Background
လွယ်ဂျယ်မြို့ကလေးရဲ့တစ်ဖက်နိုင်ငံ တရုတ်ပြည်၊ လုံချွမ်ခရိုင်၊ ကျန်းဖုန်းမြို့ကလေးမှာ လိုင်းရင်းရွာ ဆိုတာ လူဦးရေ ၅၀၀၀ လောက်ရှိတဲ့ ရွာငယ်ကလေးတစ်ခုဖြစ်ပါ တယ်။ အခုဆိုရင် လိုင်းရင်းရွာငယ်ကလေးမှာ ရွှေလီမှာ တည် ဆောက်ထားတဲ့ ကုန်သွယ်ရေးဇုန်ကြီးလို ကုန်သွယ်ရေးဇုန် တစ်ခုတည်ဆောက် ပြီးစီးနေပြီ ဖြစ်ပါတယ်။
ပြည်ထောင်စု သမ္မတ မြန်မာနိုင်ငံတော်နဲ့ တရုတ်ပြည်သူ့သမ္မတနိုင်ငံ အကြား ချစ်ကြည်ရေးစာချုပ်အရ တရုတ်နိုင်ငံမှ ပင်လယ်ဖျံ နှစ်စုံအား ရန်ကုန် တိရစ္ဆာန်ဥယျာဉ်သို့ပေးပို့ခဲ့ပြီး မြန်မာဘက်မှ ဆင်မဲ တစ်စုံ ပြန်လည် ပို့ဆောင် ပေးခဲ့ပါတယ်။ မြန်မာက ပြန်လည်ပေးအပ်တဲ့ ဆင်မဲ တစ်စုံမှာ အထီးက(၈)နှစ် သား၊ အမ က (၇) နှစ်သမီးလေးဖြစ်ပါတယ်။ ရန်ကုန်တိရစ္ဆာန်ဥယျာဉ်က ဆင်မဲ တစ်စုံကို ရန်ကုန်-မန္တလေး-လားရှိုး-မူဆယ် လမ်းမအတိုင်း သယ်ဆောင်ခဲ့ပြီး အောက်တိုဘာ ၁၃ ရက်နေ့ ၁ရး၀၀ နာရီမှာ မူဆယ် ၁၀၅ မိုင်ကုန်သွယ်ရေးဇုန်ကို သစ်တော ဦးစီးဌာန၊ လားရှိုးက ဒုတိယညွှန်ကြားရေးမှူး ဦးပြည့်စုံမျိုး ဦးဆောင်တဲ့ အဖွဲ့ ရောက် ရှိလာခဲ့တာ ဖြစ်ပါတယ်။ တရုတ်နိုင်ငံက ရှန်ဟဲသဘာဝတောရိုင်း တိရစ္ဆာန် ဥယျာဉ်ကို ဆက်လက်သယ်ဆောင်သွားမှာဖြစ်ပြီး ဥယျာဉ် ညွှန်ကြား ရေးမှူး Mr. Fei Zhenxuan က အောက်တိုဘာ ၁၃ ရက်နေ့ ညနေ (၆) နာရီအချိန် မူဆယ် ၁၀၅ မိုင် ကုန်သွယ်ရေးဇုန်၊ ကုန်စည်ပြပွဲကျင်းပတဲ့ဝင်းမှာ လာရောက်လက်ခံ သယ်ဆောင်သွားကြောင်းနဲ့ မြန်မာနိုင်ငံ ပတ်ဝန်းကျင်ထိန်းသိမ်း ရေးနှင့် သစ်တောရေးရာ ဝန်ကြီးဌာနမှ ဝန်ထမ်း ၃ ဦး၊ ဆင်များထိန်းသိမ်း စောင့် ရှောက်ရန် တရုတ်နိုင်ငံသို့ လိုက်ပါသွားတယ်လို့ သိရှိရပါတယ်။ သောင်းနိုင် (မူဆယ်)
