မြန်မာ-ထိုင်းနယ်စပ်ရှိ မြိတ်နယ်စပ်ကုန်သွယ်ရေးစခန်းမှ ကန်ဒေါ်လာ ၃ ဒသမ ၃၁၅ သန်းတန်ဖိုးရှိရေထွက်ကုန် ၃၁၇၄ တန်ခန့်ကို အောက်တိုဘာလ ၁၇ ရက်မှ ၂၃ ရက်ထိကာလ အတွင်းမှာ အပို့ရှိခဲ့ရာ ယခင်အပတ်တင်ပို့မှု ထက် နှစ်ဆနီးပါး အပို့ပိုမိုခဲ့ပါတယ်။ ယခုအပတ်မှာ မြိတ်နယ်စပ်မှ အမယ်စုံ တင်ပို့မှုရှိတာ တွေ့ရပါတယ်။ ငါးမျိုးစုံ ၁၉၅၅ တန်ခန့်၊ ရေငန် ပုစွန် ၂၄ တန်၊ ကဏန်းအသေး ၅ တန်ကျော်၊ ငါးမှုန့် ၈၆ တန်ကျော်၊ အေးခဲကဏန်းပျော့ တန် ၅၀ ခန့်၊ ကဏန်းနီ ၃၄ တန်၊ အေးခဲပုစွန် ၁၁၄ တန်၊ ရေငန်ပုစွန်တန် ၂၀ ဝန်း ကျင်၊ အေးခဲကင်းမွန် ၃၇ တန်နဲ့ ငါးနီအသားလွှာတန် ၅၀ ခန့်အပို့ရှိခဲ့ပြီး ပုစွန်ခြောက် သုည ဒသမ ၄၂၅ တန်နဲ့ ငါး ခြောက် ၇ တန်ကျော်အပို့ရှိခဲ့တယ်လို့သိရပါတယ်။

ပြည်ထောင်စု သမ္မတ မြန်မာနိုင်ငံတော်နဲ့ တရုတ်ပြည်သူ့သမ္မတနိုင်ငံ အကြား ချစ်ကြည်ရေးစာချုပ်အရ တရုတ်နိုင်ငံမှ ပင်လယ်ဖျံ နှစ်စုံအား ရန်ကုန် တိရစ္ဆာန်ဥယျာဉ်သို့ပေးပို့ခဲ့ပြီး မြန်မာဘက်မှ ဆင်မဲ တစ်စုံ ပြန်လည် ပို့ဆောင် ပေးခဲ့ပါတယ်။ မြန်မာက ပြန်လည်ပေးအပ်တဲ့ ဆင်မဲ တစ်စုံမှာ အထီးက(၈)နှစ် သား၊ အမ က (၇) နှစ်သမီးလေးဖြစ်ပါတယ်။ ရန်ကုန်တိရစ္ဆာန်ဥယျာဉ်က ဆင်မဲ တစ်စုံကို ရန်ကုန်-မန္တလေး-လားရှိုး-မူဆယ် လမ်းမအတိုင်း သယ်ဆောင်ခဲ့ပြီး အောက်တိုဘာ ၁၃ ရက်နေ့ ၁ရး၀၀ နာရီမှာ မူဆယ် ၁၀၅ မိုင်ကုန်သွယ်ရေးဇုန်ကို သစ်တော ဦးစီးဌာန၊ လားရှိုးက ဒုတိယညွှန်ကြားရေးမှူး ဦးပြည့်စုံမျိုး ဦးဆောင်တဲ့ အဖွဲ့ ရောက် ရှိလာခဲ့တာ ဖြစ်ပါတယ်။ တရုတ်နိုင်ငံက ရှန်ဟဲသဘာဝတောရိုင်း တိရစ္ဆာန် ဥယျာဉ်ကို ဆက်လက်သယ်ဆောင်သွားမှာဖြစ်ပြီး ဥယျာဉ် ညွှန်ကြား ရေးမှူး Mr. Fei Zhenxuan  က အောက်တိုဘာ ၁၃ ရက်နေ့ ညနေ (၆) နာရီအချိန် မူဆယ် ၁၀၅ မိုင် ကုန်သွယ်ရေးဇုန်၊ ကုန်စည်ပြပွဲကျင်းပတဲ့ဝင်းမှာ လာရောက်လက်ခံ သယ်ဆောင်သွားကြောင်းနဲ့ မြန်မာနိုင်ငံ ပတ်ဝန်းကျင်ထိန်းသိမ်း ရေးနှင့် သစ်တောရေးရာ ဝန်ကြီးဌာနမှ ဝန်ထမ်း ၃ ဦး၊ ဆင်များထိန်းသိမ်း စောင့် ရှောက်ရန် တရုတ်နိုင်ငံသို့ လိုက်ပါသွားတယ်လို့ သိရှိရပါတယ်။                   သောင်းနိုင် (မူဆယ်)

