတောင်ဘက်က 'ဖဖ' အကွက်က 'ဇဇ' အကွက်နဲ့ယှဉ်ရင် ဈေးနည်းနည်းလျော့တယ်။ 'ဇဇ'ဘက်က ကိုယ်ထူကိုယ်ထလမ်းတွေ လုပ်ကြတဲ့ အတွက် ဈေးပိုတယ်'လို့ မြေပွဲစားတစ်ဦးက ပြောပါတယ်။                 ထွန်တုံးရပ်မှာ မန္တလေးမြို့သစ် အရှေ့ဖျားတွင်ရှိသော်လည်း မန္တလေး- ပြင်ဦးလွင် ကားလမ်းမကြီးအနီးတွင်ရှိပြီး၊ ၄၈ အိမ်ရာစီမံကိန်းများ ဆောက်လုပ် လာခြင်း၊ လမ်းများကောင်းမွန်လာခြင်း၊ လတ်တလောတွင် ၅၃ လမ်းအနီး စီမံကိန်းလုပ်ငန်းတစ်ခုပြုလုပ်ရန် လျာထားခြင်းများကြောင့် အရောင်းအဝယ်ဖြစ် လာကြောင်း သိရပါတယ်။ ဇူူးးဇူူးး

ကားအရောင်းအဝယ်အေးသော်လည်း စင်းလုံးချောကားများ အရောင်းအဝယ်ဖြစ်                  ရန်ကုန်မြို့ ကားဈေးကွက်၏ ဖေဖော်ဝါရီလအတွင်း အခြေအနေမှာ အရောင်းအဝယ်အကောင်းကြီးမဟုတ် သော်လည်း ကြိုကြားကြိုကြားရှိနေသဖြင့် ယခင်ကထက် အခြေအနေကောင်းနေကာ ယခုအခြေအနေမှာ ကြိုက်ရောင်းကြိုက်ဝယ်အဆင့်သာဖြစ်ကြောင်း သိရသည်။ ဖေဖော်ဝါရီလအတွင်း ပြုလုပ်ခဲ့သောလေလံပွဲများအပြီး အပေါ်ဝိုင်း ဈေးကွက်ထဲနှင့် အခြားဝိုင်း များတွင် လေလံအောင်ကား အများအပြား ဝင်ရောက်လာပြီး ပြင်ဆင်ပြီးကားများနှင့် လက်ရှိအမြင်အတိုင်း ကားများအား ဈေးတန်းနှစ်မျိုးဖြင့် ရောင်းချကြကြောင်း သိရသည်။                      လေလံကားများထဲတွင် လူကြိုက်များ အပေါ်ကား နှစ်မိုျးဖြစ်သည့် ဆပ်(ဖ်)ဝက်ဂွန်နှင့် ပါဂဲျရိုးကားများမှာ လေလံဈေး သင့်သော်လည်း ရောင်းလိုသူများက အဆင့်မြင့်ပြင်ဆင်ကာ မော်လ်ဒယ်ချင်းတူလျှင် ပိုသန့်သည့်ကားအား ကြိုက်ဈေးခေါ် ရောင်းချလာကြောင်းသိရသည်။ ဈေးကွက်ထဲတွင် ယခင်ရှိပြီးကားဟောင်းများ၊ လေလံကားများ၊ အခွန်ဆောင်ကားများ၊ စက်မှုဇုန်ထုတ် အဆင့်မြင့်ကားများ စသည်ဖြင့် ယခင်ကထက်အမျိုးအစားပိုစုံလာပြီး အပေါ်ကားဝယ်မည့်သူများကလည်း ဈေးချင်းတူ လျှင် စင်းလုံးချောကားသာရှာဝယ်ပြီး ခေါ်ဈေးပေးဝယ်ယူတတ်ကြောင်း သိရသည်။ လတ်တလောဈေးကွက်ထဲတွင် အရောင်းအဝယ်ဖြစ်ခဲ့သည့် လေလံအောင်ကားများ၏ ဈေးနှုန်းအချို့မှာ ၅ဂ/ဆပ်(ဖ်) ဝက်ဂွန် (၂ဝဝဝ မော်လ်ဒယ်) ၉၅ဝ မှ ၁ဝဝဝ သိန်း၊ ပါဂဲျရိုး(၉၇ ပုံပြောင်း) ၈၃ဝ မှ ၈၅ဝ သိန်း၊ ကိုရိုလာ(အစစ်စတာ) ဖင်ကောက် ၅ဂ/ ၅၃ဝ သိန်း၊ အက္ခရာ ၂ဂ/၁ဂ ဆပ်(ဖ်) ဝက်ဂွန်(၉၅ မိုဒယ်) ၅၅ဝ သိန်းမှ ၆ဝဝ သိန်းဝန်းကျင်ဖြစ်ပြီး အောက်ကားထဲတွင် ပါပလေကာ (၈၂/၈၃) မော်လ်ဒယ်များ စီအန်ဂျီသုံးတက်(က်)စီကား ဆလွန်းများ ရက်ပိုင်းအတွင်း အရောင်းအဝယ်ရှိခဲ့ကြောင်း သိရသည်။SN 

 မန္တလေးမြို့တွင်းနှင့် မြို့သစ်မြေကွက်များ ဈေးပြိုင်တက်                      မန္တလေးမြို့တွင်းနဲ့ မြို့သစ်မြေကွက်များမှာ ဈေးနှုန်းအပြိုင်တက်လာ ကြောင်း မြေအကျိုးတော်ဆောင် တစ်ဦးက ပြောပါတယ်။ ''မန္တလေးမှာ စီမံကိန်းတွေ တိုးလာ တဲ့အတွက် မြေကွက်ကို စီးပွားရေး တစ်ခုလိုလုပ်လာတော့ မြို့သစ်ရော၊ မြို့ထဲမှာပါ ဈေးက အပြိုင်တက်လာတယ်။ အခု ၄ လအတွင်းမှာ မြေဈေး နှုန်းက ၃ ချိုး ၁ ချိုးလောက်တက်လာ တယ်။ စီးပွားရေးသမားတွေဝင်လာတဲ့ အတွက် ဈေးကောင်းလာတာ။ နောက်ပိုင်းမှာလည်း မြေဈေးကွက်ကကောင်း လာဦးမှာပဲ။ အရောင်းအဝယ်ကလည်း တစ်နေရာချင်းစီလှည့်ပြီး အရောင်းအဝယ်ဖြစ်နေတာ။ မြို့ဖွံ့ဖြိုးလာတာ နဲ့အမျှ ဈေးကွက်ကောင်းလာဦးမှာပဲ'' လို့ မန္တလေးမြို့ရှိ ဝါရင့်အကိုျးတော် ဆောင်တစ်ဦးက ပြောပါတယ်။                 မန္တလေးမြို့တွင်း ၇၈ လမ်းမကြီး အနောက်ခြမ်းတွင် မျက်နှာဖွင့်တစ်ပေ လျှင် သိန်း ၂ဝဝ ကျပ်၊ အရှေ့ခြမ်းတွင် မျက်နှာဖွင့် ၁ ပေလျှင် ၁၂၅ သိန်းဈေး ရှိ၍ မြို့သစ်တွင် ယခုရက်ပိုင်း ''လလ'' အနောက်ခြမ်း ၆၆ လမ်းနှင့် ၆၈ လမ်း ကြား၊ ပေ ၄ဝ x ၆ဝ တစ်ကွက်လျှင် သိန်း ၃ဝဝ ကျပ်၊ ၆၃လမ်းနဲ့ ၆၆ လမ်း ကြား ပေ ၄ဝ x ၆ဝ တစ်ကွက်လျှင် ၂၇၅ သိန်း၊ လမ်းတင်အကွက် ၆၆ လမ်းနဲ့ ၆၇ လမ်းကြား ပေ ၄ဝ x ၆ဝ တစ်ကွက်လျှင် သိန်း ၇ဝဝ ကျပ်၊ ဝဝ၉ နဲ့ ၁ဝ လမ်းတင် သိန်း ၁၄ဝဝ ကျပ်၊ ကြားကွက် သိန်း ၆ဝဝ ဝန်းကျင်၊ ပွဲရုံတန်းလမ်းမတန်းပေါ် သိန်း ၁၂ဝဝ ကျပ်၊ ၆၂ လမ်းမပေါ် မနော်ဟရီလမ်း နဲ့ ပရံတော်ချောင်းကြားတစ်ကွက်လျှင် သိန်း ၂ဝဝဝ နဲ့အထက်ဈေးထိ ဈေး နှုန်းမြင့်တက်လာကြောင်း သိရပါ တယ်။ ဇူးဇူး