ချင်းရွှေဟော်နယ်စပ်ကုန်သွယ်ရေးစခန်းဟာ ကုန်သွယ်မှုတိုးတက်လာစေ ရန် အလားအလာကောင်းများရှိတဲ့ စခန်းတစ်ခုဖြစ်ကြောင်း၊ ၂၀၁၁-၂၀၁၂ ဘဏ္ဍာနှစ်လျာထားချက်အပေါ် ၁၄၄ ရာခိုင်နှုန်းကျော် ဆောင်ရွက်နိုင်ခဲ့ပြီး ၂၀၁၂-၂၀၁၃ ဘဏ္ဍာနှစ် ပထမ ၉ လကာလမှာ ၅၁ ရာခိုင်နှုန်းကျော် ဆောင် ရွက်ထားပြီး ဖြစ်တဲ့အတွက် ကျန် ၆ လ တာ ကာလဆောင်ရွက်မှုများအရ လျာ ထားချက် ပြည့်မီကျော်လွန်မယ်လို့ ခန့်မှန်းတယ်လို့ ချင်းရွှေဟော်နယ်စပ် ကုန်သွယ်ရေးစခန်း တာဝန်ခံဒုတိယညွှန်ကြားရေးမှူး ဦးမြင့်ကျော်က အောက်တို ဘာလ ၁၂ ရက်က ချင်းရွှေဟော် နယ်စပ်ကုန်သွယ်ရေးစခန်း အစည်းအဝေး ခန်းမမှာ ကျင်းပတဲ့ ၁၀/၂၀၁၂ ကြိမ်မြောက်ကုန်သွယ်မှုမြှင့်တင်ရေး၊ စားသုံးသူ အကာအကွယ်ပေးရေးနဲ့ တရားမဝင်မှောင်ခို လျော့နည်း ပပျောက်ရေးဆွေးနွေးပွဲ မှာ ပြောကြားခဲ့တာ ဖြစ်ပါတယ်။
ဖရဲရာသီချိန်စပြီဖြစ်တဲ့အတွက် ဖရဲကားများမူဆယ် သစ်သီးဝလံ ကုန်စည်ဒိုင်ကို တစ်နေ့ပျမ်းမျှ ၁၀ စီးဝန်းကျင် အဝင် ရှိနေပြီ ဖြစ်ပါတယ်။ မြင်းခြံ၊ မုံရွာ၊ ကျောက်ဆည်နဲ့ မိတ္ထီလာဖက်က ဖရဲတွေဝင်နေတာဖြစ်ပါတယ်။ ပေါ်ဦးပေါ် ဖျား ဘူးဖရဲတွေနဲ့ အစင်းကျားဖရဲသီးကြီးတွေဝင်လာတာ ဖြစ် ပါတယ်။ ပေါ်ဦးပေါ်ဖျားပေမဲ့လည်း ဖရဲတစ်တန်ကို ယွမ် ၂၀၀၀ အောက်လောက်ပဲ ဈေးရတယ်လို့သိရပါတယ်။ ယခု အပတ်မှာ ကန်ဒေါ်လာ သုညဒသမ ၀၆၃ သန်းတန်ဖိုးရှိတဲ့ ဖရဲသီး တန် ၄၁၀ အပို့ရှိခဲ့တာ ဖြစ်ပါတယ်။ ယခင်အပတ်က ၃၁ တန်သာအပို့ရှိခဲ့တာမို့ ယခင်အပတ် ကထက် ၃၇၉ တန် အပို့ပိုမိုခဲ့ပါတယ်။MIRT(DOBT)
ရိဒ်မှာ မြန်မာ့စီးပွားရေးဘဏ်ခွဲ မရှိသေးတဲ့အတွက် တီးတိန်ဘဏ်ခွဲကတစ်ဆင့် ငွေပေးငွေယူငွေလွှဲများ လုပ် ဆောင်နေကြရပါတယ်။ ရိဒ် ရပ်မိရပ်ဖတစ်ဦးဖြစ်တဲ့ ဦးလာလ် ချန်လျန်နာက ရိဒ်မှာ မြန်မာ့စီးပွားရေးဘဏ်ခွဲ မရှိသေး ကြောင်း၊ ကုန်သွယ်မှုပမာဏ ပိုမိုတိုးတက်မြင့်မားအောင် ဆောင်ရွက်နိုင်ရန်၊ ပို့ကုန်သွင်းကုန်လုပ်ငန်းများ ပိုမိုမြန်မြန်ဆန် ဆန် ဆောင်ရွက်နိုင်ရန် ရိဒ်မြို့နယ်မှာ မြန်မာ့စီးပွားရေး ဘဏ်ခွဲ ဖွင့်လှစ်ပေးနိုင်ပါက ပိုမို အဆင်ပြေမယ်လို့ ယူဆ တယ်လို့ စက်တင်ဘာလ ၂၉ ရက်နေ့ကပြုလုပ်တဲ့ ကုန်သွယ် မှု မြှင့်တင်ရေးအစည်းအဝေးမှာ အကြံပြုဆွေးနွေးခဲ့တယ်လို့ သတင်းရရှိပါတယ်။ Source: နကသ (ရိဒ်) CMK
