ပြည်တွင်းအိမ်ခြံမြေသတင်း

                         မန္တလေးမြို့၊ မင်းသားကြီး ဟိုတယ်ဝင်းအတွင်း၌ Sandrar Service Co.Ltd  မှ မော်တော်ကားအရောင်း စင်တာဖွင့်လှစ်ရန် စီစဉ်လျက်ရှိကြောင်းသိရပါတယ်။ မော်တော်ကားအရောင်းစင်တာကို ဒီဇင်ဘာလအတွင်း ဖွင့်လှစ်နိုင်ရန် ပြင်ဆင်လျက်ရှိပြီး ဖွင့်လှစ်ခွင့်ရပါက အမြန်ဆုံး ဖွင့်လှစ်သွားရန်စီစဉ်နေကြောင်းသိရပါတယ်။ Sandrar Service Co.Ltd မှ မန်နေဂျာ ဦးစိုးသိန်းက"ကုမ္ပဏီက ကား ၁၃၇ စီးသွင်းလာတယ်။ စင်တာဖွင့်လှစ်ခွင့်ရတာနဲ့ ရန်ကုန်နဲ့ မန္တလေးမြို့များမှာ ဖွင့် လှစ်သွားမယ်။ လောလောဆယ် အိမ်စီးကားတွေပဲသွင်း လာတယ်။ ဂျပန်နိုင်ငံ၊ ယိုကိုဟားမားက တိုက်ရိုက်သွင်း လာတာ။ မော်ဒယ်က ၁၉၉၆-၂၀၀၂ ခုနှစ်ထုတ် တိုယို တာ၊ နစ်ဆန်း၊ ဟွန်ဒါအမျိုးအစားတွေပါမယ်။ ခုဈေး ကွက်အနေအထားကို စောင့်ကြည့်ပြီးမှ နောက်ပိုင်းကား အစုံတင်မယ်။ ဂျပန်ကားကို ပြည်တွင်းကကြိုက်ပြီးသားဖြစ်တဲ့အတွက် ဂျပန်ကားသွင်းတာ။ ဂျပန်ကားရဲ့ ဖွဲ့စည်းတည်ဆောက်ပုံရော စက်အစိတ်အပိုင်းရောက ပြည်တွင်းကကြိုက်ပြီးသားဖြစ်တဲ့အတွက် ဂျပန်ထုတ်ကားပဲ သွင်းမယ်" လို့ ပြောပါတယ်။                  လတ်တလောတွင် Sandrar Service Co.Ltd မှ အိမ်စီးကားများ တင်သွင်းရောင်းချရန် စီစဉ်လျက်ရှိပြီး  Truck ကားများလည်း တင်သွင်းရောင်းချရန် အစီအစဉ်ရှိကြောင်း၊ ရောင်းချတဲ့ပုံစံက ကားဝယ်ခွင့်ပါမစ် ရပါက ဘဏ်တွင် အမေရိကန်ဒေါ်လာ ၅၀၀၀ သွင်း၍ ဝယ်ယူနိုင်မှာဖြစ်ကြောင်း၊ နောက်ပိုင်းတွင် မြန်မာငွေနဲ့ ညီမျှတဲ့ ကျပ်ငွေဖြင့်သာ ပေးသွင်းလို့ရအောင် စီစဉ်သွား မှာဖြစ်ကြောင်း အဆိုပါပုဂ္ဂိုလ်က ပြောပါတယ်။ Sandrar Service Co.Ltd မှ မော်တော်ယာဉ် အရောင်းစင်တာဖွင့်လှစ်ခွင့်ရရှိပါက ရန်ကုန်မြို့တွင် အမှတ် ၇၉၊ ရပ်ကွက် ၈၊ အုတ်ပုံဆိပ်လမ်း၊ မရမ်းကုန်း မြို့နယ်၊ ဖုန်း/ဖက်စ် ၀၁-၆၅၆၂၉၇၊ e.mail- sandrar 999.co@ gmail.com နဲ့ မန္တလေးမြို့တွင် ရန်ကုန်မန္တလေး လမ်းမကြီးအရှေ့ဘက်ရှိ မင်းသားကြီးဟိုတယ် ဝင်းအတွင်းဖွင့်လှစ်ရန် ပြင်ဆင်လျက်ရှိကြောင်းသိရပါတယ်။ ဇူးဇူး

