ပြည်တွင်းအိမ်ခြံမြေသတင်း

အခွန်ဆောင်ပြီးကားများသာ အဝယ်ရှိပြီး ပုံမှန်ကားများ အရောင်းများ အဝယ်ရှားနေ                                             ယခုနှစ်ဇူလိုင်လအတွင်းမှစတင်၍ ဆောင်ရွက်ပေးခဲ့သည့် လိုင်စင်မဲ့ကားများ ၈၅ရာခိုင်နှုန်း အခွန်ငွေပေးသွင်းကာ တရားဝင်ယာဉ် မှတ်ပုံတင်ပေးခြင်းသည် သက် တမ်းတစ်လစွန်းစွန်း ရှိလာသည့်အချိန်တွင် အခွန်ပေးသွင်းပြီး  ယာဉ်မှတ်ပုံတင် သည့်လူအတော်အသင့် များလာပြီး နေရာစုံမှ ရန်ကုန်ကားဈေးကွက်နှင့် မန္တလေး ကားဈေးကွက်အခြေပြု၍နောက်ဆုံးအက္ခရာဖြင့် ကားသစ်ကားဆန်းများဈေး ကွက် အတွင်းသို့ အတော်များများ ဝင်ရောက်လာကြောင်း သိရသည်။       ဈေးကွက်အတွင်း ဝင်ရောက်လာသော အခွန်ဆောင်ပြီးကားများသည် ပုံစံ အဆန်းအသစ်များဖြစ်ခြင်း၊ ကားသန့်ခြင်းများကြောင့် လူအများ စိတ်ဝင်စားကြပြီး ဝယ်ယူရန်ရည်ရွယ် ထားသူများမှာလည်း ဈေးကွက်အတွင်း ရှိနှင့်ပြီးဖြစ်သည့်ကား ဟောင်းများထက် ယခု လတ်တလော ရောက်ရှိလာသည့် အက္ခရာ (၄ဂ/) ထွက် ကားသန့်များကိုသာ ဝယ်ယူတတ်ကြောင်း၊ အပေါ်ဝိုင်း (ဟံသာဝတီတွင်) ယခင်ရှိ ပြီး ကားဟောင်းများ ရောင်းသည့်လူများကာ အဝယ်ရှားနေပြီး တစ်စီးတစ်လေ ဝယ်မည့်သူရှိပါကလည်း အခွန်ဆောင်ပြီး နောက်ဆုံးထုတ် အက္ခရာထွက် ကား များနှင့် ယှဉ်သော်ရောင်းပန်းမလှဖြစ်နေသဖြင့် ဈေးနှိမ်ကာ ဝယ်တတ်ကြောင်း သိရသည်။       ယခုအခါ အပေါ်ဝိုင်းနှင့် အခြားနေရာများတွင် လူမေးများ၊ လူကြိုက်များ သည်မှာ ပုံစံထူးခြားလှသည့် (၄ဂ/) ယာဉ်များဖြစ်ပြီး ကွက်ပျောက်ကားများ (ယခင် အရောင်းအဝယ်သိပ်မဖြစ်၊ လိုင်းမဝင်ဟု သတ်မှတ်ထားသည့်ကား)သာ ဖြစ်ကာ ဂျပန်နိုင်ငံ လုပ်ကား များသာမက ထိုင်းနိုင်ငံလုပ်ကားများလည်း ပါဝင်နေကြောင်း သိရသည်။ ၎င်းတို့၏ ဈေးတန်းမှာ အသွင်ဆန်းမော်ဒယ်ဖြစ်သဖြင့် ဈေးများသည်ဟု မဆိုသာဘဲ အလှအပကြိုက်သူများမှာ ကွက်ပျောက်ကားများ ဝယ်စီးကြကြောင်း၊ ပြီးခဲ့သည့် မိုးဦးကျကာလက သိန်း ၇ဝဝ စွန်းစွန်းခန့် ဈေးကွက်ရခဲ့သော (၂ဝဝ၁) မော်ဒယ်လ် အစစ်စတာ(ဖင်ခုန်း)၊ ဗင်များမှာ ယခုအခါ သိန်း ၅ဝဝ စွန်းစွန်းဖြင့်သာ ဝယ်ယူလာနိုင်ပြီး ဈေးကွက်ပျောက်မော်ဒယ်လ်မြင့်  ကားများမှာလည်း ထိုဈေး နီးနီးပင် ခေါ်ယူသဖြင့် ဈေးကွက်မှာ ကြိုက်ရောင်းကြိုက်ဝယ်ဖြစ်နေကြောင်း သိရ သည်။       သို့ဖြစ်၍ လတ်တလောကား ဈေးကွက်အခြေအနေအားမေးကြည့်ရာ အခွန် ဆောင် လိုင်စင်ဝင်ပြီး မော်ဒယ်လ်မြင့် အက္ခရာမြင့် ကားများ လတ်တလော ရောင်း ပန်းလှနေပြီး ၂ဝဝ ကျပ်သိန်းဝန်းကျင် (၄ဂ/) ထွက် ကားသန့်များ အဝင်ရှိနေသဖြင့် ယခုအချိန်တွင် တတ်နိုင်သလောက်ငွေကြေးဖြင့် နောက်ဆုံးထုတ်အက္ခရာမြင့် ကား စီးနိုင်ကြောင်း အပေါ်ဝိုင်းဝါရင့်အကိုျးဆောင် ကိုမြင့်ကျော် မှပြောသည်။

