Background
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၀၃၄ သန်းတန်ဖိုးရှိ ပဲလွန်းဖြူ တန် ၅၀ ကျော်ကို ဇူလိုင်လ ၂၅ ရက်မှ ၃၁ ရက်ထိကာလအတွင်းမှာအပို့ရှိခဲ့ပါတယ်။ ယခင်အပတ်က တော့ ပဲလွန်းဖြူ အပို့မရှိခဲ့ပါဘူး။ ဇူလိုင်လမှာ နယ်စပ်မှပဲလွန်းဖြူ ၁၁၂ တန်ခန့်နဲ့ ဧပြီလမှ ဇူလိုင်လကုန်အထိ ပဲလွန်းဖြူ ၄၄၆၀ တန်တင်ပို့ထားပြီးဖြစ်ပါတယ်။ ယခုအပတ် မူဆယ်မြေပြင်ပေါက်ဈေးက ယခင်အပတ်ကထက် တစ်တန်ကို ၆၀၇၃ ကျပ်လျော့ ကျခဲ့ပြီး ၆၃၇၆၆၈ ကျပ်ဈေးပေါက်နေပါတယ်။ တစ်ဖက်ရွှေလီပေါက်ဈေးကတော့ ၇၄၁ ဒေါ်လာဖြစ်ပြီး ယခင်အပတ်အတိုင်းပြောင်းလဲမှုမရှိဘူးလို့သိရပါတယ်။MIRT(DOBT)
ယခုတစ်ပတ် မုံရွာကုန်စည်ဒိုင် ကုလားပဲဈေးကွက်မှာ ရန်ကုန် ဝယ်လက်ပါးသွားပြီး၊ ဒေသတွင်းစက်သမားနဲ့ လက်လီအဝယ်သာ ရှိခဲ့ကာ ဈေးအနည်းငယ်အေးသွားခဲ့တာ တွေ့ရပါတယ်။
အိန္ဒိယနိုင်ငံဟာ ၂၀၁၁-၁၂ ဘဏ္ဍာနှစ်မှာ ပဲမျိုးစုံနဲ့ စားသုံးဆီတန်ဖိုး ရူပီးကုဋေ ၅၅၀၀၀ ဖိုး တင်သွင်းခဲ့ပြီး၊ ယခုနှစ်မှာ ရူးပီး ကုဋေ ၆၀၀၀၀ အထိ တင်သွင်းရဖွယ်ရှိတယ်လို့ သိရပါတယ်။ ၂၀၁၁-၁၂ မှာ အိန္ဒိယနိုင်ငံဟာ ပဲမျိုးစုံတန်ချိန် ၃ သန်းခန့်အထိ တင်သွင်းခဲ့ရပြီး၊ ဒီနှစ်မှာတော့ တန်ချိန် ၄ သန်းကနေ ၄ ဒသမ ၅ သန်းအထိ တင်သွင်းရဖို့ရှိတယ်လို့ ခန့်မှန်းထားကြပါတယ်။
ယခုတစ်ပတ် ပဲမျိုးစုံတင်ပို့မှုထဲက တန်ချိန် အများဆုံး တင်ပို့တဲ့ မတ်ပဲက တန် ၁၃၈၀၀ ကျော်နဲ့ ယခင်အပတ်တင်ပို့ မှု တန်ချိန် ၁၃၁၀၀ ကျော်ထက် ပိုမိုတင်ပို့နိုင်ပေမဲ့ ယခု တစ်ပတ် မတ်ပဲရောင်းဝယ်မှုကတော့ တန်ချိန် ၇၅၀၀ ကျော် သာရှိလို့ ယခင်အပတ်ထက် ၆၂ ရာခိုင်နှုန်းသာ အရောင်း အဝယ် ဖြစ်ခဲ့ပါတယ်။
ဇူလိုင် ၂၄ ရက်မှာ ကုလားပဲတစ်တန်ကို မွန်ဘိုင်းဈေး ကွက်မှာ ၉၂၄ ဒေါ်လာရှိခဲ့ရာက ၂၉၊ ၃၀ ရက်များမှာ ပြည် တွင်း အဝယ်ပါးပြီး ၈၉၃ ဒေါ်လာအထိ ဈေးကျဆင်းသွား ခဲ့ပါတယ်။ သြဂုတ် ၁ ရက်မှာတော့ NCDEX ကုန်စည်ဒိုင်ကို ဝယ်သူတွေ အဝင်များနေလို့ ဈေးပြန်ခိုင်မာပြီး ၉၁၉ ဒေါ်လာ ဈေးရှိနေပါတယ်။ အိန္ဒိယNCDEX ကုန်စည်ဒိုင်မှာ ကုလားပဲ ကြိုပွိုင့်ဈေးတွေက အရောင်းအဝယ်အသွက်ဆုံး သြဂုတ်လ အတွက် ရူပီး ၄၀ ဈေးပြန်တက်ပြီး ရူပီး ၄၇၃၂၀ (၈၅၃ ဒေါ်လာခန့်) ဈေးနဲ့ အရောင်းအဝယ်ဖြစ်နေပါတယ်။ကြယ်ပြာပန်း၊Source: Agriwatch.com