                 ယခုလ နောက်ဆုံးပတ်အတွင်း ရန်ကုန်မြို့တွင် ကားရောင်းဝယ်ရေး စခန်း (ပွဲစားတန်း) များအတွင်း ကား သစ်၊ ကားသန့်များ ဝင်ရောက်မှုများ လာကြောင်းသိရသည်။ ယာဉ်အို ယာဉ်ဟောင်းနှင့် အသစ်လဲလှယ်ရေး အစီအစဉ်အရ ပြည်ပမှ ကားသစ်များ တ ဖြည်းဖြည်း ရောက်ရှိမှုများလာသဖြင့် အပေါ်ဝိုင်းတွင် အက္ခရာ (၆ဂ) ထွက် ကားသန့်များ အရောင်းအဝယ်ရှိလာပြီး မျက်မြင်ရောင်းချမှုများလာကြောင်း သိရသည်။                မျက်မြင်အရောင်းမှာ ကြိုပွိုင့် ထက် ဈေးပိုသော်လည်း ကားအဆင့် အတန်းလက်တွေ့ သိရှိရသဖြင့် လူအများ ပိုလက်ခံသော်လည်း ဝယ်သူအများစုမှာ ပြည်ပတင်သွင်းဈေး ခန့် မှန်းကုန်ကျစရိတ်များ သိရှိထားသဖြင့် ခေါ်သလောက်မပေးလိုကြဘဲ ဈေးရင်းထက် ၃၀ သိန်း ၄၀ သိန်းသာ ပေး နိုင်ကြသဖြင့်ထင်သလောက်အရောင်း အဝယ်မကောင်းလှကြောင်း၊ သို့သော် တင်သွင်းလာသောကားသစ်များထံမှ မတ်(ခ်)တူးရွှေငါး၊ ပါဂျဲရိုး (ဖားပြုပ်) ဟာရီယာကားများသာ လူကြိုက်များကြပြီး အရောင်းအဝယ်ဖြစ်ကြောင်း သိရသည်။                  ကားသစ်တင်သွင်းရန် ခွင့်ပြုမှု အစီအစဉ်များမှလည်း ပိုများလာပြီး သက်ဆိုင်ရာဌာနများမှလည်း နိုင်ငံခြား ဝင်ငွေရပြည်ပရောက်အလုပ်သမားများအား ရရှိဝင်ငွေ အဆင့်ခွဲကာ ကားတင်သွင်းခွင့်ပြုခြင်း၊ ပြည်ပပို့ကုန် ဝင်ငွေ ရရှိကုမ္ပဏီများသာမက ပြည်ပမှသွင်းကုန်တင်သွင်းသည့် ကုမ္ပဏီများအား တင်သွင်းမှုတန်ဖိုးနည်း/များ သတ်မှတ် ကာ ယာဉ်တင်သွင်းခွင့်ပြုမှုများရှိလာ ကြောင်းသိရသဖြင့် လက်ရှိကားဈေး ကွက်မှာ ယခင်ကကဲ့သို့ ရောင်းချသူ ဈေးကွက်မဖြစ်တော့ကြောင်း ဝါရင့်ယာဉ်ဝယ်ရောင်းများမှ သုံးသပ်ပြော ဆိုသည်။                       ဒီဇင်ဘာ ၄ ရက်မှ ၁၀ ရက် အတွင်း ဂျပန်၊ တရုတ်၊ စင်ကာပူ၊ ထိုင်း နိုင်ငံဆိပ်ကမ်းအသီးသီးမှ လူစီးယာဉ် ငယ်နှင့် ဘတ်(စ်)ကားများ တင်သွင်းလာသော ကားတင်သင်္ဘော တစ်စင်း အပါအဝင် သင်္ဘောသုံးစင်းခန့်ရန်ကုန်ဆိပ်ကမ်းသို့ ဆိုက်ကပ်မည်ဖြစ်ပြီး စီး ရေ ၂၆၀၀ ခန့်ပါဝင်မည်ဟု သတင်း ထုတ်ပြန်ချက်အရ သိရှိရသဖြင့် ကားသစ်များ အရောင်းအဝယ်ရှိနေသော် လည်း ဈေးကွက် ဒီထက်ပိုအေးနိုင် ကြောင်း