မူဆယ်ဈေးကွက်မှာ ပြောင်းကို တရုတ်အဆွဲသွက်နေသလို လှောင်လက်ကုန်သည်တွေကလည်း တက်ဈေးမှာ အရောင်းများလာ တာကြောင့် အရောင်းအဝယ်ဖြစ်မှုပမာဏတွေ များလာတယ်လို့ဆို ပါတယ်။ အရောင်းအဝယ်ဖြစ်မှုက တစ်ပတ်အတွင်း မက်ထရစ်တန် ၆၀၀၀ ခန့်ရှိကြောင်း သိရပါတယ်။

    ဟင်္သာတဈေးကွက်မှာ ယခင်တစ်ပတ်က တစ်ပိဿာကို ၇၆၀ ကျပ်(တစ်တန်ကို ၄၆၅၄၁၆ ကျပ်)ဈေးနဲ့ အရောင်းအဝယ်ဖြစ်ခဲ့တဲ့ မတ်ပဲက ဒီတစ်ပတ်မှာ ရန်ကုန်ဝယ်လက်နဲ့ ဒေသခံကုန်သည်များ ဝယ်အားသွက်လာတာကြောင့် တစ်ပိဿာကို ၇၈၀ ကျပ်(တစ်တန် ကို ၄၇၇၆၆၄ ကျပ်)ဈေးနဲ့ တစ်ရက်ကို အိတ် ၂၀၀၀ ခန့်အရောင်း အဝယ်ဖြစ်ခဲ့ကြောင်း သိရပါတယ်။ ပဲအရောင်းအဝယ် လိုက်လာတော့ လှောင်လက်တွေ ထုတ်ရောင်းမှုပိုများလာလို့ အရောင်းအဝယ်ဖြစ်မှု ပမာဏတွေလည်း များလာတယ်လို့ ပွဲရုံရပ်ကွက်ကဆိုပါတယ်။

    တောင်ကြီးဈေးကွက်မှာ ပြောင်းက လှောင်လက်ကုန်သည် တွေထံမှာ ပစ္စည်းလက်ကျန်လျော့နည်းလာပေမယ့် ရန်ကုန်ဝယ်လက် နဲ့ မန္တလေးဝယ်လက်ကတော့ ဝယ်လိုအားပုံမှန်ရှိခဲ့တယ်လို့ ဆိုပါ တယ်။ အရောင်းအဝယ်ဖြစ်မှုက တစ်ပိဿာ ၄၅၀ ကျပ်ဈေးနဲ့ တစ် ပတ်အတွင်း ပိဿာချိန် ၁၃၅၀၀၀ ခန့်ဖြစ်ခဲ့တယ်လို့ ဒေသခံပြောင်း ကုန်သည်တစ်ဦးကဆိုပါတယ်။

    *    မတ်ပဲက ဘုရင့်နောင်နဲ့ ဟင်္သာတမှာ ဈေးမြောက်လာ    *    ပဲစင်းငုံနီက ဘုရင့်နောင်၊ မန္တလေး၊ မုံရွာ၊ ပခုက္ကူ၊ မကွေးနဲ့ အောင်လံမှာ အောက်ဈေးနဲ့ အရောင်းအဝယ်ဖြစ်    *    ကုလားပဲဖြူလုံးကြီးက မန္တလေးနဲ့ ပခုက္ကူမှာ ဈေးစွာ    *    ကုလားပဲက မန္တလေး၊ မကွေးနဲ့ ပခုက္ကူမှာ တက်ဈေးနဲ့ အရောင်း  အဝယ်ဖြစ်    *    နှမ်းမျိုးစုံက မကွေးနဲ့ အောင်လံမှာ ပုံမှန်အရောင်းအဝယ်ဖြစ်    *    ပြောင်းအရောင်းအဝယ်သွက်လို့ တောင်ကြီး၊ မူဆယ်နှင့် လားရှိုး မှာ ဈေးမြင့်လာ