ဒီဒေသမှာ ယခုလိုဘိန်းအစားထိုးသီးနှံ ပြောင်း၊ ကြံ၊ ရော်ဘာ၊ ဖရုံ၊ သခွားစတာတွေ ဖြိုင်ဖြိုင်မပေါ်ခင် ၁၂ ဘီးကား၊ ၁၀ ဘီးကား၊ ၆ ဘီးကားများ ဥဒဟိုမသွားလာ သေးမီကာလက မရွှေမိတစ်ယောက် တစ်လုံးထိုး ထော် လာဂျီ မောင်းသူရဲ့နံဘေးမှာ ကပ်လျက် ထိုင်ကာ ကုန်ကူးသန်း ရောင်းဝယ်ခဲ့ရတာဖြစ်ပါတယ်။ လွယ်အိတ်တစ်လုံး ကို ဘေး တစ်စောင်းလွယ်ပြီး နေပူကျဲကျဲ၊ ထော်လာဂျီသံ ဆူဆူ ညံညံကြားမှာ ရုန်းကန်ခဲ့ရပါတယ်။ လမ်းမှာ တွေ့ကြုံရတဲ့ အခက်အခဲမှန်သမျှကို ပြုံး၍တစ်မျိုး မသိချင် ဟန်ဆောင်၍ တစ်ဖုံ ပြောဆို ဆက်ဆံ ဖြေရှင်းခဲ့ရပါတယ်။
မြန်မာ-အိန္ဒိယ နှစ်နိုင်ငံ ကုန်ပစ္စည်းရောင်းဝယ် ဖောက် ကားတဲ့ နန့်ဖာလုံဈေးမှာ အဓိကရောင်းဝယ်နေကြတဲ့ ပစ္စည်း တွေထဲက ဖယောင်းတိုင်ဟာ ဈေးကွက်ဝင် တွက်ခြေကိုက်တဲ့ ထုတ်ကုန်ပစ္စည်းတစ်မျိုးဖြစ်ပါတယ်။ တမူးမြို့မှာ ဖယောင်း တိုင်လုပ်ငန်းလုပ်ကိုင်သူ ၆ ဦးရှိပြီး နန့်ဖာလုံဈေးမှာ ဈေး ဆိုင်များဖွင့်လှစ်ပြီး လက်လီလက်ကား ရောင်းချလျက် ရှိကြပါ တယ်။ အရောင်းသွက်တဲ့ ဖယောင်းတိုင်ကို အိန္ဒိယနိုင်ငံ မဏိပူရ်ပြည်နယ်၊ အာသံပြည်နယ်နဲ့ မိုးရေးမြို့များမှ ကျေးရွာ များက လာရောက်ဝယ်ယူလျက် ရှိတယ်လို့ သိရပါတယ်။
မြန်မာ-ထိုင်းနယ်စပ်ရှိ မြိတ်နဲ့ ကော့သောင်းနယ်စပ်များမှ အောက်တိုဘာလ ၃ ရက်မှ ၉ ရက်ထိ ကာလအတွင်းမှာ ရေထွက်ကုန်တင်ပို့မှုဟာ ယခင်အပတ် တင်ပို့မှုထက် ပိုမိုခဲ့တာတွေ့ရပါတယ်။ ကော့သောင်းမှ ၉၃၇ တန်ကျော်နဲ့ မြိတ်မှ ၇၄ တန်ကျော် အပို့ပိုခဲ့တာဖြစ်ပါတယ်။ ကော့သောင်းနယ်စပ်မှာ ယခင်အပတ်က ငါးမျိုးစုံနဲ့ ကင်းမွန်သာအပို့ရှိခဲ့သော်လည်း ယခုအပတ်မှာ ငါးဆားနယ်၊ ကဏန်းနဲ့ ကင်းမွန်များပါ အပို့ရှိခဲ့ပါတယ်။ မြိတ်နယ်စပ်မှ ယခင် အပတ်လောက် အမယ် မစုံသော်လည်း ငါးမှုန့် (Value