ပြည်တွင်းအိမ်ခြံမြေသတင်း

 လေလံပွဲလေးများရှိလာပြီး စက်မှုဇုန်ထုတ် ကားအရောင်းပြခန်းများတိုးလာ           ယခုလ၏ ရက်သတ္တပတ်အတွင်း ရန်ကုန်မြို့ကားဈေးကွက် အခြေအနေ မှာ ယခင်အတိုင်းပင် ဈေးကျဈေးအေး နေဆဲဖြစ်သော်လည်း အောက်ကားများ၊ CNG သုံး အငှားယာဉ်များ၊ ၂ဝဝ သိန်းနှင့် ၃ဝဝ သိန်းဝန်းကျင်သာဈေး ရှိသည့် စက်မှုဇုန်ထုတ် အဆင့်မြင့် ဟိုက်အေ့(စ်)ယာဉ်များသာ အရောင်း အဝယ်ရှိကြောင်း သိရသည်။ နေပြည်တော်တွင်လည်း လေလံ ပွဲများ ကြိုကြားကြိုကြားရှိနေပြီး ယခုလ ၂ဝ ရက်နေ့တွင်ပြုလုပ်ခဲ့သည့် လေလံပွဲနှင့် ၂၈ ရက်နေ့တွင် ပြုလုပ်မည့် လေလံပွဲများသည် အိမ်စီးကား အနည်းငယ်သာပါဝင်နေပြီး ကားကောင်းများ နည်းပါးသည်ဟု သိရသဖြင့် လူအများ စိတ်ဝင်စားမှု၊ အထူးသဖြင့် ဝယ်ရောင်း များစိတ်ဝင်စားမှု နည်းပါးခဲ့သည်။ ဒီဇင်ဘာ ၂ဝ တွင်ပင် ရန်ကုန်တွင် ကားစီးရေ ၂ဝ ကျော်ပါဝင်သည့် လေလံပွဲ တစ်ခု အရောင်းဖွင့်ခဲ့ပြီး ရန်ကုန်တွင် ကားများရှိခြင်း၊ ကားကောင်းများ ပါဝင်မှု နည်းခြင်းတို့ကြောင့် လေလံ အောင်မြင်သူများကြောင်း သိရသည်။ သို့ရာတွင် ယခုပြုလုပ်သည့် လေလံပွဲများမှာ ကားများ ဈေးကျဆင်းနေမှုကြောင့် ယခင်ကလောက် စိတ်ဝင် စားမှုမရှိခဲ့ကြောင်း အပေါ်ဝိုင်းဝါရင့် အကျိုးဆောင်များထံမှ သိရသည်။ အငှားယာဉ် သတ်မှတ်ကာလပြည့်မီ သဖြင့် ယာဉ်အမည်ပေါက်များအား ပြန်လည်ရောင်းချပေးနေသော ပါရမီ အငှားယာဉ် အက္ခရာ ၉ခ များသည် ရောင်းအားမသွက်ဘဲ အရောင်းအဝယ် အေးနေသဖြင့် ငွေသွင်းကာလအား ယခုလကုန်အထိ တိုးမြှင့်ပေးထားပြီး ဈေးနှုန်းများမှာ ယခင်အတိုင်းဖြစ်ကာ ယခုကာလတွင် အနည်းငယ် အရောင်း အဝယ်ဖြစ်ကြောင်း သိရသည်။ ယခုကာလအတွင်း လူသိများပြီး ကားပွဲစားတန်းအတွင်း အများဆုံးရှိ နေကာ လူသုံးများလာသောယာဉ်များ မှာ စက်မှုဇုန်ထုတ်အဆင့်မြင့် စူပါကပ် ဟိုက်အေ့(စ်)ယာဉ်များဖြစ်ပြီး ကား ဈေးများမှာ ကျနေသည့်ကြားမှာပင် သတ်မှတ်ဈေးတစ်ခု ဆွဲတင်လာနိုင် ကြောင်း၊ အဆင့်မြင့်ဇုန်ထုတ်ကား အရောင်းဌာနများမှာလည်း အချက် အချာကျရာ လမ်းမကြီးများတွင်လည်း ကောင်း၊ ယာဉ်အင်ဂျင်ဆက်စပ်ပစ္စည်း များ အရောင်းဆိုင်များရှိရာ ကျောက် ကုန်းတစ်ဝိုက်တွင် ၎င်းလုပ်ငန်းတိုးခဲျ့ ဖွင့်လှစ်လာကြပြီး လူအများ စိတ်ဝင် စားမှု ယခင်ကထက် ပိုလာသည်ကို တွေ့ရကြောင်း အပေါ်ဝိုင်းမှ ဝါရင့် ယာဉ်အကျိုးဆောင်မှ ပြောသည်။                                                           SN