အပေါ်ဝိုင်းအကျိုးဆောင် ကိုမြင့်ကျော်မှ ပြောသည်။                 နိုဝင်ဘာ ၂၉ ရက်ထုတ် သတင်း စာပါ ယာဉ်အိုယာဉ်ဟောင်းအပ်နှံရေး အစီအစဉ်အရ (ည) အက္ခရာယာဉ်များ အား နိုဝင်ဘာ ၃၀ရက်မှစ၍ သတ်မှတ် နေရာများတွင် အပ်နှံခွင့်ပြုမည်သိရသဖြင့် အိုဟောင်းဈေးကွက်များမှာ ပထမ အဆင့်အပ်နှံစဉ်ပါရှိ စ၊ဆ၊ဇ အသုတ် များကဲ့သို့ အရောင်းအဝယ်မကောင်း လှဘဲ အဝယ်ကျဲသွားကြောင်း သိရ သည်။ SN

                  မန္တလေးမြေဈေးကွက်မှာ ဈေးမြင့်ပြီး အရောင်းသွက်လျက်ရှိတာကြောင့် မြေကွက်တွင် ရင်းနှီးမြှုပ်နှံမှုမှာ ကြာမြင့်ဦးမှာဖြစ်ကြောင်း မြေအကျိုးဆောင်များက ဆိုပါတယ်။                 " မြေကွက်တွေကို ဒီကနေဝယ်ပြီး နောက်ရက်ပြန်ရောင်းရင်အမြတ်ရနေတော့ ရင်းနှီးမြှုပ်နှံတဲ့သူများလာတယ်။ မြေဈေးကလည်း အချိန်ပိုင်းအတွင်း အပြောင်း အလဲရှိသလို ဝယ်တဲ့သူလည်း များနေတော့ မြေထဲမှာပဲ ရင်းနှီးမြှုပ်နှံလိုသူများလာတဲ့ သဘောပဲ။ ခုချိန်မှာ ရွှေဈေးကလည်း ကျနေတယ်။ ကားဈေးကွက်ကလည်း ပျောက်နေတော့ အဲဒီဘက်ကလူတွေပါ မြေဘက်လှည့်လာ ကြတယ်။ အရင်လို ခဏတာ လာရောက်ရင်းနှီးမြှုပ်နှံပြီး၊ ပြန်သွားမယ့်ကုန်သည်တွေ မပါဘူး။ ဒါကြောင့် မြေကွက်ဈေးက မကျဆင်းနိုင်သလို ရင်းနှီးမြှုပ်နှံမှုလည်း ကြာနိုင်တယ်။ မြေအရောင်း အဝယ် ဘယ်လောက်ကောင်းသလဲဆိုရင် လုပ်နေကျ မြေအကျိုးဆောင်တွေသာမက တခြားအလုပ်လုပ်နေတဲ့သူတွေပါ အကျိုးဆောင်တွေဖြစ်လာကြတယ်" လို့ ဝါရင့်မြေ အကျိုးဆောင်တစ်ဦးက ပြောပါတယ်။                    မြေကွက်များအရောင်းအဝယ် ကောင်းနေတာကြောင့် ခဏတာ မြေအကျိုး ဆောင် ဝင်ရောက်လုပ်ကိုင်သူ ဝန်ထမ်းတစ်ဦးကလည်း " ကျွန်တော်လည်း မြို့သစ်ဘက်မှာ အိမ်သွားရှာရင်းက မိတ်ဆွေတွေအတွက် မြေအကျိုးဆောင် လုပ်ပေးဖြစ်သွားတယ်။ တစ်ဦးအပ် တစ်ဦးအပ်နဲ့ မြေအကျိုးဆောင်ဖြစ်လာခဲ့တာ။ ဒီတစ်ပတ် ထဲမှာ မိတ်ဆွေတစ်ဦးက သိန်း ၇၀၀ လာအပ်ပြီး၊ မြတ်ရင်ပြီးရောဝယ်ပေးပါဆိုလို့ မြို့သစ်ထဲမှာ ကျပ်သိန်း ၂၀၀ ဝန်းကျင်တန်တွေ လိုက်ဝယ်တာရက်ပိုင်းအတွင်းမှာ ပြန်ရောင်းလို့လည်းလွယ်တယ်။ အမြတ်လည်း ကျန်တယ်။ ဈေးကွက်ကသွက်နေ တော့ မြေအကျိုးဆောင်မဟုတ်ပေမယ့်လည်း ဝင်ရောက်လုပ်ကိုင်လို့ ကောင်းတဲ့ အခြေအနေပဲ။ ကိုယ်ကသာ မှန်မှန်ကန်ကန်လုပ်ရင် အလုပ်ဖြစ်ပါတယ်"လို့ ပြောပါတယ်။                    မန္တလေးမြေဈေးကွက်အတွင်းမှာ မြို့သစ်မြေကွက်များ အရောင်းသွက်လျက် ရှိပါတယ်။ မြို့သစ်ပိုင်းမှာလည်း မြို့တွင်းနဲ့နီးတဲ့အပိုင်းမှာ ဈေးမြောက်နေပြီး၊ နောက် ချပေးတဲ့မြို့စွန်ရှိ ကွက်သစ်များမှာ ပိုပြီးအရောင်းအဝယ် သွက်လျက်ရှိပါတယ်။ "ညည" ''ဒဒ" "နန" ''ဓဓ" ''လလ" (အရှေ့ခြမ်း)အကွက်များက သိန်း ၂၀၀ ဝန်းကျင်တန်အကွက်များ လိုက်လံရှာဖွေဝယ်ယူနေခြင်းကြောင့် အဆိုပါရပ်ကွက် များမှာ ငွေထုပ်ကိုင်ပြီး မြေကွက်လိုက်လံ ဝယ်ယူသူများဖြင့် စည်ကားလျက်ရှိနေတယ်လို့ သိရပါတယ်။ ဇူးဇူး

                    စက်သုံးဆီဈေးကွက်ကို လျှော့ချနိုင်ပြီး၊ ပတ်ဝန်းကျင် လေထုညစ်ညမ်း မှုကိုလည်း ထိန်းသိမ်းနိုင်တဲ့ နှစ် ယောက်စီး ဘက်ထရီအားသွင်း စနစ်သုံး လျှပ်စစ်မော်တော်ဆိုင်ကယ်များ ကို ယခင်တစ်လခန့်ကစပြီး ပုသိမ်ဈေး ကွက်မှာ ရောင်းချလျက်ရှိကြောင်း သိရပါတယ်။                   ၁၂ ဗို့ ဘက်ထရီခြောက်လုံးကို အသုံးပြုပြီး တရုတ်နိုင်ငံက ထုတ် လုပ်တဲ့ OPAI ELECTRIC လျှပ်စစ် မော်တော်ဆိုင်ကယ် ဈေးနှုန်းမှာ တစ်စီး ကို ကျပ် ခြောက်သိန်းလေးသောင်း၊ ၁၂ ဗို့ ဘက်ထရီ လေးလုံးသုံး OPAI ELECTRIC ဆိုင်ကယ်မှာ ကျပ်ငါး သိန်းလေးသောင်းကျပ်ဈေးနဲ့ အရောင်း အဝယ်ဖြစ်လျက်ရှိကြောင်း သိရပါ တယ်။                   ၁၂ ဗို့ ဘက်ထရီ ေ လးလုံးသုံး KALG LING  လျှပ်စစ်မော်တော် ဆိုင်ကယ်ဈေးနှုန်းမှာ တစ်စီးကို ကျပ် ငါးသိန်းလေးသောင်းဈေးနဲ့ ၁၂ ဗို့ ဘက်ထရီ သုံးလုံးအသုံးပြုပြီး၊ မော်တော်ဆိုင်ကယ်နဲ့ စက်ဘီးနှစ်မျိုးစလုံး အသုံးပြုနိုင်တဲ့ LVJIA  လျှပ်စစ်မော် တော်ဆိုင်ကယ်မှာ တစ်စီးကို ကျပ်လေး သိန်းလေးသောင်းဈေးနဲ့ ဈေးကွက်မှာ လူကြိုက်များလျက်ရှိကြောင်း သိရပါတယ်။                 လျှပ်စစ် မော်တော်ဆိုင်ကယ်များ မှာ တစ်နေ့ကို အားသွင်းချိန် ၄/၅ နာရီကြာမြင့်ပြီး တစ်နာရီခွဲ၊ နှစ်နာရီ ခရီးအကွာအဝေး ၆၀ ကီလိုမီတာခန့်ကို မောင်းနှင်အသုံးပြုနိုင်ကြောင်း၊ ပုသိမ် မြို့အတွင်းရှိ ရိုးမရာဇာ၊ ဆူဇူကီး အရောင်းဆိုင်နဲ့ အခြားဆိုင်ကယ် အရောင်းဆိုင်များမှာလည်း ရောင်းချလျက်ရှိကြောင်း သိရပါတယ်။ မင်းမင်းဦး

