Background
မြင်းခြံမှာ ပဲစင်းငုံနီကျဈေးနဲ့ အရောင်းအဝယ်ဖြစ် ပဲစင်းငုံနီကို ငွေပြန်ပေါ်လိုသော လှောင်လက် ကုန်သည် အချို့ အရောင်းရှိသလို ရန်ကုန်ဝယ်လက်ကလည်း ဈေးချ အဝယ် ရှိတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၇၆၅ ကျပ်(တစ်တန်ကို ၄၆၈၄၇၈ကျပ်)နဲ့ နေ့စဉ်အိတ် ၅ဝ ခန့် အဝယ်ရှိခဲ့တယ်လို့ သိရပါတယ်။ ပဲတီစိမ်းကြီးကို မန္တလေး၊ရန်ကုန် ဝယ်လက်က အရည်အသွေးပေါ်မူတည်ပြီး တစ်ပိဿာကို ၁၁ဝဝ ကျပ် (တစ်တန်ကို ၆၇၃၆၂၉ကျပ်)နဲ့ ဝယ်အားအထိုက် အလျောက် ရှိပေမယ့် ယခင်အပတ်နဲ့စာရင် ဈေးငြိမ်နေတယ်လို့ သိရပါတယ်။
မူဆယ်မှာ ပြောင်းဈေးကျပြီး ရော်ဘာဈေးငြိမ် ပြောင်းကိုတရုတ်ပြည်တင်ပို့ရန်ဝယ်ယူနေတဲ့ ကုန်သည်များက က ဝယ်အားပုံမှန်ရှိပေမယ့် ဈေးကွက်သို့ပြောင်းအဝင်များတာ ကြောင့် ယခင်အပတ်နဲ့စာရင် ဈေးကျလာပြီး အရောင်းအဝယ်ဖြစ် ခဲ့တယ်လို့သိရပါတယ်။ ရော်ဘာကို တရုတ်ဘက်က ဝယ်အားပုံမှန် ရှိပေမယ့် ဈေးကတန့်နေတယ်လို့ သိရပါတယ်။
အောင်ပန်းမှာ အာလူးနဲ့ ဂေါ် င်္ဖီ အရောင်းအဝယ်ပုံမှန်ဖြစ် အာလူးက ဈေးကွက်သို့အဝင်ပုံမှန်ရှိသလို ရန်ကုန်၊ မန္တလေး ဝယ်လက်ကလည်း တစ်ပိဿာကို ၆၃ဝ ကျပ်နဲ့ တစ်ပတ်အတွင်း ပိဿာချိန် ၇၇၇ဝဝဝ ခန့် အရောင်းအဝယ် ဖြစ်ခဲ့တယ်လို့ သိရပါတယ်။ ဂေါ်ဖီကတော့ ဈေးကွက်သို့ အဝင်လှိုင်နေပြီး ရန်ကုန်နဲ့ နယ်ဝယ်လက်အစုံက တစ်ပိဿာကို ၁ဝဝဝ ကျပ်နဲ့ တစ်ပတ်အတွင်း ပိဿာချိန် ၄ဝဝဝဝဝ ခန့် အရောင်းအဝယ်ပုံမှန်ဖြစ်ခဲ့တယ်လို့ ဒေသခံကုန်သည်များက ဆိုပါတယ်။
ဟင်္သာတမှာ မတ်ပဲကျဈေးနဲ့ အရောင်းအဝယ်ဖြစ် ရန်ကုန် ဘုရင့်နောင်ဈေးကွက်မှာ မတ်ပဲ(RC)ရောင်းဈေး ကျ ဆင်းနေမှုအပေါ်မူတည်ပြီးဟင်္သာတဈေးကွက်တွင် မတ်ပဲ(ကုန်ကြမ်း) ကို ရန်ကုန်အတွက်ဝယ်ယူနေတဲ့ ကုန်သည်များက ဈေးချ အဝယ် ရှိတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၂၈၂ ကျပ်(တစ်တန်ကို ၇၈၅ဝ၆၃ ကျပ်)နဲ့ နေ့စဉ်အိတ် ၆ဝဝ ခန့် သာ အရောင်းအဝယ်ဖြစ်ခဲ့တယ်လို့ သိရပါတယ
မကွေးမှာ ပဲတီစိမ်းဈေးငြိမ်ပြီး နှမ်းဖြူဈေးကျ ပဲတီစိမ်းကြီးကို ရန်ကုန်-မန ္တလေးဝယ်လက်က အရည်အသွေး ပေါ်မူတည်ပြီး ဝယ်အားအထိုက်အလျောက်ရှိပေမယ့် ယခင်အပတ် နဲ့စာရင် ဈေးငြိမ်နေတယ်လို့သိရပါတယ်။ နှမ်းဖြူကို မန ္တလေး ဝယ်လက်က ဈေးပေးအဝယ်မရှိသလို ဝယ်အားပါ နည်းသွားတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၆၈၉ ကျပ် (တစ်တန်ကို ၁ဝ၃၄၃၂၆ ကျပ်)နဲ့ တစ်ပတ်အတွင်း အိတ် ၁ဝဝဝ ခန့်သာ အဝယ်ရှိခဲ့တယ်လို့ နှမ်းကုန်သည်တစ်ဦးက ဆိုပါတယ်။
မုံရွာမှာ ကုလားပဲဖြူလုံးကြီးဈေးမြင့်ပြီး ပဲတီစိမ်းဈေးကျ ကုလားပဲဖြူကြီး ကို ပဲခွဲစက်လုပ်ငန်းရှင်များအပြင် ရန်ကုန် ဝယ်လက်ကပါ ဈေးပေးအဝယ်ရှိတာကြောင့် ယခင်အပတ်နဲ့စာရင် ဈေးမြင့််လ့ ာပြီး တစ်ပိဿာကို ၁၂၅၃ကျပ် (တစ်တန်ကို ၇၆၇၃၂၄ ကျပ်)နဲ့ နေ့စဉ်အိတ် ၅ဝဝ ခန့် အရောင်းအဝယ်ဖြစ်ခဲ့တယ်လို့ ပဲကုန် သည်တစ်ဦးက ဆိုပါတယ။် ပဲတီစိမ်းကြီးကို မန ္တလေး နဲ့ ရန်ကုန်ဝယ်လက်က ဝယ်အားနည်းသွားတာကြောင့် ယခင်အပတ်နဲ့စာရင် ဈေး ကျလာပြီး တစ်ပိဿာကို ၁၂၆၃ ကျပ(် တစ်တန်ကို ၇၇၃၄၄၈ ကျပ)် နဲ့ အရောင်းအဝယ်ဖြစ်မှုနည်းသွားတယ်လို့ မြို့ခံကုန်သည်များက ဆိုပါတယ်။
မန ္တလေးမှာ ပဲတီစိမ်းဈေးကျပြီး ကုလားပဲဖြူလုံးကြီး ဈေးအနည်းငယ်မြင့်လာ ပဲတီစိမ်းကြီးကို တရုတ်ပြည်တင်ပို့ရန် ဝယ်ယူနေတဲ့ ကုန်သည်များနဲ့ ရန်ကုန်ဝယ်လက်က ဈေးချအဝယ်ရှိသလိုဝယ်အားပါနည်းသွား တာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၄၂၂ ကျပ်(တစ်တန်ကို ၈၇ဝ၈၁၈ ကျပ်) နဲ့ အရောင်းအဝယ်ဖြစ်မှုနည်း ခဲ့တယ်လို့ သိရပါတယ်။ ကုလားပဲဖြူကြီးကို ပဲခွဲစက်လုပ်ငန်းရှင်များက ပုံမှန်အဝယ်ရှိတာကြောင့် ယခင်အပတ်နဲ့စာရင် ဈေး အနည်းငယ်ပြန်မြင့်လာပြီး တစ်ပိဿာကို ၁၂၇၅ ကျပ ် (တစ်တန်ကို ၇၈ဝ၇၉၇ ကျပ်)နဲ့ နေ့စဉ်အိတ် ၅ဝဝ ခန့်အဝယ်ရှိခဲ့တယ်လို့ မြို့ခံပဲ ကုန်သည်တစ်ဦးက ဆိုပါတယ်။
ပြည်မှာ မတ်ပဲအရောင်းအဝယ်အေး မတ်ပဲ (ကုန်ကြမ်း)ကို ရန်ကုန်ဝယ်လက်က ရန်ကုန်ဘုရင့်နောင် ဈေးကွက်မှာ မတ်ပဲ (RC) ရောင်းဈေးကျနေတာကို အကြောင်းပြ ပြီး ဈေးလျှော့အဝယ်ရှိသလို ဝယ်အားပါ နည်းသွားတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၃ဝဝ ကျပ်၊ (တစ်တန်ကို ၇၇၆၁ဝ၇ ကျပ်)နဲ့ အရောင်းအဝယ်ဖြစ်ခဲ့တယ်လို့ သိရပါတယ။်ကုလားပဲကိုတော့ ပဲခွဲခြမ်းပြုလုပ်ရန်အတွက် ပဲခွဲစက်လုပ်ငန်းရှင်များက တစ်ပိဿာကို ၁၁၆ဝ ကျပ် (တစ်တန်ကို ၇၁ဝ၃၇၂ ကျပ်)နဲ့ ဝယ်အား အထိုက်အလျောက်ရှိပေမယ့် ယခင်အပတ်နဲ့စာရင် ဈေးကအကျဘက်မ်မှာရှိှိနေတယ်လို့ မြို့ခံပဲလုပ်ငန်းရှင်တစ်ဦးက ပြောပါတယ်။