Added) တင်ပို့မှုပမာဏ ၈ ဆကျော် ခဲ့တဲ့ အတွက်ဖြစ်ပါတယ်။ ထိုင်းနယ်စပ်ရှိ စခန်းအလိုက်ရေထွက်ကုန် တင်ပို့မှုတွေကို ကြည့်မယ်ဆိုလျှင် မြဝတီမှ ကန်ဒေါ်လာ သုည ဒသမ ၀၅၀ သန်းတန်ဖိုးရှိ ငါးမျိုးစုံ ၇ တန်ကျော်၊ ပုစွန် ၂ တန်ကျော်၊ ကဏန်း ၃ တန်ခွဲနဲ့ ငါးရှဉ့် ၁ တန်ကျော် အပို့ ရှိခဲ့ပြီး ယခင်အပတ်တင်ပို့မှုထက် ၅၃ တန်ခန့် အပို့လျော့ခဲ့ပါတယ်။ ကော့သောင်း နယ်စပ်မှ ကန်ဒေါ်လာသုညဒသမ ၉၂၉ သန်းတန်ဖိုးရှိ ငါးမျိုးစုံ ၁၂၂၁ တန်ကျော်၊ ငါးစည်ဖောင်း ၂ တန်ကျော်၊ ငါးဆားနယ် ၅၆ တန်ခန့်၊ ကဏန်းသုညဒသမ ၆၄၀ တန်နဲ့ ကင်းမွန် ၇ ဒသမ ၇၅ တန် အပို့ရှိခဲ့ပါတယ်။ မြိတ်နယ်စပ်မှ ကန်ဒေါ်လာ ၂ ဒသမ ၃၀၀ သန်းတန်ဖိုးရှိ ငါးမျိုးစုံ ၁၉၆၃ တန်ခန့်၊ ရေငန်ပုစွန် ၂၄ တန်၊ ကဏန်းအသေး (အသေ) ၅ တန်ကျော်နဲ့ ငါးမှုန့် တန် ၃၈၀ တင်ပို့ခဲ့တာ ဖြစ်ပါတယ်။ ထိုင်းနယ်စပ်တစ်ခုလုံးရဲ့ ရေထွက်ကုန် တင်ပို့မှုဟာ တန်ချိန်အားဖြင့် ၃၆၇၃ တန်ကျော်ရှိရာ ယခင်အပတ်ထက် ၉၅၉ တန်ကျော် အပို့ပိုခဲ့ပါတယ်။MIRT(DOBT)
နိုင်ငံတော်မှ များစွာဖြေလျော့ပေးနေခြင်းအပေါ် ကုန်သည်လုပ်ငန်းရှင် များအားလုံးသိရှိကြပြီးဖြစ်သလို လက်တွေ့မှာလည်းအကျိုးခံစားနေကြရကြောင်း၊ နိုင်ငံတော်မှ ဖြေလျော့ပေးချိန်မှာ မိမိတို့ဘက်ကလည်း နိုင်ငံကြီး သားပီသစွာ နိုင်ငံတော်ကိုပေးဆောင်ရမဲ့အခွန်အခများကိုပေးဆောင်သွားမှာဖြစ်ကြောင်း မြဝတီနယ်စပ် ကုန်သည် အသင်းဥက္ကဌဒေါ်သင်းသင်းမြတ်က မြဝတီကုန် သွယ်ရေးဇုန် အစည်းအဝေးခန်းမမှာ အောက်တိုဘာလ ၂ ရက်နေ့ကပြုလုပ်တဲ့ ကုန်သွယ်မှု လျာထားချက်ပြည့်မီကျော်လွန်ရေးအစည်းအဝေးမှာ ပြောကြား ခဲ့တာဖြစ်ပါတယ်။ မိမိတို့ တရားဝင်လမ်းကြောင်းမှသွားပြီး အကျိုးအမြတ် ခံစား ရနေချိန်မှာ တရားမဝင် လမ်းကြောင်းက သွားလာနေသူများကို နားလည် သဘောပေါက်အောင် ရှင်းပြပြီး တရားဝင်လမ်းကြောင်းပေါ်သို့ရောက်ရှိ လာစေရေးစည်းရုံးတိုက်တွန်း လျက်ရှိကြောင်းနဲ့ နိုင်ငံတော်ရဲ့ပြုပြင်ပြောင်းလဲမှု များအပေါ် အမျိုးသားရေး စိတ်ဓာတ်နဲ့ စည်းစည်းလုံးလုံး ပူးပေါင်း ဆောင် ရွက်သွားမယ်လို့ လည်း ဒေါ်သင်းသင်းမြတ် က ပြောကြားခဲ့တာ ဖြစ်ပါတယ်။
