ကုန်စည်ဒိုင်သုံးသပ်ချက်                မတ်ပဲ(ကုန်ကြမ်း) ကို မတ်ပဲသန့်စင်ရန် ဝယ်ယူနေတဲ့ ကုန်သည်များနဲ့ ဝယ်ရောင်းကုန်သည်ကြီးများက ရန်ကုန် ဘုရင့်နောင် ဈေးကွက်မှာ မတ်ပဲ (RC) ရောင်းဈေးကျနေတာကို အကြောင်းပြပြီး ဈေးလျှော့အဝယ်ရှိတာကြောင့် ဘုရင့်နောင်၊ မန္တလေး၊ မုံရွာ၊ ပြည်နဲ့ ဟင်္သာတမှာ ဈေးကျနေကြောင်း တွေ့ရပါတယ်။                 ပဲစင်းငုံနီကို ပြည်ပ တင်ပို့ရန်ဝယ်ယူနေတဲ့ ကုန်သည်များနဲ့ ဝယ်ရောင်းကုန်သည်များက ရန်ကုန်ဈေးကွက်မှာ ပို့ကုန်ဝင်ငွေဒေါ်လာ တစ်ယူနစ်တန်ဖိုး ဈေးအနည်းငယ်ကျနေမှုအပေါ်မူတည်ပြီး ဈေးချ အဝယ်ရှိတာကြောင့် မန္တလေး၊ မကွေး၊ မုံရွာ၊ မြင်းခြံနဲ့ ပခုက္ကူမှာ ဈေးကျနေကြောင်း သိရပါတယ်။               ပဲတီစိမ်းကြီးကို တရုတ်ပြည်တင်ပို့ရန် ဝယ်ယူနေတဲ့ကုန် သည်ကြီးများနဲ့ ရန်ကုန်ဝယ်လက်က အဝယ်အထိုက်အလျောက်သာ ရှိတာကြောင့် မန္တလေး၊ မကွေး၊ မုံရွာ၊ ပြည်၊ ပခုက္ကူနဲ့ အောင်လံမှာ ဈေးကျနေပြီး မကွေးနဲ့ မြင်းခြံမှာ ဈေးငြိမ်နေကြောင်း တွေ့ရ ပါတယ်။

ပခုက္ကူမှာ ပဲစင်းငုံနီနဲ့ ကုလားပဲဖြူလုံးကြီးဈေးကျ               ပဲစင်းငုံနီကို ရန်ကုန်ဝယ်လက်က တစ်ပိဿာကို ၇၅ဝ ကျပ် (တစ်တန်ကို ၄၅၉၂၉၂ကျပ်)နဲ့ နေ့စဉ်အိတ် ၅ဝ ခန့်ဝယ်အားပုံမှန် ရှိပေမယ့် ယခင်အပတ်နဲ့စာရင် ဈေးကအကျဘက်မှာ ရှိနေတယ်လို့ ပဲကုန်သည်များကဆိုပါတယ်။ ကုလားပဲဖြူလုံးကြီးကို ပဲခွဲစက် လုပ်ငန်းရှင်များက တစ်ပိဿာကို ၁၁၉၄ ကျပ်(တစ်တန်ကို ၇၃၁၁၉၃ ကျပ်)နဲ့ ဝယ်အားပုံမှန်ရှိပေမယ့် ရောင်းသူကုန်သည်များက ဝယ်ယူတဲ့ ဈေးကို မကြိုက်နှစ်သက်လို့ အရောင်းအဝယ်ဖြစ်မှု နည်းခဲ့တယ်လို့ သိရပါတယ်။

မြင်းခြံမှာ ပဲစင်းငုံနီကျဈေးနဲ့ အရောင်းအဝယ်ဖြစ်                ပဲစင်းငုံနီကို ငွေပြန်ပေါ်လိုသော လှောင်လက် ကုန်သည် အချို့ အရောင်းရှိသလို ရန်ကုန်ဝယ်လက်ကလည်း ဈေးချ အဝယ် ရှိတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၇၆၅ ကျပ်(တစ်တန်ကို ၄၆၈၄၇၈ကျပ်)နဲ့ နေ့စဉ်အိတ် ၅ဝ ခန့် အဝယ်ရှိခဲ့တယ်လို့ သိရပါတယ်။ ပဲတီစိမ်းကြီးကို မန္တလေး၊ရန်ကုန် ဝယ်လက်က အရည်အသွေးပေါ်မူတည်ပြီး တစ်ပိဿာကို ၁၁ဝဝ ကျပ် (တစ်တန်ကို ၆၇၃၆၂၉ကျပ်)နဲ့ ဝယ်အားအထိုက် အလျောက် ရှိပေမယ့် ယခင်အပတ်နဲ့စာရင် ဈေးငြိမ်နေတယ်လို့ သိရပါတယ်။

အောင်ပန်းမှာ အာလူးနဲ့ ဂေါ် င်္ဖီ အရောင်းအဝယ်ပုံမှန်ဖြစ်                အာလူးက ဈေးကွက်သို့အဝင်ပုံမှန်ရှိသလို ရန်ကုန်၊ မန္တလေး ဝယ်လက်ကလည်း တစ်ပိဿာကို ၆၃ဝ ကျပ်နဲ့ တစ်ပတ်အတွင်း ပိဿာချိန် ၇၇၇ဝဝဝ ခန့် အရောင်းအဝယ် ဖြစ်ခဲ့တယ်လို့ သိရပါတယ်။ ဂေါ်ဖီကတော့ ဈေးကွက်သို့ အဝင်လှိုင်နေပြီး ရန်ကုန်နဲ့ နယ်ဝယ်လက်အစုံက တစ်ပိဿာကို ၁ဝဝဝ ကျပ်နဲ့ တစ်ပတ်အတွင်း ပိဿာချိန် ၄ဝဝဝဝဝ ခန့် အရောင်းအဝယ်ပုံမှန်ဖြစ်ခဲ့တယ်လို့ ဒေသခံကုန်သည်များက ဆိုပါတယ်။