ဖရဲရာသီချိန်စပြီဖြစ်တဲ့အတွက် ဖရဲကားများမူဆယ် သစ်သီးဝလံ ကုန်စည်ဒိုင်ကို တစ်နေ့ပျမ်းမျှ ၁၀ စီးဝန်းကျင် အဝင် ရှိနေပြီ ဖြစ်ပါတယ်။ မြင်းခြံ၊ မုံရွာ၊ ကျောက်ဆည်နဲ့ မိတ္ထီလာဖက်က ဖရဲတွေဝင်နေတာဖြစ်ပါတယ်။ ပေါ်ဦးပေါ် ဖျား ဘူးဖရဲတွေနဲ့ အစင်းကျားဖရဲသီးကြီးတွေဝင်လာတာ ဖြစ် ပါတယ်။ ပေါ်ဦးပေါ်ဖျားပေမဲ့လည်း ဖရဲတစ်တန်ကို ယွမ် ၂၀၀၀ အောက်လောက်ပဲ ဈေးရတယ်လို့သိရပါတယ်။ ယခု အပတ်မှာ ကန်ဒေါ်လာ သုညဒသမ ၀၆၃ သန်းတန်ဖိုးရှိတဲ့ ဖရဲသီး တန် ၄၁၀ အပို့ရှိခဲ့တာ ဖြစ်ပါတယ်။ ယခင်အပတ်က ၃၁ တန်သာအပို့ရှိခဲ့တာမို့ ယခင်အပတ် ကထက် ၃၇၉ တန် အပို့ပိုမိုခဲ့ပါတယ်။MIRT(DOBT)

ဒီဒေသမှာ ယခုလိုဘိန်းအစားထိုးသီးနှံ ပြောင်း၊ ကြံ၊ ရော်ဘာ၊ ဖရုံ၊ သခွားစတာတွေ ဖြိုင်ဖြိုင်မပေါ်ခင် ၁၂ ဘီးကား၊ ၁၀ ဘီးကား၊ ၆ ဘီးကားများ ဥဒဟိုမသွားလာ သေးမီကာလက မရွှေမိတစ်ယောက် တစ်လုံးထိုး ထော် လာဂျီ မောင်းသူရဲ့နံဘေးမှာ ကပ်လျက် ထိုင်ကာ ကုန်ကူးသန်း ရောင်းဝယ်ခဲ့ရတာဖြစ်ပါတယ်။ လွယ်အိတ်တစ်လုံး ကို ဘေး တစ်စောင်းလွယ်ပြီး နေပူကျဲကျဲ၊ ထော်လာဂျီသံ ဆူဆူ ညံညံကြားမှာ ရုန်းကန်ခဲ့ရပါတယ်။ လမ်းမှာ တွေ့ကြုံရတဲ့ အခက်အခဲမှန်သမျှကို ပြုံး၍တစ်မျိုး မသိချင် ဟန်ဆောင်၍ တစ်ဖုံ ပြောဆို ဆက်ဆံ ဖြေရှင်းခဲ့ရပါတယ်။