အောက်တိုဘာလ ၃ ရက်မှ ၉ ရက်အထိကာလ အတွင်းမှာ မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော် နယ်စပ်များမှ ရေထွက်ကုန်တင်ပို့မှု ယခင်အပတ်ထက် ပိုမို လျက်ရှိပါတယ်။ ယခင်အပတ်က မူဆယ်နယ်စပ်မှသာ ရေ ထွက်ကုန်အပို့ရှိပြီး ချင်းရွှေဟော်မှဆောင်ရွက်မှုမရှိခဲ့ပါဘူး။ ယခုအပတ်မှာ တရုတ်နယ်စပ် စခန်းများမှ ကန်ဒေါ်လာ ၃ ဒသမ ၈၆၈ သန်းတန်ဖိုးရှိ ရေထွက်ကုန် တန် ၁၀၂၀ ကျော်အပို့ရှိခဲ့ရာ ယခင်အပတ်က ထက် ၅၉၄ တန်ခန့် တင်ပို့မှုပိုမိုခဲ့ပါတယ်။ နယ်စပ်အလိုက်ရေထွက်ကုန်တင်ပို့နိုင်မှု တွေကတော့ မူဆယ်နယ်စပ်မှ ငါးရှဉ့် ၂၄၈ တန်ကျော်၊ ရေခဲငါး တန် ၁၃၀ ကျော်၊ ကဏန်း ၇၈ တန်ခန့်၊ ရေငန်ပုစွန် ၄၁ တန်၊ ငါးအသားလွှာ ၅၇ တန်ခန့်၊ ပုစွန်ခြောက် ၅ တန် ဝန်းကျင်နဲ့ ငါးစည်ဖေါင်း သုည ဒသမ ၂ တန်ခန့်ဖြစ်ပါ တယ်။ ယခင်အပတ်ကထက် ငါးရှဉ့် တန် ၁၁၀ ဝန်းကျင်ပိုမို ခဲ့ပြီး ကဏန်း (အရှင်) ၂၁ တန်ခန့်အပို့လျော့ခဲ့ပါတယ်။ ချင်းရွှေဟော်နယ်စပ်မှ ငါးရှဉ့် တန် ၃၀၀ ကျော်နဲ့ ကဏန်း ၁၅၈ တန်ကျော်အပို့ရှိခဲ့ပါတယ်။ ယခုအပတ်မှာ နယ်စပ်မှ ငါးရှဉ့် ၄၁၁ တန်ကျော်နဲ့ ကဏန်း ၅၉ တန်ကျော်အပို့ပိုခဲ့ တာဖြစ်ပါတယ်။ ယခုအပတ်မိမိဖက်လေလံဈေးများဟာ ယခင်အပတ် ထက် ကဏန်းဈေး ၃၈ ရာခိုင်နှုန်းနဲ့ ငါးရှဉ့်ဈေး ၁၅ မှ ၁၈ ရာခိုင်နှုန်းထိ လျော့ကျခဲ့ပါတယ်။ ယခုအပတ် ငါးရှဉ့်နဲ့ ကဏန်းဈေးများကိုဖော်ပြပေးလိုက်ရပါတယ် - ကျပ်/ တန် ယခင်အပတ်ဈေးထက် လျော့နည်းမှု ရာခိုင်နှုန်း(%) ငါးရှဉ့် ၉ စမ အထက် ၂၉၈၂၀၀၀ ၃၈ ၃ စမ အထက် ၁၅၁၂၀၀၀ ၃၈ကဏန်း ၂၅၀ ဂရမ်အထက် ၂၂၂၆၀၀၀ ၁၅ ၂၀၀-၂၅၀ ဂရမ် ၂၀၅၈၀၀၀ ၁၆ ၁၅၀-၂၀၀ ဂရမ် ၁၈၉၀၀၀၀ ၁၇ ၁၀၀-၁၅၀ ဂရမ် ၁၇၆၄၀၀၀ ၁၈MIRT(DOBT)