Main menu

Background

ပြည်တွင်းအိမ်ခြံမြေသတင်း

ကားသန့်များဝင်ရောက်လာသလို မော်ဒယ်မြင့်ကားများ တင်သွင်းခွင့်သတ်မှတ်ပြီဖြစ်၍ အပေါ်ကားဈေးလျော့လာ

Mon, 11/21/2011 - 07:00 -- Anonymous (not verified)

                      ရန်ကုန်မြို့ ကားပွဲစားတန်းများ အတွင်းသို့ ပြည်ပမှ တင်သွင်းရောက်ရှိ လာသော ကားသန့်များ နိုဝင်ဘာ ဒုတိယပတ်နှင့် တတိယပတ်အတွင်း တဖြည်းဖြည်း ဝင်ရောက်ရောင်းချဈေးခေါ်ခြင်းများ ရှိလာပြီဖြစ်ကြောင်း အပေါ်ဝိုင်း ယာဉ်ဝယ်ရောင်းများထံမှ သိရသည်။                       အသစ်သွင်း ကားသန့်များအား စိတ်ဝင်စားပြီး အမေးများသော်လည်း ထင်သလောက် အရောင်းအဝယ်မဖြစ်ကြပဲရောင်းသူမှ တင်သွင်းကုန်ကျစရိတ် နှင့် ကာမိရန် ကျပ်သိန်း ၈၀ ၊ ၁၀၀ခန့် အမြတ်ခေါ်ထားကြပြီး ဝယ်ယူဈေးမေး သူများဘက်မှလည်း ကုန်ကျစရိတ် အထွေထွေနှင့် ကားသွင်းစရိတ်အား တွက်ချက်ကာ အရင်းများထက်ဆယ် ဂဏန်းတပ်ဆောင်းကာ ဈေးဖြတ်ဈေး ဆစ်ကြသဖြင့် အပေါ်ကား အရောင်း အဝယ်မှာယင်းကဲ့သို့ အေးနေရခြင်း ဖြစ်ကြောင်းဝါရင့် ယာဉ်အကျိုးဆောင် မှရှင်းပြသည်။                        ယခုကဲ့သို့ ပြည်ပသွင်းကားများ တဖြည်းဖြည်း ရောက်ရှိလာပြီး ဈေး ကွက်တွင်း ဝင်ရောက်လာသဖြင့်ရှိရင်း အပေါ်ကားများနှင့် ယခင်ဈေး ၁၅၀ သိန်းနှင့် ၂၀၀ သိန်းကြားကားများမှာ ပိုမိုဈေးလျော့ကျလာပြီးအရောင်းအဝယ် မရှိသလောက်ပါးနေသည်ဟုသိရသည်။ ယာဉ်အိုယာဉ်ဟောင်းလဲလှယ်ရေး အစီအစဉ် ဒုတိယအဆင့်ပါ ကားများ မှာ ဝိုင်းတိုင်းတွင် အရောင်းအဝယ်ရှိ နေပြီး ပထမအဆင့်မှ ယာဉ်အပ်နှံပြေ စာဈေးနှုန်းမှာ ယခင်အတိုင်းအပြောင်း အလဲအတက်အကျသိပ်မရှိဘဲအရောင်း အဝယ်ရှိနေကြာင်း သိရသည်။                         သက်ဆိုင်ရာ ဝန်ကြီးဌာနမှ မကြာမီကာလများအတွင်း ယာဉ်အရောင်းစင်တာများ မြို့တော်ကြီးသုံးခု တွင် ဖွင့်လှစ်ခွင့်ပေးမည့်နည်းတူ တရား ဝင်ပို့ကုန်သွင်းကုန်လုပ်ငန်း ဆောင်ရွက် နေသော ကုမ္ပဏီများနှင့် ပြည်ပသို့ သွားရောက်သောအလုပ်သမားများအား ကားတင်သွင်းခွင့် ခွင့်ပြုလိုက်ပြီဖြစ်ရာ လတ်တလော စိစစ်ပြီးကုမ္ပဏီခန့်မှန်း ၉၀၀ ခန့်ရှိပြီး ပင်လယ်ကူးသင်္ဘောသား များ အပါအဝင် ပြည်ပရောက် အလုပ် သမားများအား သက်ဆိုင်ရာဌာနများ မှ ယာဉ်တင်သွင်းခွင့် ချထားပေးရန် စိစစ်နေကြောင်း သိရသည်။                     မကြာမီကာလများအတွင်း ပြည်ပ နိုင်ငံများမှ ကားအရောင်းပြခန်းများ လာရောက်ဖွင့်လှစ်ကြမည့် သတင်းအရ လည်းကောင်း၊ ဈေးကွက်ထဲသို့ မျက်မြင်ပင်ကားသန့်များ တဖွဲဖွဲဝင်ရောက် နေခြင်းကြောင့်လည်းကောင်း၊ တရားဝင် သတင်းထုတ်ပြန်မှုများအရ လည်းကောင်း အပေါ်ကားဈေးကွက် ယခု ထက်ပိုမို၍ဈေးလျော့ကျလာနိုင်ကြောင်း ဝါရင့်ယာဉ်ဝယ်ရောင်းများမှ သုံးသပ်ကြသည်။SN

ကမ္ဘာ့သွေးချို၊ ဆီးချို ရောဂါ ကာကွယ်ထိန်းသိမ်းရေးနေ့

Tue, 11/15/2011 - 04:28 -- Anonymous (not verified)

