ပြည်တွင်းအိမ်ခြံမြေသတင်း

ကားအရောင်းအဝယ်အေးသော်လည်း စင်းလုံးချောကားများ အရောင်းအဝယ်ဖြစ်                  ရန်ကုန်မြို့ ကားဈေးကွက်၏ ဖေဖော်ဝါရီလအတွင်း အခြေအနေမှာ အရောင်းအဝယ်အကောင်းကြီးမဟုတ် သော်လည်း ကြိုကြားကြိုကြားရှိနေသဖြင့် ယခင်ကထက် အခြေအနေကောင်းနေကာ ယခုအခြေအနေမှာ ကြိုက်ရောင်းကြိုက်ဝယ်အဆင့်သာဖြစ်ကြောင်း သိရသည်။ ဖေဖော်ဝါရီလအတွင်း ပြုလုပ်ခဲ့သောလေလံပွဲများအပြီး အပေါ်ဝိုင်း ဈေးကွက်ထဲနှင့် အခြားဝိုင်း များတွင် လေလံအောင်ကား အများအပြား ဝင်ရောက်လာပြီး ပြင်ဆင်ပြီးကားများနှင့် လက်ရှိအမြင်အတိုင်း ကားများအား ဈေးတန်းနှစ်မျိုးဖြင့် ရောင်းချကြကြောင်း သိရသည်။                      လေလံကားများထဲတွင် လူကြိုက်များ အပေါ်ကား နှစ်မိုျးဖြစ်သည့် ဆပ်(ဖ်)ဝက်ဂွန်နှင့် ပါဂဲျရိုးကားများမှာ လေလံဈေး သင့်သော်လည်း ရောင်းလိုသူများက အဆင့်မြင့်ပြင်ဆင်ကာ မော်လ်ဒယ်ချင်းတူလျှင် ပိုသန့်သည့်ကားအား ကြိုက်ဈေးခေါ် ရောင်းချလာကြောင်းသိရသည်။ ဈေးကွက်ထဲတွင် ယခင်ရှိပြီးကားဟောင်းများ၊ လေလံကားများ၊ အခွန်ဆောင်ကားများ၊ စက်မှုဇုန်ထုတ် အဆင့်မြင့်ကားများ စသည်ဖြင့် ယခင်ကထက်အမျိုးအစားပိုစုံလာပြီး အပေါ်ကားဝယ်မည့်သူများကလည်း ဈေးချင်းတူ လျှင် စင်းလုံးချောကားသာရှာဝယ်ပြီး ခေါ်ဈေးပေးဝယ်ယူတတ်ကြောင်း သိရသည်။ လတ်တလောဈေးကွက်ထဲတွင် အရောင်းအဝယ်ဖြစ်ခဲ့သည့် လေလံအောင်ကားများ၏ ဈေးနှုန်းအချို့မှာ ၅ဂ/ဆပ်(ဖ်) ဝက်ဂွန် (၂ဝဝဝ မော်လ်ဒယ်) ၉၅ဝ မှ ၁ဝဝဝ သိန်း၊ ပါဂဲျရိုး(၉၇ ပုံပြောင်း) ၈၃ဝ မှ ၈၅ဝ သိန်း၊ ကိုရိုလာ(အစစ်စတာ) ဖင်ကောက် ၅ဂ/ ၅၃ဝ သိန်း၊ အက္ခရာ ၂ဂ/၁ဂ ဆပ်(ဖ်) ဝက်ဂွန်(၉၅ မိုဒယ်) ၅၅ဝ သိန်းမှ ၆ဝဝ သိန်းဝန်းကျင်ဖြစ်ပြီး အောက်ကားထဲတွင် ပါပလေကာ (၈၂/၈၃) မော်လ်ဒယ်များ စီအန်ဂျီသုံးတက်(က်)စီကား ဆလွန်းများ ရက်ပိုင်းအတွင်း အရောင်းအဝယ်ရှိခဲ့ကြောင်း သိရသည်။SN 

