မအူပင်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်း၊ ဒုခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းတစ်ချို့သည် ယခုဒီဇင်ဘာပထမပတ်အတွင်း မအူပင်မြို့နယ်၊ ရေလဲလမ်းတစ်လျှောက်ရှိဆန်စက်များဖြစ်သော ဝင်းသိင်္ဂီ၊ စိန်သီဟ၊ နိုင်းဝမ်းတူး၊ ကျော်ပဒေသာနှင့် ထိန်ထိန် လင်းဆန်စက်များသို့ ကွင်းဆင်းလေ့လာဆောင်ရွက်ခဲ့သည်။

         ၂၀၂၁ခုနှစ်၊ မေလ၈ ရက်မှ၁၄ ရက်ထိကာလအတွင်း မြန်မာ-တရုတ်နယ်စပ်ရှိ မူဆယ်(၁၀၅)မိုင်ကုန်သွယ်ရေးဇုန်မှ ဆန်တန်ချိန် ၉၅၀ ခန့်၊ လွယ်ဂျယ်ကုန်သွယ်ရေးစခန်းမှ ဆန်တန်ချိန် ၂၁၀၀ကျော် နှင့် ချင်းရွှေဟော် ကုန်သွယ်ရေးစခန်းမှ ဆန်တန်ချိန် ၃၀ ခန့်၊  စုစုပေါင်း တန်ချိန် ၃၀၈၀ကျော် တန်ဖိုးအမေရိကန်ဒေါ်လာတစ်ဒသမ ၂၁၀သန်းကျော် တင်ပို့ခဲ့ကြောင်း သိရသည်။ ယခင်တစ်ပတ်နှင့်နှိုင်းယှဉ်လျှင် ဆန်တန်ချိန် ၂၂၄၀/ခန့် လျော့နည်း တင်ပို့ခဲ့ပါသည်။

ကယားပြည်နယ်အတွင်း စပါးဈေးနှုန်းမှာဒီဇင်ဘာလပထမပတ်တွင် ဧည့်မထစပါး ၄၆ ပေါင်တင်း ၁၀၀ လျှင် ကျပ် ၆၆၅၀၀ ဖြင့်ဈေးနှုန်းပေါက်ရှိ၍ ဒီဇင်ဘာလဒုတိယအပတ်တွင် ၄၆ ပေါင် တင်း  ၁၀၀ လျှင် ကျပ်  ၇၀၃၀၀၀ ဈေးနှုန်း ပေါက်လျက်ရှိပြီး  တင်း ၁၀၀ လျှင် ကျပ် ၃၈၀၀၀ ကျော်ထိ ဈေးနှုန်းအနည်းငယ်တက်၍ ရွှေရင်အေး(၂) ဆန်ဈေးနှုန်းမှာ ဒီဇင်ဘာလပထမပတ်တွင် ဆန်တစ်အိတ်လျှင်ကျပ် ၃၆၀၀၀၊ တစ်ပြည်လျှင် ကျပ် ၁၇၀၀ ဖြစ်၍ ယခုအပတ်ထိ ဈေးနှုန်းတည်ငြိမ်လျက်ရှိကြောင်းဆန်ကုန်သည်တစ်ဦးထံမှသိရှိရပါသည်။         

အေးအေးမော် (ကယား)

ပြည်ပဆန်စျေးကွက်ကို လေ့လာကြည့်ပါက ၂၀၂၀ ပြည့်နှစ်၊ စက်တင်ဘာလ ၂၁ ရက်နေ့ တွင်  International Rice Market Website တွင်ဖော်ပြချက်အရ ပါကစ္စတန် ဆန်စျေးနှုန်းများမှာ ဧည့်မထ (၅ %) တစ်တန်လျှင် အမေရိကန်ဒေါ်လာ ၄၁၈ ဖြင့်လည်းကောင်း၊ ဧည့်မထ (၂၅ %) တစ်တန်လျှင် အမေရိကန်ဒေါ်လာ ၃၆၆ ဖြင့်လည်းကောင်း ဖြစ်ပေါ်ခဲ့သည်ကို သိရှိရပါသည်။ ထိုင်းဆန် စျေးနှုန်းများမှာ (၁၀၀ %) ဘီဂရိတ်ဆန် တစ်တန်လျှင် အမေရိကန်ဒေါ်လာ ၅၃၉ ဖြင့် လည်းကောင်း၊ ဧည့်မထ (၅ %) တစ်တန်လျှင် အမေရိကန်ဒေါ်လာ ၅၁၃ ဖြင့်လည်းကောင်း၊ ဧည့်မထ (၂၅ %) ဆန်တစ်တန်လျှင် အမေရိကန်ဒေါ်လာ ၄၉၄ ဖြင့်လည်းကောင်း၊ ပေါင်းဆန် တစ်တန်လျှင် အမေရိကန်ဒေါ်လာ ၅၁၃ ဖြင့်လည်းကောင်း အသီးသီး