                               ၂၀၁၁ ခုနှစ်၊ နိုဝင်ဘာ ၁၄ ရက်သည် ကမ္ဘာ့ဆီးချိုသွေးချို ရောဂါ ကာကွယ်ထိန်းသိမ်းရေးနေ့(World Diabetes Day)  ဖြစ်ပါတယ်။ ကမ္ဘာပေါ်တွင် နှစ်စဉ် လူဦးရေသန်းချီ၍ ဆီးချိုသွေးချို ရောဂါကို ခံစားနေကြရကြောင်း သိရှိရပါတယ်။ သြစတြေးလျနိုင်ငံ မှာဆိုရင် ဆီးချိုသွေးချိုရောဂါဟာ လျင်မြန်စွာ ဖြစ်ပွားနေသော နာတာရှည်ရောဂါတစ်ခုဖြစ်ပြီး ဂရုတစိုက် ကုသမှုမပေးနိုင်ပါက နှလုံးရောဂါ၊ ကင်ဆာရောဂါတို့ထက် နာတာရှည် မသန်မစွမ်းဖြစ် ကျန်ရစ်စေသော သေဆုံးမှု ဖြစ်ပွားလွယ်သော အဓိကရောဂါဖြစ် ကြောင်း ဖော်ပြထားပါတယ်။                               ဒါကြောင့် ကမ္ဘာ့ကျန်းမာရေးအဖွဲ့ကြီး World Health Organization  နှင့် အပြည်ပြည်ဆိုင်ရာ ဆီးချိုသွေးချိုရောဂါ အသင်းကြီး International Diabetes Federation တို့ပူးပေါင်းပြီး ကမ္ဘာ့ဆီးချိုသွေးချို ရောဂါကာကွယ်ထိန်းသိမ်းရေး အဖွဲ့အစည်း ကြီးက နှစ်စဉ်နိုဝင်ဘာလ ၁၄ ရက်နေ့က(World Diabetes Day)  ကမ္ဘာ့ဆီးချိုသွေးချိုရောဂါ ကာကွယ်ရေးနေ့အဖြစ် သတ်မှတ် ကာ ကမ္ဘာတစ်ဝန်းရှိနိုင်ငံများတွင် ကမ္ဘာ့ဆီးချိုသွေးချိုရောဂါ ကာ ကွယ်ထိန်းသိမ်းရေးနေ့ အခမ်းအနားများကို စည်ကားသိုက်မြိုက်စွာ ကျင်းပခဲ့ကြပါတယ်။ နိုဝင်ဘာ ၁၄ ရက်နေ့ဟာ ဆီးချိုရောဂါ ကုသဆေး အင်ဆူလင် (Insulin)  ကို ၁၉၂၂ ခုနှစ်မှာ ရှာဖွေတွေ့ရှိခဲ့တဲ့ (Dr.Frederick Banting) ရဲ့ မွေးနေ့ဖြစ်ပြီး သူ့ကိုဂုဏ်ပြုတဲ့ အနေနဲ့ (World Diabetes Day)  အဖြစ် သတ်မှတ်ခဲ့တာဖြစ်ပါတယ်။                       ဆီးချိုသွေးချိုရောဂါဟာ လူမျိုးမရွေး၊ ဘာသာမရွေး၊ အသက် အရွယ်မရွေး၊ အချိန်အခါမရွေး ဖြစ်နိုင်ပါတယ်။ နာတာရှည်ရောဂါ ဖြစ်ခြင်းကြောင့် မဖြစ်ခင်ကြိုတင်ကာကွယ်ရန် အထူးပင်အရေးကြီး တဲ့ရောဂါလည်းဖြစ်ပါတယ်။ ကာကွယ်ခြင်းဟာ ကုသခြင်းထက် ပိုထိ ရောက်တာကြောင့် ယခုအခါ သတင်းကောင်းအဖြစ် လူနေမှုပုံစံ ပြောင်းလဲခြင်းဖြင့် type-2 diabetes ရောဂါကို ကာကွယ်နိုင် ကြောင်း သိရှိရပါတယ်။ အဲဒီ lifestyle ပြောင်းလဲမှုတွေကတော့ ခန္ဓာကိုယ်အလေးချိန်ကို ရှိသင့်သည်ထက် ၆၀ ရာခိုင်နှုန်း လျှော့ချ ခြင်း၊ နေ့စဉ် ကိုယ်လက်လှုပ်ရှားမှုအားကစား ဆောင်ရွက်ခြင်း၊ ကျန်း မာရေးနှင့်ညီညွတ်သော၊ အာဟာရပြည့်စုံသော အစားအသောက် ပုံစံချ၍ စားသောက်ခြင်းတို့ ဖြစ်ပါတယ်။                            ရောဂါဖြစ်နေလျှင်လည်း နောက်ဆက်တွဲရောဂါ မဖြစ်ပွား အောင် ဂရုတစိုက် ထိန်းသိမ်းရန်လည်း အရေးကြီးပါတယ်၊။ မြန်မာ နိုင်ငံမှာလည်း ကမ္ဘာ့ဆီးချိုသွေးချိုရောဂါ ကာကွယ်ထိန်းသိမ်းရေးနေ့ အကြို ဟောပြောပွဲများ ကျင်းပခဲ့ပါတယ်။ ဆီးချိုသွေးချိုရောဂါရဲ့ နောက်ဆက်တွဲ ဆိုးကျိုးများကြောင့် သေဆုံးသူဦးရေမှာလည်း တစ် နှစ်ထက်တစ်နှစ် တိုးပွားလျက်ရှိနေတာကြောင့် အထူးဂရုပြုကာကွယ် ထိန်းသိမ်းဖို့ လိုအပ်နေပါတယ်။ ဒါကြောင့် အဲဒီနေ့ရောက်တိုင်း နိုင်ငံပေါင်း ၁၆၀ ကျော်မှ အဖွဲ့အစည်းပေါင်း ၂၀၀ ကျော်အပြင် တခြား ဆေးဘက်ဆိုင်ရာပညာရှင်၊ ပါရဂူ အဖွဲ့အစည်းအသီးသီး ဝင်များလည်း အတူတကွ ပူးပေါင်းပါဝင်ဆင်နွှဲခဲ့ကြတာကို တွေ့ရှိရပါတယ်။ ဆီးချိုသွေးချိုရောဂါ ကာကွယ်ထိန်းသိမ်းရေးနှင့် ဆိုင်ရာ ပညာပေးဗဟုသုတများ ဟောပြောခြင်း၊ ဆီးချိုသွေးချိုသွေးဖောက် စမ်းသပ်စစ်ဆေးပေးခြင်း၊ စာတမ်းဖတ်ပွဲများကျင်းပခြင်း၊ ပိုစတာ လက်ကမ်းစာစောင်များ ဖြန့်ဝေပေးခြင်းဖြင့် ကမ္ဘာနှင့်အဝှမ်း ဆီးချို သွေးချိုရောဂါဖြစ်ပွားနေမှု၊ ကာကွယ်နိုင်မှု အသိပညာရစေရန်ရည်ရွယ်ပြီး နှစ်စဉ်နှစ်တိုင်း ကျင်းပခဲ့ကြခြင်းဖြစ်ပါတယ်။ Source:worlddiabetesday. org, အေးအေးမြ

နိုဝင်ဘာ ၁၅ ရက်မှစ၍ ရန်ကုန်-မန္တလေး လူစီးရထားပြေးဆွဲချိန် ပြောင်းလဲပြေးဆွဲမည်

Tue, 11/15/2011 - 04:22 -- Anonymous (not verified)