 နေပြည်တော်-ရန်ကုန် အဆင့ ်မြင့ ် အဝေးပြေးမော်တော်ယာဉ်လိုင်းအတွက် ကျပ်သိန်း ၂ဝဝဝ တန်ဘတ်စ်များ မတ်လတွင်တစ်စီး နှစ်ကုန်ပိုင်းတွင်လေးစီး ထပ်မံရောက်ရှိမည်                နေပြည်တော်-ရန်ကုန် အဆင့်မြင့် မော်တော်ယာဉ်လိုင်းအဖြစ် ပြေးဆွဲနေသည့် ကျပ်သိန်း ၂ဝဝဝ တန်ဖိုးရှိ Elite Express ကားများ မတ်လပထမအပတ် တွင် တစ်စီး ယခုနှစ် နှစ်ကုန်ပိုင်းတွင် လေးစီး ထပ်မံရောက်ရှိမည်ဖြစ်ကြောင်း၊ အဆိုပါ ယာဉ်လိုင်းတာဝန်ခံ ဦးထွန်းမြင့်စံက ပြောကြားသည်။ ၎င်းယာဉ်လိုင်းသစ်ကို ပထမ အဆင့် သုံးစီးဖြင့် နေပြည်တော်- ရန်ကုန် ခရီးစဉ်တွင် စတင်ပြေးဆွဲလျက် ရှိပြီး မလေးရှားနိုင်ငံမှ တင်သွင်းခဲ့ခြင်း ဖြစ်ကြောင်း ဆွီဒင်နိုင်ငံမှ ထုတ်လုပ် ခြင်းဖြစ်ပြီး သဘာဝပတ်ဝန်းကျင် ထိန်းသိမ်းခြင်းအတွက် ကာဗွန်ဒိုင် အောက်ဆိုက်ဓာတ်ငွေ့ လျှော့ချထား သော ကားများဖြစ်ကြောင်း သိရသည်။ ၂ဝ၁၁ ခုနှစ် နှစ်ကုန်ပိုင်းတွင် ကား လေးစီး ထပ်မံရောက်ရှိလာမည်ဖြစ်ရာ စုစုပေါင်း ရှစ်စီးဖြင့် နေပြည်တော်ကို ဗဟိုပြု၍ နေပြည်တော်-ရန်ကုန် ခရီးစဉ်အပြင် နေပြည်တော်-မန္တလေး၊ နေပြည်တော်-တောင်ကြီးခရီးစဉ်များကို တိုးခဲျ့ပြေးဆွဲသွားမည် ဖြစ်ကြောင်း သိရသည်။ ၎င်းယာဉ်လိုင်းမှာ လက်ရှိ ပြေးဆွဲနေသော ယာဉ်လိုင်းများနှင့် ကွဲပြားခြားနားချက်များ ပါဝင်ကြောင်း သိရသည်။''တစ်ဦးကို နားကြပ်တစ်ခုစီနဲ့ မိမိစိတ်ကြိုက် ဖျော်ဖြေရေး အစီ အစဉ်ကို ခံစားရမှာ ဖြစ်ပါတယ်။ ဖုန်းနဲ့ အခြား အီလက်ထရောနစ်ပစ္စည်းများ အားသွင်းနိုင်ဖို့ ပလပ်ပေါက်တွေလည်း ထားပေးထားပါတယ်။ ကားပေါ်မှာ ရေခဲသတ္တာ၊ ရေနွေးဓာတ်ဘူး၊ ဘေစင် တွေ အရေးပေါ်ထွက်ပေါက် အစရှိတာ တွေပါရှိပါတယ်''ဟု အထက်ပါပုဂ္ဂိုလ် ကပြောကြားသည်။၎င်းမော်တော်ယာဉ် လိုင်းတွင် အခမဲ့ဝန်ဆောင်မှုများအဖြစ် ရေသန့်ဘူး၊ စနိုးတာဝါများ ပေးဝေခြင်း၊ ယာဉ်စီးနေစဉ် အခမဲ့ အဝင်ဖုန်း လက်ခံ ပြောဆိုခြင်း၊ ယာဉ်ပေါ်တွင် ချမ်းလျှင် ခြုံထည်ပါရှိခြင်း၊ အရေးပေါ်သုံးစွဲနိုင်ရန် အခြေခံဆေးဝါးများ ပါရှိခြင်း၊ ကြိုတင် ငွေပေး ဖုန်းကတ်များကို မူရင်းဈေး