 ရန်ကုန်ဈေးကွက်တွင် ကျပ်သိန်း ၂ဝဝဝ ဝန်းကျင် အိမ်ခြံမြေများ အရောင်းအဝယ်ဖြစ်      ရန်ကုန်မြို့အိမ်ခြံမြေဈေးကွက်တွင် ကျပ်သိန်း ၂ဝဝဝ ဝန်းကျင် အိမ်ခြံမြေများသာ အရောင်းအဝယ်  ဖြစ်လျက်ရှိကြောင်းသိရသည်။      ထိုသို့ဖြစ်နေရခြင်းသည် ကျပ်သိန်း ငါးထောင်နှင့် အ ထက် သောင်းဂဏန်းဝန်းကျင် အိမ်ခြံမြေဈေးနှုန်း များသည် ခေါ်ဈေးမြင့် တက်နေခြင်းကြောင့်ဖြစ်ပြီး ကွန်ဒို၊ တိုက်ခန်း ဈေးနှုန်းများမှာ ငြိမ်သက်လျက်ရှိကြောင်း သိရသည်။ ''အခွန် သက်တမ်းမကုန် ဆုံးခင် ကာလမှာဘဲ ဈေးကွက် လှုပ်ခဲ့တယ်၊ သက်တမ်းတိုးလိုက်တော့ ပြန်ငြိမ်သွားတဲ့သဘောပါ၊ ဈေးနှုန်း မြင့်တဲ့အိမ်တွေကျတော့ စောင့် ကြည့်ရမယ့်ကာလအနေနဲ့ ကိုင်ထားချင်ကြတယ်။ အဲဒီအတွက် ခေါ်ဈေးမြင့်ထား ကြတာပါ'' ဟု ယူနတီကုမ္ပဏီမှ ကိုဇော်ဇော်က ပြောကြား သည်။ ရန်ကုန်မြို့၏ အဓိကလမ်းမကြီးများဖြစ်သည့် ပြည် လမ်း၊ ကမ္ဘာအေးဘုရားလမ်း စသည်တို့ရှိ အိမ်ခြံမြေဈေးနှုန်း များကို ခေါ်ဈေး အဆမတန် မြှင့်ထားကြပြီး ဝယ်လိုသူမရှိ အောင် ပြုလုပ်ထားကြကြောင်း၊ ထိုသို့ဖြစ်ရခြင်းသည် ၂ဝ၁ဝ နောက်ပိုင်း နိုင်ငံခြား ရင်းနှီးမြှုပ်နံှမှုများဝင်ရောက် လာသည့် အခါ အိမ်ခြံမြေဈေးနှုန်းများသည် အတက်ဘက်တွင် သာရှိ နေကြခြင်းနှင့်အတူကားဈေးကွက်၊ ရွှေဈေးကွက် အခြေ အနေမတည်ငြိမ်ခြင်းတို့ကြောင့်ဖြစ်ကြောင်း သိရသည်။      လက်ရှိအိမ်ခြံမြေဈေးကွက်တွင် ကျပ်သိန်း ၂ဝဝဝ ဝန်း ကျင် မြေကွက်များ၊ ကျပ်သိန်း ၁ဝဝဝ အထက် ကွန်ဒိုတိုက် ခန်းများ၊ ကျပ် သိန်း ၂ဝဝ ဝန်းကျင်တိုက်ခန်းများ၊ မြို့တွင်းမှ ကျပ်သိန်း ၃ဝဝ ဝန်းကျင်တိုက်ခန်းများ အရောင်းအဝယ် တစ်ခိုျ့ ရှိခဲ့ကြောင်း ဈေးနှုန်း အနေအထားအရ ငြိမ်သက် လျက် ရှိပြီး ဆောက်လုပ်ရေးကုမ္ပဏီများ ၏ တိုက်ခန်း၊ ကွန်ဒို ရောင်းချမှု ပြိုင်ဆိုင်ခြင်းများအား စောင့်ကြည့် နေကြခြင်း ကြောင့်ဈေးကွက် အေးစက်နေရခြင်း ဖြစ်ကြောင်း၊ စက်မှုဇုန် မြေကွက်များအနေဖြင့် အိုးအိမ်သွင်းဈေးမြင့်တက်မှုကြောင့် ဈေးနှုန်း မြင့်တက်လာခြင်းဖြစ်ပြီး လှိုင်သာယာ စက်မှုဇုန် မြေကွက်များမှာ ဈေးနှုန်းအမြင့်ဆုံးဖြစ်ကြောင်းသိရသည်။                                                                                                                                ကိုဖြိုး