 ဆက်သွယ်ရေးစခန်းပေါင်း ၁၀၀ ကျော်တွင် ဆိုလာစန် တပ်ဆင်မည်              မြန်မာ့ဆက်သွယ်ရေး စခန်းပေါင်း ၁ဝဝ ကျော်တွင် ဆိုလာစနစ် တပ်ဆင် လည်ပတ်မည်ဖြစ်ကြောင်း အဆိုပါစနစ် ကို ဆောင်ရွက်သည့် ှSolar Hut ကုမ္ပဏီမှ တာဝန်ရှိသူက ပြောသည်။ ၎င်းစနစ်တပ်ဆင်ရန် စမ်းသပ် အောင်မြင်ခဲ့ပြီး ဆက်သွယ်ရေးစခန်း များတွင် အကောင်အထည်ဖော်ခြင်း ဖြစ်ကြောင်း၊ မြန်မာ့ဆက်သွယ်ရေးလုပ်ငန်းနှင့် Solar Hut  ကုမ္ပဏီတို့ ပူးပေါင်းဆောင်ရွက်ခြင်းဖြစ်ကြောင်း သိရသည်။ ''EPC လိုင်းကို ဖြုတ်ထားပြီး ဆိုလာစနစ်နဲ့ပဲ ဆက်သွယ်ရေး တာဝါ တိုင်တွေကိုလည်ပတ်မှာပါ၊ ကချင်ပြည်နယ် ဖားကန့်ဒေသမှာ ပထမဦးဆုံးစမ်း သပ်တပ်ဆင်နေပါပြီ။ ကျန်တဲ့ဒေသမှာ ဆက်လက်တပ်ဆင်သွားမယ်၊ လျှပ်စစ် မီး အလွယ်တကူမရောက်ရှိတဲ့ နေရာ ဒေသတွေမှာ တပ်ဆင်သွားမှာပါ'' ဟု ၎င်းကပြောပြသည်။ ချင်းပြည်နယ်၊ ရှမ်းပြည်နယ်နှင့် ကချင်ပြည်နယ်များမှာ မြန်မာနိုင်ငံအတွင်း နေရောင်ခြည်ရရှိမှု အနည်းဆုံးနေရာများဖြစ်၍၎င်းနေရာ များတွင် ဦးစားပေး တပ်ဆင်သွားမည် ဖြစ်ကြောင်း သိရသည်။             ၎င်းစနစ်ကို တပ်ဆင်ခြင်းအားဖြင့် လျှပ်စစ်မီးချွေတာရာလည်း ရောက်ပြီး သဘာဝပတ်ဝန်းကျင်မှ နေရောင် ခြည်ဖြင့် စွမ်းအင်အသုံးချခြင်းကြောင့် စွမ်းအင်သက်သာရာလည်း ရောက် ကြောင်း သိရသည်။ ''ဥပမာ- မီးစက် တပ်ဆင်တဲ့နေရာမှာဆို ဆိုလာစနစ် တပ်ဆင်ထားပြီးရင် တပ်ဆင်စရာမလိုတော့ဘူး၊ မီးစက်နဲ့ အသုံးပြုရတဲ့ ကျေးဆက်သွယ်ရေးစခန်းပေါင်း ၁ဝဝ ကျော်တွင် ဆိုလာစနစ် တပ်ဆင်မည် လက်တာဝါတိုင်တွေမှာ ဦးစားပေးတပ်ဆင်မှာဖြစ်ပြီး မြို့ပေါ်က တာဝါတိုင်တွေမှာတော့ တပ်ဆင်ဖို့အစီအစဉ် မရှိသေးဘူး''ဟု ၎င်းက ဆက်လက် ပြောကြားသည်။ နေရောင်ခြည် ရရှိမှု အပေါ်မူတည်၍ နယ်မြေဒေသအလိုက် တပ်ဆင်မည်ဖြစ်သည်ဟု ၎င်းကဆိုသည်။                                                                                                                             ကိုဖြိုး

 နေပြည်တော်တွင် အိမ်စီးကား အနည်းဆုံးပါဝင်သည့ ် ကားလေလံပွဲ ကျင်းပမည်               အက္ခရာ    နေပြည်တော်  ဗဟိုစက်ပစ္စည်း စာရင်းအင်းနှင့် စစ်ဆေးရေးဦးစီးဌာန တွင် ဒီဇင်ဘာ ၂ဝ ရက်၌ကျင်းပမည့် နိုင်ငံပိုင်မော်တော်ယာဉ်များ လေလံ တင်ရောင်းချပွဲတွင် အိမ်စီးကား လေး စီးသာပါဝင်လျက်ရှိကြောင်း သိရသည်။ အဆိုပါ  လေလံပွဲတွင် ကားစီးရေ ၃၄ စီးပါဝင်ပြီး အများစုသည် ကုန်တင် ကားများဖြစ်ပြီး တရုတ်နိုင်ငံထုတ် ကား များဖြစ်ကြောင်း သိရသည်။ '' ကုန်တင် ကားတွေ   များတယ်ဆိုတာကြောင့် ရန်ကုန်ကသွားတဲ့ သူနည်းနိုင်တယ်'' ဟု ကားလေလံပွဲစားတစ်ဦးက ပြောကြား သည်။ ယခုကျင်းပမည့် ကားလေလံပွဲ တွင်မော်တော်ဆိုင်ကယ်အစီးရေ  ၄ဝဝ နဲ့ ထော်လာဂျီလေးစီး  ပါဝင်ကြောင်း၊ ကုန်တင်ကားများတွင် ဂျပန်နိုင်ငံထုတ် ဒိုင်နာကားမှသည် တရုတ်နိုင်ငံထုတ် တိုင်ဖုန်းကားများပါဝင်မှု    များပြား ကြောင်း၊  မော်တော်ဆိုင်ကယ်များမှာ လည်း အမိုျးအစားမသိ ဆိုင်ကယ်များ ပါပါဝင်လာပြီး   ထိုင်းနိုင်ငံထုတ်များ လည်း ပါဝင်လျက်ရှိကြောင်း၊ နိုင်ငံပိုင် သိမ်းဆည်းထားသည့် ကားများဖြစ်သ ဖြင့် ပြီးခဲ့သည့်ကားလေလံပွဲကဲ့သို့ လေ လံဈေးနှုန်း နည်းမည်မထင်ကြောင်း သိ ရသည်။              ယခုကျင်းပသည့်  ကားလေလံပွဲ တွင် အောင်မြင်သည့်  ကားများအား တစ်နေရာတည်းတွင်အပြီးအစီး ဆောင် ရွက်နိုင်သည့် One Stop Service  ပြုလုပ်ပေးသွားမည်ဖြစ်ကြောင်း သိရ သည်။ '' လေလံပွဲသွားကြတဲ့သူတွေက နယ်မြို့ကဆိုင်ကယ်သမားတွေ  များနိုင် တယ်၊ဆိုင်ကယ်တွေက လေလံတင်တာ တစ်အားများလာတယ်၊  လိုင်စင်လည်း တစ်ခါတည်းရမှာဆိုတော့ စိတ်ဝင်စား ကြတယ်''ဟု ပြောကြားသည်။ အဆိုပါ လေလံပွဲတွင် အောင်မြင်သည့်ကားများ သည် လက်ရှိ နောက်ဆုံးထုတ်ပေးနေ သည့် ၆ဂ/နံပါတ်များ ရရှိကြမည်ဖြစ် ပြီး ကုန်တင်ကားများသည် ကြားနံပါတ် သာ ရရှိနိုင်ကြောင်း သိရသည်။ လက်ရှိ ကားဈေးကွက်သည် အောက်ကားများ သာ  အရောင်းအဝယ်  ဖြစ်နေခြင်း ကြောင့်  လေလံပွဲသို့  သွားရောက်သူ နည်းပါးနိုင်ပြီး လိုင်စင်မဲ့ကားများကိုသာ စိတ်ဝင်စားမှု များပြားလျက်ရှိကြောင်း သိရသည်။                  ကိုဖြိုး

 မော်တော်ယာဉ်တစ်စီး ဆီတစ်ခါသာ ထုတ်ခွင့် ရှိရန် အရောင်းဆိုင်များက ပြင်ဆင်မှုများပြုလုပ်လာ                 ပြင်ပဓာတ်ဆီဈေးနှုန်းများ မြင့်တက်လာမှုကြောင့် မော်တော်ယာဉ်များမှာ ဆီဆိုင်များတွင် တစ်နေ့တည်း နှစ်ခါ၊ သုံးခါ တန်းစီမှုများ ပြုလုပ်လာသောကြောင့် မော်တော်ယာဉ် တစ်စီးလျှင် တစ်ခါသာ ဆီထုတ်ခွင့်ရှိရန် ဆီဆိုင်များ မှပြင်ဆင်မှုများ ပြုလုပ်လာကြောင်း မော်တော်ယာဉ်မောင်း တစ်ဦးက ပြောကြားသည်။၏           ဆိုင်ဈေးနဲ့ယှဉ်ရင် ဓာတ်ဆီ(ပြင်ပ)ပေါက်ဈေးက အရမ်း ကို မြင့်နေတယ်။ တစ်ဂါလန်ကို အမြတ်ကြီးပဲ ၆ဝဝ၊ ၇ဝဝ လောက်ရတော့ ကားတွေက နှစ်ခါ၊သုံးခါ ပြန်တန်းစီပြီး ဆီထုတ်ရောင်းစားကြ တယ်။ အပြင်ပေါက်ဈေးက တစ်ဂါလန် ကို ၃၄ဝဝ ကျပ်လောက်ရှိတယ်။ သူတို့ ကားတွေကနေ တစ်ဂါလန်ကို ၃၁ဝဝ/၃၂ဝဝ ကျပ်အထိပေးပြီး ပြန်ဝယ်ကြတယ်။ ဒီတော့ဆီဆိုင်တွေက အမှန်တကယ် ဆီလိုအပ်တဲ့သူတွေဆီ မရမှာစိုးလို့ ကားတစ်စီးကိုတစ်ခါသာ ဆီထုတ်ဖို့အတွက် ပြုလုပ်လာကြတယ်။ ဒီကားက တစ်ခါဆီထုတ်ပြီး နောက် တစ်ခါဆီ ပြန်လာထုတ်ရင် မရောင်းတော့ဘူး။ ဒီလောက် အထိဖြစ်လာတယ်''ဟု ယင်းက ပြောကြားသည်။ ယခုအခါတွင် တက္ကစီယာဉ်မောင်း အများစုမှာ ဓာတ်ဆီ အစား အောက်တိန်းဆီကိုသာ အစားထိုးသုံးစွဲလာကြကြောင်း လမ်းဘေးဆီဆိုင်များတွင် ဓာတ်ဆီရောင်းဈေးမှာ အောက်တိန်း ဆီဈေးထက်ပင် မြင့်တက်နေသောကြောင့် အင်ဂျင် သက်သာသော၊ ဆီစားသက်သာသော အောက်တိန်းဆီကို သာ ရွေးချယ်လာကြခြင်း ဖြစ်ကြောင်းနှင့် လက်ရှိဆီဆိုင်များ တွင် ရောင်းချပေးလျက်ရှိသော တစ်ဂါလန်ဈေးနှုန်းများမှာ ဓာတ်ဆီ ၂၅ဝဝ ကျပ်၊ အောက်တိန်းဆီ ၃၂ဝဝ ကျပ်နှင့် ဒီဇယ် ၃ဝဝဝ ကျြပ်ဖစေ် ကြာင်း သိရသည်။                                                                                                                          မင်းသန့််

 ပြင်ဦးလွင်မြို့ သီရိပဒေသာ ယာဉ်ရပ်နားစခန်းမှ ပွဲရုံတန်းနှင့်ဈေးဆိုင်ခန်းများကို အရစ်ကျစနစ်ဖြင့်ရောင်းမည်            ပြင်ဦးလွင်မြို့၊ သီရိပဒေသာယာဉ် ရပ်နားစခန်းမှ ပွဲရုံတန်းနဲ့ ဈေးဆိုင်ခန်း များကို အရစ်ကျစနစ်ဖြင့် လွတ်လပ်စွာ ရောင်းချပေးမယ်လို့သိရပါတယ်။ သီရိပဒေသာ ယာဉ်ရပ်နားစခန်း ကြီးကြပ်ရေးမှူးက '၂ဝ၁၁ ခု မတ်လ ပိုင်းမှာ ပွဲရုံတန်းကို အပြီးတည်ဆောက်မယ်။ ပွဲရုံတန်းက RC နှစ်ထပ် ၃၆ လုံး၊ အခန်းပေါင်း ၁၄၄ ခန်း ဆောက်မယ်။ တစ်ထပ်ဈေးဆိုင်ခန်းက အခန်း ၄ဝ ဆောက်ပြီးပြီ။ ၁ဝ ခန်းပဲ ရောင်းဖို့ကျန်တယ်။ မည်သူမဆို အရစ်ကျစနစ်နဲ့ ဝယ်ယူလို့ရပါတယ်'ဟု ပြောပါတယ်။             နှစ်ထပ်ပွဲရုံတန်းမှာ ယာဉ်ရပ်နား စခန်းအနောက်ဘက်မှာ ၁၅ ပေ x ၄၅ ပေ အကျယ်တည်ဆောက်ထားပြီး ရေ၊ မီး အပြည့်အစုံပါရှိမှာဖြစ်ပါတယ်။ ပွဲရုံ တန်းမှာ ပြင်ဦးလွင်ဒေသထွက် ကုန်စိမ်း များနဲ့ ကုန်မာပစ္စည်းများ အများဆုံး ရောင်းချမှာဖြစ်ပါတယ်။ နှစ်ထပ် လူနေ ပွဲရုံတန်းတစ်ခန်းလျှင် သိန်း ၃ဝဝ၊ ၃၅ဝ ကျပ်အတွင်း ၊ တစ်ထပ်ဈေးဆိုင်ခန်းမှာ တစ်ခန်းလျှင် သိန်း၁၅ဝကျပ်ဖြင့်ရောင်း ချမှာဖြစ်ကြောင်း သိရပါတယ်။ ဇူးဇူး