ထိုင်းဘတ်ငွေ တန်ဖိုးဆက်လက် ခိုင်မာမည်ဟုဆို    ထိုင်းနိုင်ငံဘဏ္ဍာရေးဝန်ကြီးဌာန ဝန်ကြီး Korn Chatikavanij  ထိုင်းဘတ်ငွေတန်ဖိုး ဆက်လက် ခိုင်မာ နေမည်ဟု ကြိုတင်ခန့်မှန်းလိုက်ပါတယ်။ ထိုင်းဘတ်ငွေ ခိုင်မာခြင်းက ထိုင်းနိုင်ငံရဲ့ ပို့ကုန်လုပ်ငန်းမှာ အသုံးပြုတဲ့ ဘတ်ငွေနဲ့ငွေကြေးဖလှယ်မှုကို ထိရောက်စေမှာ မဟုတ်ဘူး လို့ပြောကြားပါတယ်။ ဒေသအတွင်းနဲ့ အခြားငွေကြေး စီးဆင်းမှုနယ်ပယ်ကလည်းတူညီတဲ့ ဦးတည်ချက်များအတိုင်း ရွေ့လျားနေခြင်းကြောင့် ထိုင်းဘတ်ငွေ ခိုင်မာရတာလို့ ပြော ကြားပါတယ်။ ယခုနှစ်ထိုင်းဘတ်ငွေခိုင်မာမှုနဲ့ ဆက်လက်ပြီး ခိုင်မာစွာ ရပ်တည်နေမယ်လို့အသိအမှတ်ပြုခံနေရကြောင်း၊ ထိုင်းနိုင်ငံနဲ့ ကုန်သွယ်ဖက်နိုင်ငံများမှ ဝယ်လိုအား တောင်းဆို ချက်အရ ထိုင်းပို့ကုန်တင်ပို့မှုရဲ့ အကိုျးသက်ရောက်မှုကြောင့် ဖြစ်တယ်လို့ပြောကြားပါတယ်။ ကမ္ဘာလုံးဆိုင်ရာ စီးပွားရေး အခြေအနေမှာ ပြီးခဲ့တဲ့ (၂ )နှစ်ကလို ပြန်လည်ဆိုးရွားမှာ မဟုတ်ပေမယ့် စီးပွားရေး ပြန်လည်နလန်ထူမှုမှာ ခန့်မှန်း ထားသလို ဖြစ်လာနိုင်မည်မဟုတ်ကြောင်း ပြောကြား ပါတယ်။Source: TNA၊ကျော်စိုးဝင်း (မြဝတီ)      

 ဘာသာရေးပွဲတော်ချိန်မို့ သြဂုတ်လတစ်လတည်း တမူးနယ်စပ်မှ အုန်းသီးအလုံးငါးသောင်းကျော်တင်ပို့နိုင်    တမူးနယ်စပ်ကုန်သွယ်ရေးမှတစ်ဆင့် တစ်ဖက်အိန္ဒိယနိုင်ငံသို့ ယခုသြဂုတ်လ တစ်လလုံး အုန်းသီးအလုံး ငါးသောင်းကျော်၊ တန်ဖိုးအားဖြင့် ကျပ် ၁၁ သန်းကျော် တင်ပို့နိုင်ခဲ့ပါတယ်။ ယမန်နှစ် အလားတူကာလနဲ့နှိုင်းယှဉ်ပါက အလုံးရေ လေး သောင်းကျော် ကျပ်သန်းပေါင်း ၈ သန်းကျော်ဖိုး ပိုမိုတင်ပို့နိုင်ခဲ့ပါတယ်။ အုန်းသီးများ အမြောက်အမြား တင်ပို့နေခြင်းဟာ တစ်ဖက်နိုင်ငံမိုရေးနဲ့ အင်ဖာမှာရှိတဲ့ ကသည်း လူမိုျးနဲ့ အိန္ဒိယလူမိုျးတွေရဲ့ဘာသာရေးပွဲတော်မှာအသုံးပြုကြခြင်းကြောင့် ဖြစ်ပါတယ်။ ဘာသာရေးပွဲတော်ဟာ သီတင်းကျွတ်လ မတိုင်မီ ၁ဝ ရက် အလိုမှာ ကျင်းပမှာဖြစ်တာကြောင့် ပွဲတော်ကာလမတိုင်မီ စက်တင်ဘာလမှာလည်း ဆက် လက် တင်ပို့သွားနိုင်ဖွယ်ရှိတယ်လို့ မျှော်မှန်းနေကြကြောင်း ကုန်သည်အသိုင်း အဝိုင်းမှ သိရပါတယ်။                          Source:နကသ (တမူး)၊ခင်မိုးသူ