                    မြန်မာ့မီးရထားမှ ရန်ကုန်-မန္တလေး ပြေးဆွဲလျက်ရှိတဲ့ လူစီးရထားတွဲများကို ပြေးဆွဲချိန် ပြောင်းလဲသတ်မှတ်လိုက် ကြောင်း မြန်မာ့မီးရထား၊ မန္တလေး ဘူတာကြီးမှာ နိုဝင်ဘာ ၈ ရက်မှစ၍ ကြေညာချက် ထုတ်ပြန်ထားကြောင်း သိရပါတယ်။                    ရန်ကုန်-မန္တလေး လူစီးရထားတွဲ ပြေးဆွဲချိန် ပြောင်းလဲသတ်မှတ်လိုက်တဲ့ အချိန်များမှာ ရန်ကုန်မှ မန္တလေးသို့ (၁အဆန်/စာပို့) ရထားတွဲ မနက်၄း၀၀ နာရီမှထွက်၍ နောက်တစ်ရက် မနက် ၃း၃၀ နာရီသို့ လည်းကောင်း၊ (၃ အဆန်)ရထားတွဲ ည ရး၀၀ နာရီ ထွက်၍ နေ့လယ် ၁၁း၁၅ သို့ လည်း ကောင်း၊ (၅ အဆန်) ရထားတွဲ ညနေ ၃း၀၀ နာရီထွက်၍ မနက် ၆း၃၀ သို့ လည်းကောင်း၊ (၁၁ အဆန်) ရထားတွဲ မနက် ၆း၀၀ နာရီထွက်၍ ည ၁၀း၃၀ သို့ လည်းကောင်း၊ (၂၅ အဆန်) ရထား တွဲ ညနေ ၅း၀၀ နာရီထွက်၍ မနက် ၈း၁၅ သို့လည်းကောင်း ဆိုက်ရောက် မှာဖြစ်ပြီး၊ မန္တလေးမှ ရန်ကုန်သို့ (၂ အစုန်/စာပို့) ရထားတွဲ မနက် ၈း၃၀ နာရီထွက်၍ နောက်တစ်ရက် မနက် ၉း၂၅ နာရီသို့လည်းကောင်း၊ (၄ အစုန်) ရထားတွဲ ည ရး၀၀ နာရီထွက်၍ နေ့ လယ် ၁၁း၁၅ နာရီသို့ လည်းကောင်း၊ (၆ အစုန်) ညနေ ၃း၀၀ နာရီထွက်၍ မနက် ၆း၃၀ သို့လည်းကောင်း၊ (၁၂ အစုန်) ရထားတွဲ မနက် ၆း၀၀ နာရီ ထွက်၍ ည ၁၀း၃၀ သို့လည်းကောင်း၊ (၃၀ အစုန်) ရထားတွဲ ညနေ ၅း၃၀ ထွက်၍ မနက် ၈း၄၅ သို့လည်းကောင်း ဆိုက်ရောက် မှာဖြစ်ကြောင်း၊ ပြောင်း လဲပြေးဆွဲချိန်များကို နိုဝင်ဘာ ၁၅ ရက် မှစ၍ စတင်မှာဖြစ်ကြောင်း သိရပါတယ်။ ဇူးဇူး

ကားအစီးရေ ၁၁၀ တင်ဆောင်လာသည့ ် အိုးရှင်းဘလူးသင်္ဘော ဆိုက်ကပ် ကားများကို နှစ်ရက်အတွင်း ထုတ်ပေးမည်

Wed, 11/09/2011 - 03:48 -- Anonymous (not verified)

                    ဂျပန်နိုင်ငံမှ တင်သွင်းလာသည့် ကားအစီးရေ ၁၁၀ တင်ဆောင်လာသည့် အိုးရှင်းဘလူးသင်္ဘောသည် နိုဝင် ဘာ ၅ ရက် ညနေက ရန်ကုန်မြို့ရှိ ဆူးလေ အမှတ်(၆)ဆိပ်ကမ်းသို့ ဆိုက် ရောက်လာခဲ့ကြောင်း သိရသည်။ အဆိုပါသင်္ဘောသည် အောက်တိုဘာလ ၁၃ ရက်က ဂျပန်နိုင်ငံမှထွက် ခွာလာခြင်းဖြစ်ပြီး လမ်းခရီးတွင် စင်ကာပူနိုင်ငံနှင့် ဘင်္ဂလားဒေ့ရှ်နိုင်ငံတို့သို့ ဆိုက်ကပ်ပြီးမှ ရန်ကုန်မြို့သို့ ဆိုက်ရောက်လာခြင်းဖြစ်ကြောင်း သိရသည်။ အဆိုပါ အိုးရှင်းဘလူး ကား ကယ်ရီယာသင်္ဘောသည် ပထမဦးဆုံး အကြိမ်အဖြစ် မြန်မာနိုင်ငံသို့ ဆိုက်ရောက်လာခြင်းဖြစ်ကြောင်း သိရသည်။ သင်္ဘောပေါ်တွင်ပါရှိသည့် ကားများ တွင် ဆလွန်း၊ ဟိုင်းလတ်ဆပ်(ဖ်) ကား အမျိုးအစားများ ပါဝင်ကြောင်း သိရသည်။                       အိုးရှင်းဘလူး သင်္ဘောပေါ်တွင် ပါရှိသည့်ကားများသည် ဂျပန်နိုင်ငံ၏ ဆိပ်ကမ်းသုံးခုဖြစ်သည့် ဆမ်ပိုးနား၊ နာဂိုရာနှင့် ကာဝါဆာကီတို့မှ သယ်ယူလာ ခြင်းဖြစ်ကြောင်း၊ ဆမ်ပိုးနားမှ ၃၁ စီး၊ နာဂိုရာမှ ၁၈ စီး၊ ကာဝါဆာကီမှ ၆၁ စီး စုစုပေါင်းကားစီးရေ ၁၁၀ တင်သွင်း လာခြင်းဖြစ်ကြောင်း မြန်မာ့ဆိပ်ကမ်း အာဏာပိုင်မှ ဒုတိယမန်နေဂျာ ဦးစိန် ဝင်းက ပြောကြားခဲ့ခြင်းဖြစ်သည်။                     မြန်မာ့ဆိပ်ကမ်းအာဏာပိုင် ကိုယ်စားလှယ်လုပ်ငန်းဌာနမှ ဒုတိယမန်နေ ဂျာဦးစိန်ဝင်းက "ကျွန်တော်တို့အနေနဲ့ ဆိပ်ကမ်းမှာ ကားတွေကို သင်္ဘောပေါ် မှ ချယူပြီး ပိုင်ရှင်တွေအနေနဲ့ လိုအပ် တဲ့စာရွက်စာတမ်းတွေ၊ ကျသင့်တဲ့ အခွန်အခတွေကို ပေးဆောင်ပြီးပြီ ဆိုရင် ထုတ်ယူလို့ရပါပြီ။ ကုန်စာရင်း အရ ပြောရမယ်ဆိုရင်တော့ ပုဂ္ဂလိက တွေက သွင်းလာတဲ့ ကားတွေဖြစ်ပါတယ်။ မောင်းတက် မောင်းဆင်းစနစ် ဖြစ်တဲ့အတွက် ညရေတက်ချိန်မှာ ကားတွေကို ချမှာဖြစ်ပါတယ်။ ရုံးဖွင့်တာနဲ့ ကားတွေကို စာရွက်စာတမ်းစုံပြီ ဆိုရင် ထုတ်လို့ရပါပြီ"ဟု ပြောကြားခဲ့သည်။                     နိုင်ငံတော်အစိုးရအနေဖြင့် ယာဉ်အိုယာဉ်ဟောင်းများနေရာတွင် မော်ဒယ်မြင့်ကားများ အစားထိုး တင်သွင်း ခြင်းကိစ္စများကို ဆောင်ရွက်လျက်ရှိရာ ဆိပ်ကမ်းသို့ ရောက်ရှိလာသည့် ကားများနှင့်ပတ်သက်ပြီး ပြည်သူများအနေ ဖြင့် အသေးစိတ်သိရှိလိုပါက မြန်မာ့ဆိပ်ကမ်းအာဏာပိုင် ကိုယ်စားလှယ် လုပ်ငန်းဌာနသို့ ဆက်သွယ်စုံစမ်းမေး မြန်းနိုင်ကြောင်း သိရှိရသည်။                မယ်သီတာ  