အတိုင်း ရောင်းချခြင်းစသည့်ဝန်ဆောင် မှုများကို ဝန်ဆောင်ပေးလျက်ရှိကြောင်း သိရသည်။ ယာဉ်စီးခနှုန်းထားမှာ လက်ရှိပြေးဆွဲနေသော ယာဉ်စီးခ နှုန်းထား များအတိုင်း ကျပ် ၆ဝဝဝ ဖြစ်ကြောင်း သိရသည်။                                                                          ကိုဖြိုး

 ရန်ကုန်ကားလေလံပွဲပြီးသော်လည်း အရောင်းအဝယ်အသင့်အတင့်ရှိ                   ရန်ကုန်မြို့တွင်းရှိ ကားပွဲစားဝိုင်းများတွင် ယခုတလော လေလံပွဲများအပြီး ရောက်ရှိလာသော ကားများနှင့် ယခင် ရှိပြီး ကားဟောင်းများ၊ စက်မှုဇုန်ထုတ် အဆင့်မြင့်ကားများ ပြန်လည်ဝင်ရောက်လာကြသဖြင့် အနည်းငယ်ပြန်လည် စည် ကားလာခဲ့သည်။                   လေလံပွဲမတိုင်မီရက်များက ဝယ်ရောင်းအများစုမှာ လေလံပွဲသွားနေသဖြင့် လူနည်းပြီး စည်ကားမှုလျော့သွား သော်လည်း ယခုရက်ပိုင်းအတွင်း အောက်ကား၊ အလယ် အလတ် ကားအသန့်များအနည်းငယ်ပြန်၍ အရောင်းအဝယ် ဖြစ်ကြောင်း၊ လေလံအောင်ပြီး ပြန်လည်ဆင်ယင်ရောင်းချကားများ၊ ဝယ်ယူခွင့် ပါမစ်ကျပြီးမှ တစ်ဆင့်ရောင်းချသည့် ကားများစသည်ဖြင့် အသင့်အတင့် အရောင်းအဝယ်ဖြစ်လာ ကြောင်း သိရသည်။                     သို့ရာတွင် ယခုကာလအရောင်းအဝယ်သည် ယခင်နှစ်ကုန် နှစ်လခန့်ကအောက်ကားများ ၁ဝ သိန်း၊ သိန်း ၂ဝခန့် အပေါ်ကားများ သိန်း ၅ဝ၊ သိန်း ၈ဝ ခန့် ပြန်မာခဲ့သော အခြေအနေအား မမီသော်လည်း အရင်ကနှင့်စာလျှင် အရောင်းများလာပြီး တစ်စီးစ၊ နှစ်စီးစ အရောင်းအဝယ်ဖြစ်  လာကြောင်း သိရသည်။ ယခုရက်ပိုင်း အတွင်းဝိုင်းများတွင် ၈၈ထုတ် အက်(စ်) အီး လီမိတက် (သ)အက္ခရာအား သိန်း ၂ဝဝ ခန့်ဖြင့် လည်းကောင်း၊ ၈၈ ထုတ်ကိုရိုလာဗင် ၂က (ဓာတ်ဆီ)အား သိန်း ၂၁ဝ ဖြင့်လည်းကောင်း၊ ၉၂ ထုတ် ၇က ဖင်ကောက်ဒီဇယ်စပ် အား ၃၇၅ သိန်းဖြင့် လည်းကောင်း အရောင်းအဝယ်ဖြစ်ခဲ့ ကြောင်းသိရသည်။                   ယခုလ ၁၆ ရက်က ကျင်းပပြီးစီးခဲ့သော နေပြည်တော် ကားလေလံတွင် အမြင့်ကား ဝက်ဂွန်များအများဆုံးပါဝင်ပြီး