  ဘက်ထရီဈေးကွက် အတွင်းတွင်လည်း ခဲဈေးနှုန်းများ မြင့်တက်လာမှုကြောင့် ဘက်ထရီဈေးနှုန်းများ ၂၀ရာခိုင်နှုန်းခန့် မြင့်တက် လာကြောင်း ဘက်ထရီရောင်းဝယ်သူ တစ်ဦးက ပြောကြားသည်။

  မော်တော်ယာဉ်လိုင်းပေါင်းစုံ ထိန်းသိမ်းရေးကော်မတီ (မထသ)မှ (၃၈)အထူးယာဉ်လိုင်းသစ်တစ်ခု ပြေးဆွဲပေးရန် စီစဉ်နေကြောင်း သိရသည်။အဆိုပါယာဉ်လိုင်းပြေးဆွဲရန်ပြည်ပမှမကြာမီကရောက်ရှိလာသော ယာဉ်ကြီးများအနက်အစီး၂၀ကိုပြင်ဆင်မှုများပြုလုပ်နေ ပြီး မကြာမီလိုင်းဆွဲနိုင်ရန် ဆောင်ရွက် လျက်ရှိသည်။

၂ဝဝ၉-၂ဝ၁ဝ ဘဏ္ဍာနှစ်အတွက် မန္တလေးစက်မှုဇုန် မော်တော်ယာဉ် ထုတ်လုပ်ရေးအတွက်  တင်ဒါခေါ်ယူပြီး  တင်သွင်းတဲ့ကုမ္ပဏီများမှ အင်ဂျင်နှင့် ဆက်စပ်ပစ္စည်းများအားလုံးရောက်ရှိခဲ့ရာ လုပ်ငန်းရှင် ၂၆ ဦးသို့ ဖြန့်ဖြူးပေးပြီးဖြစ် လို့ လုပ်ငန်းလည်ပတ်လျက်ရှိကြောင်း သိရပါတယ်။ မန္တလေးစက်မှုဇုန် K.O မော်တော်ယာဉ်ထုတ်လုပ်ရေးမှ ဦးကိုကိုဦးက ''အင်ဂျင်နဲ့ ဆက်စပ်ပစ္စည်းတွေ ရောက်ရှိပြီဖြစ်တဲ့အတွက် လုပ်ငန်းလည်ပတ်   နေပြီ။ နောက်ထပ် တင်ဒါအသစ်ထပ်ရောက်ဖို့လဲရှိတယ်။ တင်ဒါထပ်ရောက်ပေ မယ့် စက်မှုဇုန်ထုတ်ကားတွေ ဈေးမကျနိုင်ပါဘူး။ ဂျစ်က ဝယ်လိုအားနည်းတယ်။ လိုက်ထရပ်ကတော့ လူကြိုက်များတယ်။ လိုက်ထရပ်ကို ပြင်ဦးလွင်၊ လားရှိုး၊ မကွေး၊ မုံရွာဘက်က အများဆုံးဝယ်ယူမှုရှိတယ်''လို့ ပြောပါတယ်။ ဂျပန်မော်တော်ယာဉ်များမှာ ဈေးနှုန်းကျဆင်းမှုရှိလာခဲ့ပေမယ့် စက်မှုဇုန် ထုတ် မော်တော်ယာဉ်များမှာ ပုံမှန်ဈေးဖြင့် ဈေးတန်းလျက်ရှိပါတယ်။ စက်မှုဇုန် ထုတ် မော်တော်ယာဉ်များဈေးနှုန်းမှာ  ဝယ်လိုအားပေါ်မူတည်၍ ဈေးနှုန်း အပြောင်းအလဲ ဖြစ်ပေါ်တတ်ခြင်းကြောင့် ပုံမှန်ဈေးနှုန်းဖြင့် ယခင် လေးလဝန်း ကျင်မှ ဈေးနှုန်းအတိုင်း အရောင်းအဝယ်ရှိပါတယ်။ ဈေးကွက်မှာ လိုက်ထရပ် မော်တော်ယာဉ် တစ်စီး ကျပ်သိန်း ၁၃ဝ ဝန်းကျင်၊ ဂျစ်တစ်စီး ၆၅ သိန်း ဝန်း ကျင်ရှိကြောင်း သိရပါတယ်။  ဇူးဇူး