နိုင်ငံပိုင် အေဂျင်စီတစ်ခုဖြစ်တဲ့ PEC က နှစ်ဟောင်း မြန်မာ ပဲစင်းငုံလီမွန် တန် ၃၀၀၊ တန်ဇန်းနီးယား ပဲစင်းငုံအဟောင်း ၁၁၇ တန်ကို တင်ဒါခေါ်ယူရောင်းချခဲ့ပြီး သြဂုတ် ၁၀ ရက်မှာ တင်ဒါဖွင့်မှာ ဖြစ်ပါတယ်။ ဇူလိုင် ဒုတိယအပတ်လောက်အထိ မွန်ဘိုင်းဈေးကွက် မှာ ပဲစင်းငုံဈေးဟာ ၆၉၄-၇၂၇ ဒေါ်လာသာ ရှိပါတယ်။
ပဲတီစိမ်းရွှေဝါကလည်း ဇူလိုင် ၁၉ ရက်အထိ ၉၉၃ ဒေါ်လာ သာအမြင့်ဆုံးဖြစ်ခဲ့ရာက ၂၁ ရက်မှာ ၁၀၈၈ ဒေါ်လာအထိ ဈေး မြင့်တက်လာခဲ့ပါတယ်။ ၂၃၊ ၂၄ ရက်နေ့တွေမှာတော့ အရောင်း အဝယ်ပါးပြီး ၁၀၅၃ ဒေါ်လာကို ပြန်လည်ကျဆင်းခဲ့ရာက နောက် ရက်တွေမှာ အနည်းငယ်ဆက်လက်ကျဆင်းပြီး ဇူလိုင် လကုန်မှာ ၁၀၄၆ ဒေါ်လာနဲ့ ဈေးပိတ်ခဲ့ပါတယ်။
ဇူလိုင်လ ဒုတိယအပတ်လောက်အထိ မွန်ဘိုင်းဈေးကွက် မှာ မတ်ပဲဈေး ၆၂၃-၆၄၆ ဒေါ်လာသာရှိရာက မုတ်သုန်မိုး ပုံမှန်ထက်လျော့နည်းတဲ့ သတင်းတွေကြောင့် ဇူလိုင်တတိယ ပတ်မှာ ဒေါ်လာ ၇၀၀ ကျော်ကို ခုန်တက်ခဲ့ပြီး ၂၃ ရက်နေ့မှာ ၇၉၄ ဒေါ်လာအထိဈေးတက်လာခဲ့ပါတယ်။
အိန္ဒိယနိုင်ငံမှာ မိုးပဲစိုက်ဧရိယာကျဆင်းတဲ့ သတင်းတွေ အပြင်ပွဲတော်ရာသီအစမှာဝယ်လိုအားတိုးလာတာရယ်၊ လက်လီ သမားတွေဆီက ဝယ်လိုအားများလာတာကြောင့် ပြည်တွင်း ပဲဈေးကွက်ပုံမှန်ရှိရာမှ ခိုင်မာလာကြောင်း သတင်း ရရှိပါတယ်။
ပဲခူးတိုင်းဒေသကြီး ပြည်မြို့ရဲ့ ပဲဈေးကွက်အတွင်း ပဲသီးနှံမျိုးစုံ အရောင်းအဝယ်ဖြစ်လျက်ရှိရာ ယခုသြဂုတ် လ ဆန်းမှာ အရောင်းအဝယ်သွက်နေတဲ့ ပဲများကတော့ ပဲတီစိမ်း နဲ့ မတ်ပဲသီးနှံတို့ပဲဖြစ်ပါတယ်။ကုလားပဲ၊ ပဲစင်းငုံ၊ ပဲကြီး၊ ပဲပုပ် သီးနှံအမျိုးအစားများကတော့ လက်ကျန်လည်းအသင့် အတင့်ရှိပြီး၊ ဝင်ရောက်မှုမှာလဲ အဝင်နည်းနေခဲ့ ကြပါတယ်။