ပြည်တွင်းကို တရားဝင်တင်သွင်းခွင့်ပြုထားတဲ့ ဂျုံစေ့များအား မြန်မာ-အိန္ဒိယနယ်စပ်မြို့တစ်ခုဖြစ်တဲ့ တမူးနယ်စပ် ကုန်သွယ်ရေးစခန်းမှတစ်ဆင့် ပုံမှန်တင်သွင်းလျက်ရှိနေပါတယ်။ ဂျုံစေ့များကိုတင်သွင်းခွင့်ပြုထား ပေမယ့်လည်း စီးပွားရေးတွက်ခြေမကိုက်လို့ဆိုပြီး ပြီးခဲ့တဲ့အောက်တိုဘာနောက်ဆုံးပတ်လောက်ကစပြီး အိန္ဒိယဘက်က တင်သွင်းမှု ရပ်ဆိုင်းခဲ့ပါတယ်။ ယခုနှစ် နိုဝင်ဘာ ၇ ရက်မှ ၁၃ ရက်ထိကာလမှာတော့ ဂျုံစေ့ ၁၈ တန် တန်ဖိုးအားဖြင့် ကန်ဒေါ်လာ သုည ဒသမ ၀၀၄၈ သန်းခန့်ကို ပြန်လည်တင်သွင်းလာနိုင်တာတွေ့ရပါတယ်။  ယခုတင်သွင်းလာနိုင်တဲ့ ဂျုံစေ့များဟာ နယ်စပ်ရှိ ဂိုဒေါင်မှာချပြီးသားပစ္စည်းများဖြစ်တဲ့အတွက် လိုင်စင်လျှောက်ထားတင်သွင်းလာတာလို့ တမူးနယ်စပ် ကုန်သည်အသင်းမှ သိရပါတယ်။                                                                      ခင်မိုးသူ

နိုဝင်ဘာလ ၇ ရက်မှ ၁၃ ရက်ထိကာလအတွင်းမှာ မြန်မာ-တရုတ်နယ်စပ်ရှိ မူဆယ်နဲ့ချင်းရွှေဟော် နယ်စပ်များမှ  ယခင်အပတ်ထက်ရေထွက်ကုန် ပိုမိုတင်ပို့ခဲ့ပါတယ်။ မူဆယ်မှ ကန်ဒေါ်လာ ၁ ဒသမ ၁၁၉ သန်းတန်ဖိုးရှိ ရေထွက်ကုန် အမယ်စုံ ၅၄၆ တန်ခန့်နဲ့ ချင်းရွှေဟော်မှ သုညဒသမ ၇၁၅ သန်းတန်ဖိုးရှိ ငါးရှဉ့်နဲ့ ကဏန်း ၁၇၆ တန်ကျော်တင်ပို့ခဲ့ပါ တယ်။ ယခင်အပတ်က ရေထွက်ကုန်တန်ချိန် ၅၂၁ တန် ကျော် တင်ပို့ခဲ့ပြီး ယခုအပတ်မှာ ၇၂၂ တန်ခန့် တင်ပို့နိုင် ခဲ့တဲ့အတွက် တန် ၂၀၀ ကျော်ပိုမိုတင်ပို့နိုင်ခဲ့ပါတယ်။ တင် ပို့တဲ့ အမယ်တွေကတော့ မူဆယ်မှကဏန်း ၂၉ တန်ကျော်၊ ရေခဲငါး ၃၀၄ တန်ကျော်၊ ငါးစည်ဖောင်းသုညဒသမ ၆၅၈ တန်၊ ငါးခြောက် ၆ တန်ခန့်၊ ငါးလေးခြောက် ၁၁၄ တန်ခန့်နဲ့ ငါးဆားနယ် ၉၂ တန်ကျော်ဖြစ်ပါတယ်။ ချင်းရွှေဟော်မှ ငါးရှဉ့် အရှင် ၁၁၇ တန်ကျော်နဲ့ ကဏန်းအရှင် ၅၉ တန်ကျော် တင်ပို့ခဲ့ပါတယ်။

ယခင်က ပုံမှန်တင်ပို့နိုင်ခဲ့တဲ့ မောင်တောနယ်စပ်ကုန်သွယ်ရေးရဲ့ အဓိကပို့ကုန် အမယ်များမှာ အပါအဝင်ဖြစ်တဲ့ ရေငန်ပုစွန်နဲ့ ငါးခြောက်မျိုးစုံကို ယခုလတတိယ ပတ်မှ စတင်ကာ ဆက်လက်တင်ပို့နိုင်ခဲ့ပါတယ်။ ယခုလ ၁၈ ရက်နေ့အထိ ရေငန် ပုစွန် ၈၄၁၄၇ ဒသမ ၄၀ ဒေါ်လာ၊ ငါးနီတူခြောက် ၁၉၅၀၀ ဒေါ်လာ၊ ငါးကုန်း ညိုခြောက် ၁၀၅၀၀ ဒေါ်လာနဲ့ ငါးစုံလေးခြောက် ၉၉၁၉ ဒသမ ၉၀ ဒေါ်လာ စုစုပေါင်း ၁၂၄၀၆၇ ဒသမ ၃၀ ဒေါ်လာဖိုး တင်ပို့နိုင်ခဲ့ပါတယ်။

မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာ ၂ ဒသမ ၀၁၇ သန်းတန်ဖိုးရှိ ငါးရှဉ့် ၂၀၃ တန်ခန့်၊ ကဏန်း ၆၄ တန်ကျော်၊ ရေခဲငါး ၂၆၈ တန်ကျော်၊ ငါးမြစ်ချင်းစီဖောင်း ၈ တန်ကျော်၊ ပင်လယ်မျှော့ခြောက် ၈ တန်ကျော်၊ ငါးအသားလွှာ ၃၁ တန်ကျော်၊ ငါးခြောက် ၂၇ တန်ခန့်၊ ငါးစည်ဖောင်း သုည ဒသမ ၀၇၈ တန်နဲ့ ရေငန်ပုစွန် ၈၄ တန်ကျော်၊ စုစုပေါင်း ၆၉၄ တန်ကို အောက်တိုဘာလ ၁၇ ရက်မှ ၂၃ ရက်ထိကာလအတွင်းမှာ အပို့ ရှိခဲ့ပါတယ်။ ယခင်အပတ်တင်ပို့မှုထက် ၂၆ တန်ကျော် အပို့ပိုခဲ့ပါတယ်။