မန်းမြေကွက်များ မြို့ စွန်မှ မြို့ထဲသို့ ရွေ့လျား အရောင်းအဝယ်ဖြစ်

Wed, 11/09/2011 - 03:46 -- Anonymous (not verified)

                           မန္တလေး မြေဈေးကွက်မှာ စက်တင်ဘာလမှစပြီး အရောင်းအဝယ် ပြန်ကောင်းလာခဲ့ရာ မြို့စွန်မြေကွက်များ စတင်အရောင်းအဝယ်ရှိခဲ့ပြီး၊ ယခုလမှာ မြို့တွင်းသို့ ရွေ့လျားအရောင်း အဝယ်ရှိလာကြောင်း အိမ်ခြံမြေအကျိုး ဆောင်များထံမှ သိရပါတယ်။                       " မန္တလေး မြေဈေးကွက် အခြေအနေက အရင်နှစ်တွေထက်စာရင် ဈေးလည်းမြောက်၊ အရောင်းအဝယ် လည်းဖြစ်လာတယ်။ မနှစ်ကဆို ငွေဈေး ကမောက်ကမဖြစ်လို့ အရောင်းအဝယ်အေးတယ်။ ဒီနှစ်မှာ အခြေအနေ ပြန် ကောင်းလာတာ။ ဇန်နဝါရီလကနေ ဇူလိုင်လထိ အရောင်းအဝယ် တော်တော်သွက်ခဲ့တာ။ ဇူလိုင်လနောက်ပိုင်း စက်တင်ဘာလအထိ အရောင်းအဝယ် ပြန်အေးသွားခဲ့တာ။ စက်တင်ဘာလ နောက်ဆုံးပတ်ကစပြီး ရွှေဈေး မြင့် တက်တဲ့အရှိန်နဲ့ သီးနှံရောင်းဝယ်သမား တွေ တွက်ခြေမကိုက်လို့ မြေဘက်ရင်း နှီးမြှုပ်နံှမှုများလာတာ။ ဈေးကွက်ပြန်စ တဲ့အချိန်မှာ လက်ငုပ်ဈေးထက် အရောင်းအဝယ်ဖြစ်နေတာ။ ဈေးကွက် ပြန်စချိန်က မြို့စွန်ဘက်က မြေတွေက သိန်းရာဂဏန်းဘဲရှိတော့ အရင်းအနှီး နည်းတာတွေ ဝယ်ယူမှုများတယ်။ " နန" အကွက်ထဲမှာ ဧကကွက် ကျယ်ရှိ ၅ ကွက်၊ ၆ ကွက်လောက် ဝယ်ယူမှုတွေရှိခဲ့တာ။ ဒီလမှာ မြို့ထဲမှာပါ အရောင်း အဝယ်ဖြစ်လာပြီး ၇၃ လမ်းပေါ်မှာ ဝယ်ထားတုန်းက ကျပ်သိန်း ၈၀၀၀ ၊ အခု ကျပ်သိန်း ၁၁၀၀၀ နဲ့ ပြန်ရောင်း တယ်"ဟု ပြောပါတယ်။                      ရင်းနှီးမြှုပ်နှံမှုတွင် ပိုသေချာတဲ့ အမြတ်ရရှိမှုမှာ မြေကွက်များကို ယှဉ်နိုင်ခြင်းမရှိတဲ့အတွက် မြေရင်းနှီးမြှုပ်နံှ မှုပိုလာခဲ့ပါတယ်။ ယခုတစ်နှစ်လုံး အေးနေတဲ့ ရဲမွန်တောင်၊ ထန်းကိုးပင်မြေ ကွက်များပါ အရောင်းအဝယ်ဖြစ်လာပါ တယ်။ မြို့သစ်မြေဈေးမှာ လက်ငုပ်ဈေးထက်မကျဘဲ အရောင်းအဝယ်ဖြစ်လာပါတယ်။ မြေဝယ်ယူသူများမှာ ယခင် နှစ်များလို အခြားမြို့များမှ မြေဈေး ကွက်အတွင်း လာရောက်ဈေးကစား ခြင်းမျိုးမဟုတ်ဘဲ မြို့တွင်းမှ ကုန်သည် များ အခြားအရောင်းအဝယ်ပြုသူများ မှ မြေဈေးကွက်တွင်ပြောင်း၍ ရင်းနှီး မြှုပ်နှံခြင်းများကြောင့် ဈေးသွက်လာ ကြောင်း သိရပါတယ်။                       မြို့သစ်မြေကွက်များမှာ လလ၊ ၀၀၊ ပပ၊ နန၊ မမ၊ ဇဇ မြေကွက်များပိုပြီး အရောင်းအဝယ်သွက်ကာ ပေ ၄၀ _ ၆၀တစ်ကွက်ကို အနည်းဆုံး သိန်း ၆၀၀ နဲ့အထက် (လမ်းတင်ကွက်)ရှိပါတယ်။ မြို့တွင်းမြေဈေးမှာ ၇၃ လမ်း၊ အရှေ့ ခြမ်းမျက်နှာပွင့် ၁ ပေကို ကျပ်သိန်း ၁၅၀နဲ့၂၀၀ကြား၊အနောက်ခြမ်းမျက်နှာ ပွင့် ၁ ပေကို ကျပ်သိန်း ၂၀၀ အထက် ဈေးရှိကြောင်းသိရပါတယ်။ ဇူးဇူး

