ပြည်တွင်းအိမ်ခြံမြေသတင်း

နှစ်ဆန်းပိုင်းကာလ  ရန်ကုန်မြို့ ကားဈေးကွက်အခြေအနေမှာ အသစ် တင်သွင်းလာသော ကားများ ရောင်း အားရှိနေပြီးအခြားကားများပါ  အနည်း ငယ်ဈေးမာလာကြောင်းသိရသည်။နယ် ဝယ်လက်များဆင်းသဖြင့် အသစ်သွင်း ကားများ အရောင်းအဝယ်ဖြစ်နေကာ အများကြိုက်ကားများဖြစ်သော တိုယို တာမတ်(ခ်)တူး၊ တိုယိုတာကရောင်း၊ ပါဂျဲရိုး၊ အခြားဝက်ဂွန်များ ရောင်းအား ကောင်းသဖြင့် ကြိုတင်စရန် သတ်ဝယ် ယူမှုများရှိနေကြောင်း သိရသည်။ဌာနဆိုင်ရာ သတင်းများအရ ယာဉ် အို/ဟောင်းများ  အပ်နှံမှုစီးရေ နှစ် သောင်းကျော်ရှိနေပြီး ကားတင်သွင်းခွင့် ပါမစ်ထုတ်ပေးမှုမှာ စီးရေတစ်သောင်း ခုနစ်ထောင်ကျော်ရှိကြောင်း၊ ဆိပ်ကမ်း မှထုတ်ယူပြီးကားစီးရေမှာ တစ်သောင်း ကျော်နေပြီဖြစ်ကြောင်း သိရှိရသည်။

မန္တလေးတိုင်းဒေသကြီးအတွင်း ဆောက်လုပ်ရေးလုပ်ငန်းများ တွင်တွင် ကျယ်ကျယ်လုပ်ကိုင်နေတာကြောင့် အိမ် ဆောက်ပစ္စည်း၊ သံလုံးသံပြားဈေးကွက်မှာ ယခင် ၂၀၁၁ နှစ်ကုန်ပိုင်းမှာ သံလုံးတစ်တန်ကို ၃ မူးလုံး ၅၄၀၀၀၀ ကျပ်မှ ၅၅၀၀၀၀ ကျပ်၊ ၃ မတ်လုံး ၅၆၀၀၀၀ ကျပ်မှ ၅၇၀၀၀၀ ကျပ်ထိ ၁၀၀၀၀ ကျပ် ဈေးမြင့်တက်ခဲ့ကြောင်း သိရပါတယ်။

ရန်ကုန်မြို့ ကားဈေးကွက်အတွင်း ကားသစ်များပိုမိုဝင်ရောက်လာပြီးနောက်ပိုင်း ဈေးတန်းများ သိသာစွာ မကျဆင်း သော်လည်း ကြိုက်ရောင်း၊ ကြိုက်ဝယ်ဖြင့် အဝယ်ရှိနေကြောင်း၊ အထူးသဖြင့် ရောင်းတန်းဝင် လူကြိုက်များကားများဖြစ်သော တိုယိုတာ၊ မတ်(ခ်)တူး၊ ပါဂျဲရိုး၊ ဟာရီယာ၊ တိုယိုတာကရောင်း စသည်တို့မှာ ရောင်းအားရှိနေပြီး ရန်ကုန်ဝယ်လက်ထက်  နယ်ဝယ်လက်ပိုများကြောင်း သိရ သည်။

           ကျောက်တန်းမြို့ မှော်ဝန်းချောင်းအနီးတစ်ဝိုက်ရှိ ကျေးရွာများမှ မြေ ကွက်များမှာ အဝယ်လိုက်လာမှုများကြောင့် ဈေးများ အဆမတန်ခုန်တက် သွားကြောင်း သိရသည်။ ယခင်က မြေကွက်တစ်ကွက်လျှင် ကျပ်သုံးသိန်း သာရှိရာမှ ယခုအခါ မြေတစ်ကွက်လျှင် ကျပ်သိန်း ၁၀၀ ကျော်အထိ မြင့် တက်လာကြောင်း ကျောက်တန်းမြို့မှ အိမ်ခြံမြေရောင်းဝယ်ရေးသမား တစ်ဦး၏ ပြောပြချက်အရသိရသည်။

         မန္တလေးတိုင်းဒေသကြီး ပြင်ဦးလွင် မြို့နယ်တွင် စိုက်ပျိုးနိုင်သောလယ်ယာ မြေများအား  စိုက်ပျိုးရေးလုပ်ငန်း မပြု လုပ်ဘဲ   ခြံကွက်ရိုက်ရောင်းချခြင်း၊ အခြားနည်းများအသုံးပြုပါက မြေယာ ဥပဒေအရ တရားစွဲဆို အရေးယူမည် ဖြစ်ကြောင်း ပြင်ဦးလွင်မြို့နယ် စိုက်ပျိုး ရေးကြီးကြပ်မှုကော်မတီက ကြေညာ ချက် ထုတ်ပြန်ထားကြောင်း သိရပါ တယ်။