ပါဂဲျရိုးအား အဆင့်လိုက် သိန်း ၅ဝဝ မှ သိန်း ၇ဝ၀ ထိ လည်းကောင်း၊ ဆပ်(ဖ်)ဝက်ဂွန်အား အဆင့်လိုက် သိန်း ၅ဝဝ မှ သိန်း ၇ဝဝ အထက်ထိလည်းကောင်း သတ်မှတ်လေလံ အောင်ကြကြောင်း သိရသည်။                   ယခုနောက်ပိုင်း အမြင့်ကားဝယ်သည့် လူများသည် လည်း ပြုပြင်မွမ်းမံပြင်ဆင်ပြီးယာဉ်များသာ ရှာဝယ်ကြသဖြင့် လေလံအောင်ကားများအား အခြားကားထက်ပို၍ စိတ်ဝင်စားခံရခြင်းဖြစ်ကြောင်း အပေါ်ဝိုင်းမှ ဝါရင့်အကျိုးဆောင် ကိုမြင့်ကျော်မှ ပြောသည်။ SN

 မန္တလေးစက်မှုဇုန်ဈေးကွက်တွင် ကုန်တင်ယာဉ်များ အရောင်းအဝယ်ဖြစ်                 ယခုနှစ်တွင် မန္တလေးစက်မှုဇုန် ဈေးကွက်အတွင်း ကုန်တင်ယာဉ်များ အရောင်းအဝယ် ဖြစ်လျက်ရှိကြောင်း သိရပါတယ်။ လတ်တလောတွင် ကုန်သယ်ယူ ပို့ဆောင်ခြင်းများ၍ ယာဉ်ဝယ်ယူသူ များလာခြင်းကြောင့် ကားဈေးနှုန်း မြင့်တက်ပြီး ပစ္စည်းရှားလာကြောင်း ဈေးကွက်အတွင်းမှ သိရပါတယ်။ 'ဒီနှစ်မှာ ကုန်တင်ယာဉ်အသုံးပြုတာများလာတဲ့အတွက် ကားလိုအပ် ချက်ကများနေပါတယ်။ ကုန်တင်ယာဉ် အသစ်ဝင်ရောက်တာလည်း မရှိသေး တော့ရောင်းမယ့်သူနည်းပြီး ဝယ်မယ့်သူ များနေတာ။ ပြီးခဲ့တဲ့နှစ်က ဈေးငြိမ်ပြီး အရောင်းအဝယ်အေးခဲ့ပေမယ့် ဒီနှစ် ဆန်းပိုင်းကစပြီး အရောင်းအဝယ် ဖြစ်လာလို့ ဈေးမြင့်တက်လာတယ်'လို့ ကုန်တင်ယာဉ်ပွဲစားတစ်ဦးက ပြောပါတယ်။ ၁၂ ဘီးကားတစ်စီးလျှင် ယခင်က ကျပ်သိန်း ၆၅ဝ ရှိခဲ့ရာမှ ယခုကျပ်သိန်း ၇ဝဝ ဝန်းကျင်၊ ၁ဝ ဘီးကားတစ်စီးလျှင် ကျပ်သိန်း ၄၅ဝ ရှိခဲ့ရာမှ ယခုကျပ်သိန်း ၅၅ဝ ဝန်းကျင်၊ ၆ ဘီးကားတစ်စီးလျှင် ကျပ်သိန်း ၂၅ဝ ရှိခဲ့ရာမှ ယခုကျပ်သိန်း ၃ဝဝ နဲ့အထက်ထိ ဈေးမြင့်တက်လာ ကြောင်း သိရပါတယ်။ ဇူးဇူး 

 စက်မှုဇုန်ထုတ် အဆင့်မြင့်ကားများ ဦးဆောင်နေသည့် ကားဈေးကွက်           ဖေဖော်ဝါရီ လဆန်းပိုင်းတွင် တရုတ်နှစ်သစ်ကူး ပွဲတော်ကာလနှင့် တိုက်ဆိုင်နေသဖြင့် ရန်ကုန်မြို့၏ ကား  ပွဲစားတန်းများတွင် ကားဝင်ကားထွက် လူဝင်/လူထွက်ပါးကာ ဈေးတန်းမှာ လည်း အကျဖက်သို့ ဦးတည်နေခဲ့ သည်။                    ဆက်လက်ပြုလုပ် နေသည့် ကား လေလံပွဲများ၊ ၂ဝ၁၁ ခုနှစ် နှစ်လယ် အထိ ထုတ်လုပ်ခွင့်ပြုထားသော စက်မှု ဇုန်ထုတ် အဆင့်မြင့် အမ်ပီဗွီ (ဘက်စုံ သုံးလူစီးယာဉ်) များဝင်ရောက်လာခြင်း၊ ကားအရောင်းပြခန်းများ များပြားလာ ပြီး ရောင်းချလာခြင်းစသည်တို့ကြောင့် လည်း ဈေးတန်းနေပြီး အရောင်း အဝယ်ပါးကာ အကျဘက်သို့ တဖြည်းဖြည်းရောက်လာကြောင်း သိရသည်။             ကားပွဲစားတန်းများထဲတွင် ယခု ကာလခေတ်စားလာသည်မှာ စက်မှုဇုန် ထုတ် အဆင့်မြင့်ယာဉ်များဖြစ်ကာ ကားသစ်စီးနိုင်ပြီး ဈေးနှုန်းသက်သာ၍ လူအမေးများနေခြင်းဖြစ်ကြောင်း သိရသည်။ ယခုတင်သွင်းပြသနေသည့် စက်မှုဇုန်ထုတ်အဆင့်မြင့်လူစီးယာဉ်ငယ် များသည် ပြည်တွင်းစက်မှုဇုန်များတွင် တပ်ဆင်ထုတ်လုပ်ခြင်းဖြစ်သလို စက်မှု ကော်မတီ၏ သတ်မှတ်ချက်နှင့် ညီညွှတ်သဖြင့် တရုတ်နိုင်ငံမှ ယာဉ်စီးလုံး တင်သွင်းရောင်းချပေးသည့် ကားများ လည်းပါကြောင်း၊ အလားတူကုမ္ပဏီ များမှ ကိုရီးယားနည်းပညာဖြင့် တပ်ဆင် ထုတ်လုပ်ထားသည့် ကားများ လည်း ပါဝင်သဖြင့် တန်ဖိုးနည်းပြီး ပစ္စည်းစုံသော ကားသစ်များအား ကား မဝယ်ရသေးသူများအကြိုက်တွေ့လာပြီး ဝယ်ယူလာကြသဖြင့် မကြာသေးမီက ကျင်းပပြီးစီးခဲ့သော ကားအရောင်းပြပွဲ တစ်ခုအပြီးတွင် အဆိုပါတရုတ်နိုင်ငံ ထွက်ကားများ လက်ကျန်မရှိလောက် အောင် ရောင်းချရကြောင်း သိရသည်။ ဇန်နဝါရီလအတွင်း ပြုလုပ်ခဲ့ သော နေပြည်တော်မှ ကားလေလံတွင် ယာဉ် ကောင်းများပါရှိဦး ယခုရက်ပိုင်း ဖေဖော်ဝါရီလ ပထမအတွင်း ပြုလုပ်သည့် ကားလေလံမှာ ကားစီးရေနဲပြီး လက်ကျန်ကားများသာပါကြောင်း သိရ သည်။ လာမည့်ကာလများတွင် ဂျပန် ဟွန်ဒါကုမ္ပဏီကြီးမှ ယာဉ်ထုတ်လုပ်မှု တွင် ပါဝင်လာမည်ကြားသိရ၍ လည်း ကောင်း၊ အဆင့်မြင့်ဇုန်ထုတ် ကားများ သာမက ပြည်ပနှင့် ဖက်စပ်ထုတ်မည့် ကားများ စသည်ဖြင့် ရွေးချယ်စရာများ လာသဖြင့် နောက်ပိုင်းကားဈေးကွက် မှာ ဝယ်သူဈေးကွက် ဖြစ်လာနိုင်သည် ဟု ဝါရင့်ယာဉ်အကျိုးဆောင်များမှ ဆိုကြသည်။ SN