                     မန္တလေးမြေကွက်များကို နယ်စုံမှ အဝယ်လိုက်ခြင်းကြောင့် ရက်ပိုင်း အတွင်း ဈေးကွက်အမျိုးမျိုးပြောင်း၍ အရောင်းအဝယ်ဖြစ်ကြောင်းသိရပါတယ်။ မြို့တွင်းထက် မြို့သစ်မြေများကို ဝယ်ယူမှုများရာ မြို့သစ်မြေကွက်များ နေရာတိုင်းဝယ်ယူမှုရှိကြောင်း၊ ယခုနှစ် စနှင့်ယှဉ်ပါက ဈေးနှုန်း ၂ ဆ၊ ၃ ဆ တက်လာကြောင်း သိရပါတယ်။ အိမ်ခြံမြေအကျိုးဆောင် ဦးမြတ်ကျော်က " မြေဈေးကအတက်မှာပဲ ရှိ နေတာ၊ ၁၉၉၇ ခုနှစ်နောက်ပိုင်းကစပြီး အခုဖြစ်နေတဲ့ဈေးကွက်ကို ဘယ်နှစ်က မှ လိုက်မမီဘူး။ လုပ်ငန်းရှင်ပေါင်းစုံက မြေထဲမှာ ရင်းနှီးမြှုပ်နှံမှုများလာတယ်။ ကျောက်သမားရော၊ မြေသမားရော၊ သီးနှံပွဲရုံသမားရော အကုန်လုံးက ရင်းနှီးမြှုပ်နှံလာကြတာ။ မြို့သစ်ဆို အကုန် ကြိုက်တယ်။သီတင်းမကျွတ်ခင်က ဈေးကွက်အေးတယ်။ သီတင်းကျွတ်နောက် ပိုင်းမှာ တစ်ရိပ်ရိပ်နဲ့ တက်လာတာ။ သီတင်းမကျွတ်ခင် သိန်း ၂၀၀ ကျော်ရတဲ့အကွက်က အခုသိန်း ၄၀၀ ကျော် ဖြစ်နေတယ်"ဟု ပြောပါတယ်။ မြေဈေးကွက်တွင် မြို့ထဲမြေဈေး မှာ ယခင်ဈေးမီပြီး အရောင်းအဝယ် ဖြစ်လျက်ရှိသော်လည်း မြို့သစ်မြေများ မှာ လူကြိုက်များ၍ ဈေးအမျိုးမျိုး ပြောင်းလဲလျက်ရှိရာ 'ဇဇ' လမ်းတင် ပေ ၄၀ _ ၆၀ တစ်ကွက် ကျပ်သိန်း ၈၀၀ နဲ့ ၂၀၀၀ ကြား၊ ကြားကွက် ကျပ် သိန်း ၄၅၀ နဲ့ ၅၀၀ ကြား၊ 'ဗဗ' ၊ 'ဘဘ'၊ 'မမ' အကွက်များမှာ လမ်းတင် ပေ ၄၀ _ ၆၀ တစ်ကွက် ကျပ်သိန်း ၅၀၀ နဲ့ ၁၀၀၀ ကြား၊ ကြားကွက်ကျပ်သိန်း ၄၀၀ နဲ့ ၄၅၀ ကြား၊ ရဲမွန်တောင် လမ်းတင် ပေ ၄၀ _ ၆၀ တစ်ကွက် ကျပ်သိန်း ၁၀၀၀ နဲ့ ၃၀၀၀ ကြား၊ ကြား ကွက် ကျပ်သိန်း ၇၀၀ နဲ့ ၇၅၀ ကြား၊ 'ညည' လမ်းတင်ပေ ၄၀ _ ၆၀ တစ် ကွက် ကျပ်သိန်း ၅၀၀ နဲ့ ၁၀၀၀ ကြား၊ ကြားကွက် ကျပ်သိန်း ၂၀၀ ကျော်၊ ထန်းကိုးပင် ၅၈ လမ်းတင် သိန်း ၂၀၀၀ ကျော်၊ ၅၉ လမ်းတင် ကျပ်သိန်း ၁၀၀၀ ကျော်၊ ကြားကွက်ကျပ်သိန်း ၇၀၀ နဲ့ ၇၅၀ ကြားဖြင့် အရောင်းအဝယ်ရှိ ကြောင်း သိရပါတယ်။ ဇူးဇူး