ရန်ကုန်မှာ ကားအရောင်းအဝယ် ပါးသော်လည်း အသစ်ရောက်မည့် ကားဈေးကွက် အမေးများနေ

Wed, 11/09/2011 - 03:43 -- Anonymous (not verified)

                        ရန်ကုန်မြို့တွင်းရှိ ကားပွဲစားတန်းများအတွင်း လက်ရှိသုံးစွဲနေသောကား များအရောင်းအဝယ် ကျဲနေသော်လည်း စီမံချက်အရ ယခုလအတွင်း အပ်နှံရ မည့်ကားဟောင်းများနှင့် တင်သွင်းခွင့် ပြုပြီးပါမစ်များ ဈေးကွက်လှုပ်လှုပ်ရှား ရှား ရှိနေကြောင်း၊ အပေါ်ကားများမှာ အရောင်းအဝယ်မရှိသလောက် နည်း နေကြောင်း သိရသည်။                               ပုံမှန်အားဖြင့် လက်ရှိသုံးစွဲနေ သော ရှိရင်းကားများ ရောင်းမည့်သူ များပြီး အဝယ်ပါးနေသော်လည်း ယာဉ်ဟောင်းအပ်နှံပြီး ယာဉ်သစ်သွင်း စီမံချက် အကျုံးဝင်သည့်ကားဟောင်းများ ပထမဆင့်လက်ကျန်ပါမစ် (ပြေစာ) များယခုချိန်အထိအရောင်းအဝယ်ရှိနေပြီး ကားတင်သွင်းသည့် အကျိုးဆောင် ကုမ္ပဏီများထံအပ်နှံကာ ကားသစ်ဝယ် ယူထားသည့်သူများကလည်း စုံစမ်းမှု အရ နိုင်ငံခြားသင်္ဘောတင်ရက် ဝေးနေပါက မိမိကားအား ကြိုပွိုင့်ဈေး ဖြတ်ကာ စရံယူပြီး ရောင်းချလာ ကြောင်း သိရသည်။                                ယာဉ်ဟောင်းအပ်နှံ စီမံချက် ပထမဆင့်ပါ အသစ်တင်သွင်းသည့် ကားများ တင်ဆောင်လာမည့် သင်္ဘောများယခုလပထမပတ်အတွင်း ရောက်ရှိမည်ဖြစ်ပြီးဦးဆုံး စီးရေ ၁၀၀ ကျော်ပါ ဝင်ကာ နောက်ပိုင်းစီးရေ ၁၀၀၀ ကျော် ထိဝင်ရောက်လာမည်သိရှိရသည့်အတွက် မြို့တွင်း ကားပွဲစားတန်းများအတွင်း ယင်းကိစ္စသာ အပြောများပြီး ကြိုပွိုင့် အရောင်းအဝယ်ဈေးကွက် ကျယ်ပြန့် လာကြောင်းသိရသည်။                                  သက်ဆိုင်ရာ ဌာနများမှလည်း ယာဉ်ဟောင်းအပ်နှံစီမံချက် ဒုတိယ အဆင့်အဖြစ် နိုဝင်ဘာ ၈ ရက် သတ်မှတ်ပြီး ယာဉ်အပ်နှံသူများ အဆင်ပြေစေရေးအတွက် အက္ခရာတန်း တစ်ခုပြီးမှ တစ်ခု အပ်နှံလက်ခံမည်ဖြစ်ပြီး သတ်မှတ်နောက်ဆုံးအက္ခရာဖြစ်သည့် 'န'နှင့်'ပ'အက္ခရာများမှာ မူလသတ် မှတ်ထားသော ၂၀၁၂ ခုနှစ် ဇန်နဝါရီလ မှ မတ်လအတွင်းဖြစ်သော်လည်း ယာဉ်အပ်နှံမည့်သူများ အဆင်ပြေစေရေး အတွက် ဌာနမှအချိန်ယူ ဆောင်ရွက် ပေးမည်ဖြစ်သဖြင့် မတ်လနောက်ပိုင်း ကာလထိသတ်မှတ်ရက် တိုးမြှင့်သွားနိုင် ကြောင်း သတင်းထုတ်ပြန်ချက်အရ သိရသည်။                          ယခုအခါမော်တော်ယာဉ်အရောင်း စင်တာ (Used Car Sale Center)များ နေပြည်တော်၊ ရန်ကုန်နှင့် မန္တလေးမြို့ကြီးများတွင် အမြန်ဆုံး ဖွင့်လှစ်ခွင့်ပေး သွားမည်ဖြစ်ကြောင်း သိရှိရပြီးနောက်ပိုင်း ယာဉ်သစ်တင် သွင်းစီးနင်းလိုသည့် ပုဂ္ဂိုလ်များ မျက်မြင်ရွေးချယ် ဝယ်ယူ လာနိုင်ကြပြီး ယင်းအစီအမံ ပြည့်စုံ လာသောကာလတွင် မိုဒယ်(လ်)မြင့် ယာဉ်ကောင်း ယာဉ်သန့်များ ယခုထက် ပိုမိုသက်သာသော ဈေးနှုန်းဖြင့် လူ အများ စီးနင်း လာနိုင်မည်ဖြစ်ကြောင်း ဝါရင့် ယာဉ်အကျိုးဆောင်များမှ သုံးသပ်ကြသည်။ SN