အောင်လံမှာ ပဲတီစိမ်းနဲ့ စမုံနက်နှမ်းဈေးကျ ပဲတီစိမ်းကြီးကို မန္တလေးဝယ်လက်နဲ့ ရန်ကုန်ဝယ်လက်က ဈေးချအဝယ်ရှိသလို ဝယ်အားပါနည်းသွားတာကြောင့် ယခင်အပတ် နဲ့စာရင် ဈေးကျလာပြီး တစ်ပိဿာကို ၁၃၇၅ကျပ် (တစ်တန်ကို ၈၄၂ဝ၃၆ ကျပ်)နဲ့ နေ့စဉ်အိတ် ၁ဝဝဝ ခန့်သာ အရောင်းအဝယ်ဖြစ် ခဲ့တယ်လို့ သိရပါတယ်။စမုံနက်နှမ်းကိုမန္တလေးဝယ်လက်ကအဝယ်အေးသွားတာကြောင့် ယခင်အပတ်နဲ့ စာရင်ဈေးကျလာပြီး တစ်ပိဿာကို၂၄၄၅ကျပ် (တစ်တန်ကို၁၄၉၇၂၉၃ကျပ်)နဲ့အရောင်းအဝယ် ဖြစ်မှုနည်းခဲ့တယ်လို့ မြို့ခံနှမ်းကုန်သည်ကြီးတစ်ဦးက ဆိုပါတယ်။
ဘုရင့်နောင်မှာ မတ်ပဲ RC ကျဈေးနဲ့ အရောင်းအဝယ်ဖြစ် ဘုရင့်နောင်ကုန်စည်ဒိုင်သို့ ပဲမိုျးစုံရောင်းဝယ်တဲ့ကုန်သည်ကြီး များ ပုံမှန်လာရောက်ကြပြီး မတ်ပဲ (RC) နဲ့ မတ်ပဲ (SQRC) သာ အရောင်းအဝယ်ပုံမှန်ဖြစ်ခဲ့တယ်လို့ သိရပါတယ်။ မတ်ပဲ (RC) ကို ပြည်ပတင်ပို့ရန်ဝယ်ယူနေတဲ့ကုန်သည်ကြီးများက ရန်ကုန်ဈေးကွက် မှာ ပို့ကုန်ဝင်ငွေဒေါ်လာတစ်ယူနစ်တန်ဖိုး ဈေးအနည်းငယ်ကျဆင်း နေမှုအပေါ် ဈေးချဝယ်ယူမှုတွေရှိသလို ရောင်းသူကုန်သည်များက အရောင်းများနေတာကြောင့် ယခင်အပတ်နဲ့စာရင် ဈေးကျလာပြီး တစ်တန်ကို အနိမ့်ဆုံး ၇၅၅ဝဝဝ ကျပ်မှ အမြင့်ဆုံး ၇၆၉ဝဝဝ ကျပ် အတွင်း တန် ၂၁၈၅ ခန့် အရောင်းအဝယ်ဖြစ်ခဲ့တယ်လို့ သိရပါတယ်။ ဒါ့အပြင် ပြည်ပတင်ပို့ရန်ဝယ်ယူနေတဲ့ကုန်သည်ကြီးများက မတ်ပဲ (SQRC) တစ်တန်ကို အနိမ့်ဆုံး ၉၃ဝဝဝဝ ကျပ်မှ အမြင့်ဆုံး ၉၄၈ဝဝဝ ကျပ်အတွင်း ၇၅၉တန် အဝယ်ရှိခဲ့ပေမယ့် ယခင်အပတ်နဲ့စာရင် ဈေး အကျဘက်မှာရှိနေတယ်လို့ ပဲကုန်သည်တစ်ဦးက ဆိုပါတယ်။ ပဲစင်းငုံနီ (RC) ကို ပြည်ပတင်ပို့ရန်ဝယ်ယူနေတဲ့ကုန်သည်များက တစ်တန် ကို ၅၂၅ဝဝဝ ကျပ်နဲ့ ဈေးဖွင့်အဝယ်ရှိပေမယ့် ရောင်းသူကုန်သည် များက ဝယ်ယူတဲ့ဈေးကို မကြိုက်နှစ်သက်လို့ အရောင်းအဝယ်အေး နေတယ်လို့ သိရပါတယ်။