အရည်အသွေးအလိုက် အဝယ်လိုက်နေတဲ့ ရှမ်းချင်း         ချင်းဈေးက အနည်းငယ်ပြန်တက်လာပါတယ်။ သီးနံှတွေကို ဝယ်လို အားကောင်းချိန်မှာ သိမ်းကြုံး ဝယ်ကြပြီး၊ ဝယ်လိုအားနည်း တဲ့အခါမှာ ရွေးလာ ပါတယ်။ ဒီတစ်ပတ်အောင်ပန်းဈေးကွက်မှာလည်း ပစ္စည်းပေါ် မူတည်ပြီး ဝယ်လာ တယ်လို့သိရပါတယ်။ ပစ္စည်း ကောင်းတွေကိုတော့ တစ်ပိဿာ ၁ဝ၅ဝ ကျပ်အထိပေးပြီး ဝယ်ယူနေသလို အရည်အသွေးအနည်းငယ်ညံ့တဲ့ ချင်းနီတွေကတော့ တစ်ပိဿာ ၉ဝဝ ကျပ်၊ ၁ဝဝဝ ကျပ်ဈေးနဲ့ မုံရွာ၊ ပြည်က ဝယ်လက်တွေပြန် အဝယ်လိုက်လာပါတယ်။ ချင်း (ဥမ) တွေကလောနယ် ကသာ ဝင်နေပြီး၊ အဝင်က လည်း နည်းလာပါတယ်။ ၅ ရက်တစ်ဈေးမှာ ပိဿာချိန် ၅ဝဝဝ လောက်သာ အဝင်ရှိတော့တယ်လို့ ပွဲရုံ တွေကသိရပါတယ်။ လက်ကျန်နည်းလာပေမဲ့ အောက်တို ဘာလဆန်းမှာ ချင်းတက်အသစ်တွေ ဈေးကွက်ကိုပြန်ဝင်လာတော့မှာ ဖြစ်ပါတယ်။ အောင်ပန်းဈေးကွက်မှာ ချင်းခြောက် တစ်ပိဿာ ၂၅ဝဝ ကျပ်မှ ၂၇ဝဝ ကျပ်ဈှေးရှိပြီး၊ တောင်ကြီးဈေးကွက်မှာတော့ တစ်ပိဿာ ၂၅၅ဝ ကျပ်ဈေးရှိပါ တယ်။                                                                                                                                    ဧဧခိုင်

တုံးဟိန်းတံဆိပ် မယ်လမင်းအဆိပ်သင့်နို့မှုန့် ဈေးကွက်မှာသိမ်း     တုံးဟိန်း နို့ထွက်ပစ္စည်းထုတ်လုပ်တဲ့ စက်ရုံအား စစ်ဆေးရာ အဆိပ်သင့် နို့မှုန့်များကိုတွေ့ရှိရသဖြင့် အဆိုပါစက်ရုံမှ တာဝန်ရှိသူ များအား အရေးယူ ထိန်းသိမ်းလိုက်ပြီး စက်ရုံကိုပိတ်သိမ်းထားကြောင်း ယူနန်ဒူးရှိ ပေါင် သတင်းစာမှာ ဖော်ပြထားပါတယ်။     နို့ထွက်ပစ္စည်းကုမ္ပဏီမှ ဒါရိုက်တာတစ်ဦးဖြစ်တဲ့ တိုက်ပင်မင့် ဆိုသူ ဟာ ၂ဝဝ၈ ခုနှစ်က မယ်လမင်းပါဝင်သော အဆိပ်သင့်နို့ထွက် ပစ္စည်းကုန်ကြမ်း ၄၈ တန်ခန့်ကိုဖျက်ဆီးရမဲ့အစားတိတ်တဆိတ် သိုလှောင်ထားခဲ့ပါတယ်။ ၂ဝ၁ဝ ခုနှစ်ဖေဖော်ဝါရီ လကနေ ဇွန်လ အတွင်းမှာ အဲဒီနို့မှုန့်တွေကို တုံးဟိန်းစက်ရုံကို ရောင်းချလိုက်တာဖြစ်ပြီး  ၈ တန်ကျော်အား ကုန်ချောပြုပြင် ထုတ်လုပ်ဖြန့် ဖြူးပြီး ဖြစ်တယ်လို့သိရပါတယ်။ ကျန်ရှိတဲ့ကုန်ကြမ်းတွေကိုအလုပ်သမားများ ရဲ့အိမ်တွေမှာသိုဝှက်သိမ်းဆည်း ထားတာ ဖြစ်ပါတယ်။ တရုတ်နိုင်ငံရဲ့ ပြည်နယ် များမှာ တုံးဟိန်း တံဆိပ်နဲ့ ဖြန့်ဖြူးထားတဲ့နို့မှုန့်ကုန်ချောတန် ၁၂ဝ ကျော်ကို သိမ်းဆည်း လိုက်တယ်လို့ သိရပါတယ်။                                                                                       Source: ယူနန်ဒူးရှိပေါင်သတင်းစာ ၊သောင်းနိုင်