ထိုင်းနိုင်ငံတွင် ရေလွှမ်းမိုးမှုကြောင့ ် မော်တော်ကားထုတ်လုပ်မှု ၃ ဒသမ ၉ ရာခိုင်နှုန်းကျဆင်းခ့ ဲ

Tue, 11/08/2011 - 09:21 -- Anonymous (not verified)

                 ထိုင်းနိုင်ငံမှာ ရေလွှမ်းမိုးမှုတွေဖြစ်ပေါ်ခဲ့တာကြောင့် ယခုနှစ်ရဲ့နောက်ပိုင်းသုံးလအတွင်း စက် ယန္တရားနဲ့ မော်တော်ကားထုတ်လုပ်မှုတွေ ကျဆင်းသွားနိုင်တယ်လို့ ထိုင်းနိုင်ငံ စက်မှုလုပ်ငန်းဆိုင်ရာ လွှတ်တော်အဖွဲ့ရဲ့ စက်မှုယန္တရားအဖွဲ့မှ ပြောရေးဆိုခွင့်ရှိသူ နိုင်ဆူရဖုံးဖိုက်ဆစ်ဖတ်ထနဖုံးက ပြောကြား ခဲ့ပါတယ်။                     စက်မှုလုပ်ငန်းများအဖွဲ့မှ မော်တော်ကားထုတ်လုပ်မှု ၃ ဒသမ ၉ ရာခိုင်နှုန်းခန့် လျော့နည်းသွား တယ်လို့ ခန့်မှန်းခဲ့ကြပေမယ့် မော်တော်ဆိုင်ကယ်ထုတ်လုပ်တဲ့ လုပ်ငန်းတွေမှာတော့ ထိခိုက်မှုမရှိဘဲ  ပထမကိုးလမှာ ဆိုင်ကယ်အပိုပစ္စည်းများ ထုတ်လုပ်မှုကနေ ဘတ်သန်းပေါင်း ၄ ဒသမ ၇၁ သိန်းခန့် ဝင်ငွေ ရရှိခဲ့ပါတယ်။ အောက်တိုဘာလမှ ဒီဇင်ဘာလအတွင်း ကားစီးရေ ၄၅၆၁၄၁ ခန့်သာ ထုတ်လုပ် နိုင်မှာဖြစ်ကြောင်းနဲ့ ဇူလိုင်လမှ စက်တင်ဘာလအထိ ထုတ်လုပ်မှုမှာတော့ ၃ ဒသမ ၉ ရာခိုင်နှုန်းခန့် လျော့နည်းခဲ့တယ်လို့ လွန်ခဲ့တဲ့ နှစ်နောက်ဆုံး သုံးလထုတ်လုပ်မှုနဲ့နှိုင်းယှဉ်ရင် ၁ ဒသမ ၈ ရာခိုင်နှုန်းသာ ပိုမိုထုတ်လုပ်နိုင်ခဲ့ပါတယ်။                      မော်တော်ဆိုင်ကယ်ထုတ်လုပ်မှုမှာတော့ အောက်တိုဘာလအထိ ၆၂၇၆၈၁ စီး ထုတ်လုပ်နိုင်ခဲ့လို့ ဇူလိုင်လမှ စက်တင်ဘာလအထိ ထုတ်လုပ်တဲ့စီးရေ ၆၂၄၄၆၉ ထက် ပိုမိုခဲ့ကာ ၀ ဒသမ ၅၁ ရာခိုင်နှုန်း တိုးတက်ခဲ့ပါတယ်။ ထိုင်းနိုင်ငံဟာ လွန်ခဲ့တဲ့စက်တင်ဘာလမှာ ကားစီးရေ (၁၇၄၂၁၂) ထုတ်လုပ်နိုင်ခဲ့တာ ကြောင့် နှစ် ၅၀ ကာလအတွင်း ထုတ်လုပ်မှုအမြင့်ဆုံးစံချိန်တင်ခဲ့ကြောင်းနဲ့ နိုင်ငံအတွင်း အသုံးပြုဖို့နဲ့ ပြည်ပတင်ပို့ဖို့ ဇန်နဝါရီလမှ စက်တင်ဘာလအထိ ကိုးလအတွင်းမှာ မော်တော်ကား ၁၂၈၅၂၃၃ စီးနဲ့ မော်တော်ဆိုင်ကယ်စီးရေ ၂၄၉၉၁၀၂ ထုတ်လုပ်ခဲ့ပြီးဖြစ်တယ်လို့ နိုင်ဆူရဖုံးဖိုက်ဆစ်ဖတ်ထနဖုံးက ပြောကြားခဲ့တယ်လို့ သိရပါတယ်။ Source: ပလယ်ခ်ချာချပ် သတင်းစာ၊ နကသ (မြဝတီ) MIRT

ဧရာဝတီတိုင်းဒေသကြီး ပုသိမ်မြို့ အိမ်၊ ခြံ၊ မြေဈေးကွက် ဖွံ့ ဖြိုးလာ ယခင်ထက် ဈေးနှုန်းမြင့်ပြီး အရောင်းအဝယ်သွက်

Sun, 10/30/2011 - 09:39 -- Anonymous (not verified)

