ပြည်မှာ မတ်ပဲအရောင်းအဝယ်အေး                 မတ်ပဲ (ကုန်ကြမ်း)ကို ရန်ကုန်ဝယ်လက်က ရန်ကုန်ဘုရင့်နောင် ဈေးကွက်မှာ မတ်ပဲ (RC) ရောင်းဈေးကျနေတာကို အကြောင်းပြ ပြီး ဈေးလျှော့အဝယ်ရှိသလို ဝယ်အားပါ နည်းသွားတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၃ဝဝ ကျပ်၊ (တစ်တန်ကို ၇၇၆၁ဝ၇ ကျပ်)နဲ့ အရောင်းအဝယ်ဖြစ်ခဲ့တယ်လို့ သိရပါတယ။်ကုလားပဲကိုတော့ ပဲခွဲခြမ်းပြုလုပ်ရန်အတွက် ပဲခွဲစက်လုပ်ငန်းရှင်များက တစ်ပိဿာကို ၁၁၆ဝ ကျပ် (တစ်တန်ကို ၇၁ဝ၃၇၂ ကျပ်)နဲ့ ဝယ်အား အထိုက်အလျောက်ရှိပေမယ့် ယခင်အပတ်နဲ့စာရင် ဈေးကအကျဘက်မ်မှာရှိှိနေတယ်လို့ မြို့ခံပဲလုပ်ငန်းရှင်တစ်ဦးက ပြောပါတယ်။

ဘုရင့်နောင်မှာ မတ်ပဲ RC ကျဈေးနဲ့ အရောင်းအဝယ်ဖြစ်                     ဘုရင့်နောင်ကုန်စည်ဒိုင်သို့ ပဲမိုျးစုံရောင်းဝယ်တဲ့ကုန်သည်ကြီး များ ပုံမှန်လာရောက်ကြပြီး မတ်ပဲ (RC) နဲ့ မတ်ပဲ (SQRC) သာ အရောင်းအဝယ်ပုံမှန်ဖြစ်ခဲ့တယ်လို့ သိရပါတယ်။ မတ်ပဲ (RC) ကို ပြည်ပတင်ပို့ရန်ဝယ်ယူနေတဲ့ကုန်သည်ကြီးများက ရန်ကုန်ဈေးကွက် မှာ ပို့ကုန်ဝင်ငွေဒေါ်လာတစ်ယူနစ်တန်ဖိုး ဈေးအနည်းငယ်ကျဆင်း နေမှုအပေါ် ဈေးချဝယ်ယူမှုတွေရှိသလို ရောင်းသူကုန်သည်များက အရောင်းများနေတာကြောင့် ယခင်အပတ်နဲ့စာရင် ဈေးကျလာပြီး တစ်တန်ကို အနိမ့်ဆုံး ၇၅၅ဝဝဝ ကျပ်မှ အမြင့်ဆုံး ၇၆၉ဝဝဝ ကျပ် အတွင်း တန် ၂၁၈၅ ခန့် အရောင်းအဝယ်ဖြစ်ခဲ့တယ်လို့ သိရပါတယ်။ ဒါ့အပြင် ပြည်ပတင်ပို့ရန်ဝယ်ယူနေတဲ့ကုန်သည်ကြီးများက မတ်ပဲ (SQRC) တစ်တန်ကို အနိမ့်ဆုံး ၉၃ဝဝဝဝ ကျပ်မှ အမြင့်ဆုံး ၉၄၈ဝဝဝ ကျပ်အတွင်း ၇၅၉တန် အဝယ်ရှိခဲ့ပေမယ့် ယခင်အပတ်နဲ့စာရင် ဈေး အကျဘက်မှာရှိနေတယ်လို့ ပဲကုန်သည်တစ်ဦးက ဆိုပါတယ်။ ပဲစင်းငုံနီ (RC) ကို ပြည်ပတင်ပို့ရန်ဝယ်ယူနေတဲ့ကုန်သည်များက တစ်တန် ကို ၅၂၅ဝဝဝ ကျပ်နဲ့ ဈေးဖွင့်အဝယ်ရှိပေမယ့် ရောင်းသူကုန်သည် များက ဝယ်ယူတဲ့ဈေးကို မကြိုက်နှစ်သက်လို့ အရောင်းအဝယ်အေး နေတယ်လို့ သိရပါတယ်။

  တောင်ကြီးမှာ ပြောင်းနဲ့ ပဲပုပ်အရောင်းအဝယ်ပုံမှန်ဖြစ်                       ပြောင်းး ကဈေးကွက်သို့ အဝင်ပုံမှန်ရှိသလို ရန်ကုန်-မန္တလေး ဝယ်လက်နဲ့ အစာစပ်လုပ်ငန်းရှင်များက ဝယ်အားပုံမှန်ရှိပေမယ့် ရောင်းသူကုန်သည်များအရောင်းများနေတာကြောင့် ယခင်အပတ်နဲ့ စာရင် ဈေးအနည်းငယ်ကျလာပြီး တစ်ပိဿာကို ၂၃၅ ကျပ်နဲ့ အရောင်း အဝြယ်ဖစ်ခဲ့တယ်လို့ သိရပါတယ်။ဒါ့အပြင် ပဲပုပ်(ထိပ်စ) ကို ရန်ကုန်ဝယ်လက်က ဝယ်အားများတာကြောင့် ယခင်အပတ်နဲ့ စာရင် ဈေးမြင့်လာပြီး တစ်ပိဿာကို ၁ဝဝဝ ကျပ်နဲ့ အရောင်းအ ဝယ်ဖြစ်မှုများခဲ့တယ်လို့ ဒေသခံကုန်သည်များကဆိုပါတယ်။

ဟင်္သာတမှာ မတ်ပဲ ပုံမှန်အရောင်းအဝယ်ဖြစ်         မတ်ပဲ (ကုန်ကြမ်း) ကိုရန်ကုန်အတွက်ဝယ်ယူနေတဲ့ ကုန်သည် များက ရန်ကုန်ဘုရင့်နောင်ဈေးကွက်တွင် နေ့စဉ်ဖြစ်ပေါ်နေသော မတ်ပဲ(RC) ရောင်းဈေးအတက်အကျပေါ်မူတည်ပြီး ဝယ်ယူမှုတွေရှိသလို ရောင်းသူကုန်သည်များကလည်း ပုံမှန်အရောင်းရှိတာကြောင့် တစ်ပိဿာကို အနိမ့်ဆုံး ၁၃ဝဝ ကျပ်(တစ်တန်ကို ၇၉၆၁ဝ၇ ကျပ်) မှအမြင့်ဆုံးတစ်ပိဿာကို ၁၃၂ဝ ကျပ်(တစ်တန်ကို ၈ဝ၈၃၅၄ကျပ်) အတွင်းနေ့စဉ်အိတ် ၆ဝဝ မှ ၁ဝဝဝ ကြားပုံမှန်အရောင်းအဝယ်ဖြစ်ခဲ့တယ်လို့ မြို့ခံပဲကုန်သည်များက ဆိုပါတယ်။