                    ဧရာဝတီတိုင်းဒေသကြီးရဲ့ အိမ်၊ ခြံ၊ မြေဈေးကွက်မှာ ယခင် ၂ နှစ်၊ ၃ နှစ် ခန့်က မြို့လယ် အချက်အချာကျသော ကုန်သည်လမ်း၊ မြေနုလမ်း၊ ရွှေစေတီ လမ်း၊ တရုတ်ကျောင်းလမ်း၊ ဈေး ညချောင်းလမ်း၊ ဘွတ်ကြီးတန်းလမ်း၊ မင်းကြီးလမ်း၊ ပေ ၄၀ _ ၆၀ မြေပိုင်  အဆောက်အအုံပါ နှစ်ထပ်အိမ်ဈေး နှုန်းမှာ ကျပ်သိန်း ၆၀၀-၁၀၀၀ မှ ယခု အချိန်တွင် အဆောက်အအုံပေါ် မူတည်၍ ကျပ်သိန်း ၂၀၀၀-၄၀၀၀ အတွင်း ဈေးနှုန်းမြင့်တက်လျက်ရှိပြီး၊ ပုသိမ်မြို့တွင်း ကမ္ဘောဇဘဏ်ဖွင့်လှစ် ထားသော မဟာဗန္ဓုလလမ်းမှာ ယခင် ကျပ်သိန်း ၁၅၀-၂၀၀ မှ ယခုလက်ရှိ ပေါက်ဈေး ကျပ်သိန်း ၂၅၀၀-၃၀၀၀ အတွင်း အရောင်းအဝယ် ဖြစ်လျက် ရှိကြောင်း သိရပါတယ်။                     ဈေးကွက်စီးပွားရေးစနစ်နဲ့အညီ ပုသိမ်မြို့တွင် ယခင်ကထက် ဘဏ် လုပ်ငန်းများဖွံ့ဖြိုးလာမှု၊ ဆန်စပါးအထူး ပြုကုမ္ပဏီနဲ့ ပုဂ္ဂလိက စက်သုံးဆီကဏ္ဍ များဖွံ့ဖြိုးမှု၊ ပြည်ပပို့ကုန် ကဏ္ဍများ နဲ့အတူ မြို့တွင်းလမ်းများတွင်လည်း ကွန်ကရစ်လမ်းများပြုပြင်ခင်းထား၍ လမ်းကောင်းမွန်မှုတို့ကြောင့် ဧရာဝတီ တိုင်းဒေသကြီး ဖွံ့ဖြိုးတိုးတက်မှုနဲ့အတူ အိမ်၊ ခြံ၊ မြေဈေး မြင့်တက်လျက် အရောင်းအဝယ်သွက်လျက်ရှိပါတယ်။                    ပုသိမ်မြို့တွင်းပိုင်းနဲ့နီးတဲ့ ရပ်ကွက် များရှိ အိမ်၊ ခြံ၊ မြေ ဈေးနှုန်းမှာလည်း ယခင်ကျပ်သိန်း ၃၀၀-၅၀၀ မှ ယခု အချိန် ကျပ်သိန်း ၁၀၀၀-၁၅၀၀ ပတ် ဝန်းကျင် ဈေးနှုန်းမြင့်တက်လျက်ရှိပြီး၊ ပုသိမ်စက်မှုဇုန်မြေဈေးမှာ ပေ ၄၀ _ ၆၀ တစ်ကွက် ကျပ် ၂၅ သိန်းမှ ယခု လက်ရှိပေါက်ဈေး ကျပ်သိန်း ၄၀- ၅၀ အတွင်း အရောင်းအဝယ် ဖြစ် လျက်ရှိကြောင်း သိရပါတယ်။ ပုသိမ် FOB ဆိပ်ကမ်းနယ်မြေနဲ့ ပေါင်းဆန် စက်ရုံတည်ဆောက်မဲ့ ပုသိမ်မြို့ ကျောက်ငူ-ဝဲဒေါင့်-မာတလမ်းမြေဈေး ကွက်မှာ ယခင် ပေ ၄၀_ ၆၀ တစ်ကွက် ၈၀-၁၀၀ ကျပ်သိန်းမှ ယခုတစ်လ၊ နှစ်လအတွင်း ကျပ်သိန်း ၄၀၀-၅၀၀ အတွင်း ဈေးနှုန်း မြင့်တက်လျက်ရှိ ကြောင်း၊ ပုသိမ်မြို့ မဟာဗန္ဓုလလမ်း " အဓိပတိ" တိုက်အိမ်၊ ခြံ၊ မြေရောင်းဝယ်ရေးလုပ်ငန်းမှ သိရပါတယ်။ မင်းမင်းဦး

ကျောက်စိမ်းအချောထည် လေးမျိုး မူဆယ်တင်ပို့ရန် One Stop Service ဖြင့် ဆောင်ရွက်ပေးမည်

Sun, 10/30/2011 - 09:32 -- Anonymous (not verified)

                ကျောက်စိမ်းအချောထည်လေးမျိုးလက်ကောက်၊ လွှာချပ်၊ ပုတီး၊ ပါကေး များကို မူဆယ်သို့တရားဝင် တင်ပို့ရန် One Stop Service  ဖြင့် မကြာမီရက် ပိုင်းအတွင်း ဆောင်ရွက်ပေးမှာဖြစ် ကြောင်း သိရပါတယ်။                   ကျောက်စိမ်းအချောထည်ဈေးကွက် တွင် ပြည်တွင်းမှ ကျောက်စိမ်းလုပ်ငန်း ရှင်များအဆင်ပြေစေရန် တရုတ်နိုင်ငံ သို့ အချောထည်များတင်ပို့ရာတွင် နိုင်ငံ တော်အတွက် အကျိုးရှိစေရန်၊ လုပ်ငန်း ရှင်များ Carry  ဖြင့် သယ်ဆောင်ခြင်း ကြောင့် ဆုံးရှုံးမှုများရှိ၍ ဆုံးရှုံးမှုမရှိစေ ရန်၊ နိုင်ငံတော်အတွက်ရသင့်တဲ့ အခွန် အခများရရှိစေပြီး ကျောက်စိမ်းအချော ထည်ဈေးကွက် ပိုမိုတိုးတက်စေရန်ရည် ရွယ်၍ တင်ပို့ခွင့်ပြုခြင်းဖြစ်ကြောင်း၊ ကျောက်မျက်ရတနာ လုပ်ငန်းရှင်များ အသင်း (မန္တလေးရုံးခွဲ) တွဲဖက်အတွင်း ရေးမှူး ဦးလှစိုးဦးက ပြောပါတယ်။                    ကျောက်စိမ်းအချောထည် လေးမျိုးကို မူဆယ်သို့ တင်ပို့ရန်အတွက် ရန်ကုန်၊ မန္တလေးနဲ့ နေပြည်တော်တို့ တွင် ရုံးခန်းဖွင့်လှစ်ဆောင်ရွက်ရန် စီစဉ် လျက်ရှိကြောင်းသိရပါတယ်။ လတ်တ လောတွင် မန္တလေးမြို့ ၃၄ လမ်း၊ ၈၄ လမ်းနှင့် ၈၅ လမ်းကြားရှိ ကျောက်မျက် ရတနာလုပ်ငန်းရှင်များအသင်း(မန္တလေး ရုံးခွဲ) တွင် ကျောက်မျက်အချောထည် စုပေါင်းစစ်ဆေးရေးစခန်း ယာယီဖွင့် လှစ်ပြီး၊ သတ္တုတွင်းဝန်ကြီးဌာန၊ ပြည်ထဲ ရေးဝန်ကြီးဌာန၊ အကောက်ခွန်ဦးစီး ဌာန၊ မန္တလေးတိုင်းဒေသကြီး အစိုးရ ဌာနနဲ့ ကျောက်မျက်ရတနာလုပ်ငန်းရှင် များအသင်း (မန္တလေးရုံးခွဲ) တို့မှ စစ် ဆေး ဆောင်ရွက်မှာဖြစ်ကြောင်း သိရပါတယ်။                    ကျောက်မျက်ရတနာ လုပ်ငန်းရှင် အသင်း (မန္တလေးရုံးခွဲ) တွဲဖက်အတွင်း ရေးမှူး ဦးလှစိုးဦးက " ကျောက်မျက်ရတနာမှာ လောလောဆယ် ကျောက် စိမ်းအချောထည် လေးမျိုး သယ်ယူပို့ ဆောင်ခွင့်ပေးဖို့ စီစဉ်နေပါတယ်။ သယ်ဆောင်ခွင့်လိုင်စင်လုပ်ဖို့ မန္တလေးမြို့မှာ စတင်ဆောင်ရွက်မှာဖြစ်ပါတယ်။ ရုံးခန်း တည်နေရာက ၃၅ လမ်း၊ ၆၄ လမ်း ထောင့်က ကျောက်မျက်ရုံးမှာဖွင့်လှစ် ဖို့ အဆောက်အအုံဆောက်ရမှာဖြစ်တဲ့ အတွက် လောလောဆယ် အသင်းရုံး မှာ ယာယီဖွင့်လှစ်ဆောင်ရွက်ပေးမှာ ဖြစ်ပါတယ်။ သယ်ဆောင်ခွင့်လိုင်စင် ကို ကျောက်မျက်ရတနာလိုင်စင်ရှိပြီး အသင်းဝင်ထားတဲ့သူတွေကို အသင်း ထောက်ခံချက်နဲ့ ဆောင်ရွက်ပေးမယ်။ ကျောက်မျက်ရတနာ လုပ်ငန်းရှင်များ အသင်းမှာဝင်မယ်ဆိုရင် ကုမ္ပဏီရှိမှ၊ ဆိုင်ရှိမှ မဟုတ်ပါဘူး။ ကျောက်မျက် အရောင်းအဝယ်လုပ်တဲ့သူတိုင်းအသင်း ဝင်လို့ရပါတယ်" လို့ ပြောပါတယ်။                   ကျောက်မျက်ရတနာ လုပ်ငန်းရှင် များအသင်း(မန္တလေးရုံးခွဲ)တွင် အသင်း ဝင်လုပ်ငန်းရှင်ပေါင်းမှာ ယခင်နှစ်က ၂၀၀ ကျော်ရှိကြောင်း သိရပါတယ်။ ကျောက်စိမ်းအချောထည် သယ်ယူခွင့် တွင် ပန်းပုနဲ့အပွင့်လိုင်း သယ်ယူခွင့်မပြု သေးကြောင်း သိရပါတယ်။ ပြည်တွင်းမှ ကျောက်မျက်ရတနာ များကို နယ်စပ်ဒေသ ၁၉ မြို့နယ် (မိုး မောက်မြို့နယ်၊ ဝိုင်းမော်မြို့နယ်၊ မြဝတီ မြို့နယ်၊ကြာအင်းဆိပ်ကြီးမြို့နယ် ဘုရား သုံးဆူမြို့၊ တီးတိန်မြို့နယ် ကျီခါးကျေး ရွာအုပ်စု လွယ်ဂျယ်ကျေးရွာ၊ ဝိုင်းမော် မြို့နယ် ကန်ပိုက်တီးကျေးရွာ၊ ချီဗွေ မြို့နယ် ပန်းဝါ(ခေါ်) ချန်ယင်းကူးကျေး ရွာ၊ လိုင်ဝမ်ကျေးရွာ၊ တမူးမြို့နယ်၊ နန်း ယွန်းမြို့နယ် ဝန်ဆောင်ကျေးရွာ၊ ကော့ သောင်းမြို့နယ်၊နန့်ခမ်းမြို့နယ်၊ လောက် ကိုင်မြို့၊ ချင်းရွှေဟော်မြို့၊ မူဆယ်မြို့ နယ်၊ ကျိုင်းတုံမြို့နယ်၊ မိုင်းလားကျေးရွာ၊ ပန်ယန်းမြို့နယ် ပန်ဆန်းကျေးရွာ၊ ဟိုပင်မြို့နယ် နမ့်တစ်ကျေးရွာအုပ်စု၊ တာချီလိတ်မြို့နယ်၊ မိုင်းတုံမြို့နယ် ပုံပါ ကျင်ကျေးရွာအုပ်စု) တို့တွင် သယ်ယူ ရောင်းချခွင့်မပြုကြောင်း သိရပါတယ်။                   လတ်တလောတွင် မူဆယ်မြို့နယ်မှာ ကျောက်စိမ်း အချောထည်လေးမျိုးသာ သယ်ယူရောင်းချခွင့်လိုင်စင် ထုတ်ပေး ရန် မကြာမီပြုလုပ်ပေးမှာ ဖြစ်ကြောင်း သိရပါတယ်။ ဇုူးဇူး

ကြယ်နှစ်ပွင့်အဆင့်နဲ့ အောက်ရှိ ဟိုတယ်များတွင် နိုင်ငံခြားခရီးသွား ဧည့်သည် တည်းခိုခွင့်မပြု

Wed, 10/26/2011 - 04:28 -- Anonymous (not verified)

                  ကြယ်နှစ်ပွင့်အဆင့် (2 Star) နဲ့အောက်ရှိ ဟိုတယ်များတွင် နိုင်ငံခြား ခရီးသွားဧည့်သည်အား တည်းခိုခွင့်မပြုရန် သတ်မှတ်သွားမှာဖြစ်ကြောင်း ဟိုတယ်နှင့်ခရီးသွားလာရေးဝန်ကြီးဌာန၊ ဦးဆောင်ညွှန်ကြားရေးမှူး ဦလှဌေး က အောက်တိုဘာ ၁၇  ရက်တွင် မန္တလေးမြို့ စွမ်းဟိုတယ်မှာ ကျင်းပပြုလုပ် ခဲ့တဲ့ ဧည့်လမ်းညွှန်မွမ်းမံသင်တန်း ဖွင့်ပွဲအခမ်းအနားမှာ အမှာစကားပြော ကြားစဉ် ထည့်သွင်းပြောကြားခဲ့ပါတယ်။

Pages

Subscribe to RSS - ပြည်တွင်းအိမ်ခြံမြေသတင်း